མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ2པའི་ཚེས28ཉིན། མཚོ་སྔོན་ཞིང་ཆེན་གྱི་རྩིས་བཤེར་བྱ་བའི་གྲོས་ཚོགས་ཟི་ལིང་དུ་བསྡུས། གྲོས་ཚོགས་ལས2025ལོ་དང“ལོ་ལྔའི་འཆར་འགོད་བཅུ་བཞི་པའི”དུས་སྐབས་ཀྱི་རྩིས་བཤེར་བྱ་བར་ཕྱོགས་ཡོངས་ནས་སྤྱི་བསྡོམས་བྱས་པ་དང་།“ལོ་ལྔའི་འཆར་འགོད་བཅོ་ལྔ་པའི”དུས་སྐབས་དང2026ལོའི་རྩིས་བཤེར་བྱ་བར་ཞིབ་འཇུག་དང་བཀོད་སྒྲིག་བྱས།
གྲོས་ཚོགས་ལས་བསྟན་དོན། 2025ལོར། ཞིང་ཆེན་ཡོངས་ཀྱི་རྩིས་བཤེར་ལས་ཁུངས་ཀྱིས་ཏང་དང་རྒྱལ་ཁབ་ཀྱི་བྱ་བའི་ཁྱོན་ཡོངས་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ལྟེ་བའི་ལས་དོན་ལ་དམ་པོར་དམིགས་ནས། “ཚན་རིག་དང་མཐུན་པའི་ཚད་མཐོ་རུ་གཏོང་བའི་ལོ”ཡི་བྱ་སྤྱོད་ཏན་ཏིག་སྤེལ་བ་དང་། ཁྲིམས་ལྟར་ཕྱོགས་ཡོངས་ནས་རྩིས་བཤེར་ལྟ་སྐུལ་འགན་འཁྲི་ལག་བསྟར་བྱས་ཏེ། རྩིས་བཤེར་ལྟ་སྐུལ་ནུས་ལྡན་གྱི་ཐོག་ནས་ལག་བསྟར་འགན་སྲུང་དང་འཕེལ་རྒྱས་ལ་སྐུལ་འདེད་བཏང་སྟེ། རྩིས་བཤེར་དེ་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་ལག་ལེན་ཁྲོད་ནུས་པ་འདོན་སྤེལ་ཅུང་ལེགས་པོ་བྱས་ཡོད།
གྲོས་ཚོགས་ལས2026ལོ་ནི“ལོ་ལྔའི་འཆར་འགོད་བཅོ་ལྔ་པའི”འཆར་འགོད་འགོ་རྩོམ་པའི་ལོ་ཡིན་པས། ཞིང་ཆེན་ཡོངས་ཀྱི་རྩིས་བཤེར་ལས་ཁུངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྩིས་བཤེར་བྱ་བའི་སྐོར་གྱི་མཛུབ་སྟོན་གལ་ཆེན་དང་མཆན་བཀོད་མཛུབ་སྟོན་གྱི་དགོངས་དོན། མཚོ་སྔོན་ལ་གཟིགས་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་བཅས་གནད་ལ་འཁེལ་བའི་སྒོ་ནས་དོན་འཁྱོལ་བྱས་ཏེ། དཔལ་འབྱོར་ལྟ་རྟོག་གི་ངེས་གནས་ལ་རྐང་བཙུགས་ནས། ལས་འགན་གཙོ་བོ་དང་ལས་རིགས་གཙོ་བོར་དམིགས་པ་དང་། ཞིབ་འཇུག་རྣམ་པའི་རྩིས་བཤེར་གཏིང་ཟབ་ཏུ་གཏོང་བ། ནོར་སྲིད་དཔལ་འབྱོར་གྱི་སྒྲིག་ཁྲིམས་ནན་མོ་དང་ཉེན་ཁ་ཆེན་པོ་དང་མངོན་མེད་རྐྱེན་ངན་འགོག་སེལ་བྱེད་པར་སྐུལ་འདེད་གཏོང་དགོས། འཛུགས་སྐྱོང་གི་སྣེ་ཁྲིད་ལ་མུ་མཐུད་དུ་སྐུལ་འདེད་གཏོང་བ་དང་། རྩིས་བཤེར་གྱི་དོ་དམ་སྒྲིག་སྲོལ་བཅོས་སྒྱུར་གྱི་གྲུབ་འབྲས་སྲ་བརྟན་དང་རྒྱ་བསྐྱེད་པ། བཀོད་སྒྲིག་དང་བླང་བྱ་སྣ་ཚོགས་མཐའ་གཅིག་ཏུ་ལག་བསྟར་དོན་འཁྱོལ་བྱས་ནས། རྩིས་བཤེར་གྱི་ཆབ་སྲིད་ཀྱི་གཏོགས་གཤིས་སྔར་བས་ཇེ་དྲག་ཏུ་བཏང་ཡོད། ནང་མཁོ་གཙོ་ཁྲིད་དང་། དམངས་འཚོ་གཙོ་བོར་འཛིན་པ། “ཐཱན་གཉིས”ཀྱིས་སྣེ་ཁྲིད་དང་། ཚད་མཐའ་བརྟན་སྲུང་བྱེད་པ། ཏང་གི་རང་ངོས་གསར་བརྗེ་ལ་སྐུལ་འདེད་གཏོང་བ་བཅས་ལ་དམིགས་ནས་རྩིས་བཤེར་གྱི་བྱ་བ་སྤེལ་བ་དང་། རྩིས་བཤེར་བཅོས་སྒྲིག་བྱ་བ་མུ་མཐུད་དུ་དམ་འཛིན་བྱས་ནས། ལྟ་སྐུལ་ཞབས་ཞུའི་ནུས་པ་རྒྱུན་ཆད་མེད་པར་མཐོ་རུ་གཏོང་དགོས། ཞིབ་འཇུག་རྣམ་པའི་རྩིས་བཤེར་དང་། གཞི་གྲངས་ཆེན་པོའི་རྩིས་བཤེར་བཀོལ་སྤྱོད་ཁྱབ་གདལ་དུ་གཏོང་བ། རྩིས་བཤེར་སྤུས་ཚད་ཀྱི་ཚོད་འཛིན་ལ་ཤུགས་སྣོན་པ། རྩིས་བཤེར་གྲུབ་འབྲས་ཀྱི་བཀོལ་སྤྱོད་གཏིང་ཟབ་ཏུ་གཏོང་བ། རྩིས་བཤེར་དཔུང་སྡེ་ལ་དོ་དམ་ནན་མོ་བཅས་བྱེད་པར་སྐུལ་འདེད་གཏིང་ཟབ་བཏང་སྟེ། ཞིང་ཆེན་ཡོངས་ཀྱི་རྩིས་བཤེར་བྱ་བའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཧུར་ཐག་གཏོང་དགོས་པ་ནན་གྱིས་བསྟན།
