ད་ལོའི་ལོ་སར་སྐབས་སུ་ཞིང་ཆེན་ཡོངས་ཀྱི་བདེ་འཇགས་གནས་བབ་སྤྱིའི་ཆ་ནས་བརྟན་འཇགས་རེད།

 

ཟླ2པའི་ཚེས28ཉིན།   མཚོ་སྔོན་ཞིང་ཆེན་འཕྲལ་བསྟུན་དོ་དམ་ཐིང་གིས་བསྒྲགས་པ་ལྟར་ན།    ད་ལོའི་ལོ་སར་གུང་གསེང་གི་དུས་ཡུན་རིང་ལ། མང་ཚོགས་འགྲུལ་བཞུད་བྱེད་ཚད་མང་བ་དང་།    རྟེན་འབྲེལ་བྱེད་སྒོ་མང་བས།    བདེ་འཇགས་ཉེན་ཁ་སྣ་ཚོགས་བསྣོལ་མར་གནས་ཡོད།   ཞིང་ཆེན་ཡོངས་ཀྱི་རིམ་པ་སོ་སོའི་འཕྲལ་བསྟུན་དོ་དམ་མ་ལག་གིས་འགན་འཁྲིའི་འབྲེལ་ཐག་ཇེ་དམ་དུ་བཏང་བ་དང་སྔོན་འགོག་བྱེད་ཐབས་དོན་འཁྱོལ་ནན་མོ་བྱས་ལ།    ལས་རེས་ལས་སྲུང་དང་ཉེན་ཁ་འགོག་སེལ།  འཕྲལ་བསྟུན་གྲ་སྒྲིག་བཅས་ལ་ཤུགས་བསྣན་ནས་ཞིང་ཆེན་ཡོངས་སུ་ཅུང་ཚབས་ཆེན་དང་དེའི་ཡན་གྱི་ཐོན་སྐྱེད་བདེ་འཇགས་དོན་རྐྱེན་དང་རང་བྱུང་གནོད་འཚེ་གཅིག་ཀྱང་མ་བྱུང་།

ཞིང་ཆེནཡོངས་ཀྱི་འཕྲལ་བསྟུན་དོ་དམ་མ་ལག་གིས་མེ་ཟོན་དང་གཞུང་ལམ་འགྲིམ་འགྲུལ།    ཤོག་སྦག   ནགས་ཚལ་དང་རྩྭ་ཐང་གི་མེ་འགོག    མི་སྣའི་འདུ་ཚོགས་མང་ས།   རིག་གནས་ཡུལ་སྐོར་སོགས་ལས་རིགས་གཙོ་བོའི་ཁྱབ་ཁོངས་ལ་དམ་པོར་དམིགས་ནས་རྒྱུན་ཆད་མེད་པར་མངོན་མེད་རྐྱེན་ངན་ཞིབ་བཤེར་ལེགས་བཅོས་འགུལ་སྐྱོད་སྤེལ།    དུས་ཆེན་སྐབས་སུ།  བསྡོམས་པས་བདེ་འཇགས་ཞིབ་བཤེར་མི་ཐེངས་ཉིས་ཁྲི་ཆིག་སྟོང་དགུ་བརྒྱ་ང་བཞི་ལ་སྤེལ་བ་དང་།   ཁེ་ལས་ཆིག་ཁྲི་བདུན་སྟོང་གྱ་དགུ་ལ་ཞིབ་བཤེར་བྱས་ནས་མི་མངོན་པའི་རྐྱེན་ངན་སྣ་ཉིས་སྟོང་ཉིས་བརྒྱ་གྱ་གཉིས་ཞིབ་བཤེར་ལེགས་བཅོས་བྱས།    ཤོག་སྦག་གི་བདེ་འཇགས་དོ་དམ་ལ་དམིགས་ནས་ཞིང་ཆེན་བདེ་འཇགས་ཐོན་སྐྱེད་ཨུ་ཡོན་ལྷན་ཁང་གཞུང་སྒྲུབ་ཁང་གིས་ཞིང་ཆེན་རིམ་པའི་ལྟ་སྐུལ་མཛུབ་སྟོན་ཚན་ཆུང་བཙུགས་ཤིང་།    འཕྲལ་བསྟུན་དོ་དམ་དང་སྤྱི་བདེ།   འགྲིམ་འགྲུལ་སྐྱེལ་འདྲེན།  ཁྲོམ་ར་ལྟ་སྐུལ་དོ་དམ་སོགས་སྡེ་ཁག་དང་མཉམ་འབྲེལ་བྱས་ཏེ་མངོན་བཤེར་ལྐོག་འདྲིའི་བྱེད་ཐབས་ལ་བརྟེན་ནས་ཆེད་དོན་དག་ཐེར་བཅོས་སྐྱོང་བྱེད་སྒོ་སྤེལ་བ་དང་།    ཞིང་ཆེན་ཡོངས་སུ་བསྡོམས་པས་བྱ་བའི་ཚན་ཆུང་བཞི་བརྒྱ་ཉི་ཤུ་མངག་གཏོང་བྱས་ཏེ་ཤོག་སྦག་བསིལ་འཚོང་ཁང་ཆིག་སྟོང་བཞི་བརྒྱ་བཅུ་ལ་ལེབ་བཤེར་བྱས་ནས་མངོན་མེད་རྐྱེན་ངན་གལ་ཆེན་དག་ཐེར་ལེགས་བཅོས་བྱས།    ཟླ2པའི་ཚེས23བར་དུ།    བསྡོམས་པས་མངོན་མེད་རྐྱེན་སུམ་བརྒྱ་ཉེར་བདུན་རྙེད་དེ་དག་ཐེར་ལེགས་བཅོས་བྱས་པ་དང་།    བདེ་འཇགས་ཀྱི་ཉེན་ཁ་ཡོད་པའི་བསིལ་འཚོང་ཁང་བཅུ་ལ་སྒོ་རྒྱག་ཏུ་བཅུག་པ་དང་བསིལ་འཚོང་དགུ་ལ་ལས་མཚམས་བཞག་ནས་ལེགས་སྒྲིག་བྱེད་དུ་བཅུག་པར་མ་ཟད།   ཁྲིམས་འགལ་གྱི་ཤོག་སྦག་སྒམ་བརྒྱ་དང་ལྔ་བཅུ་རྩིས་ལེན་བྱས་ཤིང་།   ཁྲིམས་འགལ་བྱ་སྤྱོད་ལ་རྡུང་རྡེག་དང་སྒྲིག་འགལ་བྱ་སྤྱོད་ལེགས་བཅོས་བྱེད་པའི་དཔེ་མཚོན་གྱོད་གཞི་ཁྱབ་བསྒྲགས་བྱས་ཏེ་ཤུགས་ཆེན་པོས་ཉེན་བརྡའི་སློབ་གསོ་སྤེལ།

