ཡུས་ཧྲུའུ་ཁུལ་གྱིས་དམངས་འཚོའི་འགན་སྲུང་བྱེད་ཐབས་ལག་བསྟར་བྱས་ནས་དམངས་འཚོའི་བདེ་སྐྱིད་ཇེ་དྲག་ཏུ་བཏང་།

 

ཉེ་ལམ།   གསར་འགོད་པས་ཡུས་ཧྲུའུ་བོད་རིགས་རང་སྐྱོང་ཁུལ་མི་དམངས་སྲིད་གཞུང་གཞུང་སྒྲུབ་ཁང་ནས་རྒྱུས་ལོན་བྱུང་བ་ལྟར་ན།   ཡུས་ཧྲུའུ་ཁུལ་གྱིས་དམངས་འཚོའི་འགན་སྲུང་བྱེད་ཐབས་རབ་དང་རིམ་པ་བཏོན་ནས་མང་ཚོགས་ཀྱི་བྲེལ་དཀའ་ཁྲལ་སྒུག་གི་གནད་དོན་ཐག་གཅོད་རྒྱུ་དམིགས་འབེན་དུ་བྱས་ཏེ་སློབ་གསོ་དང་སྨན་བཅོས།  ལས་ཞུགས་སོགས་ཁྱབ་ཁོངས་མང་པོར་གནད་ཕིགས་ཤུགས་འདོན་བྱས་ནས་དམངས་འཚོའི་བདེ་སྐྱིད་ཇེ་དྲག་ཏུ་བཏང་།

ཡུས་ཧྲུའུ་ཁུལ་གྱིས་སློབ་གསོ་སློབ་ཁྲིད་ཀྱི་སྤུས་ཚད་མཐོར་འདེགས་གཏོང་རྒྱུ་གཞི་རྩར་བྱས་ཏེ་རང་ས་གནས་ཀྱི་སློབ་གསོ་བཟང་བོར་བསྒྲུབས་ནས་རྨང་གཞིའི་སློབ་གསོའི་སྤུས་འདེགས་ནུས་སྤེལ་དང་སློབ་གསོ་གཞི་གྲངས་ཅན་སོགས་འཐབ་ཇུས་བཟོ་སྐྲུན་ལ་སྐུལ་འདེད་བཏང་སྟེ་ཡུལ་གཞན་སློབ་སྒྲུབ་དང་བསམ་བློ་ཆབ་སྲིད་སློབ་གསོ།   གཞི་གྲངས་ཅན་གྱི་སློབ་ཁྲིད་སོགས་ཀྱི་ཞིང་ཆེན་ཡོངས་ཀྱི་མ་དཔེ་བསྐྲུན།    མྱུར་བའི་རང་བཞིན་གྱི་ནད་དང་ནད་ཚབས་ཆེན་གྱི་སྐྱོབ་བཅོས་དང་སྦྲུམ་མར་ཞབས་འདེགས་བཟང་བོ་ཞུ་བ།   འགོས་ནད་ཚབས་ཆེན་སྔོན་འགོག་བཅས་མ་ལག་ཆེན་པོ་གསུམ་བསྐྲུན་རྒྱུ་རྨང་གཞིར་བྱས་པ་དང་།     འཕྲོད་བསྟེན་བདེ་ཐང་གི་མི་འདང་ས་ཁ་གསབ་བྱེད་པའི་ལས་གཞི་ལག་བསྟར་བྱས་ལ།  ཀླད་སྙིང་ཁྲག་རྩའི་ནད་སོགས་མྱུར་བའི་རང་བཞིན་གྱི་ནད་དང་ནད་ཚབས་ཆེན་གྱི་སྐྱོབ་བཅོས་མ་ལག་མགྱོགས་མྱུར་སྒོས་འཛུགས་སྐྲུན་བྱས་ཏེ་སྐྱོབ་བཅོས་ཆུ་ཚད་ཕྱོགས་ཡོངས་ནས་མཐོར་འདེགས་བཏང་།    ཚོགས་སྒྲིག་རྣམ་པའི་སྨན་བཅོས་རོགས་སྐྱོར་ལ་བརྟེན་ནས་མགྱོགས་མྱུར་སྒོས་དམ་ཟབ་རྣམ་པའི་སྨན་ཞབས་མཐུན་ཚོགས་འཛུགས་སྐྲུན་བྱས་པ་དང་།    ཞིང་ཆེན་རིམ་པའི་ཁུལ་ཁོངས་སྨན་བཅོས་ལྟེ་གནས་བེད་སྤྱོད་བཟང་བོ་བྱས་ཏེ་རྫོང་ཁོངས་ཀྱི་ཞག་སྡོད་སྨན་བཅོས་ཀྱི་བསྡུར་ཚད་དང་གཞི་རིམ་སྨན་བཅོས་ལས་ཁུངས་ཀྱི་བརྟག་བཅོས་མི་ཐེངས་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་དུ་སླེབས་པར་སྐུལ་འདེད་བཏང་།

ལས་གནས་བརྟན་འཇགས་དང་སྤུས་ཚད་མཐོར་འདེགས་ཀྱི་འགུལ་སྐྱོད་ལག་བསྟར་བྱས་པ་དང་།   ཞིང་ཕྱུགས་དང་རིག་གནས་ཡུལ་སྐོར་ཐོན་ལས།  ལས་རྣམ་གསར་པ་བཅས་ལ་དམིགས་ནས་ཤུགས་སྔར་ལས་ཆེན་པོས་ལས་ཞུགས་ལས་གནས་སྐོར་ཞིག་གསར་སྤེལ་བྱས་ཏེ་མཐོ་རིམ་མཐར་ཕྱིན་སློབ་མ་དང་དམག་ཁོངས་ནས་ཕྱིར་བུད་པའི་དམག་མི།   རོང་འབྲོག་ཁུལ་གྱི་ངལ་རྩོལ་ནུས་ཤུགས་སོགས་མི་ཚོགས་གཙོ་བོའི་ལས་ཞུགས་ལ་སྐུལ་འདེད་བཏང་།  སྤུས་ཚད་མཐོན་པོས་འགན་སྲུང་ནང་ཞུགས་པའི་འགུལ་སྐྱོད་ལག་བསྟར་གཏིང་ཟབ་བྱས་ཏེ་རྒན་གསོ་དང་ལས་ཤོར།   ལས་རྨས་སོགས་སྤྱི་ཚོགས་འགན་སྲུང་གི་ཁེབས་ཚད་རྒྱུན་མཐུད་ངང་རྒྱ་བསྐྱེད་པ་དང་།    སྡོད་དམངས་ཀྱི་སྨན་རིན་འགན་སྲུང་སྲིད་ཇུས་དོན་འཁྱོལ་ནན་མོ་བྱས་ཏེ་དམིགས་བསལ་དཀའ་ཁག་ཡོད་པའི་མི་ཚོགས་ཀྱི་གཞི་རྩའི་འཚོ་བར་འགན་སྲུང་གང་ལེགས་བྱས།    སྡེ་ཁུལ་གྱི་རྒན་གསོ་དང་བུ་བཅོལ་ཞབས་ཞུའི་དཔེ་སྟོན་ཚོད་ལྟའི་ལས་གཞི་བརྩོན་ལེན་དང་ལག་བསྟར་བྱས་པ་དང་།   རྒན་གསོ་ཞབས་ཞུའི་སྒྲིག་ཆས་བདུན་སྒྱུར་བཀོད་མཐོར་འདེགས་བྱས་ལ།    སྡེ་ཁུལ་གྱི་རྒན་པར་བཟའ་བཏུང་ཐད་རོགས་སྐྱོར་བྱེད་པའི་ཞབས་ཞུ་ཁྱོན་ཡོངས་ལ་ཁེབས་པར་བྱས་ནས་མཐོ་སྒང་གི་ཁྱད་ཆོས་དང་མཐུན་པའི་རྒན་གསོ་བུ་བཅོལ་ཞབས་ཞུའི་མ་ལག་བཟང་བོར་བསྐྲུན།