མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཁ་སང་མཚོ་ོསྔོན་ཞིང་ཆེན་སྐབས་བཅུ་བཞི་པའི་དམངས་འཐུས་ཚོགས་ཆེན་གྱི་གྲོས་ཚོགས་ཐེངས་བཞི་པ་དང་མཚོ་སྔོན་ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པའི་གསར་འགྱུར་ཁྱབ་སྒྲོག་ཚོགས་འདུའི་སྟེང་རྒྱུས་ལོན་པ་ལྟར་ན། ཐེངས་འདིའི་སྲིད་གྲོས་ཀྱི་གྲོས་ཚོགས་གྲོས་རིམ་གཙོ་བོ་བདུན་དམིགས་སུ་བཟུང་ནས་བསྡུ་རྒྱུ་ཡིན་ཞིང་། སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་ལས་ཀའི་སྙན་ཞུ་དང་གྲོས་གཞིའི་ལས་ཀའི་གནས་ཚུལ་སྐོར་གྱི་སྙན་ཞུ་ལ་གྲོས་ཞིབ་བྱ་རྒྱུ་དང་། སྲིད་གཞུང་གི་ལས་ཀའི་སྙན་ཞུ་དང་"ལོ་ལྔའི་འཆར་འགོད་བཅོ་ལྔ་པའི"འཆར་འགོད་ཀྱི་རྩ་གནད་མ་ཟིན། དེ་མིན་འདེམ་བསྐོ་ལ་སོགས་ཀྱི་ལས་དོན་གལ་ཆེན་ཁག་བཅས་ལ་གྲོས་སྡུར་བྱ་རྒྱུ་རེད།
ཐེངས་འདིའི་གྲོས་ཚོགས་སྟེང་ཁྱོན་གཏམ་བཤད་རྒྱུ་ཆ244བསྡུ་ལེན་བྱས་ཤིང་། མང་ཤོས་ཀྱིས་དོན་ཆུང་ངུ་ནས་གནད་དོན་ཆེན་པོ་རིགས་བཏོན་ཡོད་དེ། “ཀྲུང་གོའི་ཆིང་ཧའེ(氢海)”ཐོན་ལས་འདུ་ཚོགས་འཛུགས་སྐྲུན་དང་། ས་ནག་བཅོས་སྐྱོང་གི་ཕན་འབྲས་སྲ་བརྟན། ཞིང་ལས་གཉེར་སྐྱོང་བྱེད་པོ་གསར་གྲས་སྐྱེད་སྲིང་དར་རྒྱས། མཐོ་སྒང་གི་ཁམས་གསོ། རྒྱལ་སྤྱིའི་རི་འཛེག་རྐང་ཐང་དམིགས་ས་བཏོད་པ། མིའི་ཆ་སྙོམས་ཀྱི་ཚེ་ཚད་ཇེ་རིང་དུ་གཏོང་བ། དབྱར་རྩྭ་དགུན་འབུའི་ཐོན་ལས་སྤུས་ཚད་མཐོ་བའི་སྒོ་ནས་གོང་དུ་སྤེལ་བ། “སྐུད་གསུམ”གྱི་སྙིང་སྟོབས་ལ་དུས་རབས་གསར་པའི་འོད་མདངས་འཚེར་བ་ལ་སོགས་པའི་བདེན་ཤེས་ལྟ་བ་བཏོན་ཏེ། ཆུ་ཚད་མཐོ་བའི་བསམ་འཆར་བཏོན་ནས་མཚོ་སྔོན་ཞིང་ཆེན་གྱི“ལོ་ལྔའི་འཆར་འགོད་བཅོ་ལྔ་པ”མགོ་རྩོམ་པའི་ལོ་ཡི་ལས་ཀ་ཁག་ལེགས་པར་བསྒྲུབ་པར་སྲིད་གྲོས་ཀྱི་སྒུལ་ནུས་གསར་པ་བསྩལ།
