མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། གསར་འགོད་པས་ཚེས15ཉིན་ཀྲུང་གོ་རྒྱལ་ཁབ་ལྕགས་ལམ་སྡེ་ཚོགས་ཚད་ཡོད་ཀུང་སི་ནས་རྒྱུས་ལོན་པ་ལྟར་ན། ད་ལོ་ནས་བཟུང་། ལྕགས་ལམ་སྡེ་ཁག་གིས་འགྲུལ་པའི་སྣ་མང་ཅན་གྱི་ཕྱིར་སྐྱོད་དགོས་མཁོ་དང་བསྟུན་ནས། འགྲུལ་པའི་སྐྱེལ་འདྲེན་སེམས་ཞིབ་མོས་རྩ་འཛུགས་བྱས་ཏེ། ཟླ1པོ་ནས་ཟླ7པའི་བར། རྒྱལ་ཡོངས་ལྕགས་ལམ་གྱིས་འགྲུལ་པ་མི་ཐེངས་དུང་ཕྱུར28སྐྱེལ་འདྲེན་བྱས་པ་དང་། དུས་མཉམ་ལས4.1%འཕར་ཏེ། ལོ་རྒྱུས་དུས་མཉམ་གྱི་ཟིན་ཐོ་གསར་བ་བསྐྲུན།
ཟླ་སྔོན་མ7གྱི་རིང་། ལྕགས་ལམ་སྡེ་ཁག་གིས་ཝུའུ་ཧན་ནས་ཞི་ཨན་བར་གྱི་མྱུར་བགྲོད་ལྕགས་ལམ་ཞི་ཅན་ཤར་ཕྱོགས་ནས་ཧྲི་ཡན་ཤར་མཚམས་དང་། ཅིན་ཧྭ་ནས་ཅན་ཏེ་བར་གྱི་མྱུར་བགྲོད་ལྕགས་ལམ་ལན་ཞི་ཤར་ཕྱོགས་ནས་ཅན་ཏེ་མཚམས་སོགས་ཀྱི་ལམ་ཐིག་གསར་པ་དང་ས་ཚིགས་གསར་པའི་ཐོན་ཁུངས་གཅིག་འདོམས་ངང་བེད་སྤྱོད་གང་ལེགས་བྱས་ཏེ། འཁོར་སྐྱོད་གཏོང་ཤུགས་ཇེ་ཆེར་བཏང་བ་དང་། རྒྱལ་ཡོངས་ལྕགས་ལམ་གྱིས་ཉིན་རེར་ཆ་སྙོམས་སུ་འགྲུལ་པའི་མེ་འཁོར11462ཤར་གཏོང་བྱས་པ་དང་། དུས་མཉམ་ལས571ཇེ་མང་དུ་བཏང་ནས། 5.2%འཕར་སྣོན་བྱུང་ཡོད།
ཁོངས་བརྒལ་འགྲུལ་པའི་སྐྱེལ་འདྲེན་ཕྱོགས་ནས། ཀོང་ཏུན་དང་ཧྲིན་ཀྲེན། ཞང་ཀང་བཅས་ཀྱི་མྱུར་བགྲོད་ལྕགས་ལམ་གྱིས་ཁོངས་བརྒལ་འགྲུལ་བ་མི་ཐེངས་ཁྲི2004.9སྐྱེལ་འདྲེན་བྱས་པ་དང་། ཀྲུང་གོ་དང་ལའོ་ཝུའོ་ལྕགས་ལམ་གྱིས་ཁོངས་བརྒལ་འགྲུལ་པ་མི་ཐེངས་ཁྲི21.4སྐྱེལ་འདྲེན་བྱས་ཏེ། དུས་མཉམ་ལས32.5%འཕར་སྣོན་བྱུང་ཡོད།
དུས་མཉམ་དུ། ལྕགས་ལམ་དང་འགྲུལ་པའི་མཉམ་འདྲེས་འཕེལ་རྒྱས་ཀྱི་ཕན་འབྲས་མངོན་གསལ་ཡིན་པ་རེད། ལྕགས་ལམ་སྡེ་ཁག་གིས་ས་གནས་སོ་སོས་རིག་གནས་ཡུལ་སྐོར་སྡེ་ཁག་དང་ཧུར་ཐག་གིས་འབྲེལ་མཐུད་བྱས་པ་དང་། ལྗོངས་ཁུལ་དང་མགྲོན་ཁང་བར་གྱི་འབྲེལ་མཐུད་ལ་ཤུགས་བསྣན་ཏེ། “ལྕགས་ལམ+ཡུལ་སྐོར”གྱི་ལས་རྣམ་གསར་པ་བྱུང་ཡོད་ཅིང་། རིག་གནས་དང་ཡུལ་སྐོར་གྱི་འཛད་སྤྱོད་ལ་ནུས་ལྡན་ངང་སྐུལ་ཁྲིད་བྱས་ཡོད། ཟླ1པོ་ནས་ཟླ7པའི་བར་རྒྱལ་ཡོངས་ལྕགས་ལམ་གྱིས་བསྡོམས་པས་ཡུལ་སྐོར་མེ་འཁོར2159ཤར་གཏོང་བྱས་ཤིང་། དེའི་ནང་ཡུལ་སྐོར་ཆེད་གཏོང་མེ་འཁོར1184ཡོད་པ་དང་། ཡུལ་སྐོར་ཆེད་ཐིག་མེ་འཁོར975ཡོད་པ་རེད། །
