མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ2པའི་ཚེས28ཉིན། ཞིང་ཆེན་སྲིད་གཞུང་གི་ཏང་ཙུའུ་ཧྲུའུ་ཅི། ཧྲིན་ཀྲང་ལུའོ་ཏུང་ཁྲོན་གྱིས་འགོ་འཛིན་བྱས་ཏེ་ཞིང་ཆེན་སྲིད་གཞུང་གི་ཏང་ཙུའུ་གྲོས་ཚོགས་བསྡུས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་མཛུབ་སྟོན་གལ་ཆེན་དང་ཀྲུང་དབྱང་འབྲེལ་ཡོད་ཚོགས་འདུའི་ཡིག་ཆའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། ཞིང་ཆེན་ཏང་ཨུའི་བྱ་བའི་བླང་བྱ་དངོས་འབེབ་བྱས་ཏེ། ཞིང་ཆེན་སྲིད་གཞུང་གི་ཏང་ཙུའུ་ཡིས་ཡང་དག་པའི་སྲིད་འབྲས་ལྟ་བ་འཛུགས་པ་དང་ལག་ལེན་དུ་བསྟར་ནས་སློབ་སྦྱོང་སློབ་གསོ་སོགས་ཀྱི་བྱ་བ་སྒྲུབ་པར་ཞིབ་འཇུག་དང་བཀོད་སྒྲིག་བྱས།
གྲོས་ཚོགས་ལས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་ཧྲུའུ་ཅི་ཁྲུའུ་ཡི་ཧྲུའུ་ཅི་སོགས་ཀྱི་འགན་ཞུ་བྱེད་པའི་སྐབས་བཏོན་པའི་བླང་བྱ་གལ་ཆེན་ལ་གཟིགས་ཞིབ་གནང་བ་བརྒྱུད་བསྒྲགས་དང་སློབ་སྦྱོང་བྱས། བློ་བརྟན་འགྱུར་མེད་སྒོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པས་བློ་སྒྲིལ་སེམས་བསྐྱེད་བྱས་ཏེ། “གཏན་ཕབ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང་། “སྲུང་སྐྱོང་གཉིས”མཐའ་གཅིག་ཏུ་ལེགས་པོར་སྒྲུབ་པ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་ནན་མོ་བྱས་ཏེ། སྔར་ལས་རང་འགུལ་གྱིས་འགན་འཁུར་བ་དང་། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཏན་ཏིག་བྱེད་པ། འཕེལ་རྒྱས་དང་བདེ་འཇགས་གཅིག་གྱུར་འཆར་འགོད་སྔར་ལས་ལེགས་པོ་བྱེད་པ། མུ་མཐུད་དུ་དམངས་འཚོ་འགན་སྲུང་དང་ལེགས་བཅོས་བྱེད་པ། ཚད་གཞི་སྔར་ལས་མཐོ་བའི་ཐོག་ནས་ཏང་སྲོལ་སྲིད་གཙང་འཛུགས་སྐྲུན་ལ་སྐུལ་འདེད་གཏོང་བ། དུས་ཚིགས་དང་པོའི་བྱ་བ་སྣ་ཚོགས་གཅིག་གྱུར་འཆར་འགོད་ཀྱིས་དམ་འཛིན་བྱས་ཏེ། ཧུར་ཐག་གིས“ལོ་ལྔའི་འཆར་འགོད་བཅོ་ལྔ་པའི”འགོ་ཡག་པོ་རྩོམ་པར་འབད་བརྩོན་བྱ་དགོས་པ་ནན་གྱིས་བསྟན།
