མཚོ་སྔོན་ཚན་རྩལ་གསར་གཏོད་གླེང་སྟེགས་སྐབས་གསུམ་པ་ཟི་ལིང་དུ་བསྡུས།

མཚོ་སྔོན་གསར་འགྱུར་དྲ་བའི་འཕྲིན། ཟླ་8པའི་ཚེས27ཉིན་གྱི་སྔ་དྲོ། མཚོ་སྔོན་ཞིང་ཆེན་ཚན་རྩལ་མཐུན་ཚོགས་ཀྱིས་གཙོ་གཉེར་བྱས་པའི“མཚོ་སྔོན་ཚན་རྩལ་གསར་གཏོད་གླེང་སྟེགས་”སྐབས་གསུམ་པ་ཟི་ལིང་དུ་འགོ་ཚུགས། ཐེངས་འདིའི་གླེང་སྟེགས་དེ“ལྗང་མདོག་རྩིས་འཁོར་དང་གློག་ཤུགས་མཉམ་འབྲེལ། མཚོ་སྔོན་གྱི་འབྱུང་འགྱུར་གསར་གཏོད་ལོངས་སྤྱོད་བྱེད”ཅེས་པ་བརྗོད་བྱ་གཙོར་བཟུང་། ། ལྗང་མདོག་རྩིས་འཁོར་དང་གློག་ཤུགས་མཉམ་འདྲེས་ལ་ཕྱོགས་ཡོངས་ནས་དམིགས་ཏེ། མཚོ་སྔོན་གྱི་ལྗང་མདོག་རྩིས་འཁོར་དང་གློག་ཤུགས་མཐུན་སྦྱོར་འཕེལ་རྒྱས་ཀྱི་ཐབས་ལམ་དང་། ཉེར་སྤྱོད་གསར་གཏོད་དང་ལག་ལེན་ཉམས་མྱོང་བཅས་ལ་གྲོས་བསྡུར་དང་སྤེལ་རེས་ཟབ་མོ་དང་། ལྗང་མདོག་གློག་ཤུགས་དང་རྩིས་ཤུགས་མཉམ་འདྲེས་གཏིང་ཟབ་ལ་སྐུལ་འདེད་གཏོང་བར་རོགས་རམ་བཅས་བྱས་ཏེ། མཚོ་སྔོན་གྱི་ལྗང་མདོག་རྩིས་འཁོར་དང་གློག་ཤུགས་མཐུན་སྦྱོར་འཕེལ་རྒྱས་ལ་བློ་གྲོས་དང་སྟོབས་ཤུགས་ཕུལ། 

ལྗང་མདོག་རྩིས་གློག་ཁྱབ་ཁོངས་ཀྱི་རྒྱལ་ཡོངས་སློབ་ཚོགས་དང་རིག་གཞུང་སྤེལ་རེས་དང་དངོས་སྒྲུབ་མཉམ་ལས་སྔར་བས་གཏིང་ཟབ་ཏུ་གཏོང་བ་དང་། མཚོ་སྔོན་ཞིང་ཆེན་གྱི་ལྗང་མདོག་རྩིས་གློག་མཐུན་སྦྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད། འགོ་ཚུགས་མཛད་སྒོའི་ཐོག་མཚོ་སྔོན་ཞིང་ཆེན་ཚན་རྩལ་མཐུན་ཚོགས་ཀྱིས་ཀྲུང་གོའི་ཆུ་ཤུགས་གློག་འདོན་ལས་་གཞིའི་སློབ་ཚོགས་དང་། ཀྲུང་གོའི་གློག་འཕྲུལ་ལས་གཞིའི་སློབ་ཚོགས། ཀྲུང་གོ་འཕྲིན་གཏོང་སློབ་ཚོགས་བཅས་དང་ཐུན་མོང་ཐོག་འཐབ་ཇུས་མཉམ་ལས་གྲོས་མཐུན་ལ་མིང་རྟགས་བཀོད་ནས་ཕྱོགས་མང་མཐུན་སྦྱོར་དང་ཐུན་མོང་ཐོག་འཕེལ་རྒྱས་འཚོལ་ཞིབ་བྱེད་པའི་ལེའུ་གསར་པ་ཞིག་ཕྱེ་ཡོད།

