སྨན་རྫས་གཉེར་སྐྱོང་གི་གོ་རིམ་ཁྲོད་ནས་ཁྲིམས་འགལ་སྒྲིག་འགལ་གྱི་ལས་ངན་བསགས་པའི་གྱོད་དཔེ་ལྔ་བསྒྲགས་པ།

མཚོ་སྔོན་གསར་འགྱར་དྲ་བའི་འཕྲིན། ཟླ8ཚེས18ཉིན། མཚོ་སྔོན་ཞིང་ཆེན་སྨན་རྫས་ལྟ་སྐུལ་དོ་དམ་ཅུས་ཀྱིས་བསྒྲགས་པའི་གནས་ཚུལ་ལ་གཞིགས་ན། སྨན་རྫས་གཉེར་སྐྱོང་གི་གོ་རིམ་ལ“འབྱུང་ཁུངས་གཙང་སྒྲིག”གི་བྱ་སྤྱོད་སྤེལ་བ་ནས་བཟུང་། མཚོ་སྔོན་ཞིང་ཆེན་གྱི་རིམ་པ་ཁག་གི་སྨན་རྫས་ལྟ་སྐུལ་དོ་དམ་སྡེ་ཁག་གིས་ཉེན་ཁ་དང་མངོན་མེད་རྐྱེན་ངན་ལ་ཕྱོགས་ཡོངས་ནས་ཞིབ་བཤེར་དང་། སྒྲིག་འགལ་ཁྲིམས་འགལ་བྱ་སྤྱོད་ལ་རྡུང་རྡེག་ནན་པོ་བཏང་སྟེ།   སྨན་རྫས་གཉེར་སྐྱོང་གི་གོ་རིམ་ནང་དུ་ཁྲིམས་འགལ་སྒྲིག་འགལ་གྱི་ལས་ངན་བསགས་པའི་གྱོད་གཞི་ཁག་ཅིག་ཁྲིམས་སྲོལ་བཞིན་ཐག་བཅད་ནས་མི་དམངས་མང་ཚོགས་ཀྱི་ལུས་ཁམས་བདེ་ཐང་དང་སྨན་རྫས་བདེ་འཇགས་ལ་འགན་ལེན་བྱས། ད་ལྟ་ཁྲིམས་འགལ་སྒྲིག་འགལ་གྱི་དཔེ་མཚོན་གྱོད་དཔེ་ལྔ་ཡོངས་ལ་བསྒྲགས་པ་འདི་ལྟར།  

　གྱོད་དཔེ་དང་པོ། མཱ་ཆེ་གེ་མོས་སྨན་རྫུན་ཐོན་སྐྱེད་བྱས་ནས་ཕྱིར་འཚོང་བའི་གྱོད་གཞི།
   གཞོང་ཐང་ཧུའེ་རིགས་ཧོར་རིགས་རང་སྐྱོང་རྫོང་ཁྲོམ་ར་ལྟ་སྐུལ་དོ་དམ་ཅུས་ཀྱིས་ཐེར་འདོན་ཀྱི་ཁུངས་སྣེ་གཞིར་བཟུང་ནས་ཞིབ་བཤེར་བྱས་པ་ན། མཱ་ཆེ་གེ་མོས་མགྱོགས་འཕྲིན་གྱི་བརྙན་ཐུང་བརྒྱུད་དེ་སྨན་བཅོས་ཀྱི་བྱེད་ནུས་ལྡན་པའི་གྱོད་འབྲེལ་ཐོན་རྫས་དྲིལ་སྒྲོག་བྱས་ཡོད་པ་མ་ཟད།  སྐད་འཕྲིན་བརྒྱུད་ནས་ཉོ་ཚོང་བྱས་ཡོད་པ་རེད། ཞིབ་བཤེར་བརྒྱུད་མཱ་ཆེ་གེ་མོས་བཙོང་པའི“风湿骨痛丸”“藏御风湿福音丹(藏御正品)”སོགས་ཀྱི་ཐོན་རྫས་ནང་རྫས་འགྱུར་སྨན་སྣ་ཀྱི་གྲུབ་ཆ་འདུ་ཡོད་པས། མཚོ་ཤར་གྲོང་ཁྱེར་ཁྲོམ་ར་ལྟ་སྐུལ་དོ་དམ་ཅུས་ཀྱིས་ཁྲིམས་ལྟར་སྨན་རྫུན་ཡིན་པར་ངོས་ཐག་བཅད་པ་རེད།

 ཞིབ་བཤེར་ཐག་གཅོད་ཀྱི་མཇུག་འབྲས། གྱོད་གཞི་དེའི་ཁུངས་སྣེ་གཞོང་ཐང་རྫོང་གི་སྤྱི་བདེ་ཅུས་ལ་ཞུ་སྐྱེལ་ཐོག  སྤྱི་བདེ་ལས་ཁུངས་ནས་གྱོད་དོན་ཐོ་འགོད་དང་རྩད་གཅོད་ཞིབ་བཤེར་བྱས། 

