[ཚོགས་ཆེན་གཉིས་གནད་གླེང་།]བརྒྱུད་རིམ་ཧྲིལ་པོར་མི་དམངས་དམངས་གཙོ་ཡིན་པའི་མཚོ་སྔོན་གྱི་ལག་ལེན་ལ་གྲུབ་འབྲས་གསར་པ་བླངས།

འབད་འབུངས་ཀྱིས་གྲུ་གཡོར་བསྒྲེངས་ནས་རྒྱང་སྐྱོད་ཀྱི་ལམ་བུ་བཏོད་དེ་དངོས་སྒྲུབ་བརྩོན་ལེན་གྱི་བྱས་རྗེས་གསར་པ་འཇོག །

2025ལོ་ནི། “ལོ་ལྔའི་འཆར་འགོད་བཅུ་བཞི་པ”རྒྱལ་ཁ་ལེན་པ་དང“ལོ་ལྔའི་འཆར་འགོད་བཅོ་ལྔ་པ”འཆར་འགོད་བྱེད་པའི་གནད་འགག་གི་ལོ་ཡིན། ཞིང་ཆེན་ཏང་ཨུའི་ཡང་དག་པའི་མགོ་ཁྲིད་འོག ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་བྱས་བྱས་ཤིང་། ཏང་གི་མགོ་ཁྲིད་དང་མི་དམངས་ཀྱིས་རང་ཁྱིམ་རང་བདག ཁྲིམས་ལྟར་རྒྱལ་ཁབ་སྐྱོང་བ་བཅས་གཅིག་གྱུར་དམ་ཟབ་བྱེད་པ་རྒྱུན་འཁྱོངས་བྱས་ཏེ། “ལས་ཁུངས་བཞི”འཛུགས་སྐྲུན་བྱེད་པའི་ངེས་གནས་གཏན་འཁེལ་དང་།“ བཀའ་དྲིན་ཤེས་པ། དུངས་ཞེན་ཡོད་པ། དངོས་སྒྲུབ་གཙོ་བ”བཅས་ཀྱི་འགན་འཁྲི་འཁུར་ཕོད་པར་ཤུགས་སྣོན་དང་།      སྤུས་ཚད་མཐོ་བའི་ཁྲིམས་འཛུགས་ལ་བརྟེན་ནས་ཁྲིམས་སྐྱོང་གི་རྨང་གཞི་བརྟན་དུ་གཏོང་བ་དང་།     གནད་འཁེལ་ཅན་གྱི་ལྟ་སྐུལ་ལ་བརྟེན་ནས་འཕེལ་རྒྱས་ཀྱི་དཀའ་གནད་ཐག་གཅོད་བྱེད་པ།     ཕྱོགས་ཡོངས་ཞབས་ཕྱིས་འཐུས་མིས་འགན་འཁྲི་སྒྲུབ་པར་འགན་ལེན་བྱེད་པ་བཅས་ཀྱི་ཐོག་ནས་ཀྲུང་གོའི་ལུགས་ཀྱི་དེང་རབས་ཅན་མཚོ་སྔོན་གྱི་ལག་ལེན་ཁྲོད“དམངས་འཐུས་ཚོགས་ཆེན་གྱི་རྒྱུགས་ལན”ཟབ་མོ་བྲིས་ཡོད།    

ཆབ་སྲིད་ཀྱི་ཁ་ཕྱོགས་བརྟན་པོ་བཟོས་ནས་བློ་སྦྱོང་རྨང་གཞི་སྲ་མཁྲེགས་ཏུ་གཏོང་བ། 

དམངས་འཐུས་ཚོགས་ཆེན་ལས་ཁུངས་ནི་ཐོག་མར་ཏང་གི་མགོ་ཁྲིད་འོག་གི་ཆབ་སྲིད་ལས་ཁུངས་གལ་ཆེན་ཞིག་ཡིན་པས། ངེས་པར་དུ་དར་ཆ་གསལ་སྟོན་གྱིས་ཆབ་སྲིད་ལ་དང་དོད་བྱ་དགོས། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱིས་ཐོག་མཐའ་བར་གསུམ་དུ་ཆབ་སྲིད་འཛུགས་སྐྱོང་ཨང་དང་པོར་བཞག་སྟེ།“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང་། “འདུ་ཤེས་བཞི”ཇེ་དྲག་ཏུ་གཏོང་བ། “རང་རྟོན་བཞི”ཇེ་བརྟན་དུ་གཏོང་བ།“སྲུང་སྐྱོབ་གཉིས”བྱེད་ཐུབ་པ་བཅས་བྱས་ནས་དམངས་འཐུས་ཚོགས་ཆེན་ལས་དོན་གྱི་ཆབ་སྲིད་ཁ་ཕྱོགས་བརྟན་པོར་བཟོས།

རིགས་པའི་གཞུང་ལུགས་ཀྱི་དྲག་ཆས་རྒྱུན་མཐུད་ངང་གཏིང་ཟབ་ཏུ་གཏོང་བ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་སློབ་སྦྱོང་དང་ལག་བསྟར་བྱ་རྒྱུ་དེ་ཆབ་སྲིད་ཀྱི་ལས་འགན་ཨང་དང་པོར་བརྩིས་ནས། “གྲོས་གཞི་དང་པོའི”ལམ་ལུགས་དོན་འཁྱོལ་ནན་ཏན་བྱས་པ་དང་། རིགས་པའི་གཞུང་ལུགས་སློབ་སྦྱོང་ཐེངས45དང་ཆེད་དོན་འཆད་ཁྲིད་ཐེངས10སྒྲིག་འཛུགས་བྱས་ཏེ། སློབ་སྦྱོང་དང་གསོ་སྦྱོང་བྱེད་སྟངས་སྣ་ཚོགས་བརྒྱུད། རྒྱུན་ལས་ཨུ་ལྷན་གྱི་ཁོངས་མི་དང་། རིམ་ལྔའི་འཐུས་མི། ལས་ཁུངས་ཀྱི་ཏང་ཡོན་ལས་བྱེད་པས་བློ་སྒྲིལ་སེམས་སྐྱེད་དང་ནུས་པ་ཆེ་རུ་བཏང་ནས། སློབ་སྦྱོང་གི་ཕན་འབྲས་དེ་མི་དམངས་འཐུས་མི་ཚོགས་ཆེན་གྱི་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་བའི་འགན་འཁྲི་སྒྲུབ་པའི་ཕན་འབྲས་སུ་བསྒྱུར་དགོས།    

