ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པས་གསར་འགྱུར་སྒྲོག་སྤེལ་ཚོགས་འདུ་བསྡུས།

​ཟླ1ཚེས26ཉིན་གྱི་ཕྱི་དྲོར། ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པས་གསར་འགྱུར་སྒྲོག་སྤེལ་ཚོགས་འདུ་བསྡུས་ཏེ། “ལོ་ལྔའི་འཆར་འགོད་བཅུ་བཞི་པར”ཕྱིར་དྲན་དང་། “ལོ་ལྔའི་འཆར་འགོད་བཅོ་ལྔ་པར”ཞབས་འདེགས་ཞུ་བ་ཞེས་པ་དམིགས་སུ་བཟུང་ནས་གསར་འགྱུར་སྒྲོག་སྤེལ་བྱས།

གསར་འགྱུར་སྒྲོག་སྤེལ་ཚོགས་འདུའི་སྟེང་དུ། ཞིང་ཆེན་སྲིད་གྲོས་གཞུང་སྒྲུབ་ཐིང་གི་ཀྲུའུ་རེན་གཞོན་པ་ཏེང་ཧྲེང་ཕེང་དང་། མཚོ་ཤར་གྲོང་ཁྱེར་སྲིད་གྲོས་ཀྱི་ཀྲུའུ་ཞི་གཞོན་པ་ཁྲེང་ཆི་ཡུས། མཚོ་ནུབ་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་ཀྲང་ཡུང་ཆིང་། མཚོ་བྱང་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་ཞའོ་རུའེ་ཞིན། མགོ་ལོག་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་ཀན་ཡུང་ཆིང་བཅས་ཀྱིས་སོ་སོར། “སེམས་ཤུགས་གཅིག་སྒྲིལ་སྒོས་འཕེལ་རྒྱས་ལ་རོགས་རམ་དང་འགོ་རྩོམ་ལོར་ལེའུ་གསར་པ་འབྲི་དགོས” དང་། “སྤུས་ཚད་མཐོ་བའི་སྲིད་གྲོས་ལས་དོན་ལ་བརྟེན་ནས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ཤར་གྱི་ལག་ལེན་གསར་པར་སྐུལ་འདེད་གཏོང་དགོས།” “རྒྱལ་དོན་གྱི་ཆེ་ཕྱོགས་ལ་ནུས་ཤུགས་ཡོད་རྒུས་ཞབས་འདེགས་ཞུ་རྒྱུ་དང་། སྲིད་གྲོས་ཀྱི་སྟོབས་ཤུགས་ལ་བརྟེན་ནས་མཚོ་ནུབ་འཕེལ་རྒྱས་ཀྱི་འཐབ་ལམ་གསར་པར་ རོགས་འདེགས་བྱེད་དགོས།” “ལོ་ལྔའི་འཆར་འགོད་བཅུ་བཞི་པའི”འགན་འཁྲི་བསྒྲུབས་པར་ཕྱིར་དྲན་བྱས་ཏེ། “ལོ་ལྔའི་འཆར་འགོད་བཅོ་ལྔ་པའི”ལས་དོན་བརྟན་པོའི་ངང་མདུན་ནས་མདུན་དུ་སྤེལ་དགོས། “མཐོ་སྒང་ལ་བརྩེ་སེམས་བཅངས་ནས་འགན་འཁྲི་བསྒྲུབས་ཏེ། ཐོག་མའི་བསམ་འདུན་མ་བོར་བར་འབྱུང་འགྱུར་ལ་འབད་བརྩོན་དང་འཕེལ་རྒྱས་ལ་རོགས་རམ་བྱས་ནས་ལེའུ་གསར་པ་འབད་པས་འབྲི་དགོས”བཅས་ཁ་བྱང་དུ་བཟུང་ནས། “ལོ་ལྔའི་འཆར་འགོད་བཅུ་བཞི་པའི”དུས་སྐབས་ཀྱི་ཞིང་ཆེན་ཡོངས་ཀྱི་སྲིད་གྲོས་ལས་དོན་ངོ་སྤྲོད་བྱས་པ་དང་། ལས་དོན་ཁག་ལ་ཐོབ་པའི་གྲུབ་འབྲས་ཆེན་པོར་ཕྱོགས་ཡོངས་ནས་ཕྱིར་དྲན་བྱས་ཏེ། ལག་ལེན་གསོན་པོ་དང་གྲུབ་འབྲས་དངོས་ལ་བརྟེན་ནས་ཞིང་ཆེན་ཡོངས་ཀྱི་རིམ་པ་སོ་སོའི་སྲིད་གྲོས་རྩ་འཛུགས་ཁག་གི་ལས་འགན་སྒྲུབ་པའི་འགན་འཁྲི་གསལ་པོར་མཚོན་པར་མ་ཟད། རྒྱ་ཆེའི་སྲིད་གྲོས་ཨུ་ཡོན་རྣམས་ཀྱི“སྲིད་གྲོས་ལ་མཁས་པ་དང་གྲོས་མོལ་ལ་བྱང་བ། སྲིད་གླེང་ལ་འཇོན་པ”བཅས་ཀྱི་ལས་འགན་སྒྲུབ་པའི་ནུས་པ་དང་དངོས་སྒྲུབ་སྤྱོད་ཚུལ་གསལ་སྟོན་གང་ལེགས་བྱས།

