མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཧྭ་ཀྲུང་དགེ་འོས་སློབ་ཆེན་ཆ་འཕྲིན་ཅན་འགྱུར་གཞུང་སྒྲུབ་ཁང་གིས་བརྡ་ཐོ་སྤེལ་དོན། ཕྱོགས་ཡོངས་ནསOpenClawཡི་བཀོད་སྒྲིག་གནས་ཚུལ་ལ་ཞིབ་བཤེར་བྱ་རྒྱུ་མ་ཟད། སྤྱི་གཞུང་དྲ་བ་སྟེ་དྲ་རྒྱའི་ཞབས་ཞུ་འདོན་སྤྲོད་ཕྱོགས་ཀྱི་དྲ་ལམ་གསང་བ་ཕྱིར་མངོན་པའི་གནས་ཚུལ་དང་། དབང་ཚད་བཀོད་སྒྲིག་དང་བདེན་དཔང་དོ་དམ་གནས་ཚུལ་དམིགས་སུ་བཟུང་ནས་ཞིབ་བཤེར་བྱ་རྒྱུ་ཡིན་ལ། གལ་ཏེ་བཀོལ་སྤྱོད་ཀྱི་དགོས་ངེས་ཡོད་ན། ལམ་སེང་སྤྱི་གཞུང་དྲ་ངོས་སུ་དགོས་མེད་ཀྱི་འདྲི་ཞིབ་སྒོ་རྒྱག་རོགས། ཐོབ་ཐང་ངོས་འཛིན་དང་། ཚོད་འཛིན་འདྲི་ཞིབ། གཞི་གྲངས་གསང་རྒྱ་དང་བདེ་འཇགས་རྩིས་བཤེར་ལ་སོགས་པའི་བདེ་འཇགས་ལམ་ལུགས་འཐུས་ཚང་དུ་བཏང་ནས་དེའི་དབང་ཚད་ཁྱབ་ཁོངས་ལ་ཚད་བཀག་ནན་མོ་འཛིན་རྒྱུ། དེ་མིན་ཆ་འཕྲིན་ཅན་གཞུང་སྒྲུབ་ཁང་གིས་བཀོད་སྒྲིག་བྱས་པའི་ཞབས་ཞུ་ཆས་ཀྱི་སྟེང་དུOpenClawསྒྲིག་སྦྱོར་བྱེད་མི་རུང་ཞིས་བསྟན་ཡོད།
ཝུའུ་ཧན་ཚན་རྩལ་སློབ་ཆེན་དྲ་རྒྱའི་ཆ་འཕྲིན་ལྟེ་གནས་ཀྱིས་བརྡ་ཐོ་སྤེལ་དོན། OpenClawཡི་དབང་ཚད་མཐོ་དྲག་པས་ཚོད་འཛིན་མ་ཐེབས་པར་བཀོལ་སྤྱོད་བྱས་ན། ཚན་ཞིབ་ཀྱི་ཐོག་མའི་གཞི་གྲངས་དང་ཕྱིར་བསྒྲགས་མེད་པའི་སློབ་ཁྲིད་ཀྱི་ནང་དོན། སློབ་མའི་སློབ་ཁོངས་ཆ་འཕྲིན། དགེ་བཟོ་བའི་མི་སྒེར་གྱི་གསང་བ་བཅས་ཕྱིར་ཤོར་བའི་ཉེན་ཁ་ཧ་ཅང་ཆེ། དྲ་རྒྱའི་རྒོལ་མཁན་གྱིས་སྦྱོར་ངན་འཛུད་ཆས་དང་ཞན་ཆ་བེད་སྤྱད་དེAIལ་བརྟེན་ནས་ཐེམ་ཨང་གི་གསང་གྲངས་བརྐུ་སྲིད་པ་མ་ཟད། སློབ་རའི་ནང་ཁུལ་གྱི་དྲ་རྒྱའི་སྒྲིག་ཆས་བརྒྱུད་དེ་སློབ་གྲྭའི་དྲ་རྒྱ་སྤྱིའི་བདེ་འཇགས་ལ་འཇིགས་སྐུལ་ཐེབས་སྲིད་པས། ཕྱི་ཕྱོགས་ཀྱིAIཡོ་བྱད(OpenClawདང་དེ་ལ་བསྐྱེད་པའི་པར་གཞི་གཞན)ལ་བརྟེན་ནས་སློབ་གྲྭའི་གསང་འཕྲིན་ནང་འཇུག་དང་ཐག་གཅོད། ཉར་ཚགས་ལ་སོགས་གཏན་ནས་བྱེད་མི་རུང་། སློབ་གྲྭ་ནང་ཁུལ་གྱི་དྲ་བའི་སྒྲིག་ཆས་དང་། སློབ་ཁྲིད་ཞབས་ཞུ་ཆས། ཉམས་ཞིབ་ཁང་གི་སྐུད