 གྱོད་དཔེ་གཉིས་པ། རྟ་ཐང་ཧུའེ་རིགས་ཧོར་རིགས་རང་སྐྱོང་རྫོང་གི་ཀྲུང་ལུགས་སྨན་ཁང་ག་གེ་མོས་སྤུས་མི་དག་པའི་སྨན་རྫས་རིགས་སྤྱད་པའི་གྱོད་གཞི།
   2025ལོའི་ཟླ2ཚེས20ཉིན་རྟ་ཐང་རྫོང་ཁྲོམ་ར་ལྟ་སྐུལ་དོ་དམ་ཅུས་ཀྱི་ཁྲིམས་འཛིན་མི་སྣས་རྟ་ཐང་རྫོང་གི་ཀྲུང་ལུགས་སྨན་ཁང་ཞིག་ལ་ས་གནས་ས་ཐོག་ཏུ་ལྟ་སྐུལ་ཞིབ་བཤེར་བྱས་པ་ན། དུས་ཡོལ་སྨན་རྫས苯溴马隆片སྒམ་ཆུང1དང་། 胆石通胶囊སྒམ་ཆུང3བཅས་རྙེད།  སྨན་རྫས་ལ་ཞིབ་བཤེར་བྱས་ཚེ། དོ་བདག་གིས་གོ་ཆོད་དུས་ཡུན་བརྒལ་བའི胆石通胶囊སྒམ་ཆུང66ནད་པར་སྤྱད་ཡོད་པ་རེད།
    ཞིབ་བཤེར་ཐག་གཅོད་ཀྱི་མཇུག་འབྲས། དོ་བདག་གི་བྱ་སྤྱོད་དེ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྨན་རྫས་དོ་དམ་བཅའ་ཁྲིམས》ཀྱི་འབྲེལ་ཡོད་གཏན་འབེབས་དང་འགལ་ཡོད་པས། ཁྲིམས་ལྟར་ཡོ་བསྲང་བྱེད་དགོས་པའི་བཀའ་ཕབ་པ་དང་། གྱོད་དོན་དང་འབྲེལ་བའི་དུས་ཡོལ་སྨན་རྫས་གཞུང་བཞེས་དང་། སྲིད་འཛིན་ནས་སྒོར་ཁྲི་གཉིས་ཀྱི་དངུལ་ཆད་བཅད།

 གྱོད་དཔེ་གསུམ་པ། ཟི་ལིང་གྲོང་ཁྱེར་ཧོང་ཀྲུང་ཆུས་ཀྱི་སྨན་ཁང་ཆེན་པོ་ཞིག་གིས་སྤུས་མི་དག་པའི་སྨན་རྫས་ཕྱིར་འཚོང་བྱས་པའི་གྱོད་གཞི།
   2025ལོའི་ཟླ་2ཚེས་17ཉིན་ཉིན་ཟི་ལིང་གྲོང་ཁྱེར་ཧོང་ཀྲུང་ཆུས་ཁྲོམ་ར་ལྟ་སྐུལ་དོ་དམ་ཅུས་ཀྱི་ཁྲིམས་འཛིན་མི་སྣས་ཧོང་ཀྲུང་ཆུས་ཀྱི་སྨན་ཁང་ཆེན་པོ་ཞིག་ལ་ལྟ་སྐུལ་ཞིབ་བཤེར་བྱེད་དུས་དུས་ཡོལ་གསོ་བྱེད་སྨན奥美拉唑肠溶胶囊སྒམ4རྙེད།
   ཞིབ་བཤེར་ཐག་གཅོད་ཀྱི་མཇུག་འབྲས། དོ་བདག་གི་བྱ་སྤྱོད་དེ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྨན་རྫས་དོ་དམ་བཅའ་ཁྲིམས》འབྲེལ་ཡོད་གཏན་འབེབས་དང་འགལ་ཡོད་པས། ཁྲིམས་ལྟར་ཡོ་བསྲང་བྱེད་དགོས་པའི་བཀའ་ཕབ་པ་དང་། གྱོད་དོན་དང་འབྲེལ་བ་ཡོད་པའི་དུས་ཡོལ་སྨན་རྫས་གཞུང་བཞེས་སུ་བཏང་བ་མ་ཟད། སྒོར་ཁྲི་བཞི་ཡི་སྲིད་འཛིན་དངུལ་ཆད་བཅད།

