མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི“ཨུ་ཡོན་རྒྱུ་ལམ”དེ་ཚེས4ཉིན་འགོ་ཚུགས། རྒྱལ་ཡོངས་སྲིད་གྲོས་ཀྱི་ཨུ་ཡོན9“ཨུ་ཡོན་རྒྱུ་ལམ”དུ་བསྐྱོད་དེ། གསར་འགོད་པའི་ཐུན་མོང་བཅར་འདྲི་དང་ལེན་བྱས།
2025ལོར་ཀྲུང་གོའི་འབྲུ་རིགས་ཐོན་འབབ་རྒྱ་མ་ཁྲག་ཆེན་གཅིག་ཁྲག་ཁྲིག་བཞི་ཐེར་ཆེན་གསུམ་ལ་སླེབས་པ་དང་། ལོ་ལྔའི་སྔོན་དང་བསྡུར་ན་རྒྱ་མ་ཐེར་ཆེན་དགུ་དུང་ཕྱུར་བདུན་བྱེ་བ་ལྔ་འཕར། རྒྱལ་ཡོངས་སྲིད་གྲོས་ཀྱི་ཨུ་ཡོན་ཧོང་སན་ཝུན་གྱིས་བསྟན་དོན། ཞིང་ལས་ཚན་རྩལ་ནི་རང་རྒྱལ་གྱི་འབྲུ་རིགས་མཐོ་གནས་ལོ་ལེགས་ཡོང་བའི་གསང་གྲངས་ཡིན། “ལོ་ལྔའི་འཆར་འགོད་བཅུ་བཞི་པའི”སྐབས་སུ། ཚན་རྩལ་གྱིས་ཞིང་ལས་ཐོན་འཕར་ཡོང་བའི་ཐད་བྱས་རྗེས་བཞག་ཚད་བརྒྱ་ཆའི་རེ་བཞི་ལས་བརྒལ། མིག་སྔར། ཞིང་ལས་ལོ་ཏོག་གི་རང་བརྟེན་གསོ་སྐྱོང་གི་རིགས་སྣའི་རྒྱ་ཁྱོན་བསྡུར་ཚད་བརྒྱ་ཆའི་གོ་ལྔ་ལས་བརྒལ་ལ། ཀྲུང་གོའི་འབྲུ་རིགས་དང་། ཀྲུང་གོའི་སྔོ་ཚལ། ཀྲུང་གོའི་ཤ་བཅས་ཀྱི་ཐད་གཙོ་བོ་ཀྲུང་གོའི་ས་བོན་བཀོལ་ཡོད།
རྒྱལ་ཡོངས་སྲིད་གྲོས་ཀྱི་ཨུ་ཡོན་ཧོང་སན་ཝུན་གྱིས་བཤད་རྒྱུར། “ལོ་ལྔའི་འཆར་འགོད་བཅོ་ལྔ་པའི”གྲོས་འགོ་ལས་གསལ་བར་བསྟན་དོན། འབྲུ་རིགས་སོགས་ཞིང་ལས་ཐོན་རྫས་གལ་ཆེན་གྱི་མཁོ་སྤྲོད་འགན་སྲུང་ནུས་པ་ཇེ་མཐོར་གཏོང་དགོས་ན། ང་ཚོས་ངེས་པར་དུ་ཆུ་ཚད་མཐོ་བའི་ཞིང་ལས་ཚན་རྩལ་ཀྱི་རང་ཚུགས་རང་སྟོབས་ཇེ་མགྱོགས་སུ་གཏོང་དགོས་པ་དང་། རྩ་འཛུགས་ཡོད་པའི་མ་ལག་ཅན་གྱི་འགག་སྒྲོལ་ནུས་ཤུགས་ཡོད་རྒུས་སྤེལ་ཏེ། ཞིང་ལས་རྒྱལ་ཁབ་སྟོབས་ལྡན་གྱི་འཛུགས་སྐྲུན་ལ་སྔར་ལས་ཤུགས་ཆེ་བའི་ཚན་རྩལ་གྱིས་རོགས་འདེགས་བྱེད་དགོས།
