མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ3པའི་ཚེས5ཉིན། གུང་གཞོན་ཚོགས་པ་མཚོ་སྔོན་ཞིང་ཆེན་ཏང་ཨུ་དང་། མཚོ་སྔོན་ཞིང་ཆེན་ན་གཞོན་དང་བླངས་པའི་མཐུན་ཚོགས་ཀྱིས་གཙོ་སྒྲུབ་བྱས་པའི་མཚོ་སྔོན་གུང་གཞོན་ཚོགས་པའི2026ལོའི“3·5”ལེ་ཧྥེང་ལ་སློབ་སྦྱོང་བྱེད་པའི་རྗེས་དྲན་ཉིན་མོ་དང་ན་གཞོན་དང་བླངས་ཞབས་ཞུའི་བྱ་འགུལ་དངོས་སུ་མགོ་བརྩམས།
མགོ་རྩོམ་མཛད་སྒོ་དེ་ལེ་ཧྥེང་གཏམ་རྒྱུད་དྲིལ་སྒྲོག་བརྙན་རིས་ཁྲོད་མགོ་བརྩམས་པ་དང་། ཞབས་བྲོ《འཚོལ་ཞིབ》དང་གཅིག་བསྡུས་གྱེར་འདོན《གློག་འོད》གཉིས་ཀྱིས་སྒྱུ་རྩལ་གྱི་རྣམ་པས་ན་གཞོན་རབ་འདིའི་ལེ་ཧྥེང་སྙིང་སྟོབས་རྒྱུན་འཛིན་དང་བརྟན་སྲུང་ལ་འགྲེལ་བཤད་བྱས་ཤིང་། སྐྱེ་ཁམས་ཁོར་སྲུང་ཁྱབ་ཁོངས་དང་། གྲོང་གསེབ་དར་སྤེལ་ཡུལ་དངོས། གསར་དར་ཁྱབ་ཁོངས་ཀྱི་ཕུལ་བྱུང་ན་གཞོན་གསུམ་གྱིས་རང་རང་གི་དང་བླངས་ཞབས་ཞུའི་བྱ་འགུལ་གྱི་ཉམས་མྱོང་དང་ཟུང་འབྲེལ་སྒོས། ལེ་ཧྥེང་སྙིང་སྟོབས་ཀྱི་གོ་ལོན་དང་སེམས་ཚོར་མྱོང་རོལ་བྱས། ཡུལ་དངོས་སུ་མཚོ་སྔོན་དང་བླངས་ཞབས་ཞུའི་སྤྱི་ཕན་རྣམ་གྲངས་མཛད་སྒོ་སྤེལ་བ་དང་། མཐོ་རིམ་སློབ་གྲྭའི་ན་གཞོན་དང་བླངས་ཞབས་ཞུའི་རྩ་འཛུགས་དང་། སྤྱི་ཚོགས་རྩ་འཛུགས་འཐུས་ཚབ་པ། གཞི་རིམ་ཤང་དང་གྲོང་རྡལ། གཞིས་ཁུལ་ཁ་གཏད་བྱས་ཏེ། མུ་མཐུད་ནས་ན་གཞོན་དང་བླངས་ཞབས་ཞུའི་གཞིས་ཁུལ་བྱ་འགུལ་སྤེལ་བ་དང་། ན་གཞོན་དང་བླངས་པའི་འཐུས་ཚབ་པས་ཞིང་ཆེན་ཡོངས་ཀྱི་རྒྱ་ཆེའི་ན་གཞོན་དང་བླངས་པར་དང་བླངས་ཞབས་ཞུའི་གྲོས་གཞི་བསྒྲགས་ཤིང་། ན་གཞོན་གྱིས་ལེ་ཧྥེང་སྙིང་སྟོབས་དར་སྤེལ་དང་རྒྱུན་འཛིན་བྱེད་པར་འབོད་སྐུལ་བྱས་པ་དང་། དང་བླངས་ཞབས་ཞུའི་ཁྲོད་ཞུགས་པ་དང་། རྒྱལ་ཁབ་འཐབ་ཇུས་དང་།དམངས་ཚིས་ཞབས་ཞུ། སྤྱི་ཚོགས་བཅོས་སྐྱོང་ཁྲོད་དྲང་ཕྱོགས་ནུས་ཚད་བརྒྱུད་སྒྲོག་བྱས།