ཏང་གི་མགོ་ཁྲིད་ལ་ཕྱོགས་ཡོངས་ནས་ཤུགས་སྣོན་དགོས། ཏང་ཀྲུང་དབྱང་དང་ཞིང་ཆེན་ཏང་ཨུའི་བཀོད་སྒྲིག་བླང་བྱ་དང་བསྟུན་ནས་ལས་དོན་སྤེལ་བར་གྲོས་བསྡུར་བྱས་ཏེ། དོན་དག་གལ་ཆེན་དགོངས་སྐོར་སྙན་སེང་ཞུ་བའི་ལམ་ལུགས་ལག་བསྟར་ནན་པོ་བྱེད་པ། རྒྱུན་ལས་ཨུ་ལྷན་གྱི་ཏང་ཙུའུ་ཡི་འགན་འཁྲི་བསྒྲུབས་ཚུལ་དུས་བཀག་ལྟར་སྙན་སེང་ཞུ་བ། ཏང་གི་མགོ་ཁྲིད་ཕྱོགས་ཡོངས་དང་།རྒྱུད་རིམ་ལྡན་པ།སྤྱི་ཡོངས་བཅས་ཀྱི་སྒོ་ནས་དམངས་འཐུས་ཚོགས་ཆེན་ལས་དོན་གྱི་ཕྱོགས་གང་ཅིའི་བརྒྱུད་རིམ་ཧྲིལ་པོར་དོན་འཁྱོལ་ཡོང་བར་སྐུལ་འདེད་བཏང་། ཏང་གིས་ལས་བྱེད་པར་དོ་དམ་བྱེད་པའི་རྩ་དོན་རྒྱུན་འཁྱོངས་བྱས་ཏེ། ཏང་ཀྲུང་དབྱང་དང་ཞིང་ཆེན་ཏང་ཨུའི་མི་དོན་བཀོད་སྒྲིག་གི་དགོངས་དོན་གལ་ཆེན་ལེགས་འགྲུབ་བྱས། 

ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སློབ་སྦྱོང་དང་སློབ་གསོ་གཏིང་ཟབ་སྒོས་སྤེལ་བ་དང་། སློབ་སྦྱོང་དང་ཞིབ་བཤེར། ལེགས་བཅོས་གཞི་གཅིག་ཏུ་སྐུལ་འདེད་གཏོང་རྒྱུ་མཐའ་འཁྱོངས་བྱས་ཏེ། “ཇུས་གཞི1དང་འཆར་གཞི4”གཏན་འབེབས་བྱས་པ་དང་། སློབ་སྦྱོང་གི་བྱེད་སྒོ་སྣ་ཚོགས་ཐེངས206སྒྲིག་འཛུགས་དང་།ཏང་ཡོན་ལས་བྱེད་པ232ཀྱིས་ཞིབ་བསྡུར་སྤེལ་རེས། ལས་ཁུངས་རིམ་པ་ཁག་གི་ཏང་རྩ་འཛུགས་ཀྱིས་གནད་དོན་ཁག280ལྷག་བཤེར་འདོན། དག་ཐར་ལེགས་བཅོས་བྱེད་ཐབས520ལྷག་ཙམ་གསར་བཟོ་བཅས་བྱས་ཏེ།     སློབ་སྦྱོང་ལ་སྤུས་ཚད་ཡོད་པ་དང་།     ཞིབ་བཤེར་ལ་ཤུགས་ལྡན་པ།     བསྒྱུར་བཅོས་ལ་ཕན་འབྲས་བཅས་ཡོང་བར་འགན་ལེན་བྱས་ཏེ།     བློ་སྦྱོང་རྨང་བརྟན་དང་སྤྱོད་བཟང་སྒྲིག་ནན།     ཁུར་པོ་ཇེ་ཡང་དང་ཕན་འབྲས་ཆེ་རུ་གཏོང་བ་བཅས་ཀྱི་གྲུབ་འབྲས་ཐོབ།    

2025ལོར་རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱི་ཨུ་ཡོན་ཀྲང་ཀྲའོ་ལེ་ཅིས་མཚོ་སྔོན་དུ་རྟོག་ཞིབ་གནང་སྐབས། ཆེད་དུ་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་ལས་ཁུངས་སུ་སྔོན་རྩིས་དྲ་སྦྲེལ་ལྟ་སྐུལ་དང་དམངས་འཐུས་ཚོགས་ཆེན་ཀྱི་ལོ་རྒྱུས་འགྲེམས་སྟོན་གནས་ཚུལ་ལ་རྟོག་ཞིབ་གནང་བར་ཕེབས་པ་དང་འབྲེལ་བཞུགས་མོལ་ཚོགས་འདུར་གཙོ་སྐྱོང་གནང་། དེ་ནི་མཚོ་སྔོན་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་བཙུགས་ནས་ལོ45འགོར་བའི་ཚུན་ལ། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱི་ཨུ་ཡོན་ཀྲང་གིས་མཚོ་སྔོན་དམངས་འཐུས་ཚོགས་ཆེན་ཀྱི་ལས་དོན་ལ་རྟོག་ཞིབ་དང་མཛུབ་ཁྲིད་བྱེད་ཐེངས་དང་པོ་རེད། ཞིང་ཆེན་ཏང་ཨུས་ཚད་མཐོའི་མཐོང་ཆེན་དང་འབྲེལ་ཡོད་ཚན་པ་ཁག་གིས་མཉམ་སྡེབ་ཤུགས་འདོན་དང་གཞོགས་འདེགས་དམ་ཟབ་བྱས་པས་རྟོག་ཞིབ་ལས་དོན་ཕུན་སུམ་ཚོགས་པའི་ངང་ལེགས་གྲུབ་བྱུང་། རྟོག་ཞིབ་མཇུག་འགྲིལ་རྗེས། ཞིང་ཆེན་ཏང་ཨུས་འཕྲལ་མར་བརྒྱུད་བསྒྲགས་སློབ་སྦྱོང་བྱས་པ་མ་ཟད་གཙོ་གནད་ལས་འགན་ཁག་བགོས་ཇུས་གཞི་བཏོན་པ་དང་།ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱིས་ལག་བསྟར་དོན་འཁྱོལ་བྱེད་ཐབས31ཞིབ་འཇུག་ཐོག་བཏོན། ཨུ་ཡོན་ཀྲང་གིས་ཐུགས་ཁུར་གནང་བའི་སྣོད་བཅུད་ཁོར་ཡུག་སྲུང་སྐྱོབ་དང་། ཐུམ་འབུའི་ནད་འགོག་བཅོས །འཐུས་མིས་འགན་འཁྲི་ཁུར་ལེན།མི་རིགས་མཐུན་སྒྲིལ་ལ་ཤུགས་སྣོན་སོགས་ཀྱི་ལས་དོན་གལ་ཆེན་རབ་དང་རིམ་པ་དོན་འཁྱོལ་བྱས་ནས་ཕན་འབྲས་ཐོན་པ་སྐུལ་འདེད་བཏང་བ་རེད།

