མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཉེ་ལམ། མཚོ་སྔོན་ཞིང་ཆེན་ཏང་ཨུའི་ཏང་གི་སློབ་གྲྭས་གཙོ་སྒྲུབ་བྱས་ཤིང་། མཚོ་སྔོན་ལས་བྱེད་པའི་དྲ་རྒྱའི་སློབ་གླིང་གིས་འགན་སྒྲུབ་བྱས་པའི2026ལོའི་ཁུ་ནུ་འཆད་ཁྲིད་ཆེན་མོ་ཐེངས7པ་དྲ་ལམ་དུ་སྤེལ་འགོ་བརྩམས། པེ་ཅིང་སློབ་ཆེན་དཔལ་འབྱོར་སློབ་གླིང་གི་དགེ་རྒན་ཆེན་མོ། འབུམ་རམས་པའི་མཛུབ་སྟོན་དགེ་རྒན་ཀྲང་ཡན་གྱིས《མིག་སྔའི་སྤྱི་ཁོག་དཔལ་འབྱོར་གྱི་གནས་བབ་ལ་ཞིབ་འཇུག་བརྡར་གཅོད། ལོ་སྨད་ཀྱི་འཁོར་སྐྱོད་ཁྱད་ཆོས་དང་སང་ལོའི་འཕེལ་རྒྱས་གནས་བབ》ཅེས་པའི་ཆེད་དོན་འཆད་ཁྲིད་བྱས།
འཆད་ཁྲིད་ལས་སྤུས་གསར་ཐོན་སྐྱེད་ནུས་ཤུགས་གཙོ་ཐིག་ཏུ་བྱས་ཏེ་ལོ་སྨད་ཀྱི་དཔལ་འབྱོར་འཁོར་སྐྱོད་ཁྱད་ཆོས་དང་ལོ་ལྔའི་འཆར་འགོད་བཅོ་ལྔ་པའི་སྲིད་ཇུས་ཁ་ཕྱོགས་ཐད་ནས་དབྱེ་ཞིབ་དང་འགྲེལ་ཀློག་བྱས་པར་མ་ཟད། ཚན་རྩལ་གསར་གཏོད་དང་དེང་རབས་ཅན་གྱི་ཐོན་ལས་མ་ལག་བསྐྲུན་པ། ས་ཁང་བདག་ཁོངས་འཕེལ་རྒྱས་གཏོང་སྟངས་གསར་པ། དེ་བཞིན་ཁྱབ་ཁོངས་གཙོ་བོའི་ཉེན་ཁ་འགོན་ཟོན་སོགས་ནང་དོན་ལ་དམིགས་ཏེ་མ་ལག་ལྡན་པའི་སྒོ་ནས་འགྲེལ་ཀློག་བྱས་ཏེ་འཆད་ཁྲིད་ལ་ཞུགས་པའི་ལས་བྱེད་པ་རྣམས་ཀྱིས་དཔལ་འབྱོར་གནས་བབ་ཐད་ཀྱི་རྒྱུས་ལོན་ཇེ་ཟབ་ཏུ་བཏང་། འཆད་ཁྲིད་ཀྱི་ནང་དོན་དོན་དངོས་དང་མཐུན་ཞིང་གཞི་གྲངས་ཁ་གསལ་ཡིན་པས་རང་ཞིང་གི་ཏང་ཡོན་ལས་བྱེད་པ་རྣམས་ཀྱི་ཁས་ལེན་གང་ལེགས་ཐོབ། ཚང་མས་གནས་བབ་ལ་དབྱེ་ཞིབ་དང་ཚན་རིག་དང་མཐུན་པའི་བརྡར་གཅོད་ནུས་པ་སྔར་ལས་ཆེ་རུ་གཏོང་བ་དང་། ཚན་རིག་དང་མཐུན་པའི་སྒོ་ནས་མིག་སྔའི་དཔལ་འབྱོར་འཁོར་སྐྱོད་གནས་བབ་ལ་དབྱེ་ཞིབ་བྱེད་པ། གནས་བབ་ལ་ཞིབ་འཇུག་བརྡར་གཅོད་བྱེད་པའི་ནུས་པ་དེ་རང་འགན་གཙང་སྒྲུབ་དང་ལས་སྒྲུབ་ལས་གཏོད་ཀྱི་བྱེད་ནུས་སུ་བསྒྱུར་བ་བཅས་བྱས་ཏེ་སྤུས་ཚད་མཐོ་བའི་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་ཞུ་བའི་ཐད་བསམ་བློའི་རྨང་གཞི་དང་བྱེད་ནུས་ཀྱི་འདེགས་སྐྱོར་གལ་ཆེན་འདོན་སྤྲོད་བྱེད་ངེས་ཡིན་ཞེས་བསྟན།
གྲོང་ཁྱེར་དང་ཁུལ་སོ་སོའི་ལས་ཁུངས་དང་ཞིང་ཆེན་ཐད་གཏོགས་འབྲེལ་ཡོད་སྡེ་ཁག ཞིང་ཆེན་ཁོངས་གཏོགས་སློབ་གྲྭ། ཞིང་ཆེན་གྱིས་དོ་དམ་བྱེད་པའི་ཁེ་ལས་ཀྱི་ལས་བྱེད་པ་བཅས་བསྡོམས་པས་མི་སྟོང་གཅིག་དང་དགུ་བརྒྱ་ཞེ་བདུན་གྱིས་འཆད་ཁྲིད་ལ་ལྟ་ཉན་བྱས།
