མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ་དང་པོའི་ཚེས29ཉིན་གྱི་ཕྱི་དྲོར། ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པས་གྲོས་རིམ་སོ་སོ་བདེ་བླག་ངང་ཡོངས་འགྲུབ་བྱས་ཏེ། མཚོ་སྔོན་གྲོས་ཚོགས་ལྟེ་གནས་སུ་རྒྱལ་ཁའི་ངང་གྲོལ།
ཟླ་དང་པོའི་ཚེས29ཉིན་གྱི་ཕྱི་དྲོར། ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པས་གྲོས་རིམ་སོ་སོ་བདེ་བླག་ངང་ཡོངས་འགྲུབ་བྱས་ཏེ། མཚོ་སྔོན་གྲོས་ཚོགས་ལྟེ་གནས་སུ་རྒྱལ་ཁའི་ངང་གྲོལ། གྲོས་ཚོགས་ལས་ཞིང་ཆེན་ཡོངས་ཀྱི་རིམ་པ་སོ་སོའི་སྲིད་གྲོས་རྩ་འཛུགས་དང་། སྲིད་གྲོས་སུ་ཞུགས་པའི་ལས་ཁུངས་སོ་སོ། རྒྱ་ཆེའི་སྲིད་གྲོས་ཨུ་ཡོན་བཅས་ཀྱིས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཀྲུང་གུང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་ལས་དམ་པོ་བྱས་ཏེ། ཀྲུང་གུང་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་འགོ་ཁྲིད་འོག ཡིད་ཆེས་བརྟན་པོ་དང་དངོས་སྒྲུབ་སྔོན་བརྩོན། བློ་གཅིག་སེམས་གཅིག མཐུན་སྒྲིལ་འབད་བརྩོན་བཅས་བྱས་ཏེ།“ལོ་ལྔའི་འཆར་འགོད་བཅོ་ལྔ་པའི”འགོ་ཡག་པོ་རྩོམ་པར་ཁག་ཐེག་བྱེད་པ་དང་། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལེའུ་འབད་པས་འབྲི་བར་སྔར་ལས་ཆེ་བའི་བྱས་རྗེས་གསར་པ་འཇོག་དགོས་པའི་འབོད་སྐུལ་བཏང་།
གྲོས་ཚོགས་ལ་ཞིང་ཆེན་སྲིད་གྲོས་ཀྱི་ཀྲུའུ་ཞི་མགོན་པོ་བཀྲ་ཤིས་ཀྱིས་འགོ་འཛིན་བྱས། ཀྲུའུ་ཞི་གཞོན་པ་རིན་ཆེན་རྣམ་རྒྱལ་དང་ཁོང་ཡུང་། ཝང་ཞོན། ཝང་ཀྲེན་ཁྲང་། ཀྲང་ཞའོ་རུང་། ལི་ཞའོ་ནན། ཐེན་ཁུའེ། ལིའུ་ཏ་ཡེ། གསེར་ཁྲི·ཆོས་ཀྱི་བློ་གྲོས་རྒྱ་མཚོ། མ་ཡུའེ་ཞང་། ཅིན་ཧྲེང་ཧྲོའུ། དྲུང་ཡིག་ཆེན་མོ་ཀྲུའུ་ཞང་ཏུང་བཅས་ཀྲུའུ་ཞུ་སྟེགས་བུའི་མདུན་གྲལ་དུ་བསྡད་ཡོད།
ཝུའུ་ཞའོ་ཅུན་དང་ལུའོ་ཏུང་ཁྲོན། ལིའུ་ཆི་ཧྥན། ཝང་ལི་མིང་། ལིའུ་མེ་ཕིན། ཝང་ཝེ་ཏུང་། ཀྲང་ཅིན་ཀང་། ཚེ་རིང་ཐར། ཝང་ཏ་ནན། ཝུའུ་ལ་ཙི་པིའེ་ཁོ·རེ་སུའུ་ལི་ཧན། ཀྲུའུ་ཞང་ཧྥེང་། ཧོ་ལུའུ་ཁྲུན། ཚའོ་ཅུན་བཅས་ཀྲུའུ་ཞིའི་སྟེགས་བུར་བསྡད་ཡོད།
