ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ཕྱི་དོན་བྱ་བར་རྟོག་ཞིབ་བྱས།

ཉེ་ལམ།  ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་རྟོག་ཞིབ་ཚན་ཆུང་ཟི་ལིང་གྲོང་ཁྱེར་དུ་སོང་ནས་ཕྱི་དོན་བྱ་བར་ཆེད་དོན་རྟོག་ཞིབ་བྱས།

རྟོག་ཞིབ་ཚན་ཆུང་ཟི་ལིང་གྲོང་ཁྱེར་སྐྱེ་དངོས་གླིང་ཁུལ་ཕྱི་དངུལ་ཁེ་ལས་སོགས་སུ་སོང་ནས་ཞིང་ཆེན་ཁྲལ་དོན་ཐིན་དང་ཟི་ལིང་གྲོང་ཁྱེར་སྲིད་གཞུང་གིས་བྱ་བའི་གནས་ཚུལ་མཚམས་སྦྱོར་བྱས་པར་ཉན་པ་དང་།   རང་ཞིང་གི་སྒོ་འབྱེད་རང་བཞིན་གྱི་དཔལ་འབྱོར་འཕེལ་རྒྱས་དང་ཕྱི་དོན་ཞབས་ཞུ་སོགས་ཀྱི་གནས་ཚུལ་ལ་རྒྱུས་ལོན་ཞིབ་མོ་བྱས།

རྟོག་ཞིབ་ཚན་ཆུང་གིས་ས་གནས་ཕྱི་དོན་བྱ་བ་ནི་ཏང་དང་རྒྱལ་ཁབ་ཀྱི་ཕྱི་དོན་བྱ་བའི་གྲུབ་ཆ་གལ་ཆེན་ཞིག་ཡིན་པས།   གནས་བབ་ཆེན་པོའི་ཁ་ཕྱོགས་ལ་རྒྱུས་ལོན་ཡང་དག་བྱེད་པ་དང་།   རྒྱལ་ཁབ་ཀྱི་སྤྱིའི་ཕྱི་འབྲེལ་སྤྱི་ཡོངས་ལ་ཞབས་འདེགས་ཞུ་རྒྱུ་རྒྱུན་འཁྱོངས་བྱེད་པ།     ཏང་གི་ཕྱི་དོན་བྱ་བའི་འགོ་ཁྲིད་ལ་ཤུགས་སྣོན་པ།   ཏང་དང་རྒྱལ་ཁབ་ཀྱི་བྱ་བའི་སྤྱི་ཡོངས་དང་ཞིང་ཆེན་ཡོངས་འཕེལ་རྒྱས་ཀྱི་སྤྱི་ཡོངས་ལ་གཞིགས་ནས། ཕྱི་དོན་བྱ་བར་བསམ་གཞིགས་གཏོང་བ་དང་འཆར་འགོད་བྱེད་པ།    སྐུལ་འདེད་གཏོང་དགོས།  གསར་འབྱེད་གསར་གཏོད་བྱེད་ཕོད་པར་བྱས་ནས།    སྔར་ལས་རང་འགུལ་གྱི་ལོ་རྒྱུས་རང་རྟོགས་དང་སྔར་ལས་གསོན་ཤུགས་ལྡན་པའི་གསར་གཏོད་སྙིང་སྟོབས་ལ་བརྟེན་ཏེ།   མཚོ་སྔོན་གྱི་ཕྱི་དོན་བྱ་བའི་མིང་རྟགས་འབད་པས་བསྐྲུན་དགོས་ཞེས་བསྟན།

རྟོག་ཞིབ་ཚན་ཆུང་གིས་ཐུན་ཁུངས་གཅིག་གྱུར་ལེགས་སྒྲིག་བཟང་བོ་བྱས་ཏེ།    རྒྱུད་གཅིག་ལམ་གཅིག་འཛུགས་སྐྲུན་བྱེད་པར་དམིགས་ནས།    ཕྱོགས་སོ་སོའི་སྟོབས་ཤུགས་སྐུལ་སློང་བྱེད་པ་དང་།   ཕྱི་ཕྱོགས་མཉམ་ལས་བརྗེ་རེས་ཁྱབ་ཁོངས་རྒྱ་བསྐྱེད་པ།  རྒྱལ་ནང་དང་རྒྱལ་སྤྱིའི་འཁོར་སྐྱོད་ཆེན་པོ་གཉིས་ལ་སྐུལ་འདེད་གཏོང་བ་སོགས་བྱས་ཏེ་ཕྱི་ཕྱོགས་སྒོ་འབྱེད་དང་རྒྱལ་སྤྱིའི་མཉམ་ལས་གཏིང་ཟབ་ཏུ་སྤེལ་བ་སོགས་བྱེད་དགོས།  དེ་དང་མཉམ་དུ།   ཁྲིམས་སྐྱོང་བསམ་ཕྱོགས་བརྟན་པོར་བཙུགས་ནས་ཕྱི་འབྲེལ་ཁྱབ་ཁོངས་ཀྱི་ཁྲིམས་སྐྱོང་འཛུགས་སྐྲུན་ལ་ཤུགས་སྣོན་པ་དང་།   ཕྱི་འབྲེལ་དོ་དམ་ཞབས་ཞུའི་བྱ་བ་ཏན་ཏིག་གིས་བཟང་བོར་བསྒྲུབ་ནས།      རང་ཞིང་གི་ཕྱི་ཕྱོགས་སྒོ་འབྱེད་དང་དཔལ་འབྱོར་སྤྱི་ཚོགས་འཕེལ་རྒྱས་ཐད་སྔར་ལས་ཕན་ཡོད་ཀྱི་ཕྱི་ཕྱོགས་ཁོར་ཡུག་བསྐྲུན་དགོས།