མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ8པའི་ཚེས27ཉིན། 2025ལོའི“ཀྲུང་གོའི་མི་བཟང་མིང་ཐོ”ཐེངས་གཉིས་པའི་ཁྱབ་སྒྲོག་མཛད་སྒོ་དང་། རྒྱལ་ཡོངས་ཀྱི་ཀུན་སྤྱོད་དཔེ་བཟང་དང་ཉེ་འགྲམ་གྱི་མི་བཟང་ལ་ཡུལ་དངོས་ནས་བསམ་བློ་བརྗེ་རེས་བྱེད་པའི་བྱ་འགུལ་ཧེ་ལུང་ཅང་ཞིང་ཆེན་དབྱི་ཁྲུན་གྲོང་ཁྱེར་དུ་འཚོགས། ས་གནས་སོ་སོས་འོས་སྦྱོར་དང་དྲ་གྲོགས་ཀྱིས་དཔྱད་གླེང་། ཆེད་མཁས་པས་ཞིབ་དཔྱད་སོགས་ཀྱི་ལས་རིམ་བརྒྱུད་མཐར། ཁྱོན་བསྡོམས་མི150མི་གཞན་ལ་རོགས་རམ་བྱ་རྒྱུར་དགའ་བ་དང་དྲང་བདེན་གྱི་རྒྱབ་ནས་ལངས་པ། གཞུང་དྲང་ཡིན་ལ་ཡིད་རྟོན་བྱས་ཆོག་པ། ལས་བཀུར་ཆེ་ལ་བྱས་རྗེས་འཇོག་ཕོད་པ། ལོ་ལོན་ལ་སྲི་ཞུ་ཆེ་ལ་གཉེན་ཉེར་དགའ་བ་བཅས་ཀྱིས་ཉེ་འགྲམ་གྱི་མི་བཟང་མིང་ཐོའི་ཁྲོད་ཚུད། དེའི་ནང་མཚོ་སྔོན་ཞིང་ཆེན་གྱི་སྐལ་བཟང་ཉི་མ་དྲང་བདེན་གྱི་རྒྱབ་རྩ་ནས་ལངས་མཁན་རིགས་ཀྱི“ཀྲུང་གོའི་མི་བཟང”མིང་ཐོའི་ནང་ཚུད།
སྐལ་བཟང་ཉི་མ་ནི་བོད་རིགས་སྐྱེས་པ་ཞིག་ཡིན་ཞིང་། ཁོ1993ལོའི་ཟླ4པར་སྐྱེས་པ་དང་། མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་སྤྱི་བདེ་ཅུའུ་ཡི་གཞོགས་འདེགས་ཉེན་རྟོག་པ་ཡིན། 2024ལོའི་ཟླ2པའི་ཚེས8ཉིན། སྐལ་བཟང་ཉི་མས་རྒྱལ་ལམ109ཡི་གདང་ལ་རི་བོའི་ལམ་དུམ་རྒྱུད་ནས་བྱེ་བརྒལ་རླངས་འཁོར་ཞིག་གྲོག་རོང་དུ་ལྷུང་ཡོད་པ་མཐོང་། དྲོད་ཚད་གོར་ཐིག་མན་གྱི་ཏུའུ25ཡིན་པའི་གྲང་ངར་ཆེ་བའི་གནས་ཚུལ་འོག་ཏུ། ཁོ་རྐང་ཐང་ལ་རླངས་འཁོར་ལྷུང་ཡོད་སའི་གྲོང་རོང་གི་སར་སོང་ནས་རླངས་འཁོར་གྱི་སྒེའུ་ཁུང་བཅག་སྟེ་རྨས་སྐྱོན་ཚབས་ཆེན་ཕོག་པའི་མི་སྣ་གསུམ་ཆག་སྐྱོན་བྱུང་བའི་རླངས་འཁོར་ལས་ཕྱིར་བཏོན་རྗེས། རང་ཉིད་གཅིག་པུས་རྨས་མ་གསུམ་པོ་རང་གི་རླངས་འཁོར་ནང་བཞག་སྟེ། རང་གཅིག་པུས་རླངས་འཁོར་དུས་ཚོད9ཡི་རིང་ལ་བསྐོར་ནས་ལམ་ཐག་སྤྱི་ལེ538བརྒལ་མཐར། གཞི་ནས་རྨས་སྐྱོན་བྱུང་བའི་མི་སྣ་གསུམ་པོ་ན་གོར་མོ་གྲོང་ཁྱེར་སྨན་ཁང་དུ་བསྐྱལ་ནས་རྨས་མ་གསུམ་པོ་སྲོག་ཉེན་ལས་བསྐྱབས།
སྐལ་བཟང་ཉི་མས་ང་ཚོ་མཐོ་སྒང་གི་མི་སུ་ཞིག་ཡིན་རུང་། སྲོག་ཉེན་ལ་ཐུག་པའི་རྨས་པ་འདི་འདྲ་མཐོང་ན་སུས་ཀྱང་སྐྱོབ་ཁོ་ཐག་ཡིན་ཞེས་བབ་ཆགས་པའི་ངང་བཤད་བྱུང་ལ། སྐད་ཆ་དེས་མཐོ་སྒང་གི་གཞོགས་འདེགས་ཉེན་རྟོག་པ་ཞིག་གི་ལྷག་བསམ་ཟོལ་མེད་དང་རང་གི་ལས་ཀར་འགན་ཁུར་བ། བླ་ན་མེད་པའི་གཤིས་རྒྱུད་བཅས་མཚོན་ཐུབ། ཁོའི་སྔོན་ཐོན་བྱས་རྗེས་ཀྱིས་སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བར་འགྲེལ་བཤད་གསལ་བོ་བརྒྱབ་པ་དང་། ཞིང་ཆེན་ཡོངས་ཀྱི་ལས་བྱེད་པ་དང་མང་ཚོགས་ལ་མིག་དཔེ་བཟང་བོ་བསྟན་ཡོད།
