རྒྱལ་ཡོངས་སྲིད་གྲོས་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པས་ཚང་འཛོམས་གྲོས་ཚོགས་བསྡུས།

སྲིད་གྲོས་སྐབས་བཅུ་བཞི་པའི་རྒྱལ་ཡོངས་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པས་ཚེས26ཉིན་གྱི་སྔ་དྲོར་ཚང་འཛོམས་གྲོས་ཚོགས་བསྡུས་པ་དང་། རྒྱལ་ཡོངས་སྲིད་གྲོས་ཀྱི་རྒྱུན་ལས་ཨུ་ཡོན14ཡིས“རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི‘ལོ་ལྔའི་འཆར་འགོད་བཅོ་ལྔ་པའི’འཆར་འགོད་གཏན་འབེབས་བཟོ་རྒྱུར”དམིགས་ནས་གྲོས་ཚོགས་སྟེང་གཏམ་བཤད་གནང་། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ཨུ། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིང་གྲོས་ཚོགས་ལ་ཞུགས།

རྒྱུན་ལས་ཨུ་ཡོན་ཝང་གོ་ཧྲིན་གྱིས་ཡུལ་བབ་དང་བསྟུན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་རྒྱུ་དེ་སྔར་བས་མངོན་གསལ་དོད་པའི་འཐབ་ཇུས་གོ་གནས་སུ་འཇོག་པ་དང་། ཁྱོན་ཡོངས་ནས་ནང་མཁོ་རྒྱ་སྐྱེད་གཏོང་རྒྱུ་དེ་འཆར་འགོད་འཐབ་ཇུས་སྒྲིག་བཟོའི་གཞི་གནས་སུ་བཞག་སྟེ། དུས་ཡུན་འབྲིང་རིང་གི་དམིགས་འབེན་དང་རྒྱང་རིང་གི་དམིགས་འབེན་གཅིག་གྱུར་འཆར་འགོད་དང་འབྲེལ་མཐུད་བཟང་པོ་བྱེད་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་མེའོ་ཝེ་ཡིས་གྲངས་འཛིན་དཔལ་འབྱོར་དང་དངོས་གཞིའི་དཔལ་འབྱོར་མཉམ་འདྲེས་གཏིང་ཟབ་ཡོང་བར་སྐུལ་འདེད་བཏང་ནས། ཐོན་ལས་རིག་ནུས་ཅན་གྱི་འཕེལ་རྒྱས་མྱུར་ཚད་ཇེ་མགྱོགས་སུ་གཏོང་དགོས་པ་བསྟན། རྒྱུན་ལས་ཨུ་ཡོན་མཱ་ཅཱན་ཐཱང་གི་ཐབས་མང་མཉམ་སྤྱོད་ཀྱིས་འཛད་སྤྱོད་ནུས་པ་ཆེ་རུ་གཏོང་བ་དང་། འཛད་སྤྱོད་ཀྱི་འདུན་པ་ཇེ་དྲག་ཏུ་གཏོང་བ། འཛད་སྤྱོད་ཀྱི་རྣམ་པ་རྒྱ་བསྐྱེད་པ་དང་། འཛད་སྤྱོད་ཀྱི་མཁོ་སྤྲོད་རྒྱ་ཇེ་ཆེར་བཏང་ནས། ནང་མཁོའི་མ་ལག་ཆ་ཚང་ཅིག་སྐྱེད་སྲིང་བྱེད་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ཝང་ཀྲི་ཀང་གིས་གདོད་མའི་གསར་གཏོད་རང་བཞིན་དང་རྩ་སློག་རང་བཞིན་གྱི་ཚན་རྩལ་གསར་གཏོད་ནུས་པ་ཇེ་མཐོར་བཏང་སྟེ། 　