རྒྱལ་ཡོངས་བོད་ཀྱི་སྐད་ཡིག་བགྲོ་གླེང་ཚོགས་འདུ་སྐབས་བདུན་པ་མཚོ་སྔོན་མི་རིགས་སློབ་གྲྭ་ཆེན་མོ་རུ་བསྡུས།

 

རྒྱལ་ཡོངས་བོད་ཀྱི་སྐད་ཡིག་བགྲོ་གླེང་ཚོགས་འདུ་སྐབས་བདུན་པ་སྤྱི་ལོ2026ལོའི་ཟླ7པའི་ཚེས11ཉིན་མཚོ་སྔོན་མི་རིགས་སློབ་གྲྭ་ཆེན་མོ་རུ་བསྡུས། སྐབས་འདིའི་བགྲོ་གླེང་ཚོགས་འདུ་ནི་མཚོ་སྔོན་མི་རིགས་སློབ་ཆེན་གྱིས་གཙོ་སྒྲུབ་བྱས་པ་དང་། ནན་ཁའེ་སློབ་ཆེན་གྱི་སྐད་བརྡ་ཞིབ་འཇུག་ཁང་། བོད་རྒྱ་སྐད་རིགས་ཞིབ་འཇུག་ལྟེ་གནས། མཚོ་སྔོན་ཞིང་ཆེན་བོད་ཀྱི་ཡིག་རྙིང་ཞིབ་འཇུག་ཚོགས་པ། ཧྲང་ཧའེ་དགེ་འོས་སློབ་ཆེན་གྱི་བོད་རིག་པའི་ཞིབ་འཇུག་ལྟེ་གནས། མཚོ་སྔོན་མི་རིགས་སློབ་ཆེན་བོད་རིག་པའི་སློབ་གླིང་བཅས་ཀྱིས་མཉམ་དུ་འགན་སྒྲུབ་བྱས་པ་ཡིན་ལ། ཚོགས་འདུའི་སྟེང་བོད་སྐད་སྐད་བརྡ་རིག་པའི་གླེང་བྱ་གཙོ་བོར་བྱས་ཏེ་ཞིབ་འཇུག་གི་གྲུབ་འབྲས་གསར་བ་དག་མཉམ་སྤྱོད་བྱས་པ་དང་། རྒྱལ་ནང་གི་ཞིང་ཆེན་བཅུ་གཅིག་དང་ལས་ཁུངས་ཞེ་གཉིས་ནས་ཐོན་པའི་བོད་ཀྱི་སྐད་ཡིག་སྐོར་ལ་ཞིབ་འཇུག་གནང་མཁན་མཁས་པ་དང་ན་གཞོན་ཞིབ་འཇུག་པ་བརྒྱ་ལྷག་ཚོགས་འདུར་ཞུགས་ཡོད། ཐེངས་འདིའི་བགྲོ་གླེང་སྟེང་བོད་ཀྱི་སྐད་བརྡའི་ཚོགས་གསུམ་གྱི་སྒྲིག་དཔྱད་པ་དང་བོད་ཀྱི་ཁ་སྐད་དང་ཡུལ་སྐད་བར་གྱི་འབྲེལ་བར་དཔྱད་པ། བོད་སྐད་དང་གཞན་པའི་གཉེན་ཚན་གྱི་འབྲེལ་བ་ཡོད་པའི་སྐད་བརྡའི་འབྲེལ་བར་དཔྱད་པ་སོགས་ནང་དོན་གཙོ་བོར་བཟུང་ནས་བགྲོ་གླེང་བྱེད་རྒྱུ་རེད།