མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ9པའི་ཚེས30ཉིན། ཀྲུང་གོ་མི་དམངས་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་ནས་བསྒྲགས་པ་ལྟར་ན། ཀྲུང་གོ་མི་དམངས་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གིས་ཞིང་ཆེན་ཞིང་ལས་ཞིང་སྡེ་ཐིན་དང་མཉམ་འབྲེལ་བྱས་ཏེ《རོང་འབྲོག་ཁུལ་གྱི་དངུལ་རྩའི་ཞབས་ཞུ་གཏིང་ཟབ་ཏུ་བཏང་ནས་གྲོང་གསེབ་ཕྱོགས་ཡོངས་ནས་དར་སྤེལ་གཏོང་བར་སྐུལ་འདེད་གཏོང་རྒྱུའི་སྐོར་གྱི་ལག་བསྟར་བསམ་འཆར》པར་སྐྲུན་འགྲེམས་སྤེལ་བྱས་པ་དང་། འབྲུ་རིགས་དང་ཕྱུགས་རིགས། རྩྭ་འདོན་སྤྲོད་ལ་རྒྱབ་སྐྱོར་དང་། དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དུ་གཏོང་བ། རྫོང་ཁོངས་ཀྱི་དམངས་ཕྱུག་ཐོན་ལས་འཕེལ་རྒྱས་ལ་སྐུལ་འདེད་གཏོང་བ། གྲོང་གསེབ་བཅོས་སྐྱོང་ལ་ནུས་པ་འདོན་སྤྲོད་བྱེད་པ་སོགས་ཕྱོགས་དྲུག་གི་ཐད་བྱེ་བྲག་གི་དངུལ་རྩའི་བྱེད་ཐབས20བཏོན་ནས། མཚོ་སྔོན་གྱི་གྲོང་གསེབ་ཕྱོགས་ཡོངས་ནས་དར་སྤེལ་གཏོང་བར་རམ་འདེགས་བྱས།
《ལག་བསྟར་བསམ་འཆར》ནང་འབྲུ་རིགས་དང་ཕྱུགས་རིགས། རྩྭ་སོགས་རོང་འབྲོག་གི་མངའ་ཁོངས་ཀྱི་དངུལ་རྩ་འགན་སྲུང་བྱེད་ཤུགས་ཆེ་རུ་གཏོང་བ་དང་། འབྲུ་རིགས་དང་ཞིང་ལས་ཐོན་རྫས་གལ་ཆེན་ཐོན་སྐྱེད་བརྟན་པོ་དང་འདོན་སྤྲོད་འགན་ལེན་བྱེད་པའི་དངུལ་རྩའི་རྒྱབ་སྐྱོར་བྱེད་ཤུགས་ཆེ་རུ་གཏོང་བ། སྐྱེ་ཁམས་ཕྱུགས་ལས་ཀྱི་དངུལ་རྩའི་འདོན་སྤྲོད་བྱེད་ཤུགས་ཆེ་རུ་གཏོང་བ། ཆུ་གྲང་གི་ཉ་ལས་དང་མཐོ་སྒང་གི་ཟས་སྤྱོད་ཤ་མོ་སོགས་རོང་འབྲོག་པའི་གསར་དར་མངའ་ཁོངས་ཀྱི་དངུལ་རྩའི་ཞབས་ཞུ་ཇེ་ལེགས་སུ་གཏོང་བ་བཅས་ཚུད་ཡོད། མུ་མཐུད་དུ་དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