ཚན་རྩལ་འགག་སྒྲོལ་ལ་བརྟེན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་འགྲོ་བར་སྒུལ་ཤུགས་ཆེན་པོ་འདོན་སྤྲོད་བྱེད་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ཁྲིན་ཆོན་གྱིས་རིམ་པ་སོ་སོ་དང་རིགས་སོ་སོའི་སློབ་གསོའི་གཞི་ཁྱོན་དང་། རིགས་དབྱེ། རིམ་པ་གྲུབ་ཚུལ་གྱི་གཅིག་གྱུར་འཆར་འགོད་ལེགས་བསྒྱུར་དང་འགུལ་རྣམ་སྙོམས་སྒྲིག་ལ་སྐུལ་འདེད་བཏང་སྟེ། དཔལ་འབྱོར་སྤྱི་ཚོགས་འཕེལ་རྒྱས་དང་རྒྱལ་ཁབ་ཀྱི་འཐབ་ཇུས་དགོས་མཁོ་དང་སྔར་ལས་མཐུན་པར་བྱ་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ཁུང་ལིན་ཀྲི་ཡིས་ཐའེ་ཝན་མནའ་འབྲེལ་ཀྲུང་དབྱང་གི་ཚབ་བྱས་ནས་གཏམ་བཤད་དེ།　 ཚན་རྩལ་གསར་གཏོད་སྲོག་ཤིང་སྒུལ་ཤུགས་བྱས་ཏེ། ཞིང་ལས་ཐོན་སྐྱེད་གཞི་རྒྱུའི་ནུས་མཐོའི་བསྐྱར་སྒྲིག་དང་ཐོན་ལས་ཀྱི་འཕོ་འགྱུར་ཟབ་མོར་སྐུལ་འདེད་དང་གྲོང་གསེབ་ཁྱོན་ཡོངས་ནས་དར་སྤེལ་གཏོང་བར་སྐུལ་འདེད་གཏོང་དགོས་པ་བསྟན། རྒྱུན་ལས་ཨུ་ཡོན་ཞའེ་རུའུ་ཡིས་རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་ཚབ་བྱས་ནས་གཏམ་བཤད་དེ། “ཁེ་ལས་ཁྲི་ཡིས་གྲོང་ཚོ་ཁྲི་དར་རྒྱས་གཏོང་བའི་འགུལ་སྐྱོད་ཟབ་སྤེལ་བྱས་ནས།　 དམངས་གཉེར་ཁེ་ལས་ལ་བཟོ་ཞིང་གྲོང་ཁྱེར་དང་གྲོང་གསེབ་ཀྱི་འཁོར་རྒྱུག་དང་། གྲོང་ཁྱེར་དང་གྲོང་གསེབ་ཐུན་མོང་དར་རྒྱས་ཡོང་བར་སྐུལ་འདེད་གཏོང་བའི་ཁྲོད་ནུས་པ་སྔར་ལས་ཆེ་བ་འདོན་སྤེལ་བྱེད་དུ་འཇུག་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ལིས་ཆོན་གྱིས་མི་རིགས་སོ་སོ་བར་གྱི་འགྲོ་འོང་ལོ་རྒྱུས་ཀྱི་དོན་དངོས་དང་གནའ་རྫས་རྟོག་ཞིབ་དངོས་པོ། རིག་གནས་ཤུལ་བཞག་བཅས་སྔར་བས་སྔོག་འདོན་དང་བེད་སྤྱད་དེ། ཀྲུང་ཧྭ་མི་རིགས་གཅིག་མཐུན་ཚོགས་པའི་ལོ་རྒྱུས་དང་ཀྲུང་ཧྭ་མི་རིགས་ཀྱི་སྣ་མང་གཞི་གཅིག་གི་གནས་སྟངས་ལ་ཞིབ་འཇུག་བྱ་རྒྱུར་ཤུགས་སྣོན་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ཁྲིན་ཡཱན་གྱིས་མི་དམངས་ལྟེ་བར་འཛིན་པའི་གསར་རྩོམ་གྱི་ཁྲིད་སྟོན་རྒྱུན་འཁྱོངས་བྱས་ནས། ཀྲུང་ཧྭའི་རིག་གནས་ཀྱི་གཙོ་གཟུགས་རང་བཞིན་ལ་ཤུགས་བསྣན་ཏེ། 　