རྒྱལ་ཡོངས་སྲིད་གྲོས་ཀྱི་ཨུ་ཡོན་ཕན་ཅན་ཝུའེ་ཡིས་ངོ་སྤྲོད་བྱས་དོན།“ལོ་ལྔའི་འཆར་འགོད་བཅུ་བཞི་པའི”སྐབས་སུ། རང་རྒྱལ་གྱི་ཚད་རྡུལ་འཕྲིན་གཏོང་བསྟུད་མར་རྒྱལ་སྤྱིའི་མདུན་གྲལ་དུ་སླེབས། ཚད་རྡུལ་རྩིས་རྒྱག་དེ་རྒྱལ་སྤྱིའི་ཨང་དང་པོར་བརྟན་པོར་གནས་པ་དང་། ཚད་རྡུལ་ཞིབ་ཚགས་ཚད་འཇལ་གྱི་ཁ་ཕྱོགས་མང་པོ་རྒྱལ་སྤྱིའི་སྔོན་ཐོན་གྲས་སུ་སླེབས། བརྒྱུད་རིམ་འདིས་ང་ཚོར་འགག་རྩའི་ལྟེ་བའི་ལག་རྩལ་ནི་དགོ་འདོད་ན་ཡོང་མི་ཐུབ་པ་དང་སྒུག་དགོས་པ་ཞིག་མིན་པ་གསལ་བཤད་བྱས་ཡོད། ང་ཚོས་ཡིད་ཆེས་བརྟན་པོ་དང་། རང་བརྟེན་གསར་གཏོད། རྒྱལ་ཡོངས་སྒྲིག་སྲོལ་གྱི་དགེ་མཚན་གསར་པ་འདོན་སྤེལ་བཅས་བྱས་ན། འགག་གནས་དེ་འཕེལ་རྒྱས་ཀྱི་རྟེན་གཞིར་བསྒྱུར་ཐུབ་ངེས་ཡིན།
རྒྱལ་ཡོངས་སྲིད་གྲོས་ཀྱི་ཨུ་ཡོན། ཕན་ཅན་ཝའེ་ཡིས་བཤད་རྒྱུར། ལོ་ལྔའི་འཆར་འགོད་བཅོ་ལྔ་པའི་སྐབས་སུ། ང་ཚོས་གདོད་མའི་གསར་གཏོད་ལ་མུ་མཐུད་དུ་ཤུགས་བསྣན་ནས། ཐོན་སློབ་ཞིབ་གསུམ་མཉམ་འདྲེས་གཏིང་ཟབ་བྱ་རྒྱུར་སྐུལ་འདེད་དང་། གྲུབ་འབྲས་གཞན་སྒྱུར་ཇེ་མགྱོགས་སུ་གཏོང་བ་བཅས་བྱས་ཏེ། ཚད་རྡུལ་ཚན་རྩལ་གྱིས་སྤུས་གསར་ཐོན་སྐྱེད་ནུས་ཤུགས་གསོ་སྐྱོང་བྱེད་པར་ཞབས་འདེགས་སྔར་ལས་ལེགས་པར་ཞུ་བ་དང་། དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ཡོང་བར་སྒུལ་ནུས་འདོན་རྒྱུ་ཡིན།