ལྟེ་བའི་སྤྱི་ཡོངས་ལ་དམིགས་ཏེ་ཁྲིམས་ལྟར་འགན་འཁྲི་འཁུར་དགོས།

ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུ་རྒྱུ་ནི་དམངས་འཐུས་ཚོགས་ཆེན་ལས་དོན་གྱི་དུས་གཏན་གྱི་བརྗོད་བྱ་གཙོ་བོ་ཡིན། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱིས་ཞིང་ཆེན་ཡོངས་ཀྱི་སྤྱི་ཡོངས་ཁྲོད་དུ་དམངས་ཆེན་གྱི་ལས་དོན་ལ་བསམ་གཞིགས་དང་ཇུས་འགོད།སྐུལ་འདེད་བཅས་བྱས་ཏེ།ཀྲུང་གོའི་ལུགས་དེང་རབས་ཅན་དུ་འགྱུར་བའི་མཚོ་སྔོན་གྱི་ལག་ལེན་ལ་ཁྲིམས་སྐྱོང་མཁོ་སྤྲོད་དང་ལྟ་སྐུལ་སྐུལ་འདེད་ལ་ཤུགས་སྣོན་བརྒྱབ་ཡོད།ལོ་ཧྲིལ་པོར་ཞིང་ཆེན་རིམ་པའི་ཁྲིམས་སྲོལ་ཁག11གཏན་འབེབས་དང་བཟོ་བཅོས། རྩིས་མེད་དུ་བཟོས་པ་དང་། ས་གནས་ཀྱི་ཁྲིམས་སྲོལ29ལ་ཞིབ་བཤེར་ཆོག་མཆན་སྤྲད་པ། ལས་དོན་སྙན་ཞུ19ལ་གསན་ནས་གྲོས་ཞིབ་བྱས། ཁྲིམས་བསྟར་ཞིབ་བཤེར་ཐེངས4དང་།ཆེད་དོན་འདྲི་རྩད་ཐེངས1། ཆེད་དོན་བརྟག་དཔྱད་ཞིབ་འཇུག་ཐེངས3བཅས་བྱས་པ་དང་།གྲོས་ཆོད36གཏན་འབེབས་བྱས་ཏེ་ལམ་ལུགས་ཀྱི་དགེ་མཚན་སྔར་ལས་ལེགས་སྒྱུར་བྱས་ནས་བཅོས་སྐྱོང་གི་ཕན་ནུས་དང་འཕེལ་རྒྱས་ཀྱི་སྟོབས་ནུས་སུ་འགྱུར་བར་སྐུལ་འདེད་བཏང་།

ཁྲིམས་ལྟར་སྐྱེ་ཁམས་སྲུང་སྐྱོབ་ལ་རོགས་རམ་བྱས་ཏེ། སྐྱེ་ཁམས་དཔལ་ཡོན་གྱི་མཐོ་ས་འཛུགས་སྐྲུན་བྱེད་པར་སྲུང་སྐྱོབ་བྱེད་དགོས། རི་སྐྱེས་སྲོག་ཆགས་སྲུང་སྐྱོབ་སྲོལ་ཡིག་གཏན་འབེབས་བྱས་ཏེ།སྐྱེ་ཁམས་སྲུང་སྐྱོབ་ས་ཁུལ་གྱི་ཁྲིམས་འཛུགས107ལ་སྐུལ་འདེད་བཏང་བ་དང་།མཚོ་སྔོན་གྱི་ཁྱད་ཆོས་ལྡན་པའི་སྐྱེ་ཁམས་སྲུང་སྐྱོབ་ཁྲིམས་སྲོལ་ལམ་ལུགས་མ་ལག་བསྐྲུན།                                  ནགས་ཚལ་བཅའ་ཁྲིམས་དང་ཆུ་དཔོན་ལམ་ལུགས་དང་མཚོ་དཔོན་ལམ་ལུགས་ཀྱི་སྲོལ་ཡིག་སོགས་ཁྲིམས་འཛིན་ཞིབ་བཤེར་བྱས་ནས། བསྟུད་མར་ལོ་གསུམ་ལ་སྣོད་བཅུད་ཁོར་ཡུག་སྲུང་སྐྱོབ་རིགས་ཀྱི་བཅའ་ཁྲིམས་དང་ཁྲིམས་སྲོལ་ཁྲིམས་འཛིན་ཞིབ་བཤེར་བྱས་པ་དང་། བསྟུད་མར་ལོ་དགུ་ལ་ཞིང་ཆེན་ཡོངས་ཀྱི་ལོ་འཁོར་གྱི་སྣོད་བཅུད་ཁོར་ཡུག་སྲུང་སྐྱོབ་སྙན་ཞུར་ཉན་ནས་གྲོས་ཞིབ་བྱས། བསྟུད་མར་ལོ30ལ“གཙང་པོའི་མགོ་ཁུངས་ཀྱི་ཁོར་སྲུང་སྐྱོབ་བྱེད་སྒོ”སྤེལ་ཏེ། སྙིང་རུས་ལྷོད་མེད་དང་་བློ་བརྟན་རྒྱུན་མཐུད་ལ་བརྟེན་ནས་“དམངས་ཆེན་ལྟ་སྐུལ+”སྔོ་ལྗང་མིང་བྱང་མི་མཐུད་དུ་གཏོད་ནས། སྔོ་ལྗང་རི་ཆུ་སྲུང་སྐྱོང་བྱེད་པའི་ཁྲིམས་སྐྱོང་རྨང་རྡོ་སྲ་བརྟན་དུ་བཏང་།     