རིག་རྩལ་གསར་རྩོམ་དེ“ས་མཐོ”ནས“མཐོ་རིམ”དུ་བསྐྱོད་རྒྱུར་སྐུལ་འདེད་གཏོང་དགོས་པ་བཏོན། རྒྱུན་ལས་ཨུ་ཡོན་ལིན་དབྱི་ཧྥུ་ཡིས་ཏང་ཁག་གང་ལའང་མི་གཏོགས་པའི་མི་སྣའི་ཚབ་བྱས་ཏེ། མི་འབོར་གྱི་སྤུས་ཚད་མཐོ་བའི་འཕེལ་རྒྱས་ཀྱི་འདེགས་སྐྱོར་མ་ལག་བཙུགས་ནས། ཀྲུང་གོའི་ལུགས་ཀྱི་དེང་རབས་ཅན་ལ་རྒྱུན་མཐུད་ཆོག་པའི་སྒུལ་ནུས་སྩོལ་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ལིས་ཝུན་ཀྲང་གིས་སྤྱི་ཚོགས་བཅོས་སྐྱོང་མ་ལག་འཐུས་ཚང་དུ་གཏོང་བ་དང་། དུས་རབས་གསར་པའི“ཧྥིན་ཆའོ་ཉམས་མྱོང་”རྒྱུན་འཁྱོངས་དང་འཕེལ་རྒྱས་བཏང་སྟེ། མང་ཚོགས་ལ་ཞབས་འདེགས་ཞུ་བའི་ལས་དོན་ལེགས་པོར་བསྒྲུབ་པར་དམིགས་ནས། མི་དམངས་ཀྱི་བདེ་འགོད་ལས་བརྩོན་དང་སྤྱི་ཚོགས་བརྟན་ལྷིང་རིམ་ལྡན་ལ་འགན་སྲུང་བྱེད་དགོས་པ་བསྟན། རྒྱུན་ལས་ཨུ་ཡོན་ཝང་ཅིན་ནན་གྱིས་བཟོ་ཞིང་ཏང་ཀྲུང་དབྱང་གི་ཚབ་བྱས་ནས་གཏམ་བཤད་དེ། ཆུ་ཚད་མཐོ་བའི་སྲུང་སྐྱོང་ཀྱིས་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་བྱ་རྒྱུ་རྒྱུན་འཁྱོངས་བྱས་ནས། མི་དང་རང་བྱུང་ཁམས་འཆམ་མཐུན་མཉམ་གནས་ཀྱི་མཛེས་པའི་ཀྲུང་གོ་ཁྱོན་ཡོངས་ནས་འཛུགས་སྐྲུན་བྱ་དགོས་པ་བཏོན། རྒྱུན་ལས་ཨུ་ཡོན་ཆཱན་ཀྲི་མིན་གྱིས་བསྐྱར་སྐྱེ་ཐོན་ཁུངས་ཕྱིར་བསྡུའི་ལམ་ལུགས་དང་ཁྲོམ་རའི་མ་ལག་འཐུས་ཚང་དུ་བཏང་ནས། རང་རྒྱལ་གྱི་ནུས་ཁུངས་ཐོན་ཁུངས་ཀྱི་འགན་སྲུང་ནུས་པ་ཇེ་ལེགས་སུ་གཏོང་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ཀྲང་པའེ་ཆིན་གྱིས་ཀྲི་གུང་ཏང་ཀྲུང་དབྱང་གི་ཚབ་བྱས་ནས་གཏམ་བཤད་དེ། “ཕྱིར་གཏོང”དང“ནང་འདྲེན”བྱེད་ཤུགས་ཆེ་རུ་བཏང་ནས། རང་བདག་གསར་གཏོད་དང་སྒོ་འབྱེད་གསར་གཏོད་ཀྱི་མཐུན་སྦྱོར་འཕེལ་རྒྱས་ཀྱི་རྣམ་པ་གསར་པ་འཛུགས་དགོས་པའི་གྲོས་གཞི་བཏོན།

རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་ཆིན་པའོ་ཡུང་གིས་ཚོགས་ཆེན་ལ་འགོ་འཛིན་གནང་།