་བྱས་པ་དང་། དབུལ་ཐར་ས་ཁུལ་དང་ཁྱད་པར་དུ་གྲོང་གསེབ་དར་སྤེལ་གྱི་གཙོ་གནད་རོགས་སྐྱོར་རྫོང་གི་དཔལ་འབྱོར་འཕེལ་རྒྱས་ཀྱི་དགོས་མཁོར་དམིགས་ཏེ། བར་ཁྱད་ཅན་གྱི་དངུལ་རྩའི་རྒྱབ་སྐྱོར་སྲིད་ཇུས་དོན་འཁྱོལ་བྱས་ནས། དབུལ་ཐར་ས་ཁུལ་གྱི་ཡིད་རྟོན་དངུལ་བུན་གཏོང་འཇོག་བྱེད་ཤུགས་ཇེ་ཆུང་དུ་མི་འགྲོ་བ་དང་། གནས་གཏན་འཁེལ་གྱི་རོགས་སྐྱོར་དང་འཛད་སྤྱོད་རོགས་སྐྱོར་བྱ་བ་ཏན་ཏིག་གིས་ལེགས་པོར་སྒྲུབ་ཡོད། རྫོང་ཁོངས་ཀྱི་དམངས་ཕྱུག་ཐོན་ལས་ཀྱི་དངུལ་རྩའི་རྒྱབ་སྐྱོར་བྱེད་ཤུགས་ཆེ་རུ་གཏོང་བ་དང་། ནོར་གནག་དང་བོད་ལུག་སོགས་དགེ་མཚན་ལྡན་པའི་ཁྱད་ལྡན་ཐོན་ལས་ལ་དམིགས་ནས། “སྦྲེལ་ཐག་གཅིག་དང་ཐབས་ཇུས་གཅིག”གི་ཕྱོགས་བསྡུས་དངུལ་རྩའི་ཞབས་ཞུའི་རྣམ་པ་འཚོལ་ཞིབ་བྱས་ཏེ་བཙུགས། ཐུག་པ་སོགས་ཁྱད་ཆོས་ལྡན་པའི་གྲོང་གསེབ་ཐོན་ལས་ལ་དམིགས་ནས། གྲོང་གསེབ་ཀྱི“ས་གནས་ཁྱད་ལྡན་ཐོན་རྫས”ཀྱི་མ་རྩ་སྡུད་གཏོང་རྣམ་པ་དང་དངུལ་རྩའི་ཞབས་ཞུ་གསར་སྐྲུན་བྱས། ཞིང་སྡེའི་རྒྱུ་ནོར་དང་ཐོན་ཁུངས་ཧུར་ཐག་གིས་གསར་བཟོ་བྱས་ཏེ། རོང་འབྲོག་པའི་ཡོང་འབབ་འཕར་བའི་ཐབས་ལམ་རྒྱ་སྐྱེད་པར་རྒྱབ་སྐྱོར་བྱེད་དགོས།
གྲོང་གསེབ་འཛུགས་སྐྲུན་གྱི་དངུལ་རྩའི་ཞབས་ཞུའི་ཆུ་ཚད་མཐོ་རུ་གཏོང་བ་དང་། སྣ་མང་ཅན་གྱི་དངུལ་རྩའི་ཇུས་གཞི་སྤྱད་དེ་རོང་འབྲོག་ཁུལ་གྱི་གཞུང་ལམ་གྱི་རིམ་པ་མཐོར་གཏོང་བཟོ་སྐྲུན་དང་། དམངས་ཕན་སྒྲིག་བཀོད་སྒྱུར་བཅོས། རྫོང་ཁོངས་ཀྱི་རྒན་གསོའི་ཞབས་ཞུ་ལེགས་སྒྱུར་རིམ་སྤར་བཅས་ལ་རྒྱབ་སྐྱོར་བྱེད་དགོས། སྐྱེ་ཁམས་སྲུང་སྐྱོབ་སླར་གསོ་དང་སྐྱེ་ལྡན་བེད་མེད་དངོས་པོ་བསྐྱར་དུ་བེད་སྤྱོད་པ་སོགས་ཀྱི་དངུལ་རྩས་རྒྱབ་སྐྱོར་བྱེད་ཤུགས་ཆེ་རུ་གཏོང་བ་དང་