སྤུས་ཚད་མཐོ་བའི་འཕེལ་རྒྱས་ལ་ཁྲིམས་ལྟར་སྐུལ་འདེད་བཏང་ནས་ནུས་རྒྱུ་ཐོན་ཐོན་ལས་“གནས་བཞི”འཛུགས་སྐྲུན་བྱས། རྒྱལ་ཡོངས་ཀྱི་ས་གནས་འཐེན་ཐུག་ཐོན་ལས་ཐོག་མ་འཕེལ་རྒྱས་དང་། རྒྱུན་མཐུད་འཕེལ་རྒྱས་ཀྱི་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་སྲོལ་ཡིག་ཐོག་མར་བཏོན་པ་དང་།མཚོ་སྔོན་ལྷོ་རྒྱུད་ཀྱི་ཁུལ་གསུམ་གྱིས་རི་སྐྱེས་དབྱར་རྩྭ་དགུན་འབུའི་ཐོན་ཁུངས་སྲུང་སྐྱོབ་དོ་དམ་མཐུན་སྦྱོར་ཁྲིམས་འཛུགས་བྱེད་པར་མཛུབ་སྟོན་བྱས་ཏེ། ཁྱབ་ཁོངས་མང་པོའི་ཁྲིམས་འཛུགས་ཀྱི་སྟོང་ཆ་བསྐངས།ཐེངས་དང་པོར་ཞིང་ཆེན་ཡོངས་ཀྱི་དངུལ་རྩ་དང་སྲིད་གཞུང་གི་བུ་ལོན་དོ་དམ་སོགས་ཀྱི་སྙན་ཞུ་ལ་ཉན་ཞིང་གྲོས་ཞིབ་བྱས།“ལོ་ལྔའི་འཆར་འགོད་བཅུ་བཞི་པའི”འཆར་འགོད་དོན་འཁྱོལ་ལ་མུ་མཐུད་དུ་རྗེས་སྙེག་སྟེ། “ལོ་ལྔའི་འཆར་འགོད་བཅོ་ལྔ་པའི”འཆར་འགོད་བཟོ་བར་ཐོག་མའི་ཞིབ་བཤེར་དང་ཆེད་དོན་བརྟག་དཔྱད་ཞིབ་འཇུག་དུས་མཉམ་དུ་སྤེལ། རྒྱལ་སྤྱིའི་སྐྱེ་ཁམས་ཡུལ་སྐོར་དམིགས་ས་དང་།ལྗང་མདོག་རྩིས་ནུས་ཐོན་ལས་འཕེལ་རྒྱས། ཁེ་ལས་ཀྱི་་ཚན་རྩལ་གསར་གཏོད་ཀྱི་བྱེད་པོའི་གོ་གནས་ཆེ་རུ་གཏོང་བ་སོགས་ལ་དམིགས་ནས་མཐིལ་རྟོགས་རྣམ་པའི་རྟོག་ཞིབ་བྱས་ཏེ།ཐོན་ལས་འཕེལ་རྒྱས་ཀྱི་དཀའ་གནད་སེལ་བར་རམ་འདེགས་བྱས།

ཁྲིམས་ལྟར་དམངས་འཚོའི་ཁེ་དབང་སྲུང་སྐྱོབ་དང་དམངས་འཚོའི་དྲོད་ཚད་སྲུང་སྐྱོབ་བྱེད་དགོས། མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་བཅོས་སྒྲིག་བྱེད་པའི་སྐོར་གྱི་ཞིང་ཆེན་ལྟ་ཞིབ་ཨུ་ཡོན་ལྷན་ཁང་གི་བྱ་བའི་གནས་ཚུལ་སྐོར་གྱི་སྙན་ཞུར་ཆེད་དམིགས་ཀྱིས་ཉན་ནས་གྲོས་ཞིབ་བྱས་པ་དང་། ཟས་རིགས་བདེ་འཇགས་སྐོར་གྱི་བཅའ་ཁྲིམས་མཉམ་འབྲེལ་ཐོག་ཁྲིམས་བསྟར་ཞིབ་བཤེར་གསར་གཏོད་བྱས་པ།“སྨན་གསུམ་”མཐུན་སྦྱོར་ངང་འཕེལ་རྒྱས་དང་བཅོས་སྐྱོང་བྱས་ཚུལ་སོགས་ཀྱི་སྙན་ཞུར་ཉན་ནས་་གྲོས་ཞིབ་བྱས་ཏེ། མི་དམངས་མང་ཚོགས་ཀྱིས་སེམས་ཁུར་དང་དོ་སྣང་བྱེད་པའི་གནད་དོན་ལ་ཕྱིར་ལན་གསལ་པོ་བཏབ། ཞིང་ཆེན་ཡོངས་ཀྱི་མཐོ་རིམ་སློབ་གསོས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཞབས་འདེགས་ཞུ་བའི་ནུས་པ་ཆེ་རུ་གཏོང་བའི་གྲོས་ཞིབ་བསམ་འཆར་དོན་འཁྱོལ་བྱས་ཚུལ་ལ་ཐེངས་དང་པོར་དམིགས་ཏེ།སྲིད་གཞུང་གི་ཆེད་དོན་སྙན་ཞུར་གསན་འཇོག་གྲོས་ཞིབ་བྱས་པ་མ་ཟད་ཆེད་དོན་འདྲི་རྩད་ཀྱང་སྤེལ་བ་དང་།ཆེད་དོན་སྙན་ཞུ་དང་གྲོས་ཞིབ་བསམ་འཆར།ཆེད་དོན་འདྲི་རྩད་བཅས་ཟུང་དུ་འབྲེལ་བའི་གདུབ་ཟུམ་ལྟ་སྐུལ་བྱེད་སྟངས་ལ་བརྟེན་ནས་དམངས་འཚོའི་བདེ་སྐྱིད་ཆེ་རུ་བཏང་། ཁྱིམ་ཚང་གི་སློབ་གསོར་སྐུལ་འདེད་དང་། རྒན་རྒོན་གྱི་ཁེ་དབང་འགན་ལེན།ན་སོ་དར་ལ་མ་བབས་པའི་མིར་སྲུང་སྐྱོབ་སོགས་ཀྱི་སྲོལ་ཡིག་གཏན་འབེབས་དང་བཟོ་བཅོས་བརྒྱབ་སྟེ“ཉིན་མཚན་མེད་པར”བདེ་སྐྱིད་སྲུང་སྐྱོབ་བྱེད་དགོས།