་སྣེ། གཞུང་སྒྲུབ་ཁང་གི་གློག་ཀླད་བཅས་སུOpenClawདང་དེའི་དབང་ཚད་མཐོན་པོ་ཡོད་པའིAIརིགས་ཀྱི་སྒྲིག་རིམ་རང་དགར་ནང་འཇུག་དང་བཀོལ་སྤྱོད་གཏན་ནས་བྱེད་མི་རུང་། དེ་མིནAIཡོ་ཆས་ལroot(དོ་དམ་པ་སྟོབས་ཆེན)ཡི་དབང་ཚད་གཏན་ནས་སྤྲད་མི་རུང་། སྤྲོད་དགོས་ན་དེའི་འོས་འགན་སྒྲུབ་པའི་དགོས་ངེས་སུ་ཆེས་ཆུང་བའི་མ་ལག་གི་དབང་ཚད་ཙམ་སྤྲད་ཆོག ། ཡིག་ཆ་བསུབ་པ་དང་། གཞི་གྲངས་བསྐུར་བ། བཀོད་སྒྲིག་ལ་བཟོ་བཅོས་རྒྱག་པ་ལ་སོགས་པའི་ཉེན་ཆེའི་བཀོལ་སྤྱོད་ལ་གཏན་འཁེལ་ཐེངས་གཉིས་སམ་ཡང་ན་ལས་བཟོ་བས་དངོས་སུ་ཞིབ་བཤེར་མཆན་འགོད་གནང་དགོས།
“龙虾”ཧ་ཅང་དར་གྲགས་པའི་ཚུལ་དེར་ཝུའུ་ཧན་འགྲིམ་འགྲུལ་ལས་རིགས་སློབ་གླིང་གིས“རྒྱུག་པ་ལེབ་བརྡུངས”ལྟར་མ་བྱས་པར་རང་འགུལ་གྱིས་འགོག་སྲུང་བྱས། སློབ་གྲྭ་དེའི་ཆ་འཕྲིན་ལྟེ་གནས་ཀྱི་འགན་འཁུར་བ་ཧྲེན་ཝའེ་ཝན་ཀྲུའུ་རེན་གྱིས་གསར་འགོད་པས་བཅར་འདྲི་ལ་དང་ལེན་བྱེད་སྐབས། ལོ་གསར་གྱི་རྗེས་སུ“龙虾”སྤྱོད་མཁན་ཆེ་ཆེར་འཕེལ་ཞིང་། སློབ་གྲྭ་འཚོགས་མ་ཐག་རྩིས་ཤུགས་ཐོན་ཁུངས་ལ་ང་ཚོས་དམིགས་སུ་སྙོམ་སྒྲིག་བྱས་ཏེ། དགོས་མཁོ་ཅན་གྱི་དགེ་རྒན་ལ་རམ་འདེགས་བྱས་པ་མ་ཟད་བཀོལ་སྤྱོད་ཀྱི་ཁྱབ་ཁོངས་གཏན་འཁེལ་གསལ་བོ་བྱས་པ་ཡིན།
“ང་ཚོས་ཆེད་སྤྱོད་ཀྱི་རྩིས་གྲངས་ཐོན་ཁུངས་དང་རྩིས་ཤུགས་ལ་རྒྱབ་སྐྱོར་བྱས་ཏེ། དགེ་རྒན་རྣམས་ཀྱིས་ཚོད་འཛིན་གྱི་ཁྱབ་ཁོངས་ནས“龙虾”བཀོལ་སྤྱོད་དང་འཚོལ་བྱས་པ་ཡིན། ཟེར། ཁོས་མུ་མཐུད་དུ་འདི་སྐད། ཆེད་སྤྱོད་དྲ་རྒྱ་དང་རྟོག་བཟོའི་འཕྲུལ་འཁོར། ཤོང་ཆས་ལོགས་ཉར་ལ་སོགས་ལག་རྩལ་བཀོད་སྒྲིག་བརྒྱུད་དེ། སློབ་གྲྭས་ཡོ་ཆས་ཀྱི་བཀོལ་སྤྱོད་ཁོར་ཡུག་དང་སློབ་ར་ནང་ཁུལ་གྱི་ལྟེ་བའི་གཞི་གྲངས་ལོགས་སུ་ཉར་དང་ཆབས་ཅིག ཡོ་ཆས་ཀྱི་དབང་ཚད་དང་དེས་འབྲེལ་འདྲིས་བྱེད་པའི་སློབ་རའི་ནང་ཁུལ་གྱི་གཞི་གྲངས་ལ་ཚོད་འཛིན་ནན་མོ་བྱས་ཏེ། ཡོ་ཆས་ཀྱི་ནུས་པ་དང་འདོན་སྤེལ་ཐུབ་པའི་མི་ཚད། གཞི་གྲངས་བདེ་འཇགས་ཀྱི་མ་མཐའི་ཚད་ཐིག་ལེགས་པོ་སྲུང་ཐུབ་ཡོད་ཟེར།
