ཞིང་ཆེན་ཡོངས་ཀྱི་ཁྲོམ་ར་ལྟ་སྐུལ་མ་ལག་ཏུ་གྲངས་འཛིན་ཅན་གྱི་བཅོས་བསྒྱུར་ལ་བརྟེན་ནས་གཞི་རིམ་ཁྲིམས་བསྟར་རྣམ་པ་བསྐྱར་སྐྲུན་བྱས།

ཟླ5པའི་ཚེས20ཉིན། མཚོ་སྔོན་ཞིང་ཆེན་ཁྲོམ་ར་ལྟ་སྐུལ་དོ་དམ་ཅུས་ཀྱིས་ཕྱི་ཕྱོགས་སུ་ལས་ཀའི་གྲུབ་འབྲས་གསར་ཤོས་ཁྱབ་བསྒྲགས་བྱས་ཤིང་། གྲངས་འཛིན་ཅན་གྱི་བཅོས་བསྒྱུར་ལ་སྐུལ་འདེད་གཏིང་ཟབ་བཏང་བ་བརྒྱུད། ཅུས་དེ་ཡིས་གཞི་རིམ་གྱི་ཁྲིམས་བསྟར་བྱེད་སྟངས་རྒྱུན་ཆད་མེད་པར་ཇེ་ལེགས་སུ་བཏང་བ་དང་། གྱོད་གཞི་ཐག་གཅོད་བྱེད་པའི་གོ་རིམ་ཇེ་ཉུང་དུ་བཏང་བ། ཕྱིར་འདྲི་ལམ་སྲོལ་འཐུས་ཚང་དུ་བཏང་བ། ལས་སྟེགས་ལས་བརྒལ་བའི་གཞི་གྲངས་སྤེལ་རེས་ཐུབ་པ་བཅས་བྱས་ནས་ཁྲོམ་རའི་ལྟ་སྐུལ་གྱིས་ལས་ཆོད་མཐོ་བའི་དམངས་ལ་སྟབས་བདེ་བསྐྲུན་པ་དང་གནད་ལ་འཁེལ་བའི་སེམས་པ་དྲོ་རུ་འཇུག་དགོས།

དེ་སྔ་གཞི་རིམ་གྱི་ཁྲིམས་བསྟར་དཔང་རྟགས་ལེན་པ་མཇུག་བསྒྲིལ་རྗེས། ལས་ཁུངས་སུ་ཕྱིར་ལོག་ནས་གྱོད་ཡིག་ལེགས་སྒྲིག་དང་རིམ་བཞིན་ཞིབ་མཆན་འགོད་དགོས་པས་བརྒྱུད་རིམ་ཧ་ཅང་མང་པོ་ཡོད། ད་ལྟ་ཁྲིམས་བསྟར་མི་སྣས་ཐད་ཀར་ལས་གཉེར་བྱ་ཡུལ་དུ་ཁུངས་སྣེ་ཕབ་འཇུག་དང་། དཔང་རྟགས་གཏན་འཁེལ། དྲ་ཐོག་ནས་ཞིབ་བཤེར་སྙན་སེང་བཅས་བྱེད་ཆོག་པ་དང་། ཚོང་ཁྱིམ་གྱི་སྒྲིག་འགལ་ཕྲན་བུ་དང་། རང་འགུལ་ངང་དག་ཐེར་ཡོ་བསྲང་བྱས་པའི་སྟབས་བདེའི་གྱོད་གཞི་གཞི་རྩའི་ཆ་ནས་ཡུལ་དངོས་སུ་ཐག་གཅོད་ཐུབ་པས། གྱོད་གཞི་ཐག་གཅོད་ཀྱི་ལས་ཆོད་དངོས་སུ་ཆེ་རུ་ཕྱིན་ནས་གཞི་རིམ་གྱི་མི་ཤུགས་ནུས་ལྡན་ངང་བཏོན་ཡོད་པ་རེད། 

