མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཏང་ཡོངས་སུ་སྲིད་འབྲས་ལྟ་བ་ཡང་དག་འཛུགས་པ་དང་ལག་ལེན་དུ་བསྟར་བའི་སློབ་སྦྱོང་སློབ་གསོ་སྤེལ་བ་ནི། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་འཐབ་ཇུས་བཀོད་སྒྲིག་ལག་བསྟར་དོན་འཁྱོལ་བྱེད་པ་དང་སྤྱི་ཚོགས་རིང་ལུགས་དེང་རབས་ཅན་གཞི་རྩའི་ཆ་ནས་མངོན་འགྱུར་ཡོང་བའི་ཐག་གཅོད་རང་བཞིན་གྱི་འཕེལ་རྒྱས་ལ་འགན་ལེན་བྱེད་པའི་དགོས་ངེས་ཀྱི་བླང་བྱ་ཡིན་ལ། ཏང་གི་རྩ་བའི་དམིགས་ཡུལ་ལག་བསྟར་དང་ཏང་གི་སྲིད་སྐྱོང་རྨང་གཞི་ཇེ་བརྟན་དུ་གཏོང་བའི་བྱེད་ཐབས་གལ་ཆེན་ཞིག་ཡིན་པར་མ་ཟད།ཏང་ནང་ཁུལ་གྱི་གཅིག་སྡུད་སློབ་སྦྱོང་སློབ་གསོའི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ་དང་། རྒྱུན་འཁྱོངས་ལྷོད་མེད་ཀྱིས་ཕྱོགས་ཡོངས་ནས་ཏང་ནན་སྐྱོང་བྱེད་པར་སྐུལ་འདེད་གཏོང་བའི་ནུས་ལྡན་གྱི་ཐབས་ལམ་ཞིག་ཀྱང་ཡིན་པས། ཏང་དང་རྒྱལ་ཁབ་ཀྱི་བྱ་གཞག་ལ་སྐུལ་འདེད་གཏོང་བ་དང་ཕྱོགས་ཡོངས་ནས་ཏང་ནན་སྐྱོང་ལ་སྐུལ་འདེད་གཏོང་བར་དོན་སྙིང་གལ་ཆེན་ལྡན། བསྟུད་མར་ཉིན་འགའི་རིང་། ས་གནས་སོ་སོ་དང་སྡེ་ཁག་སོ་སོ། ལས་ཁུངས་སོ་སོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྲིད་འབྲས་ལྟ་བ་ཡང་དག་འཛུགས་པ་དང་ལག་ལེན་དུ་བསྟར་བའི་སྐོར་གྱི་རྣམ་བཤད་གལ་ཆེན་ལ་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། རྩ་འཛུགས་ཞིབ་ཚགས་བྱས་ནས་སློབ་སྦྱོང་སློབ་གསོར་ཕན་འབྲས་དངོས་ཐོན་པར་འགན་ལེན་བྱས། ཟླ2པའི་ཚེས28ཉིན་ནས་བཟུང་། 《གསར་འགྱུར་མཉམ་སྒྲོག》ལས“སྲིད་འབྲས་ལྟ་བ་ཡང་དག་འཛུགས་པ་དང་ལག་ལེན་དུ་བསྟར་བའི”ཆེད་སྒྲིག་ལེ་ཚན་བཏོན་ནས་ས་ཁུལ་སོ་སོ་དང་སྡེ་ཁག་སོ་སོ། ལས་ཁུངས་སོ་སོས་སློབ་སྦྱོང་སློབ་གསོའི་ལས་དོན་སྤེལ་བའི་འཕེལ་རིམ་དང་ཕན་འབྲས་དངོས་མངོན་པར་བྱེད་རྒྱུ་རེད།