 གྱོད་དཔེ་བཞི་པ། གཞོང་ཐང་རྫོང་གི་སྨན་ཚོང་ཁང་ག་གེ་མོས་སྨན་ཐོ་གཞིར་མ་བཟུང་བར་སྨན་བཙོང་བ་དང་སྨན་སྦྱོར་མི་སྣས་ཞིབ་དཔྱད་ (ཞིབ་བཤེར་དཔྱད་འབེབས)མ་བརྒྱུད་པར་སྨན་བཙོང་བའི་གྱོད་གཞི།
   2024ལོའི་ཟླ11ཚེས27ཉིན་ཁྲིམས་འཛིན་མི་སྣས་གཞོང་ཐང་རྫོང་གི་སྨན་རྫས་སྒོ་རྩིས་ཚོང་ཁང་ག་གེ་མོར་ལྟ་སྐུལ་ཞིབ་བཤེར་བྱེད་དུས་ཚོང་ཁང་དེས་སྨན་སྦྱོར་ལས་སྣ་ལས་གནས་སུ་མེད་ཀྱང་སྨན་སྔར་བཞིན་འཚོང་བའི་གནས་ཚུལ་ཡོད་པ་མ་ཟད། སྨན་སྦྱོར་ལས་སྣ་བས་སྨན་གང་ཕྱིར་འཚོང་བ་ལ་ཞིབ་དཔྱད་བྱེད་ཀྱི་མི་འདུག
   ཞིབ་བཤེར་ཐག་གཅོད་ཀྱི་མཇག་འབྲས།  དོ་བདག་གིས་སྨན་ཐོ་ལྟར་སྨན་འཚོང་གི་མེད་པ་དང་།  སྨན་སྦྱོར་བས་ཞིབ་དཔྱད་མ་བྱས་པར་སྨན་ཕྱིར་འཚོང་བ་ལ། ཁྲིམས་འཛིན་མི་སྣས་དེ་ལ་ཡོ་བསྲང་བྱེད་དགོས་པའི་བཀའ་ཕབ་ཀྱང་བཀའ་དང་དུ་མི་ལེན་པར་མ་ཟད་ད་དུང་ཁྲིམས་འགལ་གྱི་བྱ་སྤྱོད་སྔར་བཞིན་སྤེལ་བས། 《སྨན་རྫས་གཉེར་སྐྱོང་དང་བཀོལ་སྤྱོད་ཀྱི་སྤུས་ཚད་ལྟ་སྐུལ་དོ་དམ་བྱེད་ཐབས》ཀྱི་འབྲེལ་ཡོད་གཏན་འབེབས་ལྟར་དུ་ཁྲིམས་བཞིན་དེ་ལ་སྲིད་འཛིན་ནས་སྒོར6000གི་དངུལ་ཆད་བཅད། 

 གྱོད་དཔེ་ལྔ་པ། མདོ་ལ་རྫོང་སྨན་བཅོས་ཁང་ག་གེ་མོ་ཞིག་གིས་སྤུས་མི་དག་པའི་སྨན་རྫས་བཀོལ་སྤྱོད་ཀྱི་གྱོད་གཞི།

 2025ལོའི་ཟླ་1ཚེས་16ཉིན་མདོ་ལ་རྫོང་གི་ཁྲོམ་ར་ལྟ་སྐུལ་དོ་དམ་ཅུས་ལ་ཞུ་གཏུག་ཁ་པར་འབྱོར་ནས་འདི་སྐད།  མདོ་ལ་རྫོང་གི་སྨན་ཁང་ག་གེ་མོས་འཚོང་བའི་བྱིས་པའི་ཆམ་སྨན小儿氨酚黄那敏颗粒ཡི་གོ་ཆོད་དུས་ཡུན2024ལོའི་ཟླ12ཚེས12བར་ཡིན་པས་སྨན་རྫས་ཀྱི་གོ་ཆོད་དུས་ཡུན་ལས་བརྒལ་ཚར་འདུག་ཅེས་ཞུ་གཏག་བྱས།  བརྟག་དཔྱད་བརྒྱུད། དོ་བདག་གིས་དུས་ཡོལ་སྨན་རྫས་ཕྱིར་འཚོང་བྱས་པ་ནི་དོན་དངོས་ཡིན་པ་ཁས་བླངས།
  ཞིབ་བཤེར་ཐག་གཅོད་ཀྱི་མཇུག་འབྲས། དོ་བདག་བྱ་སྤྱོད་དེ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྨན་རྫས་དོ་དམ་བཅའ་ཁྲིམས་》ཀྱི་འབྲེལ་ཡོད་གཏན་འབེབས་དང་འགལ་བས། ཁྲིམས་ལྟར་རང་སྐྱོན་ཡོ་བསྲང་བྱེད་དགོས་པའི་བཀའ་ཕབ་མ་ཟད། སྲིད་འཛིན་ནས་སྒོར་ཁྲི་གཉིས་ཀྱི་དངུལ་ཆད་བཅད་ཡོད་དོ། །