མཚོ་སྔོན་ཞིང་ཆེན་གྱི་དྲ་རྒྱའི་དཔལ་ཡོན་སློབ་གསོའི་ལག་ལེན་རྟེན་གཞི་དང་པོ་རྟ་ཐང་རྫོང་དུ་བཙུགས།

མཚོ་སྔོན་གསར་འགྱུར་དྲ་བའི་འཕྲིན། ཟླ8པའི་ཚེས28ཉིན། མཚོ་སྔོན་ཞིང་ཆེན་གྱི་དྲ་རྒྱའི་དཔལ་ཡོན་སློབ་གསོའི་ལག་ལེན་རྟེན་གཞི་དང་པོ་སྟེ། རྟ་ཐང་རྫོང་གི་དུས་རབས་གསར་པའི་དཔལ་ཡོན་ལག་ལེན་ལྟེ་གནས་ཀྱིུ་སྒོ་བྱང་དངོས་སུ་བཀལ། ཞིང་ཆེན་དང་། གྲོང་ཁྱེར། རྫོང་ཨུ། དྲ་འཕྲིན་གཞུང་དོན་ཁང་གི་འབྲེལ་ཡོད་འགན་འཁུར་བློ་མཐུན་དང་དེ་བཞིན་རྟ་ཐང་རྫོང་རང་སྨྱན་སྦྱོར་མནའ་འབྲེལ་གྱི་ཁོངས་མི། དཔལ་ཡོན་ལག་ལེན་དང་བླངས་པ་སོགས་སྒོ་འབྱེད་མཛད་སྒོར་ཞུགས།

སྒོ་བྱང་འགེལ་བའི་སྒོ་འབྱེད་མཛད་སྒོའི་ཐོག་རྟ་ཐང་རྫོང་རང་རྣམ་སྨྱན་སྦྱོར་མནའ་འབྲེལ་ཁོངས་མིའི་འཐུས་མིས་རྣམ་འགྱུར་གཏམ་བཤད་གནང་བ་དང་རྟ་ཐང་རྫོང་རང་རྣམ་སྨྱན་སྦྱོར་མནའ་འབྲེལ་གྱིས་རྫོང་ཡོངས་ཀྱི་རང་རྣམ་སྨྱན་སྦྱོར་ལས་གཉེར་པར་《དྲ་རྒྱའི་ཤེས་དཔལ་ཐུན་མོང་ཐོག་སྐྲུན་པའི་གྲོས་འགོ་ཡི་གེ》བཏང་སྟེ་བྱ་སྤྱོད་དངོས་ལ་བརྟེན་ནས་དཔལ་ཡོན་གྱི་འདུ་ཤེས་ཁྱབ་སྤེལ་དང་། ཐུན་མོང་ཐོག་སྤྱོད་ཚུལ་དྭངས་གཙང་དང་དྲང་བདེན་གྱི་དྲ་རྒྱའི་བར་སྟོང་སྲུང་སྐྱོང་བྱེད་དགོས་པ་འབོད་སྐུལ་བྱས། 