2025ལོར། ནུས་ཁུངས་གསར་པའི་རླངས་འཁོར་དང་། ལིས་གློག་གཡིས། འོད་བརྟེན་ཐོན་རྫས་བཅས་ཀྱིས་མཚོན་པའི་ཐོན་རྫས“གསར་པ་གསུམ”་གྱི་ཕྱིར་གཏོང་གཞི་ཁྱོན་སྒོར་ཁྲག་ཆེན་གཅིག་ཁྲག་ཁྲིག་གསུམ་ཙམ་ལ་སླེབས། རྒྱལ་ཡོངས་སྲིད་གྲོས་ཀྱི་ཨུ་ཡོན་ཙེང་ཡུས་ཆུན་གྱིས་ངོ་སྤྲོད་བྱ་རྒྱུར། རྒྱལ་ཁབ་ཀྱི་སྐུལ་ལྕག་སྲིད་ཇུས་འོག རང་རྒྱལ་གྱི་ནུས་ཁུངས་གསར་པའི་ཐོན་ལས་ཀྱིས་རང་བརྟེན་གསར་གཏོད་རྒྱུན་འཁྱོངས་བྱས་ཏེ། གཏེར་རི་ནས་རྒྱུ་ཆ་དང་། གློག་གཡིས། བེད་སྤྱོད། ཚུར་བསྡུ་བཅས་བར་ཧ་ཅང་སྟོབས་ལྡན་གྱི་ཐོན་ལས་མུ་ཕྲེང་དང་སྐྱེ་ཁམས་མུ་ཕྲེང་ཞིག་ཆགས་ཡོད།
རྒྱལ་ཡོངས་སྲིད་གྲོས་ཀྱི་ཨུ་ཡོན། ཙེང་ཡུས་ཆུན་གྱིས་བཤད་རྒྱུར། མ་འོངས་པར་རྒྱང་ལྟ་བྱས་ཚེ། ང་ཚོས་ཞིབ་འཇུག་གསར་སྤེལ་ལ་དངུལ་གཏོང་བྱེད་པ་ཇེ་མང་དུ་གཏོང་རྒྱུ་ཡིན་པ་དང་། ལྷག་པར་དུ་མི་ཐབས་རིག་ནུས་སྔར་ལས་མང་བ་སྤྱོད་པའི་བྱེད་སྟངས་བཀོལ་རྒྱུ་ཡིན། ཞིབ་འཇུག་གསར་སྤེལ་ཐད་དངུལ་གཏོང་ཇེ་མང་དུ་གཏོང་དགོས་ན། དམིགས་ཡུལ་ངོ་མ་ནི་རྒྱུ་ཆ་གསར་པ་དང་། རྫས་འགྱུར་གྱི་མ་ལག་གསར་པ། གྲུབ་ཚུལ་མ་ལག་གསར་པ། ནུས་ཁུངས་མ་ལག་གསར་པ་བཅས་དང་ད་དུང་བཟོ་སྐྲུན་མ་ལག་གསར་པ་ཡོད་པ་དེ་རེད།
དེ་རིང་གི“ཨུ་ཡོན་བགྲོད་ལམ”སྟེང་། རྒྱལ་ཡོངས་སྲིད་གྲོས་ཀྱི་ཨུ་ཡོན་ཅང་ཕེང་ཅུས། ཀུའོ་ལན་ཧྥེང་། མུའུ་ཡ་སད་འར་ཐོ་ཧོ་ཐེ། ལི་ཡིང་། དབྱང་ཅེ། ཝང་ཡུང་ཧྥུང་བཅས་སོ་སོས། ཞིང་ལས་ཚན་རྩལ་དང་། གྲོང་ཁྱེར་ལུས་རྩལ་འགྲན་སྡུར། ཀྲུང་གོའི་དཔལ་འབྱོར་སྤུས་ཚད་མཐོ་བའི་འཕེལ་རྒྱས། རྒྱ་མཚོའི་སྐྱེལ་འདྲེན་ཕྱོགས་བསྡུས་ནུས་པ་མཐོར་འདེགས། ཆ་འཕྲིན་འཕྲིན་གཏོང་ལས་རིགས་འཕེལ་རྒྱས། རི་འཛེག་སྙིང་སྟོབས་སོགས་ཀྱི་གནད་དོན་ཐད་གསར་འགོད་པའི་དྲི་བར་ལན་བཏབ།
