མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ2པའི་ཚེས28ཉིན། ཞིང་ཆེན་ཡོངས་ཀྱི་ཆགས་སེལ་འགལ་རྡུང་བྱ་བའི་གྲོས་ཚོགས་དང་ཞིང་ཆེན་ཆགས་སེལ་འགལ་རྡུང་བྱ་བའི་རྐྱེན་སྲོལ་གྲོས་ཚོགས་ཟི་ལིང་དུ་བསྡུས།
གྲོས་ཚོགས་ལས2025ལོའི་ཞིང་ཆེན་ཡོངས་ཀྱི་ཆགས་སེལ་འགལ་རྡུང་གི་བྱ་བར་ཁས་ལེན་གང་ལེགས་བྱས་པ་དང་། ཞི་ཅིན་ཕིང་གི་རིག་གནས་དགོངས་པ་དང་ཞི་ཅིན་ཕིང་གི་ཁྲིམས་སྐྱོང་དགོངས་པ་སློབ་སྦྱོང་དང་ལག་བསྟར་ཟབ་མོ་བྱེད་པ་དང་། གནས་བབ་གསར་པ་དང་ལས་འགན་གསར་པར་རྒྱུས་ལོན་ཡང་དག་བྱེད་པ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་རྒྱུ་གཙོ་ཐིག་ཏུ་བྱེད་པ་དང་ཡུན་ཕན་རྐྱེན་སྲོལ་འཐུས་ཚང་དུ་གཏོང་རྒྱུ་འདེགས་སྐྱོར་དུ་བྱེད་པ། ཆེད་དོན་དག་ཐེར་བཅོས་སྐྱོང་བྱེད་རྒྱུ་གཙོར་འཛིན་པ། ཁྲིམས་ལྟར་ཁྲིམས་འགལ་པར་སྐྲུན་དང་བརྒྱུད་སྒྲོག་བྱེད་སྒོ་སྣ་ཚོགས་ལ་རྡུང་རྡེག་ནན་མོ་གཏོང་བ་བཅས་བྱས་ནས་ངེས་པ་དོན་གྱིས་བདེ་འཇགས་སྲུང་སྐྱོབ་དང་ཉེན་ཁ་འགོག་སེལ། སྤྱོད་ཚུལ་བཟང་བ། འཕེལ་རྒྱས་ལ་སྐུལ་འདེད་བཅས་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལག་ལེན་ལ་འབད་པས་སྐུལ་འདེད་གཏོང་བར་སྤྱི་ཚོགས་ཀྱི་རིག་གནས་ཁོར་ཡུག་བཟང་བོ་བསྐྲུན་དགོས། གནད་དོན་གྱི་ཁྲིད་ཕྱོགས་དང་ཕན་འབྲས་ཀྱི་ཁྲིད་ཕྱོགས་རྒྱུན་འཁྱོངས་བྱེད་པ་དང་། ལས་རིགས་གཙོ་བོའི་ཁྱབ་ཁོངས་ལ་དམིགས་ནས་དྲ་རྒྱའི་སྐྱེ་ཁམས་བཅོས་སྐྱོང་གཏིང་ཟབ་ཏུ་སྤེལ་བ་དང་རིག་གནས་ཁྲོམ་རའི་སྒྲིག་ལམ་ནུས་ཡོད་སྒོས་ཚད་ལྡན་དུ་བཏང་ནས་ནར་མ་སོན་པའི་མིའི་རིག་གནས་ཁེ་དབང་ལ་སྲུང་སྐྱོབ་བྱེད་པའི་འགོག་ར་བརྟན་པོར་འཛུགས་དགོས། ཕྱོགས་སོ་སོའི་བྱ་བའི་འགན་འཁྲི་ནན་དཀྲི་བྱེད་པ་དང་འབྲེལ་ཡོད་རྐྱེན་སྲོལ་བཙུགས་ནས་འཐུས་ཚང་དུ་གཏོང་བ། མཐུན་སྦྱོར་མཉམ་འགུལ་ལ་ཤུགས་སྣོན་པ། དཔུང་སྡེ་འཛུགས་སྐྲུན་དང་ལག་རྩལ་ལ་བརྟེན་ནས་བྱེད་ནུས་བསྩོལ་རྒྱུར་ཤུགས་བསྣན་ཏེ་སྟོབས་ཤུགས་མཉམ་འདོན་གྱིས་བྱ་བའི་ཕན་འབྲས་རྒྱུན་ཆད་མེད་པར་མཐོར་འདེགས་གཏོང་དགོས།
གྲོས་ཚོགས་སྟེང་། འབྲེལ་ཡོད་སྡེ་ཁག་དང་ས་ཁུལ་གྱིས་བརྗེ་རེས་གཏམ་བཤད་བྱས།