གྲོས་ཚོགས་ལས་ཀྲུང་དབྱང་ཏང་འཛུགས་སྐྱོང་བྱ་བའི་འགོ་ཁྲིད་ཚན་ཆུང་གི་ཚོགས་འདུ་དང་ཀྲུང་གུང་ཀྲུང་དབྱང་གཞུང་སྒྲུབ་ཐིང་གི《ཏང་ཡོངས་སུ་ཡང་དག་པའི་སྲིད་འབྲས་ལྟ་བ་འཛུགས་པ་དང་ལག་ལེན་དུ་བསྟར་བའི་སློབ་སྦྱོང་སློབ་གསོ་སྤེལ་བའི་སྐོར་གྱི་བརྡ་ཐོའི》དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། ཞིང་ཆེན་ཏང་ཨུའི་ཏང་འཛུགས་སྐྱོང་བྱ་བའི་འགོ་ཁྲིད་ཚན་ཆུང་གི་ཚོགས་འདུའི་བླང་བྱ་གཞིར་བཟུང་ནས། ཞིང་ཆེན་སྲིད་གཞུང་གི་ཏང་ཙུའུ་ཡིས་སློབ་སྦྱོང་སློབ་གསོའི་བྱ་བ་བཀོད་སྒྲིག་བྱེད་འགོ་བརྩམས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཡང་དག་པའི་སྲིད་འབྲས་ལྟ་བ་འཛུགས་པ་དང་ལག་ལེན་དུ་བསྟར་བའི་སློབ་སྦྱོང་སློབ་གསོའི་སྐོར་གྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས། བསམ་བློ་དང་བྱ་སྤྱོད་ཏང་ཀྲུང་དབྱང་གི་ཐབས་ཇུས་བཀོད་སྒྲིག་སྟེང་དངོས་གནས་གཅིག་གྱུར་བྱས་ཏེ། སྔར་ལས་ལྷག་པའི་སྒོ་ནས་སློབ་སྦྱོང་སློབ་གསོའི་ཆབ་སྲིད་ཀྱི་རང་རྟོགས་དང་། བསམ་བློའི་རང་རྟོགས། བྱ་སྤྱོད་ཀྱི་རང་རྟོགས་བཅས་ཇེ་དྲག་ཏུ་བཏང་སྟེ། “སྤྱི་དོན་དུ་ཏང་འཛུགས་པ་དང་། དམངས་ལ་བདེ་སྐྱིད་བསྐྲུན་པ། ཚན་རིག་དང་མཐུན་པའི་ཇུས་གཅོད། དངོས་སྒྲུབ་དངོས་གཉེར”བཅས་ཀྱི་སྤྱིའི་བླང་བྱར་རྒྱུས་ལོན་ཟབ་མོ་དང་ཡང་དག་པར་ཁོང་དུ་ཆུད་པ། ཕྱོགས་ཡོངས་ནས་དོན་འཁྱོལ་བཅས་བྱས་ཏེ། རིགས་དབྱེ་མཛུབ་ཁྲིད་ལ་ཤུགས་སྣོན་པ་དང་། སེམས་ཞིབ་མོས་རྩ་འཛུགས་དང་ལག་བསྟར་བྱེད་པ། ཕྱི་ཚུལ་རིང་ལུགས་བཀག་སྡོམ་བཅས་བྱས་ཏེ། ཞིང་ཆེན་སྲིད་གཞུང་གི་ཏང་ཙུའུ་སློབ་སྦྱོང་སློབ་གསོ་ཚད་གཞི་མཐོ་བ་དང་སྤུས་ཚད་མཐོ་བའི་སྒོ་ནས་སྤེལ་དགོས། སློབ་སྦྱོང་དང་གྲོས་བསྡུར། གནད་དོན་བཤེར་འདོན། བཅོས་སྒྲིག་དང་ལེགས་བཅོས། སྒྲིག་སྲོལ་ལམ་ལུགས་འཛུགས་པ། སྒོ་འབྱེད་སློབ་གསོ་སོགས་ཀྱི་བྱ་བའི་བཀོད་སྒྲིག་དོན་འཁྱོལ་ནན་མོ་བྱས་ཏེ། སློབ་སྦྱོང་དང་གྲོས་བསྡུར་ཐད་བློ་རྩེ་གཅིག་ཏུ་སྒྲིམ་པ་དང་། གནད་དོན་བཤེར་འདོན་ཐད་མི་དང་དོན་དག་མཐོང་བ། བཅོས་སྒྲིག་དོན་འཁྱོལ་ཐད་དངོས་སྒྲུབ་བཙན་འཇུན་བྱེད་པ། འཕེལ་རྒྱས་ལ་སྐུལ་འདེད་གཏོང་བའི་ཐད་དོན་འཁྱོལ་ཕན་འབྲས་ཐོན་པ། དཔེ་སྟོན་དང་སྣེ་ཁྲིད་ཐད་གོང་དཔེ་འོག་སྟོན་བྱས་ཏེ། སློབ་སྦྱོང་དང་ཞིབ་བཤེར་བྱ་རྒྱུར་མཉམ་དུ་སྐུལ་འདེད་གཏོང་བ་བྱེད་ཐབས་སུ་བྱས་ནས། རྒྱ་ཆེའི་ཏང་ཡོན་ལས་བྱེད་པས་དངོས་ཐོག་བདེན་འཚོལ་དང་དངོས་སྒྲུབ་དངོས་གཉེར་རྒྱུན་འཁྱོངས་བྱེད་པར་སློབ་གསོ་དང་ཁྲིད་སྟོན་བྱས་ཏེ། མི་དམངས་ཀྱི་ཆེད་དུ་སྲིད་འབྲས་བརྩོན་པ་དང་དངོས་སྒྲུབ་ལ་བརྟེན་ནས་སྲིད་འབྲས་ལེན་པ། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ། མི་དམངས་ཀྱི་འཚོ་བའི་སྤུས་ཚད་མཐོ་རུ་གཏོང་བའི་ཕན་འབྲས་གསར་པར་བརྟེན་ནས་སློབ་སྦྱོང་སློབ་གསོའི་གྲུབ་འབྲས་ལ་ཞིབ་བཤེར་བྱེད་དགོས་པ་ནན་གྱིས་བསྟན།
གྲོས་ཚོགས་ལས་མཚོ་སྔོན་ཞིང་ཆེན་གྱི་ས་ཆ་འགན་གཙང་ལེན་གྱི་རེས་སྐོར་གཉིས་པའི་དུས་ཡུན་ལོངས་རྗེས་ཡང་བསྐྱར་ལོ30ལ་ཇེ་རིང་དུ་གཏོང་བའི་ཚོད་ལྟའི་བྱ་བར་ཞིབ་འཇུག་བྱས། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་དང་ཀྲུང་དབྱང་ཞིང་སྡེའི་བྱ་བའི་གྲོས་ཚོགས་ཀྱི་དགོངས་དོན་ནན་ཏན་གྱིས་སློབ་སྦྱོང་དང་ལག་བསྟར་བྱས་ཏེ། ཚད་མཐོའི་འགན་འཁྲི་ཁུར་སེམས་དང་ལས་འགན་སྒྲུབ་སེམས་ལ་བརྟེན་ནས། བཅོས་སྒྱུར་ཚོད་ལྟའི་འགན་འཁྲི་ནུས་ཤུགས་ཡོད་རྒུས་དམ་འཛིན་ལེགས་པོ་བྱས་ཏེ། ཁྱབ་ཁོངས་རྒྱ་སྐྱེད་སྤུས་འདེགས་ཀྱི་ཐད་ཧུར་ཐག་གིས་ཐོལ་བརྒལ་ཡོང་བར་བྱེད་པ་དང་། ལམ་ལུགས་དང་གསར་གཏོད་ཐད་བྱ་ཐབས་དངོས་འདོན་པ། རྒྱུ་རྐྱེན་གཙོ་བོའི་འདེགས་སྐྱོར་ཐད་སྟོབས་ཤུགས་གཅིག་སྡུད་བཅས་བྱས་ཏེ། སྣང་ཚུལ་བསྐྲུན་པའི་ཐད་འབད་བརྩོན་བྱས་ནས་ཚོད་ལྟའི་བྱ་བར་བརྟན་བརླིང་དང་གོ་རིམ་ལྡན་པའི་སྒོ་ནས་སྐུལ་འདེད་གཏོང་ཐུབ་པར་ཁག་ཐེག་བྱ་དགོས་པ་ནན་གྱིས་བསྟན།
གྲོས་ཚོགས་ལས《ཀྲུང་གུང་མཚོ་སྔོན་ཞིང་ཆེན་མི་དམངས་སྲིད་གཞུང་ཏང་ཙུའུ་ཡི2026ལོའི་བྱ་བའི་གཙོ་གནད》ལ་གྲོས་ཞིབ་བྱས་ཏེ་རྩ་དོན་སྟེང་གྲོས་འཆམ་བྱུང་།
གྲོས་ཚོགས་ལས་ད་དུང་དོན་དག་གཞན་དག་ལ་ཞིབ་འཇུག་བྱས།
