མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ2པའི་ཚེས27ཉིན། མཚོ་སྔོན་ཞིང་ཆེན་སྨན་རྫས་ལྟ་སྐུལ་དོ་དམ་ཅུས་ནས་བསྒྲགས་པའི་གཏམ་བཟང་ལྟར་ན། རྒྱལ་ཁབ་སྨན་རྫས་ལྟ་སྐུལ་དོ་དམ་ཅུས་སྨན་རྫས་དཔྱད་འཇོག་ལྟེ་གནས(རྒྱལ་ཁབ་སྨན་རྫས་ཀྱི་ཚུར་སྣང་མི་ལེགས་པའི་ལྟ་ཞིབ་ཚད་ལེན་ལྟེ་གནས)ཀྱིས《2025ལོར་རྒྱལ་ཡོངས་ཀྱི་སྨན་རྫས་དང་སྨན་བཅོས་སྒྲིག་ཆས། མཛེས་སྤྲས་བྱུགས་རྫས་བཅས་ཀྱི་ཚུར་སྣང་མི་ལེགས་པའི་ལྟ་ཞིབ་ཚད་ལེན་དཔྱད་འཇོག་བྱ་བའི་བྱས་རྗེས་འབུར་ཐོན་ཅན་གྱི་ལས་ཁུངས་ལ་གཟེངས་བསྟོད་བྱ་རྒྱུའི་སྐོར་གྱི་བརྡ་ཁྱབ》ཅེས་པ་པར་འགྲེམས་བྱས་པ་དང་། རང་ཞིང་གི་ལས་ཁུངས6གཟེངས་བསྟོད་མིང་ཐོའི་ཁྲོད་ཚུད་ཡོད་ལ། སོ་སོ་མཚོ་ཤར་གྲོང་ཁྱེར་ཁྲོམ་རའི་ལྟ་སྐུལ་དོ་དམ་ཅུས་དང་། མཚོ་བྱང་བོད་རིགས་རང་སྐྱོང་ཁུལ་ཁྲོམ་རའི་ལྟ་སྐུལ་དོ་དམ་ཅུས། ཟི་ལིང་གྲོང་ཁྱེར་མི་དམངས་སྨན་ཁང་གཉིས་པ། མཚོ་ཤར་གྲོང་ཁྱེར་མི་དམངས་སྨན་ཁང་དང་པོ། མཚོ་སྔོན་ཞིང་ཆེན་དཀར་ལྷ་དར་མདུང་སྨན་རྫས་ཚད་ཡོད་ཀུང་སི། མཚོ་སྔོན་ཞིང་ཆེན་དབྱི་ཞིན་སྨན་ལས་ཚད་ཡོད་འགན་འཁྲི་ཀུང་སི་བཅས་རེད།
རང་ཞིང་གིས་ཐོག་མཐའ་བར་གསུམ་དུ་སྨན་རྫས་དང་སྨན་བཅོས་སྒྲིག་ཆས། མཛེས་སྤྲས་བྱུགས་རྫས་བཅས་ཀྱི་ཚུར་སྣང་མི་ལེགས་པའི་ལྟ་ཞིབ་ཚད་ལེན་ནུས་པ་མཐོར་འདེགས་གཏོང་བའི་ལྟེ་བའི་དམིགས་འབེན་ལ་དམིགས་ཏེ། གནད་དོན་ཕྱོགས་སྟོན་དུ་འཛིན་པ་དང་མ་ལག་རང་བཞིན་གྱི་བསམ་གཞིགས་རྒྱུན་འཁྱོངས་བྱས་ནས། “རུ་དཔུང་སྟོབས་ལྡན་དང་། ཞན་ཆ་ཁ་གསབ། ནུས་པ་འདོན་སྤྲོད”བཅས་གཙོ་གནད་དུ་བཟུང་སྟེ། ལས་སྒྲུབ་མི་སྣ་སྒྲིག་འཛུགས་བྱས་ནས་རིམ་པ་བགོས་ཏེ་སྨན་རྫས་དང་སྨན་བཅོས་སྒྲིག་ཆས། མཛེས་སྤྲས་བྱུགས་རྫས་བཅས་ཀྱི་ཚུར་སྣང་མི