མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ1ཚེས27ཉིན་གྱི་ཕྱི་དྲོར། ཞིང་ཆེན་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པར་ཞུགས་པའི་འཐུས་མིས་ཚན་ཆུང་བགོས་ནས་སྲིད་གཞུང་བྱ་བའི་སྙན་ཞུར་གྲོས་ཞིབ་བྱས། འཐུས་ཚབ་ཚོགས་པ་སོ་སོས་གྲོས་ཞིབ་བྱ་ཡུལ་དུ། འཐུས་མི་ཚོས་སྙན་ཞུའི་ནང་དོན་དང་རང་ངོས་ཀྱི་བྱ་བའི་དོན་དངོས་དང་ཟུང་འབྲེལ་བྱས་ནས་ཧུར་བརྩོན་ཆེན་པོས་གཏམ་བཤད་ལྷུག་པོར་གནང་བ་དང་སྤྲོ་སེམས་འཁོལ་བའི་ངང་ནས་གྲོས་བསྡུར་བྱས།
འཐུས་མི་ཚོས་མགྲིན་གཅིག་ཏུ་ངོས་འཛིན་བྱས་དོན། ཐེངས་འདིའི་སྲིད་གཞུང་བྱ་བའི་སྙན་ཞུའི་ནང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་ལས་དོན་ཐད་བཏོན་པའི་བླང་བྱ་གལ་ཆེན་གྱིས་ཁྱབ་པར་བྱས་ཡོད་པ་དང་། ལོ་ལྔའི་འཆར་འགོད་བཅུ་བཞི་པའི་དུས་སྐབས་དང་འདས་ཟིན་པའི་ལོ་གཅིག་རིང་གི་འཕེལ་རྒྱས་གྲུབ་འབྲས་ལ་ཕྱོགས་ཡོངས་ནས་སྤྱི་སྡོམ་བྱས་ཡོད་ཅིང་། ལོ་ལྔའི་འཆར་འགོད་བཅོ་ལྔ་པའི་འཕེལ་རྒྱས་འཆར་འགོད་ལ་ཚན་རིག་དང་མཐུན་པའི་སྒོ་ནས་འཆར་འགོད་བྱས་ཡོད་པར་མ་ཟད། གྲུབ་འབྲས་སྤྱི་སྡོམ་བྱས་པ་དངོས་ཐོག་བདེན་འཚོལ་ཡིན་པ་དང་གནས་བབ་ལ་དབྱེ་ཞིབ་བྱས་པ་གཏིང་ཟབ་མཐིལ་རྟོགས་ཡིན་པ། དམིགས་འབེན་གཏན་འཁེལ་བྱས་པ་ཧུར་སྐྱེད་བརྟན་པོ་ཡིན་པ། ལས་འགན་བཀོད་སྒྲིག་བྱས་པ་གནད་ལ་འཁེལ་ཞིང་དངོས་སྒྲུབ་བཅས་ཡིན་པའི་དབང་གིས། སྲིད་གཞུང་བྱ་བའི་སྙན་ཞུས་ཀྲུང་དབྱང་གི་དགོངས་དོན་དང་ཞིང་ཆེན་ཏང་ཨུའི་བླང་བྱ། མི་དམངས་ཀྱི་རེ་ལྟོས་བཅས་གང་ལེགས་སྒོས་མཚོན་ཐུབ་ཡོད་པར་བརྟེན། དེ་ནི་དར་ཆ་མཐོན་པོར་བསྒྲེངས་པ་དང་འགན་གཙང་འཁུར་བྱེད་པ། སེམས་ཤུགས་གཅིག་ཏུ་བསྒྲིལ་བ། མི་རྣམས་ལ་སྐུལ་མ་གཏོང་བ་བཅས་ཀྱི་སྙན་ཞུ་ཡག་པོ་ཞིག་རེད་ཟེར།
གྲོས་ཞིབ་བྱེད་པའི་སྐབས་སུ། འཐུས་མི་ཚོས་སྲིད་གཞུང་བྱ་བའི་སྙན་ཞུའི་ནང་དོན་ཁག་ལ་དམ་པོར་དམིགས་ནས་དཔྱད་བསྡུར་ཞིབ་ཚགས་བྱས་པར་བརྟེན། ཡུལ་དངོས་ཀྱི་རྣམ་པ་སྔར་ལས་འཁྲུག་ཆ་དོད་པོ་རུ་གྱུར། ཚང་མས་མགྲིག་གཅིག་གིས་ངོས་འཛིན་བྱས་དོན། ལོ་གཅིག་གི་རིང་ལ། ཞིང་ཆེན