ཁྲིམས་ལྟར་མི་རིགས་མཐུན་སྒྲིལ་ཡར་ཐོན་ཡོང་བར་སྐུལ་འདེད་བཏང་ནས་སྤྱི་ཚོགས་བཅོས་སྐྱོང་བྱེད་ཤུགས་ཆེ་རུ་གཏོང་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཇེ་བརྟན་དུ་གཏོང་རྒྱུར་དམིགས་ནས། མཚོ་ལྷོ་བོད་རིགས་རང་སྐྱོང་ཁུལ་གྱི་བོད་སྐད་ཡིག་ལས་དོན་དང་རྨ་ལྷོ་བོད་རིགས་རང་སྐྱོང་ཁུལ་དང་མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱི་བོད་བརྒྱུད་ནང་བསྟན་ལས་དོན་སོགས་ཀྱི་སྲོལ་ཡིག་ལ་ཞིབ་བཤེར་ཆོག་མཆན་སྤྲད་དེ། ཁྲིམས་སྐྱོང་གི་ལམ་བུའི་ཐོག་ཆོས་ལུགས་ལས་དོན་ལ་དོ་དམ་དང་མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་གཏོང་རྒྱུ་མཐའ་འཁྱོངས་བྱས་ཡོད། ཡིག་ཚགས་སྲོལ་ཡིག་དང་བཅའ་ཁྲིམས་རོགས་སྐྱོར་གྱི་གཏན་འབེབས་འགའ་གཏན་འབེབས་བྱས་ཏེ།སྲིད་འཛིན་ཁྲིམས་བསྟར་ལྟ་སྐུལ་ཁྲིམས་འཛུགས་ལ་སྐུལ་འདེད་བཏང་བ་དང་།ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱིས་ཟས་རིགས་དང་སྨན་རྫས་ཁོར་ཡུག་ཁྱབ་ཁོངས་ཀྱི་ཉེས་གསོག་ལ་རྡུང་རྡེག་གཏོང་བའི་བྱ་བའི་གནས་ཚུལ་སྙན་ཞུར་ཉན་ནས་གྲོས་ཞིབ་བྱས་ཤིང་།ཁྲིམས་བཟང་འཛུགས་པ་དང་བཅོས་སྐྱོང་ལ་སྐུལ་འདེད་གཏོང་བར་དམིགས་ཏེ།རྩ་བའི་ཆབ་སྲིད་ལམ་ལུགས་ཀྱི་དགེ་མཚན་དེ་མི་དམངས་མང་ཚོགས་ཀྱི་མིག་དབང་འཕྲོག་པ་དང་།ཚོར་བ་ཡོད་པ།སྒྲུབ་ཐུབ་པ་བཅས་ཀྱི་འགན་འཁྲི་སྒྲུབ་པའི་ལག་ལེན་དུ་འགྱུར་བར་སྐུལ་འདེད་བཏང་།

འཐུས་མིས་འགན་འཁྲི་སྒྲུབ་པར་འགན་སྲུང་བྱས་ནས་མང་ཚོགས་དང་འབྲེལ་བ་དམ་ཟབ་བྱ་དགོས།

དམངས་འཐུས་ཚོགས་ཆེན་གྱི་འཐུས་མི་ནི་མི་དམངས་མང་ཚོགས་ཀྱི་མགྲིན་ཚབ་པ་ཡིན་ལ།བརྒྱུད་རིམ་ཧྲིལ་པོའི་མི་དམངས་དམངས་གཙོའི་ལག་ལེན་པ་གལ་ཆེན་ཞིག་ཀྱང་ཡིན།ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱིས་འཐུས་མིའི་གཙོ་གཞིའི་གོ་གནས་ལ་བརྩི་འཇོག་དང་།འཐུས་མིས་ཁྲིམས་ལྟར་འགན་འཁྲི་སྒྲུབ་པར་ཕྱོགས་ཡོངས་ནས་རྒྱབ་སྐྱོར་དང་འགན་སྲུང་བྱས་ཏེ།མི་དམངས་མང་ཚོགས་དང་འབྲེལ་འདྲིས་དམ་ཟབ་བྱེད་པའི་ཁྲོད་ཀྱི་དམངས་འཐུས་ཚོགས་ཆེན་ཀྱི་སྣེ་ཁྲིད་ནུས་པ་འདོན་སྤེལ་གང་ལེགས་བྱས་པས།“དམངས་ལ་རེ་འབོད་ཡོད་ན་ང་ལ་ཨ་ལན་ཡོད་”ཅེས་པའི་དམིགས་ཡུལ་འདུ་ཤེས་དང་ཁྲིམས་སྐྱོང་གི་འགན་འཁྲི་སྔར་བས་ཇེ་བརྟན་དུ་བཏང་།