གཙོ་དོན་གླེང་སྟེགས་ཀྱི་གོ་རིམ་ཁྲོད། ། ཚོགས་ཞུགས་ཆེད་མཁས་པ་དང་འགོ་ཁྲིད་ཀྱིས་ལྗང་མདོག་རྩིས་འཁོར་ཁྱབ་ཁོངས་ཀྱི་མདུན་གྲལ་འགུལ་རྣམ་དང་འཕེལ་རྒྱས་འཕེལ་ཕྱོགས་ལ་དམིགས་ནས་མཚོ་སྔོན་གྱི་ཐོན་ཁུངས་ཆ་རྐྱེན་དང་འཕེལ་རྒྱས་ཀྱི་དོན་དངོས་ལ་གཞིགས་ནས《འབྱུང་འགྱུར་ལ་སླེབས་ཡོད་དེ། ཆིང་ནུས་(氢赋能)དུས་རབས་ཀྱི་ཚན་རྩལ་གསར་གཏོད་དང་ཚོང་ལས་གོ་སྐབས》དང་《ཆིང་ནུས་སྤྲོད་ཐཱན་མེད་རིག་ནུས་ནུས་ཁུངས་མ་ལག་དང་ནུས་ཁུངས་གསར་བརྗེ》《གློག་རྡོག་གསར་གཏོད་ཀྱིས་ལྗང་མདོག་གློག་རྩིས་མཐུན་སྦྱོར་ལ་སྐུལ་འདེད་གཏོང་བའི་བསམ་གཞིག་དང་འཚོལ་ཞིབ》ཞེས་པའི་སྙན་ཞུ་ཁག་བཏོན། སྙན་ཞུའི་ནང་ལྗང་མདོག་རྩིས་འཁོར་དང་གློག་ཤུགས་མཐུན་སྦྱོར། མཚོ་སྔོན་གྱི་སྤུས་ཚད་གསར་པའི་ཐོན་སྐྱེད་ནུས་ཤུགས་འཕེལ་རྒྱས་བཅས་ལ་དམིགས་ནས་ཕྱོགས་མང་དང་གཏིང་ཟབ་པའི་སྤེལ་རེས་དང་དཔྱད་བསྡུར་བྱས་ཏེ། རྒྱལ་ཁབ་ཕྱི་ནང་གི་ལྗང་མདོག་རྩིས་རྒྱག་ནུས་པའི་ཁྱབ་ཁོངས་ཀྱི་མདུན་གྲལ་ལག་ལེན་ཉམས་མྱོང་མཉམ་སྤྱོད་བྱས་པ་མ་ཟད། མཚོ་སྔོན་གྱི་ཐོན་ལས་འཕེལ་རྒྱས་ལ་དམིགས་ནས་དགེ་མཚན་ལྡན་པའི་ཇུས་གཞི་ཡང་བཏོན། མཚོ་སྔོན་ཞིང་ཆེན་གྱི་ལྗང་མདོག་རྩིས་རྒྱག་ནུས་པའི་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཐད་ལག་ལེན་གྱི་དཔྱད་གཞི་གལ་ཆེན་མཁོ་འདོན་བྱས།

རྒྱུས་ལོན་བྱུང་བ་ལྟར་ན། སྐབས་འདིའི་གླེང་སྟེགས་ཀྱི་དུས་ཡུན་ཉིན་གཉིས་ཡིན་པ་དང་གླེང་སྟེགས་འཚོག་རིང་གཙོ་དོན་གླེང་སྟེགས་དང་། མཉམ་འགྲོའི་ཡན་ལག་གླེང་སྟེགས་ཐེངས་གསུམ། ཡོན་ཧྲི་ཚན་རིག་ཁྱབ་གདལ་སྙན་ཞུའི་ཚོགས་འདུ། ཡོན་ཧྲི་རིགས་གཅིག་མཁས་ཅན་ཁེ་ལས་སུ་བསྐྱོད་པ་སོགས་བྱེད་སྒོ་རབ་དང་རིམ་པ་བཀོད་སྒྲིག་བྱས། རྒྱལ་ཡོངས་སློབ་ཚོགས་དང་།ཞིང་ཆེན་དང་གྲོང་ཁྱེར་གཞན་གྱི་ཚན་རྩལ་མཐུན་ཚོགས། ཞིང་ཆེན་ནང་ཁུལ་གྱི་འབྲེལ་ཡོད་ཐིང་ཅུའུ། ཞིང་ཆེན་རིམ་པའི་སློབ་ཚོགས། གྲོང་ཁྱེར་དང་ཁུལ་ཁག་གི་ཚན་རྩལ་མཐུན་ཚོགས་སོགས་ལས་ཁུངས་ནས་ཡོང་བའི་ཆེད་མཁས་པ་དང་འཐུས་མི400ལྷག་ཐེངས་འདིའི་གླེང་སྟེགས་བྱེད་སྒོར་ཞུགས།