མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ8པའི་ཚེས14ཉིན་གྱི་ཕྱི་དྲོར། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཝུའུ་ཞའོ་ཅུན་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལུའོ་ཏུང་ཁྲོན་གྱིས་ཟི་ལིང་དུ2025ལོའི་ཧེ་ཀོང་ཐོན་ལས་སྐྱེ་ཁམས་མཉམ་ལས་རྩ་འཛུགས་ཀྱི་འགོ་ཁྲིད་པའི་ཚོགས་ཆེན་ལ་ཞུགས་པའི་ཁེ་ལས་ཀྱི་སྐུ་མགྲོན་དང་བཞུགས་མོལ་བྱས།
ཝུའུ་ཞའོ་ཅུན་དང་ལུའོ་ཏུང་ཁྲོན་གྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཚབ་བྱས་ཏེ་སྐུ་མགྲོན་རྣམས་ལ་སྤྲོ་སེམས་འཁོལ་བའི་ངང་དགའ་བསུ་ཞུས་པ་མ་ཟད། ཚོགས་ཆེན་ལེགས་འགྲུབ་འབྱུང་བའི་སྨོན་འདུན་ཞུས། ཁོ་ཚོས་བཤད་རྒྱུར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཐོག་མཐའ་བར་གསུམ་དུ་མཚོ་སྔོན་གྱི་བྱ་བར་ཧ་ཅང་མཐོང་ཆེན་གནང་བཞིན་པ་དང་། སྐྱེ་ཁམས་དཔལ་ཡོན་གྱི་མཐོ་ས་འཛུགས་སྐྲུན་དང་ཐོན་ལས་ཀྱི“གནས་བཞི”འཛུགས་སྐྲུན་བྱེད་པའི་འཕེལ་རྒྱས་ཀྱི་འཆར་འགོད་གནང་ཡོད། མཚོ་སྔོན་ནི་རྒྱལ་ཡོངས་ཀྱི་ལྗང་མདོག་རྩིས་གློག་མཐུན་སྦྱོར་འཕེལ་རྒྱས་ཀྱི་ཚོད་ལྟའི་ཞིང་ཆེན་དང་པོ་ཡིན་པའི་ཆ་ནས། ཡུལ་བབ་དང་བསྟུན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་རྒྱུར་འབད་བརྩོན་བྱས་ཏེ། ལྗང་མདོག་གློག་ཤུགས་དེ་ལྗང་མདོག་རྩིས་ནུས་སུ་བསྒྱུར་རྒྱུར་རྒྱུན་ཆད་མེད་པར་སྐུལ་འདེད་གཏོང་བཞིན་ཡོད། ཁེ་ལས་པ་རྣམས་མཚོ་སྔོན་དུ་ཡོང་བ་དང་མཚོ་སྔོན་ལ་རྒྱུས་ལོན་བྱེད་པ། མཚོ་སྔོན་ལ་མ་དངུལ་གཏོང་བ་བཅས་བྱས་ནས། རང་ངོས་ཀྱི་ལེགས་ཆ་བཏོན་ཏེ་མཚོ་སྔོན་གྱི་ལྗང་མདོག་རྩིས་གློག་མཐུན་སྦྱོར་དེ་ཐོན་ལས་འཕེལ་རྒྱས་ཁྲོད་ཟབ་ཞུགས་གཏིང་ཟབ་བྱེད་པ་དང་། ལག་གདང་སྦྲེལ་ནས་ཆུ་ཚད་སྔར་ལས་མཐོ་བའི་གཉིས་ཕན་མཉམ་རྒྱལ་ཡོང་བར་བྱེད་པའི་རེ་བ་ཡོད། མཚོ་སྔོན་གྱིས་སྔར་བཞིན་སྤུས་ལེགས་དང་ཕན་ནུས་ཆེ་ཞིང་སྟབས་བདེ་བའི་ཚོང་གཉེར་ཁོར་ཡུག་བསྐྲུན་རྒྱུ་ཡིན།