ཉེ་བའི་ལོ་ཤས་རིང་། མཚོ་སྔོན་གྱི་རིམ་པ་སོ་སོའི་གུང་གཞོན་ཚོགས་པ་དང་། ན་གཞོན་དང་བླངས་ཞབས་ཞུའི“གཏོང་ཕོད་དང་མཛའ་བརྩེ། རོགས་རེས། ཡར་སྐུལ”གྱི་དང་བླངས་ཞབས་ཞུའི་སྙིང་སྟོབས་དར་སྤེལ་བྱས་པ་དང་། དུས་རབས་གསར་བའི་ན་གཞོན་དང་བླངས་ཞབས་ཞུ་རྩ་འཛུགས། དཔུང་ཁག རྣམ་གྲངས། གཡུལ་ས། མ་ལག་འགན་སྲུང་འཐུས་ཚང་དུ་གཏོང་བ་དང་། ན་གཞོན་དང་བླངས་པའི་ཞབས་ཞུའི་ལས་དོན་ལ་འཕེལ་རྒྱས་གསར་བ་མངོན་འགྱུར་བྱུང་། མཚོ་སྔོན་ཞིང་ཆེན་ན་གཞོན་དང་བླངས་པའི་མཐུན་ཚོགས་ལས་དོན་ཅན་དང་། ཆེད་ལས་ཅན། སྤྱི་ཚོགས་ཅན་འཕེལ་རྒྱས་ལ་སྐུལ་འདེད་བཏང་ནས། ཞིང་ཆེན་དང་གྲོང་ཁྱེར། རྫོང་རིམ་གསུམ་གྱི་མཐོ་རིམ་སློབ་གྲྭའི་ན་གཞོན་དང་བླངས་པའི་མཐུན་ཚོགས་ཀྱི་རྩ་འཛུགས་ཡོངས་སུ་ཁེབས་པ་མངོན་འགྱུར་བྱུང་། ད་ལྟ་ཞིང་ཆེན་ཡོངས་སུ་ཐོ་འགོད་བྱས་པའི་ན་གཞོན་དང་བླངས་པ་ཁྲི35ཡོད་པ་དང་། དང་བླངས་ཞབས་ཞུའི་རྩ་འཛུགས1500ཡོད།
ཤེས་གསལ་བྱུང་བ་ལྟར་ན། 2026ལོར། ཞིང་ཆེན་ཡོངས་ཀྱི་རིམ་པ་སོ་སོའི་གུང་གཞོན་ཚོགས་པའི་རྩ་འཛུགས་ཀྱིས་མུ་མཐུས་ནས་གྲོང་གསེབར་སྤེལ་དང་། སྐྱེ་ཁམས་དཔལ་ཡོན། རྒན་གཅེས་དབང་སྐྱོན་ལ་རོགས་རམ་བྱེད་པ། འགྲན་བསྡུར་ལས་དོན་ཆེ་གྲས། འཕྲལ་བསྟུན་རོགས་སྐྱོར་དང་བླངས་ཞབས་ཞུའི་ཆེད་དོན་བྱ་འགུལ་སྤེལ་ནས། ཞིང་ཆེན་ཡོངས་ཀྱི་རྒྱ་ཆེའི་ན་གཞོན་གྱིས་ལེ་ཧྥེང་མིག་དཔེ་རུ་བྱས་ཏེ། གསར་བརྗེའི་གཞི་རྒྱུ་རྒྱུན་འཛིན་བྱས་ནས། དང་བླངས་པའི་སྙིང་སྟོབས་ལག་ལེན་བྱ་རྒྱུ་རེད། །