འཐུས་མིའི་བྱེད་པོའི་གོ་གནས་ལ་བརྩི་འཇོག་བྱས་ནས་འགན་འཁྲི་སྒྲུབ་པའི་འགན་ལེན་སྔར་བས་འཐུས་ཚང་དུ་བཏང་། གསར་དུ་བཟོ་བཅོས་བརྒྱབ་པའི་འཐུས་མིའི་བཅའ་ཁྲིམས་སློབ་སྦྱོང་དང་ལག་བསྟར་ནན་ཏན་བྱས་ནས། འཐུས་མི་དང་ཨུ་ཡོན་གྱི་འགན་སྒྲུབ་དོ་དམ་བྱེད་ཐབས་དོན་འཁྱོལ་བྱས།འཐུས་མིའི་སྙན་ཞུའི་འགན་སྒྲུབ་ལས་དོན་བརྟན་པོའི་ངང་སྐུལ་འདེད་གཏོང་བ་དང་།འཐུས་མིའི་འགན་སྒྲུབ་ཐོ་འགོད་དོ་དམ་ལམ་ལུགས་འཐུས་ཚང་དུ་བཏང་སྟེ།འཐུས་མིས་འགན་འཁྲི་སྒྲུབ་ཚུལ་ཤེས་པ་དང་།མཐོང་ཐུབ་པ།ཁུངས་འདེད་ཐུབ་པ།སྒྲ་ལྡན་མདོག་ལྡན།གཟུགས་ཡོད་བཅས་ཡོང་བར་བྱེད་དགོས།ཞིང་ཆེན་བརྒལ་ནས་དམངས་འཐུས་ཚོགས་ཆེན་ཀྱི་འཐུས་མིའི་གླེང་སྟེགས་ཐེངས་དང་པོ་གཉེར་བ་དང་།“འཐུས་མི་དང་མཉམ་དུ”གསར་བརྗེའི་གཞི་རྒྱུ་རྒྱུན་འཛིན་དང་།བུད་མེད་དང་བྱིས་པར་གཅེས་སྐྱོང་།གྲོང་གསེབ་དར་རྒྱས་ལ་མཉམ་དུ་སྐུལ་འདེད་གཏོང་བ་སོགས་ཀྱི་བྱེད་སྒོ་རབ་དང་རིམ་པ་སྤེལ་བ།འཐུས་མིའི་འགན་འཁྲི་སྒྲུབ་པའི་འགྲོ་གྲོན་འགན་ལེན་བྱེད་ཤུགས་ཆེ་རུ་གཏོང་བ།མཉམ་འབྲེལ་མཉམ་འགུལ་གྱིས་འཐུས་མིར་འགན་འཁྲི་སྒྲུབ་པའི་ཆ་རྐྱེན་སྔར་བས་མང་བ་བསྐྲུན་པ་བཅས་བྱས་ནས་འཐུས་མིས་འགན་འཁྲི་སྒྲུབ་པར་ཁ་ཕྱོགས་སྔར་བས་ཆེ་བ་དང་གདེང་ཚོད་སྔར་བས་ཆེ་རུ་ཕྱིན་ཡོད།

“འབྲེལ་བ་དྲུག”གི་ལམ་ལུགས་ཟབ་སྤེལ་བྱས་ནས་མང་ཚོགས་དང་འབྲེལ་འདྲིས་སྔར་ལས་དམ་ཟབ་བྱེད་པ། ཞིང་ཆེན་དམངས་འཐུས་ཚོགས་ཆེན་ཀྱི་ཆེན་དོན་ཨུ་ཡོན་ལྷན་ཁང་དང་རྒྱུན་ལས་ཨུ་ལྷན་ལས་སྒྲུབ་ལས་ཁུངས། བྱ་བའི་ལས་ཁུངས་ཀྱིས་ཞིང་ཆེན་དམངས་འཐུས་ཚོགས་ཆེན་གྱི་འཐུས་མི་དང་འབྲེལ་གཏུག་བྱེད་པའི་ལས་དོན་ལ་སྔར་བས་ཤུགས་སྣོན་རྒྱག་དགོས་པའི་བསམ་འཆར་བཏོན་ནས། “ཁང་གཉིས་ལས་སྟེགས་གཅིག”འཛུགས་སྐྲུན་དོ་དམ་དང་བཀོལ་སྤྱོད་ཆུ་ཚད་ཕྱོགས་ཡོངས་ནས་མཐོ་རུ་བཏང་།“རིམ་པ་ལྔའི་འཐུས་མི་ཁང་གཉིས་སུ་བསྐྱོད་པ་དང་།མང་ཚོགས་དང་འབྲེལ་གཏུག་བྱས་ནས་དོན་དངོས་སྒྲུབ་པའི་”བརྗོད་བྱ་གཙོ་བོའི་ལག་ལེན་བྱེད་སྒོ་རྒྱུན་མཐུད་ངང་སྤེལ་ཏེ།འཐུས་མི་ཁང་དུ་ཡོང་རྒྱུ་ཡོངས་སུ་ཁྱབ་པར་བྱས་ཡོད།གྲོང་ཁྱེར་དང་།རྫོང་། ཡུལ་ཚོ་བཅས་ཀྱི་དམངས་འཐུས་ཚོགས་ཆེན་ལ་མཛུབ་ཁྲིད་བྱས་ནས་དམངས་འཚོའི་བྱ་བ་དངོས་རྣམ་གྲངས་ཀྱི་འཐུས་མིའི་འདེམས་ཤོག་ཐག་གཅོད་ལམ་ལུགས་ལ་སྐུལ་འདེད་བཏང་བ་དང་།“ཁང་གཉིས”ལ་བརྟེན་ནས་རྣམ་གྲངས་ཀྱི་གྲོས་གཞི127བསྡུ་རུབ་དང་བརྒྱུད་སྤྲོད་བྱས་ཏེ“དམངས་འཚོའི་རྩིས་ཐོ”དེ“ཞབས་ཞུའི་གསལ་ཐོ”རུ་བསྒྱུར་བར་སྐུལ་འདེད་བཏང་།