གྲོས་ཚོགས་སུ་ཞུགས་དགོས་པའི་ཨུ་ཡོན393ཡོད་པ་དང་། ཨུ་ཡོན345ཚོགས་ཐོག་ཏུ་འབྱོར་བས། གཏན་ཁེལ་བྱས་པའི་མི་གྲངས་དང་མཐུན།
གྲོས་ཚོགས་ལས་སྲིད་གྲོས་སྐབས་བཅུ་གསུམ་པའི་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་གྲོས་ཚོགས་ཐེངས་བཞི་པའི་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུའི་སྐོར་གྱི་གྲོས་ཆོད་དང་། སྲིད་གྲོས་སྐབས་བཅུ་གསུམ་པའི་མཚོ་སྔོན་ཞིང་ཆེན་ཨུ་ཡོན་ལྷན་ཁང་གྲོས་གཞི་ཨུ་ཡོན་ལྷན་ཁང་གི་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པའི་གྲོས་གཞིར་ཞིབ་བཤེར་བྱས་ཚུལ་སྐོར་གྱི་སྙན་ཞུ། སྲིད་གྲོས་སྐབས་བཅུ་གསུམ་པའི་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་གྲོས་ཚོགས་ཐེངས་བཞི་པའི་ཆབ་སྲིད་གྲོས་ཆོད་བཅས་ལ་རིམ་པ་བཞིན་གྲོས་འཆམ་བྱུང་།
མགོན་པོ་བཀྲ་ཤིས་ཀྱིས་གྲོས་ཚོགས་སྤྱོད་གཙང་གཞུང་དྲང་དང་བདེ་བླག་ངང་ལེགས་འགྲུབ་བྱུང་བ་དང་། དེ་ནི་དར་ཆ་མཐོན་པོར་བསྒྲེངས་པ་དང་། སེམས་ནུས་གཅིག་སྒྲིལ། འཕེལ་རྒྱས་མཉམ་ཇུས་བཀོད་པའི་ཚོགས་ཆེན་ཞིག་ཡིན་ལ།“ལོ་ལྔའི་འཆར་འགོད་བཅོ་ལྔ་པའི”འགོ་རྩོམ་པར་ངོས་འཛིན་གཅིག་མཐུན་དང་ངར་ཤུགས་ཡར་སྐྱེད་བྱས་པའི་ཚོགས་ཆེན་ཞིག་ཀྱང་རེད། གྲོས་ཚོགས་ཀྱི་སྐབས་སུ། ཝུའུ་ཞའོ་ཅུན་དང་ལུའོ་ཏུང་ཁྲོན། ལིའུ་ཆི་ཧྥན་སོགས་འགོ་ཁྲིད་བློ་མཐུན་ཚོགས་འདུར་ཞུགས་ནས་ཨུ་ཡོན་ལ་འཚམས་འདྲི་བྱས་པ་དང་། ལས་རིགས་སོ་སོའི་མཉམ་འབྲེལ་ཚོ་ཆུང་གི་གྲོས་བསྡུར་ལ་ཞུགས་པ་མ་ཟད། སྲིད་གྲོས་བྱ་བ་དང་ཨུ་ཡོན་གྱི་ལས་འགན་སྒྲུབ་པའི་ཐད་རེ་བ་དང་བླང་བྱ་གསར་པ་བཏོན་པ་དེ་ང་ཚོས་ནན་ཏན་གྱིས་ལག་བསྟར་དང་དོན་འཁྱོལ་བྱེད་རྒྱུ་ཡིན། ཨུ་ཡོན་ཡོངས་དང་ཚོགས་འདུར་ཟུར་ཞུགས་བྱས་པའི་བློ་མཐུན་ཚང་མས་ཚད་མཐོ་བའི་ཆབ་སྲིད་ཀྱི་འགན་འཁྲི་ཁུར་སེམས་དང་འགན་ཁུར་གྱི་འདུ་ཤེས་དྲག་པོས། སྙན་ཞུའི་ཡིག་ཆ་སྣ་ཚོགས་དང“ལོ་ལྔའི་འཆར་འགོད་བཅོ་ལྔ་པའི”འཆར་འགོད་རྩ་གནད་ཀྱི་འཆར་ཟིན་ལ་ནན་ཏན་གྱིས་གྲོས་ཞིབ་དང་གྲོས་བསྡུར་བྱས་ཏེ། ཐབས་འདོན་ཇུས་འབུལ་དང་ངོས་འཛིན་གཅིག་མཐུན་བྱེད་པའི་ཐད་གྲུབ་འབྲས་གལ་ཆེན་བླངས་པ་དང་། སྤྱི་ཚོགས་རིང་ལུགས་ཀྱི་གྲོས་མོལ་དམངས་གཙོའི་གསོན་ཤུགས་དང་སྐྱེས་སྟོབས་མངོན་ཡོད་ཅེས་བཤད།