ཀྲུང་ཁི་ཧྲུའུ་ཀོང་གི་སྤྱི་འདོམས་ལིས་ཅུན་དང་ཙི་ཀོང་མ་རྐང་གི་རྐང་འཛིན་འགོ་གཙོ་ཡུས་དབྱིན་ཐའོ། ཧེ་ཀོང་ཆ་འཕྲིན་གྱི་སྤྱི་གཉེར་པ་ཧྲ་ཁྲའོ་ཆོན། ཧེ་ཀོང་ཐོན་ལས་སྐྱེ་ཁམས་མཉམ་ལས་རྩ་འཛུགས་ཀྱི་དྲུང་ཡིག་ཆེན་པོ་རིན་ཅིན་དབྱང་། ཀྲུང་ཁི་ཞིན་ཐུའུ་ཡི་སྤྱི་འདོམས་ཧྲའོ་ཙུང་ཡིའུ། ལང་ཁྲའོ་སྡེ་ཚོགས་ཀྱི་སྤྱི་འདོམས་གཞོན་པ་ཀུང་ཝེ་ཧྥིན། ཀྲུང་ཞིན་འཕྲིན་གཏོང་གི་སྤྱི་འདོམས་གཞོན་པ་ཧུའུ་ཞུའོ་མེ། ལེན་ཞང་སྡེ་ཚོགས་ཀྱི་སྤྱི་འདོམས་གཞོན་པ་ཅིན་ཞིན། ལེ་ཧྲིན་ཚན་རྩལ་གྱི་རྐང་འཛིན་འགོ་གཙོ་ལུའུ་ཁའེ་ལིན། ཨ་ལིས་སྤྲིན་གསར་སྤེལ་གྱི་སྤྱི་འདོམས་གཞོན་པ་མཱ་ཐའོ། ཧྲི་ལེན་ཏུང་ལིས་ཀྱི་རྐང་འཛིན་འགོ་གཙོ་དབྱང་ཁྲུན་ཧོས། ཀུང་དབྱིན་ཚན་རྩལ་གྱི་སྤྱི་གཉེར་པ་གཞོན་པ་ཁྲིན་ཧོས་སོགས་ཀྱིས་སྔ་རྗེས་སུ་གཏམ་བཤད་དེ། མཚོ་སྔོན་གྱིས་མི་ཐབས་རིག་ནུས་འཕེལ་རྒྱས་དུས་རབས་ཀྱི་གོ་སྐབས་དམ་འཛིན་བྱས་ནས། ནུས་ཁུངས་གཙང་མའི་ལེགས་ཆ་དེ་ལྗང་མདོག་རྩིས་ནུས་ཀྱི་ལེགས་ཆར་བསྒྱུར་སྟངས་ལ་ཚད་མཐོའི་གདེང་འཇོག་བྱས། ཚང་མས་མཚོ་སྔོན་གྱི་ལྗང་མདོག་རྩིས་ནུས་ཐོན་ལས་འཕེལ་རྒྱས་ཀྱི་མདུན་ལྗོངས་ཡངས་པ་དང་། ཧེ་ཀོང་ཐོན་ལས་སྐྱེ་ཁམས་མཉམ་ལས་རྩ་འཛུགས་ཁོངས་ཞུགས་ཁེ་ལས་ཀྱིས་མཚོ་སྔོན་དང་མཉམ་དུ་ཡིད་ཆེས་བརྟན་པོ་དང་དངོས་སྒྲུབ་དངོས་གཉེར་བྱས་ཏེ། ལྗང་མདོག་རྩིས་གློག་མཐུན་སྦྱོར་ཐོན་ལས་འཕེལ་རྒྱས་ཐད་ནུས་པ་ཆེན་པོ་བཏོན་ནས། དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱེད་པར་སྟོབས་ཤུགས་ཆེན་པོ་འབུལ་རྒྱུ་ཡིན་ཟེར།
ཝང་ཝེ་ཏུང་དང་ཀྲུའུ་ཞང་ཧྥུན་བཞུགས་མོལ་ལ་ཞུགས།