་ལེགས་པའི་དོན་རྐྱེན་གྱི་ལྟ་ཞིབ་ཚད་ལེན་ལས་སྒོའི་རོགས་སྐྱོར་མཛུབ་སྟོན་དང་གསོ་སྦྱོང་ལས་དོན་སྤེལ་པ་དང་། ཞིང་ཆེན་ཡོངས་ཀྱི་རིམ་པ་ཁག་གི་ཚོང་རའི་ལྟ་སྐུལ་དོ་དམ་ཅུས་དང་། རིམ་པ་ཁག་གི་མི་དམངས་སྨན་ཁང་། བོད་སྨན་ཁང་། བོད་ལུགས་སྨན་བཅོས་ཀྱི་སྨན་རྫས་སྡེབ་སྦྱོར་ལྟེ་གནས། ནད་ཡམས་ཚོད་འཛིན་ལྟེ་གནས། ཞང་དང་གྲོང་རྡལ་གྱི་འཕྲོད་བསྟེན་ཁང་དང་སྨན་རྫས་དང་སྨན་བཅོས་སྒྲིག་ཆས། མཛེས་སྤྲོས་བྱུགས་རྫས་བཅས་ཀྱི་གཉེར་སྐྱོང་ཁེ་ལས་སོགས་ཀྱི་ལས་ཁུངས་གྱིས་གཞི་རིམ་ལས་ཁུངས་ཀྱི་སྨན་རྫས་དང་སྨན་བཅོས་སྒྲིག་ཆས། མཛེས་སྤྲོས་བྱུགས་རྫས་བཅས་ཀྱི་ཚུར་སྣང་མི་ལེགས་པའི་དོན་རྐྱེན་གྱི་སྙན་ཞུའི་བྱ་བའི་ཁྲོད་གནས་པའི“རྙོག་འཛིང་གི་གནད་དོན”ཐག་གཅོད་ནུས་ལྡན་བྱས་པ་དང་། སྨན་རྫས་དང་སྨན་བཅོས་སྒྲིག་ཆས། མཛེས་སྤྲས་བྱུགས་རྫས་བཅས་ཀྱི་ཚུར་སྣང་མི་ལེགས་པའི་ལྟ་ཞིབ་ཚད་ལེན་བྱ་བའི་ཆེས་མཇུག་མཐའི་དཀའ་ཁེག་སེལ་ཐབས་བྱས་ཏེ། སྤྱི་དམངས་ཀྱིས་སྨན་རྫས་དང་སྨན་བཅོས་སྒྲིག་ཆས། མཛེས་སྤྲས་བྱུགས་རྫས་བཅས་ཀྱི་བེད་སྤྱོད་བདེ་འཇགས་ལ་ནུས་ལྡན་གྱི་འདེགས་སྐྱོར་འདོན་སྤྲོད་བྱས་ཡོད།
རང་ཞིང་གིས་གསར་གཏོད་ཀྱི་སྒུལ་ཤུགས་སྣེ་ཁྲིད་དུ་བྱས་ཏེ། སྨན་རྫས་ཉེན་ཟོན་མ་ལག་འཛུགས་སྐྱོང་ལ་སྐུལ་འདེད་ཤུགས་ཆེན་གཏོང་བ་དང་། ལྟ་ཞིབ་ཚད་ལེན་དང་དཔྱད་འཇོག་བྱ་བའི་ལམ་སྲོལ་རྒྱུན་མཐུད་ངང་འཐུས་ཚང་དུ་གཏོང་བ། སྣ་ཁ་གཙོ་བོ་དང་། ལྷུ་ཚིགས་གཙོ་བོ། ཚོགས་སྤྱི་གཙོ་བོ་བཅས་ལ་ལྟ་ཞིབ་ཚད་ལེན་བྱེད་ཤུགས་ཆེ་རུ་གཏོང་བ། ཉེན་ཟོན་སྔོན་བརྡ་གཏོང་བ་དང་བབ་བསྟུན་ཐག་གཅོད་བྱེད་ནུས་རྒྱུན་ཆད་མེད་པར་ཆེ་རུ་གཏོང་བ་བཅས་བྱས་ནས་སྤྱི་དམངས་ཀྱི་བདེ་ཐང་དང་སྨན་སྤྱོད་བདེ་འཇགས་འགན་སྲུང་བྱ་དགོས།
