མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ་དང་པོའི་ཚེས28ཉིན་གྱི་ཕྱི་དྲོར། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལུའོ་ཏུང་ཁྲོན་ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པའི་བཟོ་ཚོང་མཉམ་འབྲེལ་ལྷན་ཚོགས་དང་དཔལ་འབྱོར་ལས་རིགས་མཉམ་འབྲེལ་ཚན་ཆུང་གི་གྲོས་བསྡུར་ལ་ཞུགས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་ཁྲིད་དུ་བྱས་ནས། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་དང་ཀྲུང་དབྱང་དཔལ་འབྱོར་བྱ་བའི་གྲོས་ཚོགས་ཀྱི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་པ་དང་། ཞིང་ཆེན་ཏང་ཨུའི་བྱ་བའི་བླང་བྱ་གཞིར་བཟུང་སྟེ། བློ་གྲོས་ལྡན་པའི་གཏམ་བཤད་སྤེལ་བ་དང་དངོས་སྒྲུབ་ནུས་ཤུགས་གང་ཡོད་བཏོན་ནས། ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུ་བ། དམངས་ཀྱི་ཆེད་དུ་འགན་འཁྲི་སྒྲུབ་ནས། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལེའུ་འབྲི་ཆེད་བློ་གྲོས་དང་སྟོབས་ཤུགས་སྔར་ལས་མང་པོ་འབུལ་དགོས་པ་ནན་གྱིས་བསྟན།
གྲོས་ཚོགས་སྟེང་། ཞུས་ཅི་ཅུན་དང་ལི་ཆིང་། ཞེ་ཐེན། ཀྲོའུ་ཏུང་། ལིའུ་ཞུའེ་ཐིའུ། ལིའུ་ཞང་། ཆི་ཞའོ་ཧུའེ། དབྱང་ཁྲེང་ཚའེ་སོགས་ཨུ་ཡོན་གྱིས་འོད་ནུས་གློག་འདོན་ཐོན་ལས་སྤུས་ཚད་མཐོ་ཞིང་གཞི་ཁྱོན་ཅན་དུ་འཕེལ་རྒྱས་སུ་གཏོང་བ་དང་། དམངས་གཉེར་དཔལ་འབྱོར་སྤུས་འདེགས་དང་ཕན་འབྲས་ཇེ་མཐོར་གཏོང་བ། ལྗང་མདོག་རྩིས་ཤུགས་ཐོན་ལས་ཀྱི་རིན་ཐང་ཕྱིར་འདོན་པ། ཁེ་ལས་ཀྱི་ལྗང་མདོག་ཐཱན་ཉུང་ཚུལ་སྒྱུར་དང་ཕྱི་ཕྱོགས་ཚོང་དོན་སྤུས་ཚད་མཐོན་པོས་འཕེལ་རྒྱས་གཏོང་བ། འཛད་སྤྱོད་དངོས་རྫས་རྙིང་པ་གསར་པར་བརྗེ་བ། ཞིང་ཕྱུགས་ཐོན་རྫས་ལས་སྣོན་ཞིབ་ཚགས་བྱས་ཏེ་སྤུས་འདེགས་རིམ་སྤོར་བྱེད་པ་དང་། རིག་གནས་ཡུལ་སྐོར་ལས་དོན་སྤུས་ཚད་མཐོན་པོས་འཕེལ་རྒྱས་སུ་གཏོང་བ་སོགས་ལ་དམིགས་ནས་གཏམ་བཤད། ལུའོ་ཏུང་ཁྲོན་གྱིས་ནན་ཏན་སྒོས་གཏམ་བཤད་ལ་ཉན་རྗེས། རེ་རེ་བཞིན་ལན་བཏབ་པ་དང་། འབྲེལ་ཡོད་སྡེ་ཁག་གིས་ནན་ཏན་གྱིས་གསེད་བཀྲོལ་བྱེད་པ་དང་བསྡུ་ལེན་གང་ལེགས་བྱས་ཏེ། བྱ་བར་སྐུལ་འདེད་གཏོང་བའི་བྱེ་བྲག་གི་བྱེད་ཐབས་སུ་བསྒྱུར་དགོས་ཞེས་བསྟན།
ལུའོ་ཏུང་ཁྲོན་གྱིས་འདས་ཟིན་པའི་ལོ་གཅིག་གི་ནང་། ཞིང་ཆེན་སྲིད་གྲོས་ཀྱིས་རྒྱ་ཆེའི་ཨུ་ཡོན་རྣམས་ཀྱི་སྣེ་ཁྲིད་དེ་གྲུབ་འབྲས་གཡུར་དུ་ཟ་བའི་བྱ་བ་མང་པོ་བསྒྲུབས་པ་དང་། ཁྱད་པར་དུ་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་སུ་གཏོང་བ་དང་། མཐོ་སྒང་གི་ཁམས་གསོའི་ཟོང་རྟགས་འཛུགས་པ། འཕང་འབྲས་ཐོན་ལས་འཕེལ་རྒྱས་གཏོང་བ། ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་བསྐྲུན་པ་སོགས་ཀྱི་ཐད་ཐབས་འདོན་ཇུས་འབུལ་བྱས་ཏེ་བྱས་རྗེས་གལ་ཆེན་བཞག་ཡོད། རྒྱ་ཆེའི་བཟོ་ཚོང་མཉམ་འབྲེལ་དང་དཔལ་འབྱོར་ལས་རིགས་ཀྱི་ཨུ་ཡོན་གྱིས་ཞིང་ཆེན་ཡོངས་ཀྱི་རིགས་སོ་སོའི་ཚོང་གཉེར་བྱེད་པོར་མཐུན་སྒྲིལ་བྱས་ཏེ། མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ལ་མཉམ་དུ་སྐུལ་འདེད་གཏོང་བའི་གསོན་ཉམས་ལྡན་པའི་རྣམ་པ་ཞིག་ཆགས་ཡོད། ཚང་མས་ཐོག་མཐའ་བར་གསུམ་དུ“བཀའ་དྲིན་ཚོར་བ་དང་། བརྩེ་སེམས་ཡོད་པ། དངོས་སྒྲུབ་ལ་མཐོང་ཆེན་བྱེད་པའི”རྣམ་པ་རྒྱུན་འཁྱོངས་བྱས་ཏེ། མཚོ་སྔོན་གྱི་བཅོས་སྒྱུར་འཕེལ་རྒྱས་བརྟན་བརླིང་ཐད་སེམས་ནུས་གཅིག་སྒྲིལ་བྱེད་པ་དང་བྱས་རྗེས་སྔར་ལས་མང་པོ་འཇོག་དགོས་ཞེས་བསྟན།
ལུའོ་ཏུང་ཁྲོན་གྱིས“ལོ་ལྔའི་འཆར་འགོད་བཅོ་ལྔ་པའི”དུས་སྐབས་ནི་མཚོ་སྔོན་གྱིས་རྒྱལ་ཡོངས་དང་དུས་མཉམ་དུ་སྤྱི་ཚོགས་རིང་ལུགས་དེང་རབས་ཅན་ལ་རྨང་གཞི་བརྟན་པོ་འདིང་བ་དང་། ཕྱོགས་ཡོངས་ནས་ནུས་ཤུགས་འདོན་པའི་གནད་འགག་གི་དུས་སྐབས་ཤིག་ཡིན། དུས་བབ་ཁོང་དུ་ཆུད་པའི་ཁྲོད་འཕེལ་རྒྱས་ཀྱི་ཡིད་ཆེས་བརྟན་པོར་གཏོང་བ་དང་། སྔར་ལས་ཧུར་བརྩོན་དང་ཕན་ནུས་ལྡན་པའི་སྤྱི་ཁོག་གི་སྲིད་ཇུས་དང་། སྔར་ལས་གནད་ལ་འཁེལ་བའི་སྒོ་ནས་བྱེ་བྲག་གི་སྲིད་ཇུས་ཁོང་དུ་ཆུད་པར་བྱས་ཏེ། སྲིད་ཇུས་ཀྱི་གོ་སྐབས་དམ་འཛིན་བྱེད་པའི་ཁྲོད་དུ་འཕེལ་རྒྱས་སྔར་ལས་བཟང་པོ་ཡོང་བར་བྱེད་དགོས། ཐབས་ཇུས་དང་ལས་སྒྲུབ་དམ་འཛིན་བྱེད་པའི་ཁྲོད་འཕེལ་རྒྱས་ཀྱི་སྤུས་ཚད་དང་ཕན་འབྲས་ཆེ་རུ་གཏོང་བ་དང་། རྒྱལ་ཁབ་འཕེལ་རྒྱས་དང་། མཚོ་སྔོན་འཕེལ་རྒྱས། ཁེ་ལས་འཕེལ་རྒྱས་བཅས་མཉམ་དུ་རྒྱུན་འཁྱོངས་བྱས་ཏེ། ཞིང་ཆེན་ཡོངས་ཀྱི་འཕེལ་རྒྱས་ཀྱི་ཁྱོན་ཡོངས་དང་སྔར་ལས་ལེགས་པར་མཉམ་འདྲེས་བྱས་ནས། ཁེ་ལས་རང་ངོས་འཕེལ་རྒྱས་ལ་སྔར་ལས་ལེགས་པར་སྐུལ་འདེད་གཏོང་བ་དང་། ཁེ་ལས་ཀྱི་སྤྱི་ཚོགས་འགན་འཁྲི་སྔར་ལས་ལེགས་པར་འཁུར་ཏེ། གཙོ་ལས་སྤུས་ལེགས་དང་ཁེ་ལས་སྟོབས་ཆེར་གཏོང་བ། ཁེ་ལས་ཡག་པོར་གཉེར་བ། སྤྱི་ཚོགས་ལ་དྲིན་ལན་འཇལ་བ་བཅས་ཀྱི་ཁྲོད་སྐས་རིམ་གསར་པར་བསྐྱོད་རྒྱུར་འབད་བརྩོན་བྱེད་དགོས། གཏོར་བ་དང་འཛུགས་སྐྱོང་ལ་གཅིག་གྱུར་འཆར་འགོད་བྱེད་པའི་ཁྲོད་འཕེལ་རྒྱས་ཀྱི་ཁོར་ཡུག་ཇེ་ལེགས་སུ་གཏོང་དགོས་ལ། ས་ཁུལ་སོ་སོ་དང་སྡེ་ཁག་སོ་སོས་ལྷག་བསམ་རྣམ་དག་གིས་ཁེ་ལས་ལ་སྲིད་ཇུས་ཀྱི་དངུལ་སྤྲོད་དང་། ཁྲོམ་ར་གསར་སྤེལ། ཁེ་དབང་སྲུང་སྐྱོབ་སོགས་ཀྱི་དཀའ་གནད་ཐག་གཅོད་ཡག་པོ་བྱས་ཏེ། ཚོང་གཉེར་ཁོར་ཡུག་རྩེ་གྲར་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ཞེས་བསྟན།
ཁོང་ཡུང་གྲོས་བསྡུར་ལ་ཞུགས་པ་དང་ཀྲང་ཞའོ་རུང་གིས་འགོ་འཛིན་བྱས།
