མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་ཀྲུའུ་ཞི་ཚོགས་པས་གྲོས་ཚོགས་ཐེངས་དང་པོ་བསྡུས་ནས་ཚོགས་ཆེན་གྱི་ཉིན་རེའི་གྲོས་རིམ་སོགས་གཏན་འཁེལ་བྱས། ཐེངས་འདིའི་ཚོགས་ཆེན་ཚེས5ཉིན་ཚོགས་འགོ་རྩོམ་རྒྱུ་དང་ཚོགས་ཡུན་ཉིན8ཡིན།
རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་ཀྲུའུ་ཞི་ཚོགས་པས་ཚེས་4ཉིན་གྱི་སྔ་དྲོར། པེ་ཅིང་མི་དམངས་ཚོགས་ཁང་ཆེན་མོ་རུ་གྲོས་ཚོགས་ཐེངས་དང་པོ་བསྡུས། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲའོ་ལེ་ཅི་ཡིས་ཚོགས་འདུར་འགོ་འཛིན་མཛད།
ཀྲུའུ་ཞི་ཚོགས་པའི་གྲོས་ཚོགས་ལ་མི167ཐོན་དགོས་པ་དང་། མི165ཞུགས་ཡོད་ལ། ཚོགས་ཞུགས་མི་གྲངས་ཁྲིམས་བཅད་མི་གྲངས་དང་མཐུན།
ཚོགས་འདུ་ལས་སྔོན་ལ་རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་འདེམས་བསྐོ་བྱས། ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་ནི་སྐབས་བཅུ་བཞི་པའི་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་དང་། ཨུ་ཡོན་ཀྲང་གཞོན་པ། དྲུང་ཡིག་ཆེན་མོ་བཅས་ཀྱིས་འགན་འཁུར་བ་རེད། ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞིས་ཀྲུའུ་ཞི་ཚོགས་པའི་གྲོས་ཚོགས་སྐོང་ཚོགས་དང་འགོ་འཛིན་བྱས།
ཚོགས་འདུའི་ལས་རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་ཉིན་རེའི་གྲོས་རིམ་ལ་གྲོས་ཞིབ་བྱས་ནས་གྲོས་འཆམ་བྱུང་། གྲོས་ཚོགས་ཀྱི་ཉིན་རེའི་གྲོས་རིམ་ལྟར་ན། ཐེངས་འདིའི་ཚོགས་ཆེན་ཟླ3ཚེས5ཉིན་གྱི་སྔ་དྲོར་འགོ་རྩོམ་རྒྱུ་དང་། ཟླ3ཚེས12ཉིན་གྱི་ཕྱི་དྲོར་མཇུག་སྒྲིལ་རྒྱུ་ཡིན་ལ། ཚོགས་ཡུན་ཉིན8ཡིན།
རྒྱལ་ཡོངས་དམངས་ཆེན་གྲོས་དོན་ལམ་སྲོལ་གྱི་གཏན་འབེབས་ལྟར། ཀྲུའུ་ཞི་ཚོགས་པའི་གྲོས་ཚོགས་ཐེངས་དང་པོས་ཀྲུའུ་ཞི་ཚོགས་པའི་ཁོངས་མི་འགའ་འདེམས་བསྐོ་བྱས་ཏེ་སོ་སོར་ཚོགས་ཆེན་གྱི་ཚང་འཛོམས་གྲོས་ཚོགས་ཐེངས་རེའི་ལག་བསྟར་ཀྲུའུ་ཞིའི་འགན་འཁུར་རྒྱུ་རེད། གྲོས་ཚོགས་ལས་བརྡས་ཐག་བཅད་པ་བརྒྱུད་དེ་ཚོགས་ཆེན་གྱི་ཚང་འཛོམས་གྲོས་ཚོགས་ཀྱི་ལག་བསྟར་ཀྲུའུ་ཞི་འདེམས་བསྐོ་བྱས།
གྲོས་ཚོགས་ལས་བརྡས་ཐག་བཅད་པ་བརྒྱུད་ནས་ལིག་ཆི་དང་ལིའུ་ཅུན་ཁྲུན། ཞིན་ཁྲུན་ཡུན། ཀྲུང་ཧྲན། ལོའུ་ཆིན་ཅན། ཁུང་ཧྲའོ་ཞུན། ཝང་དབྱང་བཅས་ཚོགས་ཆེན་གྱི་དྲུང་ཡིག་ཆེན་མོ་གཞོན་པར་གཏན་འཁེལ་བྱས། གྲོས་ཚོགས་སྟེང་ལོའུ་ཆིན་ཅན་གྱིས་ཚོགས་ཆེན་གྱི་མགྲིན་ཚབ་པའི་འགན་གཅིག་ལྕོགས་སུ་འཁུར་རྒྱུའི་གཏན་འཁེལ་བྱས།
ཚོགས་འདུ་ལས་བརྡས་ཐག་བཅད་པ་བརྒྱུད། ཚོགས་ཆེན་སྐབས་སུ་འཐུས་མིས་གྲོས་གཞི་འདོན་མཚམས་འཇོག་པའི་དུས་ཚོད་ནི་ཟླ3ཚེས8ཉིན་གྱི་ཆུ་ཚོད12བར་ཡིན་པ་ཐག་བཅད ། ཚོགས་འདུའི་སྐབས། ཚོགས་ཆེན་གྱི་དྲུང་ཡིག་ཁྲུའུ་ཡིས་འཐུས་ཚབ་ཚོགས་པ་དང་འཐུས་མིས་བཏོན་པའི་གྲོས་གཞིར་ཞིབ་འཇུག་བྱས་ནས་ཐག་གཅོད་བསམ་འཆར་འདོན་རྒྱུ་དང་། ཀྲུའུ་ཞི་ཚོགས་པར་སྙན་ཞུ་བྱས་ཏེ་ཐག་གཅོད་བྱ་རྒྱུ་རེད།