མགོན་པོ་བཀྲ་ཤིས་ཀྱིས་འཆར་གཞིའི་རི་མོ་བཀོད་ཟིན་པ་དང་གནད་འགག་ནི་དོན་འཁྱོལ་བྱེད་རྒྱུར་ཐུག་ཡོད། ཞིང་ཆེན་ཡོངས་ཀྱི་རིམ་པ་སོ་སོའི་སྲིད་གྲོས་དང་རྒྱ་ཆེའི་སྲིད་གྲོས་ཨུ་ཡོན་གྱིས་བསམ་བློ་དང་བྱ་སྤྱོད་དེ་ཀྲུང་གུང་མཚོ་སྔོན་ཞིང་ཆེན་ཨུ་ཡོན་ལྷན་ཁང་དང་ཞིང་ཆེན་མི་དམངས་སྲིད་གཞུང་གི་ཐབས་ཇུས་བཀོད་སྒྲིག་ཐོག་གཅིག་གྱུར་བྱས་ཏེ། དྲིན་ཚོར་བ་དང་། བརྩེ་སེམས་ལྡན་པ། དངོས་སྒྲུབ་ལ་མཐོང་ཆེན་བཅས་བྱས་ནས། “ལོ་ལྔའི་འཆར་འགོད་བཅོ་ལྔ་པའི”གཙོ་གནད་དང་དཀའ་གནད་ལ་དམིགས་ཏེ་ལས་འགན་སྒྲུབ་སྟེ། ཞིང་ཆེན་ཡོངས་ཀྱི་ཚོགས་ཆེན་གཉིས་ཀྱི་དགོངས་དོན་དོན་འཁྱོལ་བྱ་རྒྱུར་སྐུལ་འདེད་གཏོང་དགོས་ཞེས་བསྟན།
མགོན་པོ་བཀྲ་ཤིས་ཀྱིས་ནན་གྱིས་བསྟན་དོན། གཅིག་ནི་གཡོ་འགུལ་སྤུ་ཙམ་ཡང་མེད་པའི་སྒོ་ནས་ཀྲུང་གོ་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱས་ཏེ། “གཏན་ཕབ་གཉིས”ལ་མཐའ་གཅིག་ཏུ་གོང་བཀུར་བྱེད་པ་དང་། “སྲུང་སྐྱོང་གཉིས”མཐའ་གཅིག་ཏུ་སྒྲུབ་པ། ཏང་གི་ལྟེ་བའི་ལས་འགན་གྱི“གཅིག་སྡུད་བཞིའི”བྱ་བ་ལེགས་པར་སྒྲུབ་པ། གྲོས་མོལ་དམངས་གཙོའི་ལག་ལེན་གྱིས་ཏང་གི་འདོད་བློ་མི་རིགས་སོ་སོ་དང་ལས་རིགས་སོ་སོའི་ཆབ་སྲིད་ཀྱི་གཅིག་མཐུན་གྱི་ངོས་འཛིན་དང་རང་རྟོགས་ཀྱི་བྱ་སྤྱོད་ལ་བསྒྱུར་མཁས་པར་བྱེད་དགོས། གཉིས་ནི་བློ་བརྟན་འགྱུར་མེད་ངང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་ནས། ལོ་འཁོར་གྱི་གཙོ་གནད་གྲོས་མོལ་འཆར་གཞི་དོན་འཁྱོལ་ནན་མོ་བྱེད་པ་དང་། སྐྱེ་ཁམས་ཁོར་ཡུག་སྲུང་སྐྱོབ་དང་། དེང་རབས་ཅན་གྱི་ཐོན་ལས་མ་ལག་འཛུགས་པ། ལྗང་མདོག་རྩིས་གློག མཐོ་སྒང་གི་ཁམས་གསོ། དམངས་གཉེར་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བ་སོགས་ལ་དམིགས་ནས་རྟོག་ཞིབ་གཏིང་ཟབ་བྱས་ཏེ་སྐུལ་ལྕག་གི་སྐད་ཆ་བཤད་པ་དང་། ཐབས་ཇུས་བཟང་པོ་འགོད་པ། བྱེད་ཐབས་དངོས་འདོན་པ་བཅས་བྱས་ནས་མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ལ་རྣམ་པ་གསར་པ་གཏོད་རྒྱུར་རོགས་འདེགས་བྱེད་དགོས། གསུམ་ནི་མཐུན་སྒྲིལ་ཆེན་མོ་དང་མཉམ་འབྲེལ་ཆེན་མོའི་ཆབ་སྲིད་ཀྱི་དགེ་མཚན་ཆེ་རུ་བཏང་ནས། ཐུན་མོང་གི་ལྟ་བར་ཤུགས་སྣོན་པ་དང་མཐུན་སྒྲིལ་ལ་སྐུལ་འདེད་གཏོང་བའི་བྱ་བ་ནན་ཏན་གྱིས་ལེགས་པར་སྒྲུབ་པ་དང་། ཕྱོགས་སོ་སོའི་ཧུར་བརྩོན་རང་བཞིན་དང་རང་འགུལ་རང་བཞིན་ལ་ལེགས་པར་བསྐུལ་ཞིང་། རིགས་སོ་སོ་དང་ལས་རིགས་སོ་སོའི་མང་ཚོགས་ཀྱི་བློ་གྲོས་དང་སྟོབས་ཤུགས་གཅིག་སྡུད་བྱས་ནས། དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱེད་པའི་མཐུན་ཆ་ཆེ་ཤོས་འཚོལ་དགོས། བཞི་ནི་མི་དམངས་ཀྱི་ཆེད་དུ་འགན་འཁྲི་སྒྲུབ་པ་དང་དམངས་འཚོའི་བདེ་རྩ་ཇེ་ཆེར་གཏོང་བ་རྒྱུན་འཁྱོངས་བྱས་ཏེ། སྲིད་གྲོས་ཀྱི་ཤེས་ལྡན་མི་སྣ་འདུ་འཛོམས་དང་རིག་སྟོབས་གཅིག་འདུས། འབྲེལ་བ་རྒྱ་ཁྱབ་བཅས་ཀྱི་ལེགས་ཆ་བཏོན་ནས། མང་ཚོགས་ཀྱི་འབོད་སྒྲར་ཉན་པ་དང་། མང་ཚོགས་ཀྱི་རེ་འདུན་མཚོན་པ། མང་ཚོགས་ཀྱིས་སེམས་ཁུར་བྱེད་པའི་ལས་ཞུགས་དང་སློབ་གསོ། སྨན་བཅོས་སོགས་ཁྱབ་ཁོངས་ཀྱི་གནད་དོན་གལ་ཆེན་ལ་དམིགས་ནས་ཆེད་དོན་ཞིབ་འཇུག་སྤེལ་བ་དང་། ཨུ་ཡོན་གྱི་འགན་འཁྲི་སྒྲུབ་པ།“དམངས་ཀྱི་ཆེད་དུ་ཞབས་འདེགས་ཞུ་བའི”བྱེད་སྒོ་གཏིང་ཟབ་ཏུ་སྤེལ་ཏེ། མང་ཚོགས་ལ་དོན་དངོས་སྒྲུབ་པ་དང་དཀའ་གནད་ཐག་གཅོད་དགོས། ལྔ་ནི་རྒྱུན་འཁྱོངས་ལྷོད་མེད་སྒོས་རང་ངོས་འཛུགས་སྐྱོང་ལ་ཤུགས་བསྣན་ཏེ། མི་དམངས་སྲིད་གྲོས་ཀྱི་ཆབ་སྲིད་ཀྱི་ངོ་བོ་དང་། ཆབ་སྲིད་ཀྱི་འགན་འཁྲི། ཆབ་སྲིད་ཀྱི་ལས་འགན་བཅས་དམ་འཛིན་བྱས་ཏེ། ནུས་ཤུགས་ཡོད་རྒུས་ཕྱོགས་ཡོངས་ནས་ཏང་བཅོས་སྐྱོང་ནན་མོ་བྱེད་པའི་སྣེ་ཁྲིད་འགན་སྲུང་ནུས་པ་ཇེ་དྲག་ཏུ་གཏོང་བ་དང་། ཆེད་དོན་གྲོས་མོལ་ལས་ཁུངས་ཀྱི་བྱ་བའི་ཆུ་ཚད་རྒྱུན་ཆད་མེད་པར་ཆེ་རུ་བཏང་སྟེ། སྔར་ལས་བདེན་འཚོལ་དངོས་གཉེར་དང་ནུས་ལྡན་ཕན་ལྡན་གྱིས་བྱ་བ་སྒྲུབ་ནས། སྤྱོད་ཚུལ་བཟང་པོའི་ཐོག་ནས་འགོ་རྩོམ་ལོའི་འགན་འཁྲི་གསར་པ་དང་བྱས་རྗེས་གསར་པ་མངོན་དགོས།
དབྱང་ཧྥེང་ཁྲུན་དང་ཉི་མ་སྒྲོལ་མ། ལིའུ་ཐུང་ཏེ། ཀྲང་ཧོང་ཡོན། ལིའུ་ཀང་། ཝང་ཅིན་ཀྲའེ། ལིའུ་ཐའོ། དབྱང་ཀྲི་ཝུན། ལིའུ་ཁྲའོ། ལི་ཧུང་ཡ། ཁྲེང་ཅི་ཝེ། ཀྲང་ཙེ་ཅུན། ཀྲ་ཆིང་ཅིའུ། སུང་པའོ་ཧེ་བཅས་ཀྲུའུ་ཞིའི་སྟེགས་བུར་བསྡད་ཡོད།