། གྲོང་ཁྱེར་དང་གྲོང་གསེབ་ཀྱི་དངུལ་རྩའི་ཐོན་ཁུངས་བཀོད་སྒྲིག་དང་ཇེ་ལེགས་སུ་བཏང་ནས་རྫོང་ཁོངས་ཀྱི་མཁར་གྲོང་མཉམ་འདྲེས་འཕེལ་རྒྱས་ལ་རྒྱབ་སྐྱོར་བྱ་དགོས། དངུལ་རྩས་གྲོང་གསེབ་ཀྱི་བཅོས་སྐྱོང་གི་སྤུས་ཚད་དང་ཕན་འབྲས་ལ་ནུས་པ་འདོན་སྤྲོད་བྱེད་ཤུགས་ཆེ་རུ་གཏོང་བ་དང་། དངུལ་རྩས“ཞིང་ལས་རིག་གནས་ཡུལ་སྐོར”མཉམ་འདྲེས་བྱེད་སྟངས་ལ་མུ་མཐུད་དུ་རྒྱབ་སྐྱོར་བྱས་ཏེ། ཡིད་རྟོན་དངུལ་བུན་ཁྲོམ་རའི་ཞབས་ཞུའི་སྟེགས་བུ་དང་། ཁེ་ལས་འབྲིང་ཆུང་དང་ཆེས་ཆུང་བའི་མ་དངུལ་འཁོར་རྒྱུག་ཡིད་རྟོན་ཆ་འཕྲིན་གྱི་མཉམ་སྤྱོད་སྟེགས་བུ་དང་། ཞིང་ལས་གཉེར་སྐྱོང་གཙོ་གཟུགས་ཀྱི་ཡིད་རྟོན་དངུལ་བུན་ཤར་སྐྱོད་རླངས་འཁོར། ཞིང་སྡེའི“མ་དངུལ་གསུམ”དོ་དམ་སོགས་ཀྱི་སྟེགས་བུའི་ཁྱད་སྟོབས་འདོན་སྤེལ་གང་ལེགས་བྱས་ནས་གྲོང་གསེབ་འཕེལ་རྒྱས་ཡོང་བའི་ནུས་པ་འདོན་སྤེལ་བྱེད་དགོས། ཞིང་སྡེའི་ཡིད་རྟོན་མ་ལག་འཛུགས་སྐྲུན་གཏིང་ཟབ་ཏུ་གཏོང་བ་དང་། རོང་འབྲོག་ཁུལ་གྱི་གཏོང་སྤྲོད་ཞབས་ཞུའི་ཁོར་ཡུག་ཇེ་ལེགས་སུ་གཏོང་བ། རོང་འབྲོག་ཁུལ་གྱི་དངུལ་རྩའི་ཤེས་བྱ་ཁྱབ་གདལ་གཏོང་བའི་བྱེད་སྒོ་སྤེལ་བ། ཞིང་སྡེའི་རྨང་གཞི་དངུལ་རྩའི་ཞབས་ཞུའི་ཆུ་ཚད་མཐོ་རུ་གཏོང་དགོས། མ་དངུལ་བསྡུ་སྒྲིག་གི་རྐྱེན་སྲོལ་འཛུགས་སྐྲུན་ལ་ཤུགས་སྣོན་པ་དང་། ཞིང་སྡེའི་འགན་གཙང་ལེན་གྱི་ས་ཆ་གཉེར་སྐྱོང་དབང་ཆ་དང་གཏའ་འཇོག་ལམ་ལུགས་ལེགས་སྒྱུར་དང་འཐུས་ཚང་དུ་གཏོང་བ། མཚོ་སྔོན་གྱི་དོན་དངོས་ལ་ཟུང་འབྲེལ་བྱས་ཏེ། རྩྭ་ས་དང་བྱེ་ཐང་སོགས་ཀྱི་འགན་གཙང་ལེན་གྱི་ས་ཆ་གཉེར་སྐྱོང་དབང་ཆའི་རྣམ་པ་འཚོལ་ཞིབ་བྱེད་པ་དང་། ས་ཞིང་ཐོ་འགོད་དང་དཔྱད་འཇོག ཉོ་འཚོང་རྐྱེན་སྲོལ་བཅས་འཚོལ་ཞིབ་བྱས་ཏེ་འཛུགས་དགོས།
