མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ3པའི་ཚེས1ཉིན། ཞིང་ཆེན་ཏང་ཨུའི་དྲིལ་སྒྲོག་པུའུ་དང་ཞིང་ཆེན་སློབ་གསོ་ཐིང་། མཚོ་བྱང་བོད་རིགས་རང་སྐྱོང་ཁུལ་སྲིད་གཞུང་བཅས་ཀྱིས་མཉམ་འབྲེལ་སྒོས་གཙོ་སྒྲུབ་བྱས་པའི2026ལོར་མཚོ་སྔོན་ཞིང་ཆེན་གྱི་སློབ་ཆེན་དང་སློབ་གྲྭ་འབྲིང་ཆུང་གི་སློབ་མ“རྡུལ་ཕྲན་མཁར་དུ་བསྐྱོད་པའི”རྒྱལ་གཅེས་རིང་ལུགས་ཀྱི་སློབ་གསོའི་བྱེད་སྒོ་ཟི་ལིང་དུ་སྤེལ་འགོ་བརྩམས། ཞིང་ཆེན་ཏང་ཨུའི་རྒྱུན་ལས་ཨུ་ཡོན། དྲིལ་སྒྲོག་པུའུ་ཀྲང་ཝང་ཏ་ནན་གྱིས་སློབ་མའི་འཐུས་མི་ལ་དར་ཆ་སྤྲད་པ་མ་ཟད་བྱ་འགུལ་འགོ་བརྩམས་པ་ཁྱབ་བསྒྲགས་བྱས།
ཐེངས་འདིའི་བྱེད་སྒོས“མདེལ་གཉིས་སྐར་གཅིག”གི་སྙིང་སྟོབས་རྒྱུན་མཐུད་བྱེད་པ་སྟེ། ལང་ཚོའི་ཕུགས་འདུན་འཛུགས་སྐྱོང་དང་རྒྱལ་ཁབ་སྟོབས་ལྡན་གྱི་འཐབ་ལམ”བརྗོད་བྱ་གཙོ་བོར་བྱས་ཤིང་། དེའི་དམིགས་ཡུལ་ནི་སློབ་མས“མདེལ་གཉིས་སྐར་གཅིག”གི་སྙིང་སྟོབས་ཀྱི་ཕུན་སུམ་ཚོགས་པའི་གོ་དོན་དང་དུས་རབས་ཀྱི་རིན་ཐང་ལ་གོ་བ་གཏིང་ཟབ་བླངས་ཏེ། དབྱིངས་ཞུགས་རྣམ་པའི་ཉམས་ལེན་ཁྲོད་ཁྱིམ་ཚང་དང་རྒྱལ་ཁབ་ཀྱི་བརྩེ་བ་ཟབ་མོར་འཛུགས་རྒྱུ་དེ་ཡིན། དགེ་རྒན་དང་སློབ་མའི་འཐུས་མི500ཙམ“དམར་པོར་ཞིབ་འཇུག་སློབ་སྦྱོང་བྱེད་པའི་ཆེད་གཏོང་མེ་འཁོར”ལ་བསྡད་ནས་མཚོ་སྔོན་རྡུལ་ཕྲན་མཁར་གྱི་དྲན་གསོའི་ཁང་དང་། མཚོ་སྔོན་མདེལ་གཉིས་སྐར་གཅིག་གི་ལས་བྱེད་པའི་སློབ་གླིང་དུ་བསྐྱོད་དེ། རྣམ་པ་གསར་སྐྲུན་གྱི་ལག་ལེན་སློབ་ཁྲིད་ཞིག་གི་སྒོ་ཕྱེས། བྱེད་སྒོ་དེ“སློབ་ཁྲིད་ལྔ”གཙོ་ཐིག་ཡིན་པ་ཐོག་མཐའ་བར་གསུམ་དུ་ཁྱབ་པ་དང་། རྣམ་པ་སྣ་མང་དང་ནང་དོན་ཕུན་སུམ་ཚོགས་པས། སློབ་མར་ཤེས་ཚོར་ནས་ཉམས་ལེན་དང་མཉམ་འུར་ནས་ལག་ལེན་བར་དུ་སྣེ་ཁྲིད་བྱས།
རྒྱུས་ལོན་པ་ལྟར་ན། མཚོ་སྔོན་ཞིང་ཆེན་གྱི་སློབ་ཆེན་དང་སློབ་གྲྭ་འབྲིང་ཆུང་གི་སློབ་མ“རྡུལ་ཕྲན་མཁར་དུ་བསྐྱོད་པའི”རྒྱལ་གཅེས་རིང་ལུགས་ཀྱི་སློབ་གསོའི་བྱེད་སྒོ2025ལོར་སྤེལ་འགོ་ཚུགས་པའི་ཚུན་ལ། བསྡོམས་པས་སློབ་མ་ཁྲི་དྲུག་དང་སྟོང་ལྔ་ལྷག་དམར་པོའི་རྟེན་གཞི་རུ་བསྐྱོད་པར་རྩ་འཛུགས་བྱས་ཏེ། དབྱིངས་ཞུགས་རྣམ་པས་རྒྱལ་གཅེས་རིང་ལུགས་དང་ཚན་རིག་པའི་སྙིང་སྟོབས་ཀྱི་སློབ་གསོ་དང་ལེན་བྱས་ནས། དུས་རིམ་རང་བཞིན་གྱི་གྲུབ་འབྲས་ཐོབ་ཡོད། ཟླ3པའི་ཚེས2ཉིན་ནས་ཚེས8ཉིན་བར། ཞིང་ཆེན་སློབ་གསོ་ཐིང་གིས་ད་དུང་ཞིང་ཆེན་ཡོངས་ཀྱི་སློབ་མ་ས་ཡ་གཅིག་དང་འབུམ་གཉིས་ཁྲི་ལྔ་ལྷག་རྩ་འཛུགས་བྱས་ཏེ་དྲ་ཐོག་ནས“མདེལ་གཉིས་སྐར་གཅིག”གི་སྙིང་སྟོབས“སློབ་འགོ་ཚུགས་པའི་སློབ་ཁྲིད་དང་པོ”ཉམས་ལེན་བྱེད་དུ་འཇུག་རྒྱུ་རེད། ལོ་འདིའི་ནང་སྐོར་ཁག་དང་རིམ་པ་བགར་ནས་སློབ་མ་ཁྲི9ཙམ་རྩ་འཛུགས་བྱས་ཏེ་རྡུལ་ཕྲན་མཁར་དུ་ལག་ལེན་སློབ་ཁྲིད་གཏིང་ཟབ་སྤེལ་རྩིས་ཡོད་པ་དང་། རྒྱལ་གཅེས་རིང་ལུགས་ཀྱི་སློབ་གསོ་གཏིང་ཟབ་དང་ཏན་ཏིག་ཡོང་བ་དང་། མིའི་སེམས་སུ་ཟུག་པར་བྱ་རྒྱུར་མུ་མཐུད་དུ་སྐུལ་འདེད་གཏོང་རྒྱུ་རེད།
