མཚོ་བོད་སྡེ་ཤོག་ཀུང་སིས་གནས་སྐབས་འགྲུལ་སྐྱེལ་མེ་འཁོར་དུ་མ་ཁ་སྣོན་བྱས་པ།

མཚོ་སྔོན་གསར་འགྱུར་དྲ་བའི་འཕྲིན། ཟླ8པའི་ཚེས28ཉིན། གསར་འགོད་པས་ཀྲུང་གོ་ལྕགས་ལམ་མཚོ་བོད་སྡེ་ཚོགས་ཚད་ཡོད་ཀུང་སི་ནས་ཤེས་གསལ་ལྟར་ན། འགྲུལ་པའི་འགྲོ་སྐྱོད་ཀྱི་དགོས་མཁོ་བསྐང་ཆེད། མཚོ་བོད་སྡེ་ཚོགས་ཀུང་སིས་ལྷ་ས་དང་། ན་གོར་མོ། མང་ནེ། རྒྱ་མདོ་སོགས་ཕྱོགས་སུ་གནས་སྐབས་འགྲུལ་སྐྱེལ་མེ་འཁོར་དུ་མ་ཁ་སྣོན་བྱས་པ་རེད།

ཟླ9པའི་ཚེས8ཉིན་ནས་ཟླ10པའི་ཚེས8ཉིན་བར། ཟི་ལིང་ནས་ལྷ་སའི་བར་གནས་སྐབས་ཀྱི་འགྲུལ་སྐྱེལ་མེ་འཁོརY971ཁ་སྣོན་བྱས། ཟླ9པའི་ཚེས10ཉིན་ནས་ཟླ10པའི་ཚེས10ཉིན་བར། ལྷ་ས་ནས་ཟི་ལིང་བར་གནས་སྐབས་འགྲུལ་སྐྱེལ་མེ་འཁོརY972ཁ་སྣོན་བྱས་པ་རེད།

ཟླ9པའི་ཚེས1ཉིན་ནས་ཚེས4ཉིན་དང་། ཚེས6ཉིན། ཚེས8ཉིན་ནས་ཚེས11ཉིན། ཚེས13ཉིན། ཚེས15ཉིན་ནས་ཚེས18ཉིན། ཚེས20ཉིན་ནས་ཚེས25ཉིན། ཚེས27ཉིན། ཚེས29ཉིན་ནས་ཟླ10པའི་ཚེས2ཉིན་དང་། ཚེས4ཉིན་བར། ཟླ10པའི་ཚེས6ཉིན་ནས་ཚེས9ཉིན་བར། ཟི་ལིང་ནས་ན་གོར་མོའི་བར་གནས་སྐབས་ཀྱི་འགྲུལ་སྐྱེལ་མེ་འཁོར5901པ་ཁ་སྣོན་བྱས། ཟླ9པའི་ཚེས5ཉིན་དང་། ཚེས7ཉིན། ཚེས9ཉིན་ནས་ཚེས12ཉིན། ཚེས14ཉིན། ཚེས16ཉིན་ནས་ཚེས19ཉིན། ཚེས21ཉིན། ཚེས23ཉིན་ནས་ཚེས26ཉིན་དང་།ཚེས28ཉིན། ཚེས30ཉིན་ནས་ཟླ10པའི་ཚེས3ཉིན་བར། ཚེས5ཉིན་དང་། ཟླ10པའི་ཚེས7ཉིན་ནས་ཚེས10ཉིན་བར། ན་གོར་མོ་ནས་ཟི་ལིང་བར་གནས་སྐབས་འགྲུལ་སྐྱེལ་མེ་འཁོར5902རྟགས་ཅན་ཁ་སྣོན་བྱས།

ཟླ9པའི་ཚེས5ཉིན་ནས་ཟླ10པའི་ཚེས10ཉིན་བར། ན་གོར་མོ་ནས་མང་ནེ་བར་གནས་སྐབས་འགྲུལ་སྐྱེལ་མེ་འཁོརK6841/2རྟགས་ཅན་ཁ་སྣོན་བྱས།ཟླ9པའི་ཚེས1ཉིན་ནས་ཟླ10པའི་ཚེས10ཉིན་བར། ཟི་ལིང་ནས་རྒྱ་མདོ་བར་གནས་སྐབས་འགྲུལ་སྐྱེལ་མེ་འཁོརD9915/6རྟགས་ཁ་སྣོན་བྱས།

ལྕགས་ལམ་སྡེ་ཁག་གི་གསལ་འདེབས། ལྕགས་ལམ12306དྲ་ཚིགས(ལག་ཁྱེར་ཁ་པར་སྤྱོད་སྣེ་ཚུད་ཡོད)ནི་ཀྲུང་གོ་ལྕགས་ལམ་གྱིས་སྤྱི་ཚོགས་ལ་ཁ་ཕྱོགས་ནས་དྲ་སྦྲེལ་གྱི་པ་སེའི་ཉོ་སའི་གཞུང་ཕྱོགས་དྲ་བ་གཅིག་པུ་ཡིན་པས། རྒྱ་ཆེའི་འགྲུལ་པ་རྣམས་ཀྱིས་ངེས་པར་དུ་གཞུང་ཕྱོགས་ཀྱི་དྲ་བ་བརྒྱུད་དེ་པ་སེ་ཉོ་དགོས། དེ་དང་ཆབས་ཅིག་ཏུ། འགྲུལ་པ་རྣམས་ཀྱིས་འགྲུལ་བཞུད་ལུགས་མཐུན་ངང་བཀོད་སྒྲིག་བྱས་ཏེ་མེ་འཁོར་སྒུག་པའི་དུས་ཚོད་འདང་ངེས་བཀོད་སྒྲིག་བྱེད་དགོས། གཏན་འབེབས་ལྟར་མཁོ་དངོས་ཁྱེར་དགོས་པ་དང་།  པ་སེའི་ཐོག་བཀོད་པའི་མེ་འཁོར་གྱི་ཐེངས་གྲངས་དང་། དུས་ཚོད། སྡོད་གནས་ཨང་གྲངས་ལྟར་གོ་རིམ་ལྡན་པའི་སྒོ་ནས་མེ་འཁོར་དུ་སྡོད་དགོས་པ་མ་ཟད། “ལམ་ཐག་ཐུང་བའི་པ་སེ་ཉོས་ནས་ལམ་ཐག་རིང་པོར་སྡོད་རྒྱུ“གཏན་ནས་བྱེད་མི་རུང་།