དེ་དང་མཉམ་དུ།   ཞིང་ཆེན་འཕྲལ་བསྟུན་དོ་དམ་མ་ལག་གིས་འགོ་ཁྲིད་ལས་བྱེད་པས་ལས་གནས་སུ་མཛུབ་སྟོན་བྱེད་པ་དང་།  དུས་ཚོད་ཉེར་བཞིའི་ལས་རེས་ལས་སྲུང་དང་ལས་རེས་ལས་གྲབས་ལམ་ལུགས་སོགས་ལག་བསྟར་ནན་མོ་བྱས་ཏེ་རིམ་པ་སོ་སོའི་འཕྲལ་བསྟུན་དོ་དམ་སྡེ་ཁག་གི་མི་སུམ་བརྒྱ་ལྷག་དང་མེ་ཟོན་རོགས་སྐྱོབ་དཔུང་སྡེའི་མི་ཉིས་སྟོང་བརྒྱ་ལྷག   འཕྲལ་བསྟུན་རོགས་སྐྱོབ་དཔུང་སྡེའི་མི་ལྔ་སྟོང་དགུ་བརྒྱ་ལྷག་གིས་ལས་གནས་སུ་ལས་སྲུང་ལས་གྲབས་བྱས།     ཞིང་ཆེན་ཡོངས་ཀྱི་མེ་ཟོན་རོགས་སྐྱོབ་དཔུང་སྡེས་ལས་འགན་ལག་བསྟར་ནན་མོ་བྱས་ཏེ་བསྡོམས་པས་ཉེན་བརྡ་སུམ་བརྒྱ་དང་བཞི་བཅུ་དང་ལེན་བྱས་པ་དང་།   མེ་ཟོན་བཀོད་འཐབ་པ་མི་ཐེངས་སུམ་སྟོང་ལྔ་བརྒྱ་གཉིས་དང་མེ་ཟོན་རླངས་འཁོར་བདུན་བརྒྱ་རེ་གསུམ་མངག་གཏོང་བྱས་པ་དང་།    ཉེན་སེལ་རོགས་སྐྱོབ་ཐེངས་ཉེར་གསུམ་དང་།  བདེ་སྲུང་དང་སྤྱི་ཚོགས་རོགས་སྐྱོབ་ཐེངས་བཅོ་བརྒྱད།    སྤྱིར་བཏང་གི་མེ་གསོད་མི་སྐྱོབ་ཐེངས་ཉིས་བརྒྱ་གྱ་བཞི་བཅས་ཡོངས་འགྲུབ་བྱས་ཏེ་ཅུང་ཚབས་ཆེན་དང་སྤྱི་ཚོགས་ལ་ཤུགས་རྐྱེན་ཐེབས་པའི་མེ་སྐྱོན་དོན་རྐྱེན་གཅིག་ཀྱང་མ་བྱུང་བར་དུས་ཆེན་སྐབས་ཀྱི་ཞིང་ཆེན་ཡོངས་ཀྱི་སྤྱི་ཚོགས་བདེ་འཇགས་བརྟན་འཇགས་ལ་ནུས་ཡོད་སྒོས་འགན་སྲུང་བྱས།