མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། གྲོང་ཁྱེར་གསར་བསྒྱུར་གྱི“རྒྱལ་ཁབ་འགུལ་སྐྱོད”སྤེལ་མགོ་ཚུགས་པ་དང་། ཁྲོམ་རའི་ཚོད་རྩིས་ལྟར་ན། མ་དངུལ་གཏོང་བའི་གཞི་ཁྱོན་ལོ5ཡི་ནང་སྒོར་དུང་ཕྱུར་ཁྲི15ལ་སླེབས་ནས། རྒྱལ་ཡོངས་ཀྱི་གྲོང་ཁྱེར་དང་གྲོང་རྡལ་གྱི་གཞིས་ཁུལ་རྙིང་པ་ཁྲི11.5བསྒྱུར་བཀོད་བྱ་རྒྱུ་དང་། གྲོང་ཁྱེར་དང་གྲོང་རྡལ་གྱི་ཉེན་ཡོད་ཁང་རྙིང་ཁྲི50ཙམ་གསར་བསྒྱུར་བྱ་རྒྱུ་རེད། དེ་ནི“ངོ་གྲངས”ནས“ནང་གྲངས”བར་དང་། ས་འོག་སྦུག་དྲ་ནས་སྤྲིན་སྣེའི་གཞི་གྲངས་བར་རིམ་སྤོར་མཐར་ཕྱིན་བྱེད་པ་ཞིག་རེད།
འཆར་འགོད་ནང་། གཙོ་གནད་ལས་འགན་ཁག23ཁ་གསལ་བཟོས་པ་དང་འབྲེལ་ཚད་འབེབས་དམིགས་ཚད་ཁག10བཏོན་ཡོད། གྲངས་གཞི་དེ་དག་ཚང་མ་ང་ཚོའི་སྡོད་གནས་ཀྱི་མྱོང་ཚོར་དང་འབྲེལ་བ་ཡོད་པ་དེའི་ནང་གྲོང་ཁྱེར་དང་གྲོང་རྡལ་གྱི་གཞིས་ཁུལ་རྙིང་པ་ཁྲི11.5གསར་དུ་ལས་མགོ་ཚུགས་ནས་བསྒྱུར་བཀོད་བྱ་རྒྱུ་དང་། གྲོང་ཁྱེར་དང་གྲོང་རྡལ་གྱི་ཉེན་ཡོད་ཁང་རྙིང་ཁྲི50ཙམ་གསར་བསྒྱུར་བྱ་རྒྱུ། ཁྲོམ་ཁུལ་དང་བཟོ་ཁུལ་རྙིང་པ1500བསྒྱུར་བཀོད་བྱ་རྒྱུ། གྲོང་ཁྱེར་ནང་གི་གྲོང་ཚོ4000བསྒྱུར་བཀོད་བྱེད་པར་སྐུལ་འདེད་གཏོང་བ། གྲོང་ཁྱེར་གྱི་ས་འོག་སྦུག་དྲ་སྤྱི་ལེ་ཁྲི36.5འཛུགས་སྐྲུན་དང་བསྒྱུར་བཀོད་བྱ་རྒྱུ། ལུས་རྩལ་ར་བ་སྤྱི་ཆིང་ཁྲི12.8གསར་སྐྲུན་དང་བསྐྱར་སྐྲུན་བྱ་རྒྱུ། གྲོང་ཁྱེར་དང་གྲོང་རྡལ་གྱི་ཁང་པའི་རྨང་གཞིའི་ཆ་འཕྲིན་གྲངས་འཛིན་ཅན་དུ་འགྱུར་ཚད95%ཡན་ལ་བསླེབས་པར་བྱེད་པ་བཅས་ཚུད་ཡོད།
ན་ནིང་རྒྱལ་ཡོངས་ཀྱི་ས་ཁུལ་རིམ་པ་དང་དེ་ཡན་གྱི་གྲོང་ཁྱེར297དང་རྫོང་རིམ་པའི་གྲོང་ཁྱེར152ཀྱིས་གྲོང་ཁྱེར་གྱི་གཟུགས་པོར་བརྟག་དཔྱད་ལས་དོན་སྤེལ་ནས། སྡོད་ཁང་ཁྲི320དང་། གཞིས་ཁུལ་ཁྲི27། སྡེ་ཁུལ་ཁྲི3.7། ཁྲོམ་ཁུལ5300བཅས་ལ་བརྟག་བཤེར་བྱས།
སྡོད་ཁང་དང་གྲོང་ཁྱེར་གྲོང་གསེབ་འཛུགས་སྐྲུན་པུའི་འཛུགས་སྐྲུན་ནུས་རྒྱུ་གྲོན་ཆུང་དང་ཚན་རྩལ་སིའི་འགན་ཁུར་མི་སྣས་མཚམས་སྦྱོར་བྱེད་རྒྱུར། ན་ནིང་གྲོང་ཁྱེར་གྱི་གཟུགས་པོར་བརྟག་དཔྱད་ལས་དོན་ཐད་བཅོས་སྒྲིག་གྲོས་གཞིའི་གསལ་ཐོ་ཁྲི་བདུན་ལྷག་གྲུབ་པ་དང་། གྲོང་ཁྱེར་གསར་བསྒྱུར་གྱི་ལས་གཞི་ཁྲི་གཉིས་ལྷག་གྲུབ་ཡོད། ད་ལོར་གྲོང་ཁྱེར་བཙུགས་པའི་གྲོང་ཁྱེར་དུ་གྲོང་ཁྱེར་གྱི་གཟུགས་པོར་བརྟག་བཤེར་བྱེད་པའི་ལས་དོན་ཁྱོན་ཡོངས་ནས་སྤེལ་ཏེ། སྡོད་ཁང་དང་གཞིས་ཁུལ(སྡེ་ཁུལ)། ཁྲོམ་ཁུལ། གྲོང་ཁུལ་བཅས་ཕྱོགས་བཞི་ཡི་གྲོང་ཁྱེར་གྱི་གཟུགས་པོར་བརྟག་བཤེར་བྱ་རྒྱུ་རེད།
འཆར་འགོད་ལ་གཞིགས་ན།“ལོ་ལྔའི་འཆར་འགོད་བཅོ་ལྔ་པའི”རིང་གྲོང་ཁྱེར་གསར་བསྒྱུར་གྱིས་སྔོན་དཔག་བྱས་ན་མ་དངུལ་སྒོར་དུང་ཕྱུར་ཁྲི15འཇོག་རྒྱུར་སྐུལ་ཁྲིད་བྱ་རྒྱུ་རེད། ད་ལོ་ཀྲུང་དབྱང་གི་སྔོན་རྩིས་ནང་གི་ཆེད་དོན་མ་དངུལ་སྒོར་དུང་ཕྱུར970བཏང་བ་དང་། ཡུན་རིང་གི་དམིགས་བསལ་རྒྱལ་བུན་སྒོར་དུང་ཕྱུར1600ལས་བརྒལ་ཞིང་། ས་འོག་སྦུག་དྲ་སོགས་བདེ་འཇགས་ཀྱི་རྨང་གཞིའི་འཛུགས་སྐྲུན་གཙོ་གནད་དུ་བཟུང་ནས་འགན་སྲུང་བྱ་རྒྱུ་རེད། །