གྲོས་གཞིའི“སྐུལ་སྒྲུབ་ཆེན་པོའི་”རྣམ་པ་འཐུས་ཚང་དུ་བཏང་ནས་སྐུལ་སྒྲུབ་གྲོས་གཞི་སྔར་བས་དངོས་གཉེར་བྱེད་པ། འཐུས་མིའི་གྲོས་གཞིའི“ལྟ་སྐུལ་དོ་དམ་ཆེན་པོའི”བྱ་བའི་ལམ་སྲོལ་རྒྱུན་མཐུད་ངང་འཐུས་ཚང་དུ་བཏང་སྟེ། ཞིང་ཆེན་ཏང་ཨུའི་ཧྲུའུ་ཅི། ཧྲིན་ཀྲང་གིས་བསྟུད་མར་ལོ་བདུན་རིང་སྣེ་ཁྲིད་ཀྱིས་སྐུལ་སྒྲུབ་བྱས་པ་དང་། ཞིང་ཆེན་ཏང་ཨུའི་རྒྱུན་ཨུས་སྣེ་ཁྲིད་ལྟ་སྐུལ་་ཁྱོན་ཡོངས་ལ་ཁྱབ་པ་མངོན་འགྱུར་བྱས། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་ཡོངས་ཀྱིས་སྐུལ་སྒྲུབ་དང་། ཞིང་ཆེན་སྲིད་གཞུང་གི་ཧྲིན་ཀྲང་གཞོན་པས་རང་འགུལ་ངང་སྒྲུབ་གཉེར་བྱས་པ། འབྲེལ་ཡོད་སྡེ་ཁག་དང་ལས་ཁུངས་སོ་སོས་ཧུར་བསྐྱེད་སྒོས་འགན་སྒྲུབ་བྱས་ཏེ། གྲོས་གཞི27གཙོ་གནད་སྐུལ་སྒྲུབ་བྱས་ཏེ། སྐབས་རིམ་བྱུང་ལས་འཐུས་མི་ལ་སྤྲད་པའི་གྲོས་གཞི་ཚང་མ་དུས་བཀག་ལྟར་ལེགས་སྒྲུབ་བྱས་པ་དང་། རིགས་Aཡི་སྡུར་ཕྲེང་བསྟུད་མར་ལོ་བཞི་རིང་མཐོ་རུ་ཕྱིན་པ་དང་འཐུས་མིས་བློ་ཡིད་ཚིམ་ཚད100%ཟིན།    

“ལས་ཁུངས་བཞི་”སྟོབས་ཆེར་བཏང་ནས་འགན་ནུས་སྒྲུབ་པའི་ཕན་ནུས་ཆེ་རུ་གཏོང་དགོས།

ལས་ཁུངས་འཛུགས་སྐྱོང་ལ“མཚམས་འཇོག་རྟགས”མེད་པས་རྒྱུན་དུ་དམ་འཛིན་ལྷོད་མེད་དང་རྒྱུན་མཐུད་ངང་ཤུགས་འདོན་དགོས། ཞིང་ཆེན་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་གཅིག་གྱུར་འཆར་འགོད་ཀྱི“ལས་ཁུངས་བཞི་”འཛུགས་སྐྲུན་ལ་སྐུལ་འདེད་བཏང་སྟེ།རང་ཉིད་སྟོབས་ཆེར་གཏོང་བ་དང་།དཔུང་སྡེ་འཛུགས་པ།བླང་བྱ་ནན་པོ་འདོན་པ།སྤྱོད་ཚུལ་དྲང་པོ་འཛིན་པ་བཅས་བྱས་པས།མཐུན་སྒྲིལ་ཛ་དྲག་དང་གཟབ་ནན་འཁྲུག་ཆ་དོད་པའི་བྱ་བའི་རྣམ་པ་ཇེ་ཟབ་ཏུ་སོང་ཡོད།

རྒྱུན་འཁྱོངས་ལྷོད་མེད་ཀྱིས་ཏང་འཛུགས་སྐྱོང་དམ་འཛིན་བྱ་དགོས།དུས་རབས་གསར་པའི་ཏང་འཛུགས་སྐྱོང་གི་སྤྱིའི་བླང་བྱ་དོན་འཁྱོལ་བྱས་ཏེ།རྒྱུན་ལས་ཨུ་ལྷན་གྱི་ཏང་ཙུའུ་དང་།ལས་ཁུངས་ཀྱི་ཏང་ཙུའུ།ཆེད་དོན་ཨུ་ལྷན་གྱི་ཡན་ལག་ཏང་ཙུའུ་བཅས་འཛུགས་སྐྱོང་བྱེད་ཤུགས་ཆེ་རུ་བཏང་བ་དང་།ལས་ཁུངས་ཀྱི་ཏང་ཀྲི་པུའུ་འཛུགས་སྟངས་ཕྱོགས་ཡོངས་ནས་ལེགས་སྒྱུར་བྱས་པས།གཞི་རིམ་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ཀྱི་ནུས་པ་རྒྱུན་ཆད་མེད་པར་ཆེ་རུ་ཕྱིན་ཡོད།དམངས་འཐུས་ཚོགས་ཆེན་ཀྱི་ལས་བྱེད་པའི་དཔུང་ཁག་འཛུགས་སྐྱོང་ལ་རྒྱུན་མཐུད་ངང་ཤུགས་སྣོན་བརྒྱབ་ནས་གྲུབ་ཚུལ་ལུགས་མཐུན་དང་བྱང་ཚད་ལེགས་པའི་དམངས་འཐུས་ཚོགས་ཆེན་ཀྱི་ལས་བྱེད་པའི་དཔུང་ཁག་འཛུགས་སྐྱོང་བྱེད་དགོས།

སྙིང་རུས་ལྷོད་མེད་ཀྱིས་སྤྱོད་ཚུལ་ལེགས་བཅོས་བྱེད་དགོས། ཕྱི་ཚུལ་རིང་ལུགས་བཅོས་སྒྲིག་རྒྱུན་མཐུད་ངང་གཏིང་ཟབ་ཏུ་བཏང་ནས་གཞི་རིམ་གྱི་ཁུར་པོ་ཡང་དུ་གཏོང་བ་དང་།རྩོམ་སྲོལ་དང་ཚོགས་སྲོལ་ལེགས་སུ་གཏོང་བ།གཞུང་ཡིག་འདྲ་བཤུས་བཅོས་སྒྲིག་བཅས་བྱེད་དགོས།དམངས་འཐུས་ཚོགས་ཆེན་ལམ་ལུགས་ཞིབ་འཇུག་དང་རིགས་པའི་གཞུང་ལུགས་འཆད་འགྲེལ་ལ་ཤུགས་སྣོན་རྒྱག་པ་དང་།“ལས་ཁུངས་བཞི”འཛུགས་སྐྱོང་གི་རིགས་པའི་གཞུང་ལུགས་ཞིབ་བསྡུར་ལ་སྐུལ་འདེད་གཏོང་བ།མཚོ་སྔོན་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་ལོ་45འཁོར་བའི་བྱ་བའི་སྐོར་གཟིགས་རྩོམ་འབྲི་བྱས་ཏེ། “ལས་ཁུངས་འཛུགས་སྐྱོང་གི་བྱ་བ་དངོས་བཅུའི་འཆར་གཞི”ལ་སྐུལ་འདེད་གཏོང་བ་དང་།“རིག་ནུས་དམངས་འཐུས་ཚོགས་ཆེན”འཛུགས་སྐྱོང་གི་ཆུ་ཚད་མཐོ་རུ་གཏོང་བ་བཅས་བྱས་ནས་ཏང་བློ་བདེ་བ་དང་།མང་ཚོགས་དང་འཐུས་མི་བློ་ཡིད་ཚིམ་པའི་དཔེ་བཟང་ལས་ཁུངས་ནུས་ཤུགས་ཡོད་རྒུས་གཏོད་དགོས།