ཉེ་བའི་ལོ་ཤས་རིང་རྟ་ཐང་རྫོང་ཨུ་དང་རྫོང་སྲིད་གཞུང་གིས་དྲ་རྒྱའི་དཔལ་ཡོན་འཛུགས་སྐྱོང་དང་དུས་རབས་གསར་པའི་དཔལ་ཡོན་ལག་ལེན་ལས་དོན་ལ་ཚད་མཐོའི་མཐོང་ཆེན་བྱས་ཏེ། དཔལ་ཡོན་ལག་ལེན་བྱེད་སྒོ་དང་དྲ་རྒྱའི་བརྗོད་དོན་གཙོ་བོའི་དྲིལ་སྒྲོག་བྱེད་སྒོ་སོགས་ཀྱི་བྱེད་ཐབས་བརྒྱུད་དཔལ་ཡོན་ལག་ལེན་གྱི་སྤུས་རྟགས་རྣམ་གྲངས་རབ་དང་རིམ་པ་བསྐྲུན་ནས་གྲུབ་འབྲས་གཡུར་དུ་ཐོན། རྟ་ཐང་རྫོང་གི་དུས་རབས་གསར་པའི་དཔལ་ཡོན་ལག་ལེན་ལྟེ་གནས་ཀྱིས“1+5+7+N”གཞི་རྩའི་སྒྲོམ་གཞིར་བྱས་ཏེ། དུས་རབས་གསར་པའི་དཔལ་ཡོན་ལག་ལེན་གྱི་ནང་དོན་ལྔ་གཞིར་བཟུང་སྟེ།“ས་ཚིགས་གཅིག གླིང་གཅིག ཐང་ཆེན་གཅིག ཁང་གཉིས། རྟེན་གཞི་གཉིས”ཡི་གཡུལ་ས་བདུན་སྡེབ་སྒྲིག་བྱས་ཏེ།“ཧ་ཡང་”གི་ལམ་དུ་འོད་ཡོད་པའི་ཐོན་ལས་སྦྲེལ་ཐག་ཐོག་གི་དཔལ་ཡོན་ལག་ལེན་བྱེད་གནས་དང་། དཔལ་ཡོན་གྱི་“སྲུང་སྐྱོང་”ལ་དྲོད་ཚད་ལྡན་པའི་བདེ་ཐང་གསོ་སྐྱོང་ཞབས་ཞུའི་ལག་ལེན་བྱེད་གནས་བསྐྲུན་ནས་རྫོང་ཡོངས་ཀྱི་དུས་རབས་གསར་པའི་དཔལ་ཡོན་ལག་ལེན་ལས་དོན་ཕྱོགས་ཡོངས་ནས་གཅིག་གྱུར་འཆར་འགོད་དང་ཁྱབ་འགྱེད་ལ་སྐུལ་ཁྲིད་བྱེད་དགོས། སྲོལ་རྒྱུན་གྱི་གཡས་ས་ཏན་ཏིག་བྱེད་པ་དང་ཆབས་ཅིག་དྲ་རྒྱའི་དཔལ་ཡོན་འཛུགས་སྐྱོང་ལ་མཐོང་ཆེན་བྱས་ཏེ། 2025ལོར་དྭངས་གསལ་གྱི་འཆད་ཁང་བཙུགས་ནས་མིག་སྔའི་བར་དུ་སློབ་ཁྲིད་ཐེངས7བྱས་ཡོད་པ་དང་། མང་ཚོགས800ལྷག་ཟིན་ཡོད།“དྲ་རྒྱའི་མཐའ་མཚམས་ཡོད་ན་ང་ཚོར་འདོད་ཚུལ་ཡོད”ཅེས་པའི་དྲ་རྒྱའི་བརྗོད་དོན་གཙོ་བོའི་དྲིལ་སྒྲོག་ལེ་ཚན་བཏོན་པ་དང་། ཟླ7པར་རྟ་ཐང་རྫོང་རང་རྣམ་སྨྱན་སྦྱོར་མནའ་འབྲེལ་བཙུགས་པ་དང་། མནའ་འབྲེལ་ཁག་དང་པོའི་ཁོངས་མི་དང་། དྲ་འཕྲིན་དྲིལ་སྒྲོག་ལས་བྱེད་པ། གྲོང་ཚོ(སྡེ་ཁུལ)ཏང་ཡོན་ལས་བྱེད་པ། སྤྱི་བདེ་ཉེན་རྟོག་པ། ཀུན་སྤྱོད་དཔེ་བཟང་སོགས་ཚོགས་སྤྱི་འཆར་ཤེལ་ཆེན་པོའི་ཐོག་ནས་ཐོབ་ཐང་མངོན་པ་དང་རྣམ་འགྱུར་གསལ་སྟོན་བྱས་ནས་དྲ་རྒྱའི་སྐྱེ་ཁམས་འཛུགས་སྐྲུན་ལ་ཐུན་མོང་ཐོག་འབད་བརྩོན་བྱས།

འབྱུང་འགྱུར་རྟ་ཐང་རྫོང་ཨུའི་དྲིལ་སྒྲོག་པུའུ་དང་རྫོང་ཨུའི་དྲ་འཕྲིན་གཞུང་དོན་ཁང་གིས་དེ་གོ་སྐབས་ཤིག་ཏུ་བརྩིས་ནས་དྲ་རྒྱའི་ཤེས་རིག་ཁྱབ་སྤེལ་བྱེད་མཁན་དང་། ལག་ལེན་བྱེད་མཁན། སྲུང་སྐྱོང་བྱེད་མཁན་བཅས་སུ་བརྩོན་ལེན་བྱས་ཏེ་རྗེས་དཔག་གི་སྐད་ངག་དང་། དྲོ་སྐྱིད་ཀྱི་གཏམ་རྒྱུད། དགེ་སྒྲུབ་ཡར་རྒྱས་ཀྱི་སྟོབས་ཤུགས་བཅས་དྲ་རྒྱའི་བར་སྟོང་དུ་ཁེངས་ནས་གནམ་དྭངས་མཁའ་དབུགས་དྭངས་ཤིང་སྐྱེ་ཁམས་བཟང་བའི་དྲ་རྒྱའི་བར་སྟོང་ཐུན་མོང་ཐོག་བསྐྲུན་ནས་དམངས་ཚོགས་དུང་ཕྱུར་མང་པོའི་བསམ་པའི་ཁྱིམ་གཞིས་སྲུང་སྐྱོབ་བྱ་རྒྱུ་རེད།