ལོ་ལྔའི་རིང་ཞིང་ཆེན་སྲིད་གྲོས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་སྲིད་གྲོས་ཀྱི་ལས་དོན་ལ་ཤུགས་སྣོན་དང་ལེགས་བཅོས་གཏོང་བའི་སྐོར་གྱི་དགོངས་པ་གལ་ཆེན་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བར་བཏོན་པའི་བླང་བྱ་གལ་ཆེན་ལག་བསྟར་དོན་འཁྱོལ་བྱས་པ་དང་། མི་དམངས་སྲིད་གྲོས་ཀྱི་ཆེད་དོན་གྲོས་མོལ་ལས་ཁུངས་ཀྱི་ངེས་གནས་ལ་དམ་དུ་དམིགས་ཏེ། མཐུན་སྒྲིལ་དང་དམངས་གཙོ་ཡི་བརྗོད་གཞི་ཆེན་པོ་གཉིས་དམ་འཛིན་བྱས་ཤིང་། ཆབ་སྲིད་གྲོས་མོལ་དང་དམངས་གཙོ་ལྟ་སྐུལ། སྲིད་ཞུགས་སྲིད་གླེང་བཅས་ཀྱི་འགན་ནུས་ནན་ཏན་སྒོས་ལག་བསྟར་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་ལ་ཞབས་འདེགས་ཞུ་བའི་ལག་ལེན་ཁྲོད། མི་སེམས་དང་ཐུན་མོང་གི་ངོས་འཛིན། བློ་གྲོས། སྟོབས་ཤུགས་བཅས་རྒྱ་ཁྱབ་ངང་གཅིག་སྡུད་བྱས་ནས། འགན་འཁྲི་བསྒྲུབས་པའི་གྲུབ་འབྲས་ཆེན་པོ་བླངས་ཡོད།

ཐེངས་འདིའི་གསར་འགྱུར་སྒྲོག་སྤེལ་ཚོགས་འདུར་ཚོགས་ཆེན་དྲུང་ཡིག་ཁྲུའུ་ཡི་དྲིལ་སྒྲོག་ཚན་ཁག་གི་ཚན་གཙོ་གཞོན་པ་སུན་ཧའེ་ཏུང་གིས་འགོ་འཛིན་བྱས་པ་དང་།  མཚོ་སྔོན་དུ་སྡོད་པའི་ཀྲུང་དབྱང་གསར་འགྱུར་ལས་ཁུངས་དང་ཞིང་ཆེན་ལྟེ་གནས་སུ་ཡོད་པའི་གསར་འགྱུར་ལས་ཁུངས་ཀྱི་ཚོགས་ཆེན་གཉིས་ལ་ཞུགས་པའི་གསར་འགོད་པ་སྒྲོག་སྤེལ་ཚོགས་འདུར་ཞུགས་ཡོད།