ད་ལོར་རང་རྒྱལ་གྱི་མ་དངུལ་ནང་འདྲེན་གྱི་གྲུབ་སྟངས་སྔར་ལས་ལེགས་བསྒྱུར་བྱས།

 

ཚོང་དོན་པུའུ་ཡི་གཞི་གྲངས་གསར་པ་ལས་མངོན་པ་ལྟར་ན། ད་ལོའི་ཟླ་དང་པོར། རྒྱལ་ཡོངས་སུ་གསར་དུ་བཙུགས་པའི་ཕྱི་ཕྱོགས་ཚོང་དོན་གྱི་དངུལ་གཏོང་ཁེ་ལས5306ཡོད་པ་དང་། དུས་མཉམ་ལས་བརྒྱ་ཆའི25.5འཕར་ཡོད། རང་རྒྱལ་གྱིས་དོན་དངོས་ཐོག་བཀོལ་སྤྱོད་བྱས་པའི་ཕྱི་དངུལ་གྱི་གྲངས་འབོར་དམངས་སྒོར་ཐེར་ཆེན་དགུ་དང་ཐེར་འབུམ་གཉིས་བྱེ་བ་གཅིག་ལ་སླེབས་ཡོད་པ་དང་། དེའི་ཁྲོད་ལག་རྩལ་མཐོ་བའི་ཐོན་ལས་ཀྱིས་དོན་དངོས་ཐོག་བཀོལ་སྤྱོད་བྱས་པའི་ཕྱི་དངུལ་གྱི་གྲངས་འབོར་དམངས་སྒོར་ཐེར་ཆེན་གསུམ་དང་ཐེར་འབུམ་གསུམ་དུང་ཕྱུར་བདུན་བྱེ་བ་ལྔ་ཡིན་ལ། དུས་མཉམ་ལས་བརྒྱ་ཆའི0.6འཕར་ཡོད། དེས་རྒྱལ་ཡོངས་ཀྱི་དོན་དངོས་ཐོག་བཀོལ་སྤྱོད་བྱས་པའི་ཕྱི་དངུལ་གྱི་བརྒྱ་ཆའི36.7ཟིན་ཡོད་པ་དང་། ན་ནིང་གི་དུས་མཉམ་དང་བསྡུར་ན་བརྒྱ་ཆའི་གྲངས་གནས2.3འཕར་ཡོད། ཞིབ་འཇུག་གསར་སྤེལ་དང་ཇུས་འགོད་ཞབས་ཞུ། རྩིས་འཁོར་དང་གཞུང་སྒྲུབ་སྒྲིག་ཆས་ཀྱི་བཟོ་སྐྲུན་ལས་རིགས། གློག་རྡུལ་དང་བརྡ་འཕྲིན་སྒྲིག་ཆས་ཀྱི་བཟོ་སྐྲུན་ལས་རིགས་བཅས་ཀྱིས་དོན་དངོས་ཐོག་ཕྱི་དངུལ་བཀོལ་སྤྱོད་བྱེད་ཚད་ཅུང་མགྱོགས།

རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་སྤྱི་ཁོག་དཔལ་འབྱོར་ཞིབ་འཇུག་གླིང་ཕྱི་ཕྱོགས་དཔལ་འབྱོར་ཞིབ་འཇུག་སའོ་ཡི་ཞིབ་འཇུག་པ་ཡོན་ཆེན་གྱིས་བཤད་རྒྱུར། རང་རྒྱལ་གྱིས་ཕྱི་དངུལ་ནང་འདྲེན་དང་བེད་སྤྱོད་བྱེད་པར་རྣམ་པ་གསར་པ་མངོན་ཡོད། མ་དངུལ་ནང་འདྲེན་གྱི་གྲུབ་སྟངས་མུ་མཐུད་ནས་ལེགས་བསྒྱུར་བྱས་པས། ལོ་འགོ་ཚུགས་པ་ནས་བཟུང་ཕྱི་ཕྱོགས་ཁེ་ལས་ཀྱི་མཐོ་རིམ་མི་སྣས་ཀྲུང་གོར་འཚམས་འདྲི་བྱེད་ཚད་ཇེ་མང་དུ་ཕྱིན་ལ། འཇར་མན་སོགས་རྒྱལ་ཁབ་མང་པོས་ཀྲུང་གོར་དངུལ་གཏོང་བྱེད་ཚད་ཆེས་ཆེར་འཕར་ཡོད། ཀྲུང་གོའི་དཔལ་འབྱོར་གྱི་བརྟན་བརླིང་འཕེལ་རྒྱས་ཀྱི་རྣམ་པས་ཕྱི་དངུལ་ཀྲུང་གོ་ནས་རྐང་ཚུགས་པ་དང་འཕེལ་རྒྱས་ཀྱི་གོ་སྐབས་མཉམ་སྤྱོད་བྱེད་པར་འགྱུར་མེད་ཀྱི་ཡིད་ཆེས་འདོན་སྤྲོད་བྱས་ཡོད།

​