མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ6པའི་ཚེས15ཉིན། གསར་འགོད་པས་ཞིང་ཆེན་ནགས་ལས་དང་རྩྭ་ཐང་ཅུས་ནས་རྒྱུས་ལོན་པ་ལྟར་ན། དུས་ཡུན་ཉིན70རིང་གི“2026ལོའི་བསིལ་རླུང་འགུལ་སྐྱོད”ཀྱི་རི་སྐྱེས་སྲོག་ཆགས་དང་རྩི་ཤིང་ཁྲིམས་འགལ་ཉོ་འཚོང་གི་མཉམ་འབྲེལ་ཆེད་དམིགས་བྱ་སྤྱོད་ཁྲོད། རིམ་རྩིས་གྱིས་རི་སྐྱེས་སྲོག་ཆགས་དང་རྩི་ཤིང་གི་ཁྲིམས་འགལ་གྱོད་གཞི16ཞིབ་བཤེར་ཐག་གཅོད་བྱས་པ་དང་། ཁྲིམས་འགལ་ཉེས་གསོག་གི་མི14ལ་ཁྲིམས་ལྟར་རྡུང་རྡེག་དང་ཐག་གཅོད་བྱས་པ། རི་སྐྱེས་སྲོག་ཆགས་དང་འབྲེལ་བ་ཡོད་པའི་ཁྲིམས་འགལ་ཉེས་གསོག་ཚོགས་པ2མེད་པར་བཟོས་པ། ཡུལ་དངོས་སུ་རི་སྐྱེས་སྲོག་ཆགས148དང་ཁྲིམས་འགལ་གྱི་རྔོན་ཆས་དང་ཉ་འཛིན་ཡོ་བྱད118རྩད་ཆོད་པ། རིམ་རྩིས་བྱས་ན་བསྡུ་ལེན་བྱས་པའི་དངུལ་ཆད་སྒོར་ཁྲི་བཞི་དང་སྟོང་གཉིས་སུམ་བརྒྱ་ལྷག་ཡོད།
རྒྱུས་ལོན་པ་ལྟར་ན། ཆེད་དམིགས་བྱ་སྤྱོད་དེ་ཟླ3པའི་ཚེས20ཉིན་ནས་སྤེལ་འགོ་བརྩམས་པ་དང་། ཞིང་ཆེན་ནགས་ལས་དང་རྩྭ་ཐང་ཅུས་ཀྱིས་སྡེ་ཁག10དང་མཉམ་འབྲེལ་བྱས་ཏེ་ཆེད་དམིགས་བྱ་སྤྱོད་ལ་མཐུན་སྦྱོར་ངང་སྐུལ་འདེད་བཏང་བ་དང་། རིམ་རྩིས་བྱས་ན་ལྟ་སྐུལ་ཞིབ་བཤེར་གྱི་གནས་ཡུལ་སྣ་ཚོགས11167ཡོད། འབྲེལ་ཡོད་སྡེ་ཁག་སོ་སོས་གཞོགས་འདེགས་དམ་ཟབ་དང་མཐུན་སྦྱོར་འབད་འཐབ་བྱས་ཏེ། ཕྱོགས་ཡོངས་དང་ལངས་གཟུགས་ཅན་གྱི་རི་སྐྱེས་སྲོག་ཆགས་དང་རྩི་ཤིང་སྲུང་སྐྱོང་གི་ལྟ་སྐུལ་དོ་དམ་མ་ལག་བསྐྲུན་ནས། མུ་ཕྲེང་ཡོངས་གནད་ལ་འཁེལ་བའི་སྒོ་ནས་དོ་དམ་ཚོད་འཛིན་མངོན་འགྱུར་བྱས། ཁྲིམས་འགལ་གྱིས་རྔོན་འཛིན་དང་མི་ཐབས་ལ་བརྟེན་ནས་གསོ་སྤེལ་བྱེད་པ། ཁྲོམ་རའི་ཉོ་འཚོང་། ཟོག་འགྲེམས་སྐྱེལ་འདྲེན་སོགས་འགག་རྩའི་རིམ་པར་དམིགས་ཏེ། ཁྲིམས་འཛིན་སྡེ་ཁག་གིས་འབེན་གཏད་ཆེད་དམིགས་བཅོས་སྒྲིག་བྱས་ཏེ། ཞིང་ལས་ཚོང་དོན་ཁྲོམ་ར་དང་གནའ་རྫས་ཚོང་ཁང་། མེ་ཏོག་དང་འདབ་ཆགས། ཉ་འབུ་ཁྲོམ་ར་སོགས་ཡུལ་དངོས་ཀྱི་གཙོ་གནད་གནས་ཡུལ་ལ་རྒྱུན་ལྡན་གྱི་སྐོར་ཞིབ་དང་རྒྱུན་རྣམ་ཅན་གྱི་འཕྲལ་རྒོལ་ཞིབ་བཤེར་ཡང་ཡང་བྱས་ནས། ཡུལ་དངོས་ཁྲོམ་རའི་ཁྲིམས་འགལ་གྱི་ཉོ་ཚོང་ཟང་ཟིང་གི་རྣམ་པ་གཏན་འགོག་བྱས། དེ་དང་ཆབས་ཅིག དྲ་རྒྱའི་ཁྲིམས་འགལ་ཉོ་ཚོང་གི་འབུར་ཐོན་གནད་དོན་ལ་དམིགས་ནས། དྲ་ཐོག་ཏུ་རི་སྐྱེས་སྲོག་ཆགས་དང་རྩི་ཤིང་གི་ཁྲིམས་འགལ་ཉོ་འཚོང་དང་ཆ་འཕྲིན་བརྒྱུད་སྤེལ་སོགས་སྒྲིག་འགལ་བྱ་སྤྱོད་ལ་བཅོས་སྒྲིག་ནན་མོ་བྱས་ནས།“དྲ་ཐོག་ཏུ་ལྟ་ཞིབ་ཚད་ལེན་དང་ཡུལ་དངོས་སུ་ཁྲིམས་འཛིན”གྱི་མཉམ་འགུལ་ལྟ་སྐུལ་དོ་དམ་རྐྱེན་སྲོལ་བཙུགས་ནས། རི་སྐྱེས་སྲོག་ཆགས་དང་རྩི་ཤིང་གི་ཁྲིམས་འགལ་ཉོ་ཚོང་དྲ་ཐོག་ཏུ་བརྒྱུད་སྤེལ་དང་ཡུལ་དངོས་སུ་འཁོར་རྒྱུག་བྱེད་པའི་ཐབས་ལམ་བཀག་འགོག་བྱས།
རང་ཞིང་གིས་བྱ་རིགས་སྲུང་སྐྱོབ་བྱ་བ་དེ“1+4”ཡི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་མ་ལག་དང་། ནགས་ཚལ(རྩྭ་ཐང)ལམ་ལུགས་ཀྱི་གཙོ་གནད་བྱ་བའི་ནང་དོན་ནང་བཅུག་ནས། ས་ཁོངས་ཀྱི་ལྟ་སྐུལ་དོ་དམ་འགན་འཁྲི་རིམ་པ་བཞིན་ཇེ་བརྟན་དུ་བཏང་བ་མ་ཟད། གཞི་རིམ་གྱི་སྐྱེ་ཁམས་དོ་དམ་སྲུང་སྐྱོབ་པའི་སྐོར་ཞིབ་ཁྱད་སྟོབས་འདོན་སྤེལ་གང་ལེགས་བྱས་ཏེ། རྒྱུན་རྣམ་ཅན་དུ་རི་བོ་གཙང་སེལ་དང་ཆ་ཚང་སྒྲིག་ཆས་གཙང་སེལ། མངོན་མེད་རྐྱེན་ངན་ཆེད་དམིགས་གཙང་སེལ་བཅས་ཀྱི་བྱ་བ་སྤེལ་ནས། དྲ་མིག་ཅན་དང་འགུལ་རྣམ་ཅན། ཁྱོན་ཡོངས་ལ་ཁྱབ་པའི་རི་སྐྱེས་སྲོག་ཆགས་དང་རྩི་ཤིང་གི་སྲུང་སྐྱོབ་མ་ལག་བསྐྲུན་ཡོད།