ཧུའུ་པེ་ཞིང་ཆེན་གྱིས་སློབ་སྦྱོང་ཞིབ་བསྡུར་དང་གནད་དོན་འཚོལ་ཞིབ། དག་ཐེར་ཡོ་བསྲང་། སྒྲིག་སྲོལ་དང་ལམ་ལུགས་འཛུགས་པ། སྒོ་འབྱེད་སློབ་གསོ་སོགས་གཙོ་གནད་ལས་འགན་ལ་གཞི་གཅིག་ཏུ་སྐུལ་འདེད་གཏོང་རྒྱུ་རྒྱུན་འཁྱོངས་བྱས་ནས། རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་ཚན་ཁག་དང་དེའི་ཁོངས་མིས་གནད་དོན་དང་མི་འདང་ས་རྩད་ཞིབ་ནན་མོ་བྱེད་པར་སྐུལ་འདེད་བཏང་བ་དང་། གནད་དོན་གྱི་གསལ་ཐོ་བཟོ་བ་དང་ཤུགས་ཆེན་པོས་ལམ་ལུགས་འཐུས་ཚང་དུ་གཏོང་བ། སྒོ་འབྱེད་སློབ་སྦྱོང་སློབ་གསོ་དམ་འཛིན་བྱ་རྒྱུ་རྒྱུན་འཁྱོངས་བཅས་བྱས་ཏེ། སློབ་སྦྱོང་སློབ་གསོ་ནུས་ལྡན་སྒོས་སྤེལ་བར་འགན་སྲུང་བྱས།
ཧུའུ་པེ་ཞིང་ཆེན་ཏང་ཨུའི་རྩ་འཛུགས་པུའུ་ཡི་རྩ་འཛུགས་ཁྲུའུ་དང་པོའི་ཁྲུའུ་ཀྲང་ལིའུ་མོན་གྱིས་བཤད་རྒྱུར། ང་ཚོས“གཏན་ཕབ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་སྔར་ལས་གཏིང་ཟབ་ལེན་པ་དང་། “སྲུང་སྐྱོང་གཉིས”མཐའ་གཅིག་ཏུ་ལེགས་པར་སྒྲུབ་པ། རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་ཚན་ཁག་དང་འགོ་ཁྲིད་ལས་བྱེད་པ། ལྷག་པར་དུ“འགོ་ཁྲིད་དང་པོ”གཙོ་གནད་དུ་བཟུང་སྟེ། ཀྲུང་དབྱང་གི་སྐོར་ཞིབ་ཀྱི་ཕྱིར་སྤྲོད་གནད་དོན་དག་ཐེར་ཡོ་བསྲང་བཟང་བོ་བྱེད་པ་དང་། གྲོང་ཁྱེར་དང་རྫོང་། ཞང་བཅས་ཀྱི་འགོ་ཁྲིད་ཚན་ཁག་གི་སྐབས་བརྗེ་སོགས་གཙོ་གནད་ལས་འགན་ལ་གཅིག་གྱུར་འཆར་འགོད་བྱས་ཏེ་ཏན་ཏན་ཏིག་ཏིག་གི་སློབ་སྦྱོང་སློབ་གསོར་བརྟེན་ནས་འདུ་ཤེས་བསྒྱུར་བ་དང་སྤྱོད་ཚུལ་ལེགས་པ། འཕེལ་རྒྱས་ལ་སྐུལ་འདེད། དམངས་འཚོར་ཕན་པ་བཅས་ལ་སྐུལ་འདེད་གཏོང་དགོས་ཟེར།
ཀྲེ་ཅང་ཞིང་ཆེན་ཏང་ཨུའི་རྒྱུན་ལས་ཨུ་ཡོན་ལྷན་ཁང་གིས་སྣེ་ཁྲིད་དེ་སློབ་སྦྱོང་སློབ་གསོ་སྤེལ་བའི་ལག་བསྟར་ཇུས་གཞི་གཏན་འབེབས་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྲིད་འབྲས་ལྟ་བ་ཡང་དག་འཛུགས་པ་དང་ལག་ལེན་བསྟར་རྒྱུའི་སྐོར་གྱི་རྣམ་བཤད་གལ་ཆེན་ལ་སློབ་སྦྱོང་དང་གོ་བ་གཏིང་ཟབ་བླངས་ཤིང་། ཞིང་ཆེན་ཡོངས་ཀྱི་རིམ་པ་ཁག་གི་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པས་དགོངས་པ་སློབ་སྦྱོང་དང་གནད་དོན་ཞིབ་བཤེར། ཡོ་བཅོས་དམ་འཛིན། རྐྱེན་སྲོལ་འཛུགས་པ། དོན་དངོས་སྒྲུབ་པ་བཅས་ཀྱི་ཐད་ནས་དཔེ་སྟོན་དང་སྐུལ་ཁྲིད་བྱས།
