བློ་མཐུན་ཞི་ཅིན་ཕིང་གི《ཕྱོགས་ཡོངས་ནས་བཅོས་སྒྱུར་ཟབ་སྤེལ་རྒྱུན་འཁྱོངས་བྱ་རྒྱུའི་སྐོར་གླེང་བ》ཞེས་པའི་པོད་དང་པོ་དང་གཉིས་པ་པར་འགྲེམ་བྱས།

ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཡིག་ཚགས་ཞིབ་འཇུག་ཁང་གིས་རྩོམ་སྒྲིག་བྱས་པའི་བློ་མཐུན་ཞི་ཅིན་ཕིང་གི《ཕྱོགས་ཡོངས་ནས་བཅོས་སྒྱུར་ཟབ་སྤེལ་རྒྱུན་འཁྱོངས་བྱ་རྒྱུའི་སྐོར་གླེང་བ》ཞེས་པའི་པོད་དང་པོ་དང་གཉིས་པ་ཉེ་ལམ་ཀྲུང་དབྱང་ཡིག་ཚགས་དཔེ་སྐྲུན་ཁང་གིས་དཔེ་སྐྲུན་བྱས་ནས་རྒྱལ་ཡོངས་སུ་བཀྲམས།

ཆེད་དོན་རྩོམ་བཏུས་དེའི་ནང་གི་རྩོམ་ཡིག་རྣམས་དུས་ཚོད་ཀྱི་གོ་རིམ་ལྟར་བསྒྲིགས་ཡོད། 2018ལོའི་ཟླ12པར་པར་སྐྲུན་བྱས་པའི《ཕྱོགས་ཡོངས་ནས་བཅོས་སྒྱུར་ཟབ་སྤེལ་རྒྱུན་འཁྱོངས་བྱ་རྒྱུའི་སྐོར་གླེང་བ》ཞེས་པ་དེ་ཏང་ཀྲུང་དབྱང་གི་ཆོག་མཆན་ཐོབ་པ་བརྒྱུད་ཡར་བསྐྱར་པར་སྐྲུན་བྱས་ནས《ཕྱོགས་ཡོངས་ནས་བཅོས་སྒྱུར་ཟབ་སྤེལ་རྒྱུན་འཁྱོངས་བྱ་རྒྱུའི་སྐོར་གླེང་བ》ཞེས་པའི་པོད་དང་པོར་བསྒྱུར། དེའི་ནང་བློ་མཐུན་ཞི་ཅིན་ཕིང་གི2012ལོའི་ཟླ12པ་ནས2018ལོའི་ཟླ12པའི་བར་གྱི་ཕྱོགས་ཡོངས་ནས་བཅོས་སྒྱུར་ཟབ་སྤེལ་རྒྱུན་འཁྱོངས་བྱ་རྒྱུའི་སྐོར་གྱི་རྩོམ་ཡིག་གལ་ཆེན་དོན་གསུམ་བསྡུས་ཡོད། པོད་གཉིས་པའི་ནང་། བློ་མཐུན་ཞི་ཅིན་ཕིང་གི2019ལོའི་ཟླ1པོ་ནས2025ལོའི་ཟླ4པའི་བར་གྱི་ཕྱོགས་ཡོངས་ནས་བཅོས་སྒྱུར་ཟབ་སྤེལ་རྒྱུན་འཁྱོངས་བྱ་རྒྱུའི་སྐོར་གྱི་རྩོམ་ཡིག་གལ་ཆེན་གོ་གཉིས་བསྡུས་ཡོད་ལ། དེའི་ནང་གི་རྩོམ་ཡིག་ཁ་ཤས་ཐེངས་དང་པོར་ཡོངས་བསྒྲགས་བྱས་པ་རེད།

བཅོས་སྒྱུར་སྒོ་འབྱེད་ནི་ཏང་དང་མི་དམངས་ཀྱི་བྱ་གཞག་གོམ་སྟབས་ཆེན་པོས་དུས་རབས་ཀྱི་རྗེས་སུ་སྙེག་པའི་བྱེད་ཐབས་གལ་ཆེན་ཞིག་ཡིན། ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྟེང་། དུས་རབས་གསར་པར་ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱེད་པ་དང་བཅོས་སྒྱུར་གྱི་སྐྱོད་ལམ་གསར་པར་སྐུལ་འདེད་གཏོང་བར་མ་ལག་ལྡན་པའི་ཇུས་འགོད་བྱེད་འགོ་བརྩམས་ཏེ།  རང་རྒྱལ་གྱི་བཅོས་སྒྱུར་སྒོ་འབྱེད་ཀྱི་རྣམ་པ་གསར་པ་བཏོད་པས།  དུས་རབས་དབྱེ་བའི་དོན་སྙིང་ལྡན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པས་སྔར་ལས་ལྷག་པའི་སྒོ་ནས་ཕྱོགས་ཡོངས་ནས་བཅོས་སྒྱུར་ཟབ་སྤེལ་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བར་མ་ལག་ལྡན་པའི་ཇུས་འགོད་བྱས་ཏེ། ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱ་རྒྱུ་དེ་རྒྱ་ཆེ་ཞིང་གཏིང་ཟབ་ཏུ་སྤེལ་བར་སྐུལ་འདེད་བཏང་།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐུ་དངོས་སུ་ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱེད་པའི་ལས་དོན་ལ་སྣེ་ཁྲིད་དང་བཀོད་སྒྲིག　 སྐུལ་འདེད་བཏང་སྟེ།  ཚན་རིག་དང་མཐུན་པའི་སྒོ་ནས་ལོ་རྒྱུས་ཀྱི་ཉམས་མྱོང་སྤྱི་སྡོམ་དང་བཅོས་སྒྱུར་ཀྱི་ཆོས་ཉིད་ལ་རྒྱུས་ལོན་ཟབ་མོ་བྱས་ཤིང་། མར་ཁེ་སི་རིང་ལུགས་ཀྱི་ལངས་ཕྱོགས་དང་ལྟ་བ། 　 བྱེད་ཐབས་བཅས་སྤྱད་དེ་གསར་གཏོད་རང་བཞིན་ལྡན་པའི་སྒོ་ནས་བསམ་བློ་གསར་པ་དང་ལྟ་བ་གསར་པ། ཆོད་གཏམ་གསར་པ་བཅས་རབ་དང་རིམ་པ་བཏོན་ནས། དུས་རབས་གསར་པར་ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱེད་དགོས་དོན་ཅི་ཡིན་པ་དང་།  ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱེད་པར་ཇི་ལྟར་སྐུལ་འདེད་གཏོང་དགོས་པ་སོགས་ཀྱི་གནད་དོན་གལ་ཆེན་ལ་ལན་གསལ་པོ་བཏབ་སྟེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པའི་ཆེས་ཕུན་སུམ་ཚོགས་ཤིང་ཆེས་གསོན་ཉམས་ལྡན་པ། གསར་གཏོད་རང་བཞིན་ལྡན་པའི་གྲུབ་ཆ་གལ་ཆེན་ཏུ་གྱུར་ཡོད་པས། སྔར་ལས་ལྷག་པའི་སྒོ་ནས་ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱེད་པ་དང་། ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་ལ་ཕྱོགས་ཡོངས་ནས་སྐུལ་འདེད་གཏོང་བར་མཛུབ་ཁྲིད་ཀྱི་དོན་སྙིང་གལ་ཆེན་ལྡན།