ཀྲའོ་ལི་ཅི་ཡིས་ཧན་གོའི་སྲིད་འཛིན་གྱི་ཆེད་མངགས་ཕོ་ཉར་མཇལ་འཕྲད་གནང་།

རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲའོ་ལི་ཅི་ཡིས་ཚེས26ཉིན་གྱི་ཕྱི་དྲོར།   པེ་ཅིང་དུ་ཧན་གོའི་སྲིད་འཛིན་གྱི་ཆེད་མངགས་ཕོ་ཉ་ཕོའེ་པེས་ཞིས་ལ་མཇལ་འཕྲད་གནང་།

ཀྲའོ་ལི་ཅི་ཡིས་ཀྲུའུ་ཞི་ཞི་ཅིན་ཕིང་གིས་སྲིད་འཛིན་ལིས་ཙེ་མེང་དང་མཉམ་དུ་ཀྲུང་གོ་དང་ཧན་གོའི་འཐབ་ཇུས་མཉམ་ལས་གྲོགས་པོའི་འབྲེལ་བ་གཏིང་ཟབ་ཏུ་སྤེལ་བའི་ཐད་ཐུན་མོང་གི་ངོས་འཛིན་གྲུབ་པར་བྱས་ཏེ།   ཀྲུང་གོ་དང་ཧན་གོའི་འཕེལ་རྒྱས་ཐད་ཁ་ཕྱོགས་གསལ་སྟོན་གནང་།    ཀྲུང་གོ་ཕྱོགས་ཀྱིས་ཧན་གོ་ཕྱོགས་དང་མཉམ་དུ་འབད་འཐབ་བྱས་ཏེ།  རྒྱལ་ཁབ་གཉིས་ཀྱི་གཙོ་འཛིན་གྱི་འཐབ་ཇུས་སྣེ་ཁྲོད་འོག་ཏུ།   ཕན་ཚུན་བརྩི་བཀུར་བྱེད་རྒྱུ་རྒྱུན་འཁྱོངས་བྱེད་པ་དང་གྲོས་མོལ་མཐུན་སྦྱོར་ལ་ཤུགས་སྣོན་པ།   ཕན་ཚུན་བར་གྱི་རྒྱུས་ལོན་དང་ཡིད་ཆེས་ཇེ་བརྟན་དུ་གཏོང་བ།   དངོས་གཉེར་མཉམ་ལས་གཏིང་ཟབ་ཏུ་སྤེལ་བ།   མི་གཞུང་བརྗེ་རེས་རྒྱ་བསྐྱེད་པ།   དྲང་ནུས་སྔར་ལས་མང་པོ་གཅིག་སྡུད་བྱེད་པ།   ཕན་ཚུན་མཛའ་མཐུན་གྱི་འབྲེལ་བ་དར་སྤེལ་གཏོང་བ་བཅས་བྱས་ནས།  ཀྲུང་གོ་དང་ཧན་གོའི་འབྲེལ་བ་དུས་བསྟུན་མདུན་སྐྱོད་དང་བརྟན་བརླིང་འཕེལ་རྒྱས་འགྲོ་བར་སྐུལ་འདེད་གཏོང་འདོད།      ཀྲུང་གོའི་རྒྱལ་ཡོངས་དམངས་ཆེན་གྱིས་ཧན་གོའི་རྒྱལ་ཚོགས་དང་མཉམ་དུ་བརྗེ་རེས་མཉམ་ལས་ལ་ཤུགས་བསྣན་ནས་ཀྲུང་གོ་དང་ཧན་གོའི་འབྲེལ་བ་རྒྱུན་མཐུད་འཕེལ་རྒྱས་འགྲོ་བར་རོགས་འདེགས་བྱེད་འདོད་ཡོད་ཅེས་བསྟན།

ཕོའེ་པེས་ཞིས་ཀྱིས་ཧན་གོའི་སྲིད་གཞུང་གསར་པས་ཧན་གོ་དང་ཀྲུང་གོའི་འབྲེལ་བ་འཕེལ་རྒྱས་གཏན་འཇགས་ཡོང་བར་ཚད་མཐོའི་མཐོང་ཆེན་བྱེད་བཞིན་ཡོད་ལ།   ཀྲུང་གོ་ཕྱོགས་དང་མཉམ་དུ་འབད་འཐབ་བྱས་ནས།  རྒྱལ་ཁབ་གཉིས་ཀྱི་གཙོ་འཛིན་གྱི་ཐུན་མོང་གི་ངོས་འཛིན་དོན་འཁྱོལ་བྱེད་པ་དང་།   ཆབ་སྲིད་ཡིད་རྟོན་རྒྱུན་ཆད་མེད་པར་ཇེ་དྲག་ཏུ་གཏོང་བ།   རྒྱལ་ཁབ་གཉིས་ཀྱི་མི་དམངས་བར་གྱི་མཛའ་བརྩེ་ཇེ་དྲག་ཏུ་གཏོང་བ་བཅས་བྱས་ནས།  ཧན་གོ་དང་ཀྲུང་གོའི་འབྲེལ་བ་ཡང་བསྐྱར་ཡང་དག་པའི་བགྲོད་ལམ་དུ་བསྐྱོད་པར་སྐུལ་འདེད་གཏོང་བ་དང་།   ས་ཁུལ་ཞི་བདེ་བརྟན་བརླིང་དང་འཕེལ་རྒྱས་ཡོང་བར་མཉམ་དུ་སྐུལ་འདེད་གཏོང་འདོད་ཡོད་ཅེས་བསྟན།