ཝུའུ་ཞའོ་ཅུན་དང་ལའོ་ཏུང་ཁྲོན་གཉིས་ཀྱིས་ཞིང་ཆེན་དམངས་འཐུས་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་འཐུས་མི་རྣམས་ལ་འཚམས་འདྲི་གནང་བ།

ཟླ1ཚེས26ཉིན་གྱི་སྔ་དྲོར། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ཝུའུ་ཞའོ་ཅུན་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་ཆེན་གྱི་ཧྲིན་ཀྲང་ལའོ་ཏུང་ཁྲོན་རྣམ་གཉིས་འཐུས་ཚབ་ཚོགས་པ་ཁག་ཏུ་ཕྱིན་ནས་ཞིང་ཆེན་དམངས་འཐུས་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པར་ཞུགས་མཁན་གྱི་འཐུས་མི་རྣམས་ལ་འཚམས་འདྲི་གནང་།

ཝུའུ་ཞའོ་ཅུན་དང་ལའོ་ཏུང་ཁྲོན་གཉིས་ཀྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཚབ་བྱས་ཏེ་ཚང་མས་ཞིང་ཆེན་ཡོངས་ཀྱི་དཔལ་འབྱོར་སྤྱི་ཚོགས་གོང་སྤེལ་ལ་ལག་རྗེས་བཞག་པར་ཐུགས་རྗེ་ཆེ་ཞུས། རྣམ་པ་གཉིས་ནས་འདི་སྐད། བློ་མཐུན་ཞི་ཅིན་ཕིང་གཙོ་བྱས་པའི་ཏང་ཀྲུང་དབྱང་གི་འགྱུར་མེད་མགོ་ཁྲིད་འོག  ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་མཐུན་སྒྲིལ་གྱི་སྒོ་ནས་མི་རིགས་ཁག་གི་མང་ཚོགས་ཀྱི་སྣེ་ཁྲིད་དེ་མཉམ་དུ་འབད་འབུངས་བྱས་ཏེ། “ལོ་ལྔའི་འཆར་འགོད་བཅུ་བཞི་པའི”ལས་འགན་གྱི་དམིགས་འབེན་ཁག་ཡོངས་སུ་ལེགས་འགྲུབ་བྱུང་བ་དང་། མཚོ་སྔོན་གྱི་དཔལ་འབྱོར་སྤྱི་ཚོགས་གོང་སྤེལ་ལ་ལོ་རྒྱུས་རང་བཞིན་གྱིས་ཐོལ་བརྒལ་བྱུང་། ཞིང་ཆེན་དམངས་འཐུས་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པ་ནི“ལོ་ལྔའི་འཆར་འགོད་བཅོ་ལྔ་པ”མགོ་རྩོམ་པའི་ལོར་བསྡུས་པའི་གྲོས་ཚོགས་ཧ་ཅང་གལ་ཆེན་ཞིག་ཡིན་ལ། མཚོ་སྔོན་གྱི་དེང་རབས་ཅན་འཛུགས་སྐྲུན་གྱི་སྤྱིའི་ཆ་ལས་འབྲེལ་བ་དམ་པོ་ཡོད། རེ་བ་ཡིན་ན་ཚང་མས་རྩ་ཁྲིམས་དང་བཅའ་ཁྲིམས་ཀྱིས་བསྩལ་བའི་ལས་འགན་ནན་ནན་ཏིག་ཏིག་གིས་ལག་བསྟར་བྱས་ཏེ། ཆབ་སྲིད་ཀྱི་འོས་འགན་དང་ལོ་རྒྱུས་ཀྱི་འགན་འཁྲི་འདུ་ཤེས་ཆེན་པོ་ཞིག་བཟུང་ནས་གྲོས་རིམ་ཁག་ལེགས་པོར་བསྒྲུབ་དགོས་པ་དང་། ལས་ཀ་ཁག་ལ་ཕན་འབྲས་གསར་བླངས་ནས་ཐེམ་སྐས་གསར་པ་ཞིག་ལ་སྙེག་པར་སྐུལ་འདེད་བཏང་ནས་དར་ཆ་མཐོན་པོར་བསྒྲེགངས་ཤིང་།  དམངས་གཙོ་དར་སྤེལ་གཏོང་བ། མཐུན་སྒྲིལ་འབད་འཐབ་བྱེད་པའི་ཚོགས་ཆེན་ཐེངས་ཤིག་ཚོགས་པ་དང་། ཀྲུང་གོའི་ལུགས་ཀྱི་དེང་རབས་ཅན་མཚོ་སྔོན་ལག་ལེན་ལ་སྐུལ་འདེད་ཧུར་ཐག་བྱེད་པར་བློ་གྲོས་དང་སྟོབས་ཤུགས་གཅིག་ཏུ་བསྡུ་རྒྱུ་དེ་ཡིན་ཞེས་བསྟན།

འཐུས་མི་རྣམས་ཀྱིས་འདས་པའི་ལོ་ལྔའི་རིང་ལ་དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་ཐད་གྲུབ་འབྲས་ཆེན་པོ་བླངས་ཏེ།  གོམ་པ་བརྟན་པོ་སྤོས་པར་དགའ་སྤྲོ་ཚད་མེད་སྐྱེས་ཡོད།  ཚང་མས་གཅིག་རྗེས་གཉིས་འཕྲོར།  ང་ཚོས་ཡིད་ཆེས་དང་རེ་ལྟོས་སྟོང་ཟད་དུ་མི་གཏོང་བ་བར་ལས་འགན་ཁུར་དུ་བླངས་ཏེ་ཐབས་འདོན་ཇུས་འབུལ་ཧུར་ཐག་བྱ་རྒྱུ་དང་།  སེམས་ཤུགས་གཅིག་ཏུ་བསྡུས་ཏེ་མཉམ་དུ་འཕེལ་རྒྱས་ལ་ཇུས་བཟང་བཏོན་ནས“ལོ་ལྔའི་འཆར་འགོད་བཅོ་ལྔ་པར”མགོ་ཡག་པོ་བརྩམ་ཐུབ་ངེས་ཞེས་བརྗོད།

ཝང་ལི་མིང་དང་། ཀྲུའུ་ཞིང་ཧྥེང་། དབྱངཧྥེན་ཁྲོན། ཉི་མ་སྒྲོལ་མ། ལིའུ་ཐུང་ཏེ། ཀྲང་ཧུང་ཡུན། ལུའུ་ཀང་། ཝང་ཅིན་ཀྲའེ་བཅས་ཀྱི་ཕེབས་རོགས་བྱས།