ཝུའུ་ཞའོ་ཅུན་དང་ལུའོ་ཏུང་ཁྲོན་སི་ཁྲོན་ནས་མཚོ་སྔོན་བར་གྱི་ལྕགས་ལམ་གྱི་གཅན་ཚའི་རྨ་ཆུའི་ཟམ་ཆེན་ཐད་བསྐྱོད་ནས་བཀོད་གཏོང་རོགས་སྐྱོབ་བྱ་བར་མཛུབ་སྟོན་བྱས།

ཟླ8པའི་ཚེས22ཉིན་གྱི་ནམ་གུང་གི་ཆུ་ཚོད3དང་སྐར་མ10སྟེང་།  སི་ཁྲོན་དང་མཚོ་སྔོན་བར་གྱི་ལྕགས་ལམ་གྱི་གཅན་ཚའི་རྨ་ཆུའི་ཟམ་ཆེན་གྱི་རྣོ་ལྕགས་ཀྱི་སྒྲོག་ཐག་ཆད་ནས་མི་སྣར་ཤི་རྨས་བཟོས། དོན་རྐྱེན་བྱུང་རྗེས་ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཝུའུ་ཞའོ་ཅུན་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལུའོ་ཏུང་ཁྲོན་གྱིས་དུས་ཐོག་ཏུ་བརྙན་རིས་སྦྲེལ་ནས་རོགས་སྐྱོབ་བྱ་བར་ཞིབ་འཇུག་དང་བཀོད་སྒྲིག་བྱས་པ་དང་། ཕྱིས་སུ་ཡུལ་དངོས་ལ་སོང་ནས་ལས་ཡུལ་དང་པོའི་འཕྲལ་བསྟུན་ཐག་གཅོད་བྱ་བར་མཛུབ་སྟོན་བྱས། དུས་ཚོད་བཅོ་བརྒྱད་བར་དུ་མི་བཅུ་གཉིས་རྐྱེན་ལམ་དུ་ཤོར་བ་དང་མི་བཞི་གར་སོང་རྙེད་མེད། རོགས་སྐྱོབ་དང་འཕྲལ་བསྟུན་ཐག་གཅོད་བྱ་བ་སོ་སོ་བྲེལ་འཚུབ་ངང་སྤེལ་བཞིན་པའི་སྒང་ཡིན།

ཝུའ་ཞའོ་ཅུན་དང་ལུའོ་ཏུང་ཁྲོན་གཉིས་ཀྱིས་གོ་རིམ་རྗེས་མའི་བྱ་བར་བླང་བྱ་གསལ་བོ་བཏོན་ནས།   མི་སྣ་མྱུར་སྐྱོབ་བྱས་ཏེ་ཚེ་སྲོག་གི་རིན་ཐང་དང་པོར་འཇོག་པ་དང་། དུས་ཚོད་སྐར་ཆ་ཙམ་ཡང་བརྩོན་ལེན་བྱས་ནས་རོགས་སྐྱོབ་བྱ་བ་སྤེལ་དགོས་ལ། ནུས་ཤུགས་ཡོད་རྒུ་བཏོན་ནས་མི་སྣ་ཤི་རྨས་ཀྱི་ཚད་ཇེ་ཉུང་དུ་གཏང་དགོས། སྨན་བཅོས་རོགས་སྐྱོར་བྱ་བར་ཤུགས་ཆེན་པོ་རྒྱབ་ནས་རྨས་མ་མྱུར་སྐྱོབ་བྱེད་པའི་བྱ་བར་ནུས་པ་ཡོད་ཚད་འདོན་དགོས། ཁེ་ལས་ལ་གཞོག་འདེགས་བྱས་ནས་ཁྱིམ་མིའི་བདེ་འགོད་བྱ་བ་ལེགས་པར་བསྒྲུབ་དགོས་ལ། དགོས་ངེས་ཀྱི་འགན་སྲུང་འདོན་སྤྲོད་བྱ་དགོས་པ་དང་། རྗེས་འཇུག་བྱ་བ་གོ་རིམ་ལྡན་པའི་ངང་སྤེལ་བར་སྐུལ་འདེད་གཏོང་དགོས། ཐེངས་འདིའི་དོན་རྐྱེན་དེ་གསལ་བརྡ་ཐེངས་ཤིག་ལ་བལྟས་ནས་ཞིང་ཆེན་ཡོངས་ཀྱི་ཁྱབ་ཁོངས་ནས་བདེ་འཇགས་ཐོན་སྐྱེད་ཐད་གྲལ་བཤེར་བྱེད་པ་དང་བཅོས་སྐྱོང་བྱ་དགོས་ལ། ལྷག་པར་དུ་འཛུགས་སྐྲུན་ལས་ཡུལ་དང་ཀྲུང་དབྱང་ཁེ་ལས་ལས་གཞི་སོགས་གཙོ་གནད་ཁྱབ་ཁོངས་སུ་དོན་རྐྱེན་འདིའི་རིགས་འབྱུང་བར་སྔོན་འགོག་བྱ་དགོས།

ཀྲང་ཅིན་ཀང་དང་ཝུའུ་ལ་ཙི་པེ་ཁི་རིག་སུའུ་ལི་ཧན། ལི་ཧུང་ཡཱ་བཅས་དེའི་ཁྲོད་ཞུགས།

ཉིན་དེར་འཕྲལ་བསྟུན་དོ་དམ་སྡེ་ཁག་གི་བྱ་བའི་ཚན་ཆུང་ཡུལ་དངོས་ལ་འབྱོར་ནས་དོན་རྐྱེན་ཐད་ཀྱི་རོགས་སྐྱོབ་བྱ་བར་མཛུབ་སྟོན་བྱས།