མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ3པའི་ཚེས5ཉིན་གྱི་ཕྱི་དྲོར། རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པར་ཞུགས་པའི་མཚོ་སྔོན་འཐུས་ཚབ་ཚོགས་པས་ཚང་འཛོམས་གྲོས་ཚོགས་བསྡུས་ཏེ་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཆང་གི་སྲིད་གཞུང་བྱ་བའི་སྙན་ཞུར་ནན་ཏན་གྱིས་གྲོས་ཞིབ་བྱས། ཝུའུ་ཞའོ་ཅུན་གྱིས་འགོ་འཛིན་བྱས་པར་མ་ཟད་གཏམ་བཤད། ལུའོ་ཏུང་ཁྲོན་དང་ཝང་ལི་མིང་གིས་གཏམ་བཤད། རང་བྱུང་ཐོན་ཁུངས་པུའུ་ཡི་པུའུ་ཀྲང་གཞོན་པ། རྒྱལ་ཁབ་རྒྱ་མཚོ་ཅུས་ཀྱི་ཅུས་ཀྲང་སུན་ཧྲུའུ་ཞན་དང་། རྒྱལ་སྲིད་སྤྱི་ཁྱབ་ཁང་གཞུང་སྒྲུབ་ཐིང་དང་ཞིབ་འཇུག་ཁང་། རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་། ནོར་སྲིད་པུའུ། རང་བྱུང་ཐོན་ཁུངས་པུའུ་ཡི་འབྲེལ་ཡོད་བློ་མཐུན་བཅས་གྲོས་ཞིབ་ཁྲོད་ཞུགས་ནས་འཐུས་མིའི་བསམ་འཆར་དང་གྲོས་གཞི་ལ་ཉན།
འཐུས་མི་ཝུའུ་ཞའོ་ཅུན་གྱིས་བཤད་རྒྱུར། ཙུང་ལི་ལི་ཆང་གིས་ཕུལ་བའི་སྲིད་གཞུང་བྱ་བའི་སྙན་ཞུའི་ནང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་དགོངས་པས་ཁྱབ་པར་བྱས་ཡོད་པ་དང་། ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཚང་འཛོམས་གྲོས་ཚོགས་རིམ་བྱུང་གི་དགོངས་དོན་ཕྱོགས་ཡོངས་ནས་ལག་བསྟར་བྱས་ཡོད་ལ། འཕེལ་རྒྱས་ཀྱི་གྲུབ་འབྲས་ལ་མ་ལག་ལྡན་པའི་སྒོ་ནས་སྤྱི་སྡོམ་དང་གནས་བབ་ཀྱི་ལས་འགན་ལ་ཚན་རིག་གི་བརྡར་གཅོད་བྱས་ཡོད་ཅིང་། རྒྱང་རིང་གི་དམིགས་འབེན་ལ་སྦྲེལ་མཐུད་བྱས་ཡོད་པར་མ་ཟད། ལེགས་སྒྲིག་གི་བར་སྟོང་བསྐྱུར་ཡོད་པ་དང་། ཆབ་སྲིད་རང་བཞིན་དང་བསམ་བློའི་རང་བཞིན། མཛུབ་སྟོན་རང་བཞིན། ལག་ལེན་རང་བཞིན་བཅས་དྲག་པོ་ལྡན་ལ། དར་ཆ་མཐོར་སྒྲེང་དང་སྔ་འཛིན་ཕྱི་གཏོད། ཡིད་ཆེས་མཐོར་འདེགས། ངར་ཤུགས་ཆེར་སྐྱེད་ཀྱི་སྙན་ཞུ་བཟང་བོ་ཞིག་ཡིན་པས། ཡོངས་སུ་འཐད་པ་ཡིན། འདས་པའི་ལོ་ལྔའི་རིང་གྲུབ་འབྲས་གལ་ཆེན་བླངས་པའི་གཞི་རྩ་དེ་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་སྣེ་ཁྲིད་བཟང་བོར་རག་ལས་ཡོད་པ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པས་ཚན་རིག་གི་ཁྲིད་སྟོན་ལ་རག་ལས་ཡོད། སྙན་ཞུས་ལོ་ལྔའི་འཆར་འགོད་བཅོ་ལྔ་པའི་འགོ་བཟང་བོར་རྩོམ་པར་དམིགས་ནས་སྤུས་ཚད་མཐོ་བའི་འཕེལ་རྒྱས་ཀྱི་ལས་འགན་གལ་ཆེནལ་དམ་པོར་དམིགས་ཡོད་པ་དང་། མིག་སྔའི་འཕར་སྣོན་བརྟན་འཇགས་ཡོང་བ་དང་ནང་མཁོ་རྒྱ་བསྐྱེད་པ། ཉེན་ཁ་འགོག་སེལ་བཅས་ལ་རྐང་བཙུགས་ཡོད་པར་མ་ཟད། ཕུགས་ཀྱི་གསར་གཏོད་ཇེ་དྲག་ཏུ་གཏོང་བ་དང་བཅོས་སྒྱུར་གཙོར་འཛིན་པ། དམངས་འཚོར་ཕན་པ་བཅས་ལ་དམིགས་ཡོད་ལ། སྲིད་ཇུས་ཀྱི་ཐབས་མང་མཉམ་སྤྱོད་ལ་བརྟེན་ནས་དཔལ་འབྱོར་ནུས་པ་སྲ་བརྟན་དུ་གཏོང་བ་དང་། བཅོས་སྒྱུར་གསར་གཏོད་ལ་བརྟེན་ནས་སྒུལ་ཤུགས་ཇེ་དྲག་དང་གསོན་ཤུགས་བསྐྱེད་པ་བཅས་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་འཛུགས་སྐྲུན་གྱི་རྣམ་པ་གསར་པ་འབད་པས་བཏོད་པའི་འགན་འཁྲི་གང་ལེགས་སྒོས་མངོན་པར་བྱས་ཡོད། སྐྱོད་ལམ་གསར་པར་འབད་པས་བསྐྱོད་ན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ཟབ་མོ་བྱེད་དགོས་པ་དང་། རང་རྟོགས་སྒོས་མཚོ་སྔོན་གྱི་བྱ་བ་རྒྱལ་ཡོངས་ལ་ཞབས་འདེགས་ཞུ་བའི་སྤྱི་ཡོངས་ཁྲོད་བཞག་ནས་བསམ་གཞིགས་གཏོང་དགོས་ལ། ཏང་ཀྲུང་དབྱང་དང་རྒྱལ་སྲིད་སྤྱི་ཁང་གི་ཇུས་ཆོད་བཀོད་སྒྲིག་དོན་འཁྱོལ་བྱེད་པར་སྐུལ་འདེད་བཏང་སྟེ་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལེའུ་འབད་པས་འབྲི་དགོས།
འཐུས་མི་ལུའོ་ཏུང་ཁྲོན་གྱིས་བཤད་རྒྱུར། ཙུང་ལི་ལི་ཆང་གིས་ཕུལ་བའི་སྲིད་གཞུང་བྱ་བའི་སྙན་ཞུའི་ནང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་དགོངས་པས་ཁྱབ་པར་བྱས་ཡོད་པ་དང་། ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་རིམ་བྱུང་གི་དགོངས་དོན་ཕྱོགས་ཡོངས་ནས་ལག་བསྟར་བྱས་ཡོད་ལ། ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་དང་ཀྲུང་དབྱང་དཔལ་འབྱོར་བྱ་བའི་གྲོས་ཚོགས་ཀྱི་བཀོད་སྒྲིག་དོན་འཁྱོལ་ནན་མོ་བྱས་ཡོད་པར་མ་ཟད། གྲུབ་འབྲས་སྤྱི་སྡོམ་བྱས་པ་ལས་མི་སེམས་སྐུལ་ཐུབ་པ་དང་ལས་འགན་བཀོད་སྒྲིག་བྱས་པ་དོན་དངོས་དང་མཐུན་ཞིང་། ཚད་མཐོ་བའི་ཆབ་སྲིད་ཀྱི་ལངས་གནས་དང་རྒྱ་ཆེའི་མིག་རྒྱང་རིང་བོ། ཤུགས་དྲག་པའི་འགན་འཁྲི་བཅས་གང་ལེགས་སྒོས་མངོན་ཡོད་པ་དང་། ཚད་གཞི་སྔར་ལས་མཐོ་བའི་སྒོ་ནས་ཏང་ཀྲུང་དབྱང་གི་ཇུས་ཆོད་བཀོད་སྒྲིག་ལག་བསྟར་བྱེད་མཁན་དང་འགུལ་སྐྱོད་སྤེལ་མཁན། དངོས་སྒྲུབ་མཁན་བཅས་བཟང་བོ་བྱེད་པའི་གསོན་ཉམས་དོད་པའི་འགྲེལ་བཤད་ཅིག་དང་། ཀྲུང་གོའི་ལུགས་ཀྱི་དེང་རབས་ཅན་ལ་འབད་པས་སྐུལ་འདེད་གཏོང་བའི་ལམ་ཐིག་རི་མོ་དང་ལས་འགན་ཡིག་ཆ་ཡིན་ལ། དར་ཆ་སྒྲེང་ནས་འབད་འཐབ་བྱེད་པ་དང་དངོས་སྒྲུབ་ནན་མོ། སེམས་ཤུགས་གཅིག་བསྡུས་བཅས་ཀྱི་སྙན་ཞུ་བཟང་བོ་ཞིག་ཡིན་པས། ཡོངས་སུ་འཐད་པ་ཡིན། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་དང་། མཛུབ་སྟོན་དང་མཆན་བཀོད་མཛུབ་སྟོན་གལ་ཆེན་བཅས་ཀྱི་དགོངས་དོན་སློབ་སྦྱོང་དང་ལག་བསྟར་ཟབ་མོ་བྱེད་པ་དང་། གཏན་ཕབ་གཉིས་ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་ཟབ་མོ་ལེན་པ། འདུ་ཤེས་བཞི་ཇེ་དྲག་ཏུ་གཏོང་བ། ཡིད་ཆེས་བཞི་ཇེ་བརྟན་དུ་གཏོང་བ། སྲུང་སྐྱོང་གཉིས་སྒྲུབ་ཐུབ་པར་བྱེད་པ། སྲིད་འབྲས་ལྟ་བ་ཡང་དག་འཛུགས་པ་དང་ལག་བསྟར་བྱེད་པ། གནད་ཆེ་དམ་འཛིན་དང་གནད་མེད་ཟུར་འཇོག་རྒྱུན་འཁྱོངས་བྱེད་པ། སྐྱེ་ཁམས་དཔལ་ཡོན་གྱི་མཐོ་ས་ཤུགས་ཆེན་པོས་བསྐྲུན་པ། སྒུལ་ནུས་གསར་པ་མགྱོགས་མྱུར་སྒོས་གསོ་སྐྱོང་དང་སྟོབས་ཆེར་གཏོང་བ། ཕྱོགས་ཡོངས་བཅོས་སྒྱུར་སྒོ་འབྱེད་སྔར་ལས་གཏིང་ཟབ་ཏུ་སྤེལ་བ། དམངས་འཚོའི་འགན་སྲུང་དང་ལེགས་བཅོས་ཤུགས་ཚད་ཆེ་རུ་གཏོང་བ་བཅས་བྱས་ཏེ་ཏན་ཏིག་ནུས་ཡོད་ཀྱི་བྱ་བར་བརྟེན་ནས་ལོ་ལྔའི་འཆར་འགོད་བཅོ་ལྔ་པའི་འགོ་བཟང་བོར་རྩོམ་པར་འགན་སྲུང་བྱ་དགོས།