་ཡོངས་ཀྱི་གོང་འོག་བར་གསུམ་ཚང་མས་དཀའ་ངལ་ཁྱད་སེལ་དང་འབད་བརྩོན་ཆེན་པོས་མདུན་སྐྱོད་བྱས་པའི་དབང་གིས། སྐྱེ་ཁམས་དཔལ་ཡོན་འཛུགས་སྐྲུན་དང་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐོབ་དཀའ་བའི་གྲུབ་འབྲས་ཐོབ་ཡོད་ལ། ལྷག་པར་དུ་སྐྱེ་ཁམས་སྲུང་སྐྱོབ་དང་དམངས་འཚོ་ལེགས་བཅོས། ཐོན་ལས་རིམ་སྤོར་སོགས་ཐད་ཁྱད་ཆོས་གཟེངས་སུ་ཐོན་ས་ཡང་ཡང་མངོན་པ་དང་ཕན་འབྲས་མངོན་གསལ་དོད་པོ་ཐོབ་ནས། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་ཐད་ཉམས་སྣང་གསར་པ་མངོན་ཡོད་ཟེར།
གྲོས་ཞིབ་བྱེད་པའི་བརྒྱུད་རིམ་ཁྲོད། འཐུས་མི་ཚོས་བསམ་འཆར་དང་ཐབས་ཇུས་འབད་པས་བཏོན་པ་དང་། རང་སོ་སོའི་ལས་དོན་དང་ཟུང་འབྲེལ་བྱས་ནས་དགེ་མཚན་ལྡན་པའི་བསམ་འཆར་དང་གྲོས་འགོ་གང་མང་བཏོན། ཚང་མས་མགྲིན་གཅིག་ཏུ་ངོས་འཛིན་བྱས་དོན། སྙན་ཞུས“ལོ་ལྔའི་འཆར་འགོད་བཅོ་ལྔ་པའི”དུས་སྐབས་ཀྱི་དམིགས་འབེན་གཙོ་བོར་ཚན་རིག་དང་མཐུན་པའི་སྒོས་ནས་འཆར་འགོད་བཀོད་སྒྲིག་ཞིབ་ཚགས་བྱས་ཏེ། ཞིང་ཆེན་ཡོངས་ཀྱི་མ་འོངས་པའི་ལོ་ལྔའི་འཕེལ་རྒྱས་ལ་ཁ་ཕྱོགས་གསལ་སྟོན་བྱས་ཡོད། ད་ལོའི་གཙོ་གནད་ལས་འགན་བཀོད་སྒྲིག་བྱས་པའི་བསམ་ཕྱོགས་གསལ་པོ་ཡིན་ཞིང་དམིགས་འབེན་གསལ་ལ་བྱེད་ཐབས་དོན་དངོས་དང་མཐུན་པའི་དབང་གིས། དེར་དམིགས་འབེན་རང་བཞིན་དང་སྦྱོར་དངོས་རང་བཞིན་ཧ་ཅང་ཆེན་པོ་ལྡན་ཟེར།
2026ལོ་ནི་ལོ་ལྔའི་འཆར་འགོད་བཅོ་ལྔ་པ་འགོ་རྩོམ་པའི་ལོ་ཡིན། འཐུས་མི་ཚོས་གཅིག་རྗེས་གཉིས་མཐུད་ངང་བསྟན་དོན། ཡིད་ཆེས་བརྟན་གཏོང་དང་དངོས་སྒྲུབ་སྔོན་བརྩོན་བྱས་ཏེ། འགན་འཁུར་ཕོད་པ་དང་བྱ་བ་བཟང་པོ་སྒྲུབ་པའི་ངར་ཤུགས་ལ་བརྟེན་ནས། དཀའ་ངལ་ཁྱད་གསོད་དང་དཔའ་ངར་ཆེན་པོས་ཉམས་སྣང་གསར་པ་བསྐྲུན་དགོས། “ལོ་ལྔའི་འཆར་འགོད་བཅོ་ལྔ་པའི”འཆར་འགོད་དམིགས་འབེན་ལས་འགན་དང་སྲིད་གཞུང་བྱ་བའི་སྙན་ཞུའི་བཀོད་སྒྲིག་དོན་འཁྱོལ་བྱས་ནས་ཕན་འབྲས་ཐོན་བར་བྱེད་རྒྱུ་དང་། འབད་བརྩོན་ཆེན་པོས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལེའུ་རྩོམ་ཆེད་འབུལ་འོས་པའི་བྱས་རྗེས་འཇོག་དགོས་ཟེར།