ཀྲེ་ཅང་ཞིང་ཆེན་ཏང་ཨུའི་རྩ་འཛུགས་པུའུ་རྩ་འཛུགས་ཁྲུའུ་དང་པོའི་ཁྲུའུ་ཀྲང་ཧོ་པིན་གྱིས་བཤད་རྒྱུར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་གྱིས་ང་ཚོར་སྲིད་འབྲས་ལྟ་བ་ཡང་དག་གི་ཚན་རིག་གི་ནང་དོན་དང་ལག་ལེན་གྱི་དོན་སྙིང་ཁོང་དུ་ཆུད་པར་གཞི་རྩའི་བསྲུང་བྱ་དང་འགུལ་སྐྱོད་ཀྱི་ཕྱོགས་སྟོན་མཁོ་འདོན་གནང་ཡོད། ང་ཚོས་སློབ་སྦྱོང་སློབ་གསོ་སྤེལ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས།“སྤྱི་དོན་དུ་ཏང་འཛུགས་པ་དང་དམངས་ལ་བདེ་སྐྱིད་བསྐྲུན་པ། ཚན་རིག་དང་མཐུན་པའི་ཇུས་གཅོད། དོན་དངོས་སྒྲུབ་གཉེར”བཅས་ཀྱི་སྤྱིའི་བླང་བྱར་གོ་བ་གཏིང་ཟབ་ལེན་པ་དང་ཁོང་དུ་ཆུད་པ། ཕྱོགས་ཡོངས་ནས་དོན་འཁྱོལ་བཅས་བྱས་ཏེ། ལག་ལེན་དང་མི་དམངས། ལོ་རྒྱུས་བཅས་ཀྱི་ཞིབ་བཤེར་ཐེག་ཐུབ་པའི་གྲུབ་འབྲས་དངོས་བསྐྲུན་གང་ཐུབ་བྱ་དགོས་ཟེར།
ཨན་ཧུའེ་ཡིས་ཞིང་ཆེན་ཡོངས་ཀྱི་སློབ་སྦྱོང་སློབ་གསོའི་ལག་བསྟར་ཇུས་གཞི་གཏན་འབེབས་བྱས་པ་དང་། ཕྱོགས་ལྔའི་ཐད་ཀྱི་ཞིབ་ཕྲའི་བྱེད་ཐབས་ཁག18ཞིབ་ཚགས་སུ་བཏང་ལ། ཏང་ཡོན་ལས་བྱེད་པ་རྩ་འཛུགས་བྱས་ཏེ་ཟབ་སྦྱོང་དང་ཞིབ་བཤེར་ངོ་མ། དག་བཅོས་དངོས་བཅས་ཀྱི་ཐད་འབད་བརྩོན་བྱས་ནས་ཕན་འབྲས་ཐོན་པར་བྱས་པ་དང་། སློབ་སྦྱོང་སློབ་གསོ་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཏང་ཀྲུང་དབྱང་གི་ཇུས་ཆོད་བཀོད་སྒྲིག་ལག་བསྟར་དོན་འཁྱོལ་བྱེད་པ་དང་ཟུལ་འབྲེལ་དང་། ལྟེ་བའི་ལས་དོན་ལ་སྐུལ་འདེད་གཏོང་རྒྱུ་དང་ཟུང་འབྲེལ་བྱས་ནས། སློབ་སྦྱོང་སློབ་གསོ་གཏིང་ཟབ་ཏུ་སྤེལ་ཐུབ་པ་དང་ཕན་འབྲས་ཐོན་པར་འགན་ལེན་བྱས།
ཨན་ཧུའེ་ཞིང་ཆེན་སློབ་སྦྱོང་སློབ་གསོའི་བྱ་བའི་ཆེད་ཚན་ཕྱོགས་བསྡུས་མཐུན་སྦྱོར་ཚོ་ཆུང་གི་ཚན་གཙོ་ཕན་ཏི་ཅུན་གྱིས་བཤད་རྒྱུར། སློབ་སྦྱོང་སློབ་གསོ་བཟང་བོར་སྤེལ་དགོས་ན། ཐོག་མར་སྒྲུབ་དགོས་པ་ནི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་རྒྱུ་རྒྱུན་འཁྱོངས་