ཞིང་ཆེན་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པས་གསར་འགྱུར་སྒྲོག་སྤེལ་ཚོགས་འདུ་བསྡུས།

ཟླ་དང་པོའི་ཚེས27ཉིན་གྱི་ཕྱི་དྲོར། ཞིང་ཆེན་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པས་གསར་འགྱུར་སྒྲོག་སྤེལ་ཚོགས་འདུ་བསྡུས།

ཟླ་དང་པོའི་ཚེས27ཉིན་གྱི་ཕྱི་དྲོར། ཞིང་ཆེན་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པས“སྤུས་ཚད་མཐོ་བའི་འཕེལ་རྒྱས་ལ་དམིགས་པ”ཞེས་པའི་བརྗོད་དོན་གཙོ་བོའི་གསར་འགྱུར་སྒྲོག་སྤེལ་ཚོགས་འདུ་བསྡུས་པ་དང་། 2025ལོར་རང་ཞིང་གིས་དངོས་སྒྲུབ་སྔོན་བརྩོན་བྱས་ཏེ། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཕན་འབྲས་དང་སྲིད་གཞུང་བྱ་བའི་སྙན་ཞུའི་ནང་དོན་གཙོ་བོར་དམིགས་ནས།     ཞིང་ཆེན་ནགས་ལས་དང་རྩྭ་ཐང་ཅུས། ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་། མཚོ་བྱང་བོད་རིགས་རང་སྐྱོང་ཁུལ་མིན་ཡོན་ཧོས་རིགས་རང་སྐྱོང་རྫོང་།  མཚོ་ཤར་གྲོང་ཁྱེར་ཧུའུ་ཀྲུའུ་ཧོར་རིགས་རང་སྐྱོང་རྫོང་།  དཔའ་ལུང་ཧོས་རིགས་རང་སྐྱོང་རྫོང་བཅས་ཀྱི་འབྲེལ་ཡོད་འགན་འཁུར་བློ་མཐུན་གསར་འགྱུར་སྒྲོག་སྤེལ་ཚོགས་འདུའི་སྟེང་གདན་ཞུ་བྱས།

གསར་འགྱུར་སྒྲོག་སྤེལ་གྱི་ཡུལ་དངོས་སུ། ཞིང་ཆེན་ནགས་ཚལ་རྩྭ་ཐང་ཅུས་ཀྱི་ཅུས་ཀྲང་གཞོན་པ་ཐེན་ཅན་དང་། ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་གི་ཏང་ཙུའུ་ཁོངས་མི། ཐིང་ཀྲང་གཞོན་པ་ཀྲང་ཀྲི་ཅེ། མིན་ཡོན་རྫོང་ཏང་ཨུའི་ཧྲུའུ་ཅི་གཞོན་པ། རྫོང་དཔོན་མེན་ཐུང་ཀུང་།  ཧུའུ་ཀྲུའུ་རྫོང་གི་རྫོང་དཔོན་གཞོན་པ་ཧྲི་ཚུན་ཧྥུན། དཔའ་ལུང་རྫོང་གི་ཏང་ཨུའི་ཧྲུའུ་ཅི་གཞོན་པ། རྫོང་དཔོན་ཡེ་ཞང་བཅས་ཀྱིས་རང་ཞིང་གིས་བློ་བརྟན་འགྱུར་མེད་སྒོས“ཀྲུང་ཧྭའི་ཆུ་མཛོད”ལ་སྲུང་སྐྱོང་ཡག་པོ་བྱས་ཏེ། རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་གྱི་གྲུབ་འབྲས་མངོན་གསལ་དང་གསར་གཏོད་ལག་ལེན་ལ་སྐུལ་འདེད་གཏོང་བ། ཐག་རིང་ས་ཁུལ་གྱི་རོང་འབྲོག་པ་མང་ཚོགས་འགྲོ་སྐྱོད་བྱེད་པའི“མཇུག་མཐའི་སྤྱི་ལེ་གཅིག”སྦྲེལ་བ།  ས་ཁོངས་ཀྱི་ཁྱད་ཆོས་ལྡན་པའི་ཐོན་ཁུངས་ཀྱི་ལེགས་ཆ་འདོན་སྤེལ་བྱས་ཏེ། “གྲང་པའི་ཐོན་ཁུངས”དེ“ཚ་པའི་འགུལ་ནུས”སུ་བསྒྱུར་རྒྱུར་སྐུལ་འདེད་བཏང་སྟེ།  གངས་འཁྱགས་དཔལ་འབྱོར་ཀྱི་འཕར་སྣེ་གཏོད་པ། མཐོ་སྒང་གི་ཐུན་མོང་མ་ཡིན་པའི་གྲང་ངར་ཆེ་བའི་ནམ་ཟླ་དང་དྭངས་གཙང་གི་ས་ཆུའི་ཐོན་ཁུངས་ལ་བརྟེན་ནས།     གྲང་བསིལ་སྔོ་ཚལ་ཐོན་ལས་ཀྱི་ཉམས་མྱོང་དང་བྱེད་སྟངས་འཕེལ་རྒྱས་གཏོང་བ།“རིམ་ལྔ་འགན་ལེན”གྱི་འགན་འཁྲིའི་ལམ་ལུགས་དང“དང་ལེན་གཉིས”ཀྱི་རྐྱེན་སྲོལ་གཟབ་ནན་སྒོས་དོན་འཁྱོལ་བྱས་པ་བཅས་།     འཕྲལ་སྡོམ་ཉེན་གཡོལ་བྱ་བའི་ཉམས་མྱོང་གིས་གསར་འགྱུར་སྒྲོག་སྤེལ་ཚོགས་འདུ་བསྡུས་ཏེ། ཉེ་བའི་ལོ་ཤས་རིང་ཞིང་ཆེན་ཡོངས་ཀྱི་གོང་འོག་ཚང་མས་དྲིན་ཚོར་འབད་བརྩོན་དང་། དངོས་སྒྲུབ་སྔོན་བརྩོན། དཀའ་སྤྱད་མདུན་སྐྱོད། འབད་བརྩོན་ཧུར་ཐག་བཅས་བྱས་ནས། དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་ལ་སྐུལ་འདེད་ཧུར་ཐག་གཏོང་བའི་རྣམ་པ་གསར་པ་ཕྱོགས་ཡོངས་ནས་མངོན་པར་བྱས།

གསར་འགྱུར་སྒྲོག་སྤེལ་ཚོགས་འདུ་དེ་ཚོགས་ཆེན་དྲུང་ཡིག་ཁྲུའུ་ཡི་དྲིལ་སྒྲོག་ཚན་ཆུང་གི་ཚན་གཙོ་གཞོན་པ་སུན་ཧའེ་ཏུང་གིས་འགོ་འཛིན་བྱས་པ་དང་། མཚོ་སྔོན་དུ་སྡོད་པའི་ཀྲུང་དབྱང་གསར་འགྱུར་ལས་ཁུངས་དང་ཞིང་ཆེན་ལྟེ་གནས་སུ་ཡོད་པའི་གསར་འགྱུར་ལས་ཁུངས་ཀྱི་ཚོགས་ཆེན་གཉིས་ལ་ཞུགས་པའི་གསར་འགོད་པ་སྒྲོག་སྤེལ་ཚོགས་འདུར་ཞུགས་ཡོད།