ཏེན་ཞུའེ་ཞཱང་གིས་ཡ་གླིང་གསར་སྤེལ་དངུལ་ཁང་གི་ལག་བསྟར་འགན་འཛིན་གྱི་འཚམས་འདྲིའི་ཚོགས་པར་མཇལ་འཕྲད་གནང་།

 ཟླ8པའི་ཚེས28ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ཨུ། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཏེན་ཞུའེ་ཞཱང་གིས་པེ་ཅིང་དུ་ཡ་གླིང་གསར་སྤེལ་དངུལ་ཁང་གི་ལག་བསྟར་འགན་འཛིན་གྱི་འཚམས་འདྲིའི་ཚོགས་པར་མཇལ་འཕྲད་གནང་།

ཚེས28ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ཨུ། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཏེན་ཞུའེ་ཞཱང་གིས་པེ་ཅིང་དུ་ཡ་གླིང་གསར་སྤེལ་དངུལ་ཁང་གི་ལག་བསྟར་འགན་འཛིན་གྱི་འཚམས་འདྲིའི་ཚོགས་པར་མཇལ་འཕྲད་གནང་།

ཏེན་ཞུའེ་ཞཱང་གིས་ཡ་གླིང་གསར་སྤེལ་དངུལ་ཁང་དེ་ཡ་གླིང་དང་ཞི་བདེ་རྒྱ་མཚོ་ཆེན་མོའི་ས་ཁུལ་གྱི་ཕྱོགས་མང་གསར་སྤེལ་ལས་ཁུངས་གལ་ཆེན་ཡིན་པའི་ཆ་ནས། ཀྲུང་གོའི་འཕེལ་རྒྱས་ལ་རྒྱབ་སྐྱོར་བྱེད་པའི་ཕྱོགས་སུ་བྱས་རྗེས་གང་ལེགས་བཞག་ཡོད།  ཀྲུང་གོའི་ཕྱོགས་ཀྱིས་ཡ་གླིང་གསར་སྤེལ་དངུལ་ཁང་དེ་ཀྲུང་གོའི་ལུགས་ཀྱི་དེང་རབས་ཅན་གྱི་འཕེལ་རིམ་དུ་མུ་མཐུད་དུ་ཟབ་ཞུགས་བྱ་རྒྱུའི་རེ་བ་བཅངས་ཡོད་ལ། ཡ་གླིང་གསར་སྤེལ་དངུལ་ཁང་དང་མཉམ་དུ་འབྲེལ་འདྲིས་མཐུན་སྦྱོར་ལ་ཤུགས་བསྣན་ནས། མཉམ་ལས་ཁྱབ་ཁོངས་འཚོལ་ཞིབ་དང་རྒྱ་སྐྱེད། ཀྲུང་གོའི་སྤུས་ཚད་མཐོ་བའི་འཕེལ་རྒྱས་ལ་སྔར་བས་སྐུལ་འདེད་བཏང་སྟེ། ཡ་གླིང་དང་ཞི་བདེ་རྒྱ་མཚོ་ཆེན་མོའི་ས་ཁུལ་ཡོངས་ལ་ཕན་འདོགས་འདོད་ཡོད། ད་ལོ་ནས་བཟུང་། ཀྲུང་གོའི་དཔལ་འབྱོར་འཁོར་སྐྱོད་བརྟན་ཐོག་ཡར་འཕེལ་བྱུང་སྟེ། གསོན་ཤུགས་དང་མཉེན་ཤུགས་ཆེན་པོ་མངོན་ཡོད་པས། ང་ཚོས་འཕེལ་རྒྱས་ཀྱི་འདུ་ཤེས་གསར་པ་ཆ་ཚང་ཞིང་ཡང་དག་པར་ཕྱོགས་ཡོངས་ནས་ལག་བསྟར་བྱེད་པ་དང་། དཔལ་འབྱོར་བསྐྱར་འཕར་གྱི་འཕེལ་ཕྱོགས་བཟང་པོ་སྲ་བརྟན་དང་རྒྱ་བསྐྱེད་ནས། འཛམ་གླིང་འཕེལ་རྒྱས་ལ་ངེས་གཏན་རང་བཞིན་སྔར་ལས་མང་པོ་སྣོན་རྒྱུ་ཡིན་ཞེས་གསུངས།

ཡ་གླིང་དངུལ་ཁང་གི་ལག་བསྟར་འགན་འཛིན་གྱིས་ཀྲུང་གོའི་འཕེལ་རྒྱས་ཀྱི་གྲུབ་འབྲས་ལ་ཚད་མཐོའི་གདེང་འཇོག་བྱེད་བཞིན་ཡོད་ཅིང་། ཕྱོགས་གཉིས་ཀས་མཉམ་ལས་འབྲེལ་བ་བཙུགས་ནས་ལོ40འཁོར་བ་གོ་སྐབས་སུ་བཟུང་སྟེ། མཉམ་ལས་སྔར་བས་ཟབ་མོ་བྱས་ནས། ཀྲུང་གོའི་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་ལ་རྒྱབ་སྐྱོར་བྱེད་འདོད་ཡོད་པ་བསྟན།