མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ8པའི་ཚེས26ཉིན། རྒྱལ་ཁབ་ཀྱི་ཀྲུའུ་ཞི་གཞོན་པ་ཧན་ཀྲིན་གྱིས་པེ་ཅིང་དུ་ཧན་གོའི་སྲིད་འཛིན་གྱི་ཆེད་བསྐོས་ཕོ་ཉ་ཕིའོ་པིན་ཞི་དང་མཇལ་འཕྲད་གནང་།
ཟླ8པའི་ཚེས26ཉིན། རྒྱལ་ཁབ་ཀྱི་ཀྲུའུ་ཞི་གཞོན་པ་ཧན་ཀྲིན་གྱིས་པེ་ཅིང་དུ་ཧན་གོའི་སྲིད་འཛིན་གྱི་ཆེད་བསྐོས་ཕོ་ཉ་ཕིའོ་པིན་ཞི་དང་མཇལ་འཕྲད་གནང་།
ཧན་ཀྲིན་གྱིས་བསྟན་དོན། ཧན་གོའི་སྲིད་གཞུང་གསར་པས་སྲིད་བཟུང་རྗེས། ཀྲུའུ་ཞི་ཞི་ཅིན་ཕིང་གིས་སྲིད་འཛིན་ལིས་ཙའེ་མིན་དང་ཁ་པར་བརྒྱུད་དེ་གྲོས་མོལ་ནས། ཀྲུང་གོ་དང་ཧན་གོའི་འཐབ་ཇུས་མཉམ་ལས་འབྲེལ་བ་དེ་ཆུ་ཚད་གསར་པའི་ཕྱོགས་སུ་བསྐྱོད་པར་སྐུལ་འདེད་གཏོང་རྒྱུའི་ཐད་ཐུན་མོང་ངོས་འཛིན་གལ་ཆེན་བྱུང་བས། ཀྲུང་གོ་དང་ཧན་གོའི་འབྲེལ་བ་འཕེལ་རྒྱས་སུ་གཏོང་བར་ཁ་ཕྱོགས་གསལ་སྟོན་མཛད། ཀྲུང་གོའི་ཕྱོགས་ཀྱིས་ཧན་གོའི་ཕྱོགས་དང་མཉམ་དུ་རྒྱལ་ཁབ་གཉིས་ཀྱི་གཙོ་འཛིན་གྱི་ཐུན་མོང་ངོས་འཛིན་གལ་ཆེན་དོན་འཁྱོལ་ལེགས་པོ་བྱེད་པ་དང་། འཐབ་ཇུས་ཀྱི་ཡིད་རྟོན་ཇེ་དྲག་ཏུ་གཏོང་བ། ཐུན་མོང་གི་ཁེ་ཕན་རྒྱ་སྐྱེད་པ། ཕྱོགས་མང་གཞོགས་འདེགས་ཇེ་ཟབ་ཏུ་གཏོང་བ་བཅས་བྱས་ནས། ཕྱོགས་གཉིས་འབྲེལ་བ་རྒྱུན་མཐུད་དང་སྐྱོན་བྲལ། གཏན་འཇགས་བཅས་ཀྱི་འཕེལ་རྒྱས་ལ་སྐུལ་འདེད་གཏོང་འདོད་ཡོད། ད་ལོ་ནི་ཀྲུང་གོ་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་རྒོལ་བའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ80འཁོར་བའི་ལོ་ཡིན་ལ། ཁྲའོ་ཞན་ཕྱེད་གླིང་སླར་གསོ་བྱུང་ནས་ལོ་ངོ80འཁོར་བའི་ལོ་ཡང་ཡིན་པས། ཀྲུང་གོའི་ཕྱོགས་ཀྱིས་ཧན་གོའི་ཕྱོགས་ཚུད་པའི་རྒྱལ་སྤྱིའི་སྤྱི་ཚོགས་དང་མཉམ་དུ། འཛམ་གླིང་འཁྲུག་ཆེན་ཐེངས་གཉིས་པའི་རྒྱལ་ཁའི་གྲུབ་འབྲས་ལ་མཉམ་དུ་སྲུང་སྐྱོབ་བྱས་ཏེ། ཕྱོགས་མང་རིང་ལུགས་ངོ་མ་བརྟན་སྲུང་བྱེད་འདོད་ཡོད།
ཕིའོ་པིན་ཞི་ཡིས་བསྟན་དོན། ཧན་གོའི་སྲིད་གཞུང་གསར་པས་ཀྲུང་གོའི་བར་གྱི་འབྲེལ་བར་ཚད་མཐོའི་མཐོང་ཆེན་བྱེད་པ་དང་། ཀྲུང་གོ་གཅིག་གི་ལངས་ཕྱོགས་ལ་བརྩི་འཇོག་བྱས་ཏེ། རྒྱལ་ཁབ་གཉིས་ཀྱི་གཙོ་འཛིན་གྱི་ཐུན་མོང་ངོས་འཛིན་གལ་ཆེན་གྱི་སྣེ་ཁྲིད་འོག ཧན་གོ་དང་ཀྲུང་གོའི་འཐབ་ཇུས་མཉམ་ལས་གྲོགས་པོའི་འབྲེལ་བ་རྒྱུན་གཏན་གྱི་བགྲོད་ལམ་དུ་བསྐྱར་དུ་བསྐྱོད་པར་སྐུལ་འདེད་བཏང་ནས། རྒྱལ་ཁབ་གཉིས་ཀྱི་མི་དམངས་ལ་བདེ་སྐྱིད་བསྐྲུན་འདོད་ཡོད།
