མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཉིན་ཤས་སྔོན་བཀའ་རྒྱར་མཚན་རྟགས་བཀོད་ནས།《དམག་དོན་གཞུང་ལུགས་ཀྱི་བྱ་བའི་སྲོལ་ཡིག》ཁྱབ་བསྒྲགས་བྱས། 2026ལོའི་ཟླ3པའི་ཚེས1ཉིན་ནས་ལག་བསྟར་བྱ་རྒྱུ་རེད།
《སྲོལ་ཡིག》ལས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་པ་རྒྱུན་འཁྱོངས་བྱས་ཤིང་། ཞི་ཅིན་ཕིང་གི་དམག་དཔུང་སྟོབས་ལྡན་དུ་གཏོང་བའི་དགོངས་པ་ལག་བསྟར་གཏིང་ཟབ་བྱེད་པ། དུས་རབས་གསར་པའི་དམག་དོན་འཐབ་ཇུས་བྱེད་ཕྱོགས་ལག་བསྟར་གཏིང་ཟབ་བྱེད་པ། དམག་དོན་གྱི་རིགས་པའི་གཞུང་ལུགས་དེང་རབས་ཅན་དུ་འགྱུར་བར་གང་མགྱོགས་སྒོས་སྐུལ་འདེད་གཏོང་བ་གཙོ་གནད་དུ་བཟུང་བ། དམག་དོན་གཞུང་ལུགས་གསར་གཏོད་ཀྱི་རྩེ་རིམ་ཇུས་འགོད་ལེགས་བཅོས་བྱེད་པ། དམག་དོན་གཞུང་ལུགས་ཞིབ་འཇུག་བྱེད་སྟངས་ལེགས་བཅོས་གཏོང་བ། དམག་དོན་གཞུང་ལུགས་བཀོལ་སྤྱོད་ལ་ཤུགས་སྣོན་དང་། ཀྲུང་གོའི་ཁྱད་ཆོས་ཀྱི་དེང་རབས་དམག་དོན་གཞུང་ལུགས་མ་ལག་འཛུགས་སྐྱོང་དང་། དུས་རབས་གསར་པ་དང་འཐབ་ལམ་གསར་པའི་དམག་དོན་གཞུང་ལུགས་ལས་དོན་གྱི་གཞི་རྩའི་བླང་བྱ་དང་ལམ་ལུགས་བཀོད་སྒྲིག་ཚན་རིག་དང་མཐུན་ཞིང་ཚད་ལྡན་དུ་གཏོང་བ་དེ་དམག་དོན་གཞུང་ལུགས་ཀྱི་བྱ་བ་སྤེལ་བའི་ཁྲིམས་སྲོལ་གྱི་གཞི་འཛིན་ས་གལ་ཆེན་ཞིག་ཡིན།
《སྲོལ་ཡིག》ལ་ཁྱོན་བསྡོམས་ལེའུ7དང་དོན་ཚན52ཡོད་ཅིང་། དམག་ཨུས་སྤྱི་ཁྱབ་བཀོད་འདོམས་དང་། གཡུལ་སའི་དམག་འཐབ་གཙོ་བོ། དམག་རིགས་གཙོ་གཉེར་བཅས་ཀྱི་སྤྱིའི་རྩ་དོན་གཞིར་བཟུང་ནས་དམག་དོན་གཞུང་ལུགས་བྱ་བའི་དོ་དམ་སྒྲིག་སྲོལ་ཚད་ལྡན་དང་གསལ་བོ་བཟོས། དུས་རབས་གསར་པའི་དམག་དཔུང་གི་འཐབ་ཇུས་འཆར་འགོད་མ་ལག་གཞིར་བཟུང་སྟེ་དམག་དོན་གཞུང་ལུགས་འཕེལ་རྒྱས་ཀྱི་འཐབ་ཇུས་དང་། འཛུགས་སྐྲུན་འཆར་འགོད། ལོ་ཧྲིལ་བོའི་འཆར་གཞི་བཅས་ཀྱི་ནང་དོན་གཙོ་བོ་དང་སྒྲིག་བཟོ་ཡོངས་བསྒྲགས་ཀྱི་གོ་རིམ་གསལ་བོ་བཟོས་པ་དང་། གཅིག་གྱུར་དམ་ལྷོད་ཟུང་འབྲེལ་དང་རིགས་དབྱེ་དོ་དམ་ལ་དོ་སྣང་བྱས་ཏེ་དམག་དོན་གཞུང་ལུགས་ཀྱི་རྣམ་གྲངས་འཛུགས་པ་དང་། བརྗོད་གཞི་འཛུགས་པ། ལག་བསྟར། ར་སྤྲོད། ཞིབ་བཤེར་རྩིས་ལེན་སོགས་དོ་དམ་མུ་ཕྲེང་གི་བརྒྱུད་རིམ་ཧྲིལ་པོར་མ་ལག་རང་བཞིན་གྱི་ཚད་གཞི་བཟོ་བ། དམག་དཔུང་སྟོབས་ལྡན་དུ་གཏོང་བའི་ལག་ལེན་ལ་ཚན་རིག་དང་མཐུན་པའི་གཞུང་ལུགས་ཀྱི་འདེགས་སྐྱོར་དང་སྣེ་ཁྲིད་བྱེད་པར་དམིགས་ཏེ། དམག་དོན་གཞུང་ལུགས་ཀྱི་གྲུབ་འབྲས་ཐོ་འགོད་མཉམ་སྤྱོད་དང་། གདེང་འཇོག་ངོས་འཛིན། ཁྱབ་གདལ་བེད་སྤྱོད། ཕྱིར་འདེད་གདེང་འཇོག་སོགས་ཀྱི་བྱེད་ཐབས་དང་བླང་བྱ་གསལ་བོ་བཟོས་ཡོད། སྲོལ་ཡིག》ཁྱབ་བསྒྲགས་ལག་བསྟར་བྱས་པ་དེས་དམག་དོན་གཞུང་ལུགས་བྱ་བ་སྤུས་ཚད་མཐོན་པོས་འཕེལ་རྒྱས་འགྲོ་རྒྱུར་ཁྲིམས་སྐྱོང་གི་འགན་ལེན་འདོན་སྤྲོད་བྱས་ཡོད།
