ཞི་ཅིན་ཕིང་སྐུ་ཟླ་གཉིས་ཀྱིས་ཁམ་ཕུ་ཁྲེའི་རྒྱལ་པོ་དང་རྒྱལ་ཡུམ་ལ་མཇལ་འཕྲད་གནང་།

ཟླ8ཚེས26ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་སྐུ་ལྕམ་ཕིན་ལིས་ཡོན་གྱིས་པེ་ཅིང་ཀྲུང་ནན་ཧའེ་རུ་ཁམ་ཕུ་ཁྲེའི་རྒྱལ་པོ་ཞི་ཧཱ་མའོ་ཉི་དང་རྒྱལ་ཡུམ་མོ་ཉི་ལེ་ལ་བྱམས་བརྩེའི་ངང་མཇལ་འཕྲད་གནང་།

ཟླ8ཚེས26ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་སྐུ་ལྕམ་ཕིན་ལིས་ཡོན་གྱིས་ཀྲུང་ནན་ཧའེ་རུ་ཁམ་ཕུ་ཁྲེའི་རྒྱལ་པོ་ཞི་ཧཱ་མའོ་ཉི་དང་རྒྱལ་ཡུམ་མོ་ཉི་ལེ་ལ་བྱམས་བརྩེའི་ངང་མཇལ་འཕྲད་གནང་།

ཞི་ཅིན་ཕིང་གིས་རྒྱལ་པོ་ཞི་ཧཱ་མའོ་ཉི་དང་རྒྱལ་ཡུམ་མོ་ཉི་ལེ་སླར་ཡང་ཀྲུང་གོར་ཕེབས་པར་སྤྲོ་སེམས་འཁོལ་བའི་ངང་དགའ་བསུ་ཞུས་པ་མ་ཟད། རྒྱལ་པོ་ཞི་ཧཱ་མའོ་ཉི་ཀྲུང་གོ་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ80འཁོར་བར་རྗེས་དྲན་ཞུ་བའི་བྱེད་སྒོར་ཞུགས་པར་དགའ་བསུ་ཞུས། 　ཞི་ཅིན་ཕིང་གིས་བསྟན་དོན། ད་ལོའི་ཟླ4པར་ངས་ཁམ་ཕུ་ཁྲེ་ལ་རྒྱལ་དོན་འཚམས་འདྲི་བྱེད་སྐབས། རྒྱལ་པོ་མཆོག་དང་ཁམ་ཕུ་ཁྲེའི་མི་དམངས་ཀྱིས་སྤྲོ་སེམས་འཁོལ་བའི་སྣེ་ལེན་བྱས་པས། ད་ལྟ་དྲན་ནའང་ད་དུང་སེམས་སྤྲོ་བ་ཞིག་རེད། ཀྲུང་གོ་དང་ཁམ་ཕུ་ཁྲེའི་འབྲེལ་བས་རྒྱལ་སྤྱིའི་གནས་བབ་ཀྱི་ཉམས་སད་ཐེག་མྱོང་པས། 　སྐྱིད་སྡུག་མཉམ་མྱོང་གི་འགྱུར་མེད་མཛའ་བརྩེ་ཆགས་ནས། རྒྱལ་ཁབ་གཉིས་ཀྱི་མི་དམངས་ཀྱི་རྒྱུ་ནོར་རྩ་ཆེན་དུ་གྱུར་ཡོད་པར་བརྟེན། ཕྱོགས་གཉིས་ཀས་སྔར་ལས་གཅེས་སྤྲས་ལེགས་པོ་བྱ་འོས། འགྱུར་ལྡོག་ཆེ་བའི་རྒྱལ་སྤྱིའི་གནས་བབ་ཀྱི་མདུན་དུ། ཀྲུང་གོ་དང་ཁམ་ཕུ་ཁྲེ་རྒྱལ་ཁབ་གཉིས་སྔར་ལས་བློ་བརྟན་འགྱུར་མེད་ཀྱིས་མཉམ་དུ་ལངས་པ་དང་། སྲོལ་རྒྱུན་མཛའ་བརྩེ་རྒྱུན་འཛིན་དང་མཐུན་སྒྲིལ་མཉམ་ལས་ལ་ཤུགས་བསྣན་ནས།　 དུས་རབས་གསར་པའི་དུས་རྣམ་ཀུན་གྱི་ཀྲུང་གོ་དང་ཁམ་ཕུ་ཁྲེའི་ལས་སྐལ་གཅིག་མཐུན་ཚོགས་པ་མགྱོགས་མྱུར་སྒོས་བསྐྲུན་ཏེ། རྒྱལ་ཁབ་གཉིས་ཀྱི་མི་དམངས་ལ་སྔར་ལས་ལྷག་པའི་བདེ་སྐྱིད་བསྐྲུན་དགོས། ཀྲུང་གོའི་ཕྱོགས་ཀྱིས་ཁམ་ཕུ་ཁྲེའི་མི་དམངས་རྒྱལ་ཁབ་རང་གི་གནས་ཚུལ་དང་འཚམ་པའི་འཕེལ་རྒྱས་ཀྱི་ལམ་དུ་བསྐྱོད་དེ། རྒྱལ་ཁབ་ཀྱི་ཡུན་རིང་བདེ་འཇགས་མངོན་འགྱུར་བྱེད་པར་མཐའ་གཅིག་ཏུ་རྒྱབ་སྐྱོར་བྱ་རྒྱུ་ཡིན།

ཞི་ཧཱ་མའོ་ཉི་དང་མོ་ཉི་ལེ་ཡིས་བསྟན་དོན། ཡང་བསྐྱར་ཀྲུང་གོར་ཡོང་སྟེ་ཀྲུང་གོའི་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ80འཁོར་བར་རྗེས་དྲན་ཞུ་བའི་བྱེད་སྒོར་ཞུགས་ཐུབ་པར་ཧ་ཅང་དགའ་སྤྲོ་སྐྱེས་ཡོད། 　ཀྲུང་གོའི་མི་དམངས་ཀྱིས་འཛམ་གླིང་ཞི་བདེ་ལ་སྲུང་སྐྱོབ་བྱ་ཆེད་བཞག་པའི་བྱས་རྗེས་དུས་ནམ་ཡང་བློ་ལ་བརྟན་པོར་འཛིན་འོས། 　ཀྲུའུ་ཞི་ཞི་ཅིན་ཕིང་གིས་ཟླ4པར་ཁམ་ཕུ་ཁྲེ་ལ་ལོ་རྒྱུས་རང་བཞིན་གྱི་རྒྱལ་དོན་འཚམས་འདྲི་གནང་སྟེ། 　ཕྱོགས་གཉིས་ཀྱིས་མཛའ་བརྩེ་ལྷུག་པོར་གླེང་བ་དང་མཉམ་ལས་ལ་གྲོས་བསྡུར་བྱས་ནས་གྲུབ་འབྲས་གལ་ཆེན་བླངས། 　ཁམ་ཕུ་ཁྲེའི་ཕྱོགས་ཀྱིས་ཐོག་མཐའ་བར་གསུམ་དུ་འཐབ་ཇུས་ཀྱི་མཐོ་ཚད་ནས་ཁམ་ཕུ་ཁྲེ་དང་ཀྲུང་གོའི་འབྲེལ་བར་ལྟ་སྟངས་བཟུང་ཡོད་དེ། ཁམ་ཕུ་ཁྲེ་དང་ཀྲུང་གོའི་སྲོལ་རྒྱུན་མཛའ་མཐུན་འབྲེལ་བ་དར་རྒྱས་གོང་འཕེལ་དུ་བཏང་ནས། དུས་རབས་གསར་པའི་དུས་རྣམ་ཀུན་གྱི་ཁམ་ཕུ་ཁྲེ་དང་ཀྲུང་གོའི་ལས་སྐལ་གཅིག་མཐུན་ཚོགས་པ་མཉམ་དུ་བསྐྲུན་འདོད་ཡོད།

ཝང་དབྱི་མཇལ་འཕྲད་ལ་ཞུགས།