ཁྲིམས་བསྟར་ཞབས་ཞུ་ཇེ་ལེགས་སུ་གཏོང་བའི་ཐད་མཚོ་སྔོན་གྱིས་དྲ་ཐོག་གྱོད་གཞིའི་དྲ་ཐོག་བཅར་འདྲི་བྱེད་ནུས་གསར་གཏོད་བྱས་ནས་དེ་སྔའི་ཞིབ་བཤེར་ཐག་གཅོད་ལ་མཐོང་ཆེན་བྱེད་པ་དང་། ཞབས་ཞུར་སྣང་ཆུང་བྱེད་པའི་ལྟ་སྐུལ་དོ་དམ་བྱེད་སྟངས་ཆིག་རྐྱང་ལ་འགྱུར་ལྡོག་བཏང་བ་རེད། གྱོད་གཞི་ཚང་མ་ཐག་གཅོད་མཇུག་བསྒྲིལ་རྗེས་ལས་སྒྲུབ་མི་སྣས་རང་འགུལ་ངང་ཁྲོམ་རའི་བྱེད་པོ་ལ་འཚམས་འདྲི་བྱེད་པ་དང་། དག་ཐེར་ལེགས་བཅོས་དོན་འཁྱོལ་བྱས་ཚུལ་ཞིབ་དཔྱད་བྱེད་པ། ལས་གཉེར་གྱི་རེ་འདུན་ལ་ནན་ཏན་གྱིས་ཉན་པ། ལས་དོན་ཇེ་ལེགས་སུ་གཏོང་རྒྱུའི་གྲོས་འགོ་བསྡུ་རུབ་བྱེད་པ། ཁྲིམས་བསྟར་གྱི་གནད་དོན་ཞིབ་ཕྲ་དུས་ཐོག་ཏུ་ཡོ་བསྲང་བྱེད་པ་བཅས་བྱས་ནས། ལྟ་སྐུལ་དོ་དམ་དང་ཁྲིམས་བསྟར་བྱ་བར་སྟོབས་ཤུགས་ཡོད་པ་དང་དྲོད་ཚད་ལྡན་དུ་འཇུག་དགོས།

གཞན་ཡང་། ཞིང་ཆེན་ཡོངས་ཀྱིས་གློག་རྡུལ་རྟགས་ཐམ་འགོད་དང་། གློག་རྡུལ་མིང་རྟགས། དྲ་ཐོག་ཡིག་ཆ་སྐྱེལ་སྤྲོད་བཅས་ཁྱོན་ཡོངས་ནས་ཁྱབ་གདལ་བཏང་ནས། ཁྲིམས་བསྟར་གྱི་བརྒྱུད་རིམ་ཧྲིལ་པོ་ཤོག་བུ་མེད་པར་འཁོར་རྒྱུག་ཐུབ་པ་བྱས་ཏེ་ཡིག་ཆ་འཁོར་རྒྱུག་འགོར་བ་དང་། ཞིབ་མཆན་འགོད་རྒྱུ་རྙོག་འཛིང་ཆེ་བ། ཡང་ཡང་རྒྱུག་པ་སོགས་ཀྱི་གནད་དོན་ཐག་གཅོད་མཐར་ཕྱིན་བྱེད་དགོས། དེ་དང་ཆབས་ཅིག་ཁྲིམས་བསྟར་མ་ལག་དང་ཁྲིམས་འཛིན་ལྟ་སྐུལ་དང་། ཁེ་ལས་ཀྱི་ཡིད་རྟོན། ཁྲོམ་རའི་བྱེད་པོའི་མཛོད་སོགས་ལས་སྟེགས་འབྲེལ་མཐུད་ལེགས་གྲུབ་བྱུང་ནས། ཆ་འཕྲིན་བཀག་སྡོམ་མེད་པར་བཟོས་ཏེ་གཞི་གྲངས་མཉམ་སྤྱོད་སྤེལ་རེས་ཐུབ་པ་དང་། སྡེ་ཁག་གི་མཐུན་སྦྱོར་ལྟ་སྐུལ་དོ་དམ་སྔར་བས་ཤར་གཏོང་ཐུབ་པ་མངོན་འགྱུར་བྱས། མིག་སྔར་ཁྲིམས་བསྟར་ལས་སྟེགས་ཐོག་རིམ་རྩིས་བྱས་ན་སྲིད་འཛིན་ཆད་གཅོད་གྱོད་གཞི23145བསྡུ་རུབ་བྱས་ནས་ལྟ་སྐུལ་དོ་དམ་གྱི་གཞི་གྲངས་ཆ་ཚང་ཞིག་ཆགས་ཡོད་པ་རེད། ཐག་གཅོད་མཇུག་སྒྲིལ་བྱས་པའི་གྱོད་གཞི604ལ་ཕྱིར་འདྲི་བྱས་པ་བརྒྱུད། རིགས་སྣ་ཚོགས་ཀྱི་ལེགས་བསྒྱུར་གྲོས་གཞི324བསྡུ་རུབ་བྱས་པས་ཁྲོམ་རའི་བྱེད་པོའི་ཡིད་ཚིམ་ཚད་100%ཟིན་ཡོད།