【སྲིད་གཞུང་བྱ་བའི་སྙན་ཞུ】སྐད་ཆ་འདི་དག་གིས་ང་ཚོར་ཡིད་ཆེས་བསྐྱེད།

1. ཡང་དག་པའི་སྲིད་བྱས་ལྟ་བ་བརྟན་པོ་བཙུགས་ནས་ལག་ལེན་བསྟར་པ་དང་།  མི་དམངས་ཀྱི་ཆེད་ལ་སྲིད་སྐྱོང་གི་བྱས་རྗེས་འཇོག་པ་དང་།  དངོས་སྒྲུབ་ལ་བརྟེན་ནས་སྲིད་སྐྱོང་གི་བྱས་རྗེས་འཇོག་པའི་རྒྱུན་མུ་མཐུད་དུ་བསྐྱངས་ནས་རང་རྟོགས་ཀྱི་སྒོ་ནས་ཆོས་ཉིད་དང་མཐུན་པའི་སྒོ་ནས་བྱ་བ་བསྒྲུབ་དགོས།

2.དམངས་ཚིས་གཙིགས་ཆེར་འཛིན་པ་མཐའ་འཁྱོངས་དང་། ཀུན་ཕན་རང་བཞིན་དང་། རྨང་གཞིའི་རང་བཞིན། གཞི་རྩའི་འགན་ལེན་རང་བཞིན་བཅས་ཀྱི་དམངས་ཚིས་འཛུགས་སྐྱོང་ལ་ཤུགས་བསྣན་ནས། མི་དམངས་མང་ཚོགས་ལ་དོན་དངོས་སྒྲུབ་པར་ཧུར་བརྩོན་བྱེད་དགོས། 

3.འཚོ་བ་གྲོན་སྲི་སྒོས་སྐྱེལ་དགོས་པའི་བླང་བྱ་མཐའ་གཅིག་ཏུ་དོན་འཁྱོལ་བྱས་ཏེ། བསྲིས་པའི་དངུལ་སྒོར་རེ་རེ་ངེས་པར་དུ་འཕེལ་རྒྱས་ཀྱི་འགག་གནད་དང་མང་ཚོགས་ཀྱི་དགོས་མཁོ་ཆེ་སར་སྤྱོད་དགོས།

4.གྲོང་ཁྱེར་དང་གྲོང་གསེབ་ཀྱི་གྲོང་མིའི་ཡོང་འབབ་འཕར་སྣོན་གྱི་འཆར་གཞི་གཏན་འབེབས་ཐོག་ལག་བསྟར་བྱས་ཏེ། ཡོང་འབབ་དམའ་བའི་མང་ཚོགས་ཀྱི་ཡོང་འབབ་འཕར་སྣོན་དང་། གྲོང་མིའི་རྒྱུ་ནོར་རང་བཞིན་གྱི་ཡོང་འབབ་ཇེ་མང་། གླ་ཕོགས་དང་སྤྱི་ཚོགས་འགན་སྲུང་གི་ལམ་ལུགས་འཐུས་ཚང་གཏོང་བ་སོགས་ཀྱི་ཐད་དངོས་སྒྲུབ་ཀྱི་བྱེད་ཐབས་ཁག་ཅིག་འདོན་དགོས།

5. རིགས་དང་རྣམ་པ་དབྱེ་སྟེ་སྒེར་གཉེར་བཟོ་ཚོང་གི་འཕེལ་རྒྱས་ལ་རོགས་སྐྱོར་གནད་ལ་འཁེལ་བ་བྱེད་དགོས། 

ཁེ་ལས་ཀྱི་རྩིས་ཁྲའི་དངུལ་ཆད་འགྱངས་བྱེད་པའི་གནད་དོན་ནུས་ཤུགས་ཡོད་སྒོས་ཐག་གཅོད་དགོས།  ཚོང་གཉེར་གྱི་ཁོར་ཡུག་རྩེ་གྲ་མུ་མཐུད་དུ་བསྐྲུན་ཏེ། བློ་བདེ་བོའི་ངང་ནས་ཁེ་ལས་གཉེར་སྐྱོང་དང་སྤུས་ཚད་མཐོ་བའི་སྒོ་ནས་གོང་དུ་འཕེལ་བར་རྒྱབ་སྐྱོར་བྱེད་དགོས། 

6.ཞིང་ལས་པའི་གླ་ཕོགས་འགན་སྲུང་ལམ་ལུགས་ཕྱོགས་ཡོངས་ནས་དོན་འཁྱོལ་དང་། ལས་ཞུགས་སྣང་ཆུང་གི་བྱ་སྤྱོད་བཅོས་སྐྱོང་ལ་ཤུགས་བསྣན་ནས་ངལ་རྩོལ་པའི་ཁྲིམས་མཐུན་ཁེ་དབང་ལ་སྲུང་སྐྱོང་མཐའ་གཅིག་ཏུ་བྱེད་དགོས།

7. གཞི་ཁྱོན་ཆེ་བའི་ལས་རིགས་རྩལ་ནུས་མཐོར་འདེགས་ཀྱི་གསོ་སྦྱོང་རྒྱུན་མཐུད་ངང་སྤེལ་ཏེ།  ལག་རྩལ་ལ་བྱང་ཆ་ཡོད་པའི་ངལ་རྩོལ་པ་སྔར་ལས་མང་པོ་སྐྱེད་སྲིང་བྱས་ནས་ལས་ཞུགས་དང་ཡོང་འབབ་འཕར་སྣོན་ལ་ཆ་རྐྱེན་ལེགས་པོ་བསྐྲུན་དགོས།

8. ཧེ་བག་ཅན་གྱི་དཔྱད་ཞིབ་གདེང་འཇོག་མ་ལག་འཐུས་ཚང་དང་། ཕྱི་ཚུལ་རིང་ལུགས་ཀྱི་བྱ་སྤྱོད་ལ་རྒྱུན་ཆད་མེད་པར་བཅོས་སྐྱོང་གཏིང་ཟབ་བྱས་ནས་གཞི་རིམ་གྱི་ཁུར་པོ་ཇེ་ཡང་དུ་བཏང་སྟེ། རྒྱ་ཆེའི་ལས་བྱེད་པ་རྣམས་ཀྱིས་དངོས་སྒྲུབ་དོན་འཁྱོལ་དང་ལས་ཀ་དམ་འཛིན་ལ་བློ་རྩེ་གཅིག་ཏུ་སྒྲིམ་ཐུབ་པ་བྱེད་དགོས།