འཐུས་མི་ཝང་ལི་མིང་གིས་བཤད་རྒྱུར། སྙན་ཞུར་ལངས་གནས་མཐོ་ཞིང་མིག་རྒྱང་རིང་བ་དང་། བདེན་འཚོལ་དངོས་གཉེར་དང་ངར་ཤུགས་ཆེ་བསྐྱེད། བརྩེ་སེམས་ཟབ་མོ་ལྡན་པས། རང་རྒྱལ་འཕེལ་རྒྱས་ཀྱི་དོན་དངོས་དང་ཡོངས་སུ་མཐུན་ལ། ང་ཚོས་གོ་རིམ་རྗེས་མའི་བྱ་བ་བཟང་བོར་བསྒྲུབ་པའི་ཐད་རྩ་བའི་བསྲུང་བྱ་འདོན་སྤྲོད་དང་མདུན་སྐྱོད་ཀྱི་ཁ་ཕྱོགས་གསལ་སྟོན་གནང་ཡོད། མིག་སྔར། མཚོ་སྔོན་གྱིས་དག་གཙང་ནུས་ཁུངས་ཐོན་ལས་ཀྱི་མཐོ་ས་འཛུགས་སྐྲུན་དང་ལྗང་མདོག་རྩིས་གློག་མཐུན་སྦྱོར་འཕེལ་རྒྱས། ལྷད་མེད་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ཁུལ་འཛུགས་སྐྲུན་སོགས་ཕྱོགས་ནས་གྲུབ་འབྲས་ངེས་ཅན་བླངས་ཡོད། རྒྱལ་ཁབ་རིམ་པ་ནས་མཚོ་སྔོན་གྱི་ལྗང་གློག་དང་རྩིས་ནུས། ཐོན་ལས་བཅས་ཐད་ཀྱི་ཆེད་དོན་རྒྱབ་སྐྱོར་རྐྱེན་སྲོལ་འཛུགས་པ་དང་མ་དངུལ་བཏང་སྟེ་རྒྱལ་ཁབ་རིམ་པའི་ཆེད་དོན་ཐེབས་རྩ་འཛུགས་པ། བཀོལ་སྤྱོད་ཡུལ་རྣམ་དཔེ་སྟོན་མཉམ་འབྲེལ་སྒོས་འཛུགས་པ། ལྗང་གློག་ཉོ་ཚོང་ཚོད་ལྟའི་གནས་གསར་གཏོད་བྱེད་པ། རྒྱལ་ཡོངས་ལྗང་གློག་རིན་ཐང་མངོན་འགྱུར་དམིགས་ཚད་བསྐྲུན་པ། ལྷད་མེད་སྐྱེ་ལྡན་ཞིང་ཕྱུགས་ཐོན་རྫས་གསོ་སྐྱོང་ཐད་ཀྱི་རྒྱབ་སྐྱོར་དང་ཁྱབ་གདལ་ཤུགས་ཚད་ཆེ་རུ་གཏོང་བ། ཐོན་འཚོང་སྦྲེལ་མཐུད་མ་ལག་བཙུགས་ནས་འཐུས་ཚང་དུ་གཏོང་བ། མཚོ་སྔོན་གྱི་ལྷད་མེད་སྐྱེ་ལྡན་ཞིང་ཕྱུགས་ཐོན་རྫས་རྒྱལ་ནང་དང་རྒྱལ་སྤྱིའི་ཁྲོམ་ར་སྔར་ལས་མང་པོར་བསྐྱོད་པར་སྐུལ་འདེད་གཏོང་བ་བཅས་བྱས་ནས་མཚོ་སྔོན་གྱི་ཐོན་ཁུངས་དགེ་མཚན་དེ་འཕེལ་རྒྱས་ཀྱི་དགེ་མཚན་དུ་བསྒྱུར་དགོས་པའི་གྲོས་གཞི་བཏོན།
ལིའུ་གོ་ཆང་། ཏི་ཆིང་ཡུན། ཝང་ཧྭ་ཅེ། ཏུང་ཆོན་མིན། ཆའོ་ཡཱ་ཆོན། ཀུའོ་ཅིན་ཕིང་སོགས་འཐུས་མིས་གཏམ་བཤད།