གོང་འོག་མཉམ་འབྲེལ་གྱིས་འཕེལ་རྒྱས་ལ་སྐུལ་འདེད་གཏོང་དགོས། མི་དམངས་དམངས་གཙོ་འཕེལ་རྒྱས་གཏོང་བའི་མཚོ་སྔོན་གྱི་ལག་ལེན་ཁྲོད། གྲོང་ཁྱེར་དང་ཁུལ་ཁག་གི་དམངས་འཐུས་ཚོགས་ཆེན་གྱིས་ས་གནས་ཏང་ཨུའི་མགོ་ཁྲིད་ཀྱི་ཐུགས་ཁུར་དང་རྒྱབ་སྐྱོར་འོག ཡུལ་བབ་དང་བསྟུན་ནས་ཁྱད་ལྡན་འགན་འཁྲི་སྒྲུབ་པའི་སྤུས་རྟགས་བཏོད་དེ་ས་གནས་ཀྱི་རྒྱལ་ཁབ་དབང་ཆའི་ལས་ཁུངས་ཀྱི་འགན་ནུས་འདོན་སྤེལ་ནུས་ལྡན་བྱས།ཞིང་ཆེན་ཡོངས་ཀྱི་རིམ་ཁག་དམངས་འཐུས་ཚོགས་ཆེན་ཀྱིས་སེམས་ནུས་གཅིག་སྒྲིལ་གྱིས་འཕེལ་རྒྱས་ལ་སྐུལ་འདེད་གཏོང་བ་དང་བློ་གཅིག་སེམས་གཅིག་གིས་ལེ་ཚན་གསར་པའི་སྤྱི་ཡོངས་ཀྱི་འདུ་ཤེས་སྔར་བས་བརྟན་དུ་ཕྱིན་པ་དང་།སྣོད་བཅུད་ཤེས་དཔལ་གྱི་མཐོ་ས་འཛུགས་སྐྲུན་དང་།ཐོན་ལས་ཀྱི“གནས་བཞི”འཛུགས་སྐྲུན།མི་རིགས་མཐུན་སྒྲིལ་ཡར་ཐོན་བཅས་ཀྱི་འགན་འཁྲི་འཁུར་སེམས་སྔར་བས་བརྟན་དུ་ཕྱིན་པ།ཁྲིམས་ལྟར་མི་དམངས་ཀྱི་ཁེ་དབང་སྲུང་སྐྱོབ་དང་། དམངས་འཚོའི་དོ་ཁུར་ལ་ལན་འདེབས་པ། དམངས་འཚོ་བདེ་སྐྱིད་ཇེ་ཟབ་ཏུ་གཏོང་བའི་དམིགས་འབེན་འདུ་ཤེས་དང་མི་དམངས་ལ་ཞབས་འདེགས་ཞུ་བའི་བརྩེ་སེམས་སྔར་བས་ཇེ་བརྟན་དུ་བཏང་།

དངོས་སྒྲུབ་ལམ་བུར་ཕྱིར་མིག་བལྟས་ཏེ་ད་ལོའི་རྒྱང་སྐྱོད་ཀྱི་ལམ་བུ་གསར་པར་འབད་བརྩོན་བྱེད་དགོས། “ལོ་ལྔའི་འཆར་འགོད་བཅོ་ལྔ་པའི”མགོ་རྩོམ་ས་གསར་པའི་ཐོག་ནས་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་འཛིན་རྒྱུ་མཐའ་འཁྱོངས་བྱས་ཏེ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་དང་ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བཅུ་པའི་དགོངས་དོན་ཕྱོགས་ཡོངས་ནས་དོན་འཁྱོལ་བྱེད་པ། རང་རྟོགས་ངང་ཏང་གི་ཁྱོན་ཡོངས་ཀྱི་མགོ་ཁྲིད་མཐའ་འཁྱོངས་དང་།     རྩ་ཁྲིམས་བཅའ་ཁྲིམས་ཀྱིས་སྤྲད་པའི་འགན་འཁྲི་ལག་བསྟར་ནན་མོ་བྱས་ཏེ། བརྒྱུད་རིམ་ཧྲིལ་པོའི་མི་དམངས་དམངས་གཙོ་ཧུར་ཐག་སྒོས་ལག་བསྟར་དང་།     རང་ངོས་འཛུགས་སྐྱོང་ལ་ཁྱོན་ཡོངས་ནས་ཤུགས་སྣོན་བརྒྱབ་སྟེ་ནུས་ཤུགས་གཅིག་གྱུར་དང་།     འབད་འཐབ་ལྷོད་མེད།     དཔའ་ངར་ཆེན་པོས་གནས་བབ་གསར་པ་གཏོད་དེ།     ཁྲིམས་ལྟར་འགན་འཁྲི་སྒྲུབ་པའི་ཁོར་ཡུག་ལེགས་པོ་དང་གཞུང་འཁྱོངས་གསར་འབྱེད་ཀྱིས་འཕེལ་རྒྱས་ལ་སྐུལ་འདེད།     སེམས་ནུས་གཅིག་སྒྲིལ་གྱིས་ལེའུ་གསར་པ་འབྲི་བའི་དུས་རབས་ཀྱི་གྲུབ་འབྲས་ཤིག་འབད་བརྩོན་གྱིས་སྤྲད་དགོས།