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྲིད་འབྲས་ལྟ་བ་ཡང་དག་འཛུགས་པ་དང་ལག་ལེན་དུ་བསྟར་རྒྱུའི་སྐོར་གྱི་རྣམ་བཤད་གལ་ཆེན་ལ་སློབ་སྦྱོང་གཏིང་ཟབ་དང་ཕྱོགས་ཡོངས་ནས་ལག་བསྟར་བྱེད་དགོས། གོམ་རིམ་རྗེས་མར་ང་ཚོས་སློབ་སྦྱོང་སློབ་གསོས་བསྐྱེད་པའི་སྒུལ་ཤུགས་དེ་རང་འཁྲིའི་ལས་དོན་ཡག་པོ་སྒྲུབ་པ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཞིབ་ཕྲའི་འགུལ་སྐྱོད་དུ་བསྒྱུར་ནས། ཨན་ཧུའེ་ཡི“ལོ་ལྔའི་འཆར་འགོད་བཅོ་ལྔ་པའི”སྐབས་ཀྱི་དམིགས་ཚད་ལས་འགན་མངོན་འགྱུར་ཡོང་ཆེད་འགན་ལེན་ནུས་ལྡན་བྱ་རྒྱུ་ཡི་ཟེར་།
ཧྲན་ཏུང་ཞིང་ཆེན་ཏང་ཨུའི་རྒྱུན་ལས་ཨུ་ཡོན་ལྷན་ཁང་གིས་སྣེ་ཁྲིད་དེ་སློབ་སྦྱོང་སློབ་གསོ་སྤེལ་བའི་བྱ་བའི་བཀོད་སྒྲིག་གཏན་འབེབས་བྱས་ཤིང་། ཟླ་རེའི་གཙོ་གནད་ལས་འགན་ཞིབ་ཕྲ་བཏོན་ནས་དུས་ཚོད་དང་ཞིབ་ཕྲའི་བླང་བྱ་ཁ་གསལ་བཟོས་ཏེ་ཞིང་ཆེན་ཡོངས་ཀྱི་སྡེ་ཁག་སོ་སོ་དང་ལས་ཁུངས་སོ་སོས་སྔ་མོ་ནས་ཞིབ་འཇུག་དང་ཇུས་འགོད་བྱེད་པར་དཔེ་སྟོན་སྣེ་ཁྲིད་བྱས་པ་དང་། བྱ་བ་སྣ་ཚོགས་བཟང་བོར་བསྒྲུབ་ནས་ཚད་གཞི་མཐོན་པོས་སློབ་སྦྱོང་སློབ་གསོ་སྤེལ་འགོ་ཚུགས་པ་དང་སྤུས་ཚད་མཐོན་པོས་སྐུལ་འདེད་གཏོང་རྒྱུར་འགན་ལེན་བྱས།
ཧྲན་ཏུང་ཞིང་ཆེན་ཏང་ཨུའི་རྩ་འཛུགས་པུ་ཡི་པུའུ་ཀྲང་གཞོན་པ་ཝང་ཁྲུན་ཧོ་ཡིས་བཤད་རྒྱུར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྲིད་འབྲས་ལྟ་བའི་གནད་དོན་ནི་རྩ་བའི་རང་བཞིན་གྱི་གནད་དོན་ཞིག་ཡིན་ཞེས་ནན་གྱིས་བསྟན། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་སློབ་སྦྱོང་དང་གོ་བ་གཏིང་ཟབ་བླངས་ནས། བསམ་བློའི་ངོས་འཛིན་གྱི་གནད་དོན་ཐག་གཅོད་བྱ་རྒྱུ་དང་དོན་དངོས་ཀྱི་གནད་དོན་ཐག་གཅོད་བྱ་རྒྱུ་ཟུང་འབྲེལ་བྱེད་པ་དང་། སློབ་སྦྱོང་སློབ་གསོ་དང་ལྟེ་བའི་ལས་དོན་ལ་སྐུལ་འདེད་གཏོང་རྒྱུ་ཟུང་འབྲེལ་བྱས་ཏེ། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་གྲུབ་འབྲས་དངོས་ལ་བརྟེན་ནས་སློབ་སྦྱོང་སློབ་གསོའི་ཕན་འབྲས་ལ་ཞིབ་བཤེར་བྱེད་དགོས།
