མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཉེ་སྔོན། 2025ལོའི་རྒྱལ་ཁབ་རིམ་པའི་གཟུགས་མེད་ཤུལ་བཞག་རིག་གནས་ལས་རེབ་གོང་དྲུག་པའི་ཀླུ་རོལ་གྱི་སྐབས་དང་པོའི་འཁྲབ་སྟོན་བྱ་འགུལ་སྤེལ་ཏེ། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་གྱི་གྲོང་རྡལ་དང་ཡུལ་ཚོ་སོ་སོའི་འཁྲབ་སྟོན་རུ་ཁག22ཀྱི་མང་ཚོགས1900འཁྲབ་སྟོན་ཁྲོད་ཞུགས།
རེབ་གོང་དྲུག་པའི་ཀླུ་རོལ་ནི་ཐུན་རིན་གྲོང་ཁྱེར་གྱི་བོད་རིགས་དང་ཧོར་རིགས་མང་ཚོགས་ཀྱིས་སྤེལ་པའི་མཆོད་སྟོན་ཆེན་མོ་ཞིག་ཡིན་ལ། ད་ལྟའི་བར་དུ་ཧ་ལམ་ལོ་ངོ1400ལྷག་གི་ལོ་རྒྱུས་ལྡན། དེར་མཛད་སྒོ་དང་གླུ་གར། དམངས་ཁྲོད་ཀྱི་ཟློས་གར་འཁྲབ་སྟོན་གཞི་གཅིག་ཏུ་འདྲེས་པའི་དམངས་སྲོལ་རིན་གནས་ཤིག་ཡིན་སྐད། སྒྱུ་རྩལ་རིག་པ་དང་ཆོས་ལུགས་རིག་པ། མིའི་རིགས་རིག་པ། དམངས་སྲོལ་རིག་པ་དང་རིག་གནས་རིག་པ་སོགས་ཀྱི་ཁྱབ་ཁོངས་སུ་ཞིབ་འཇུག་གི་རིན་ཐང་གལ་ཆེན་ལྡན་ངེས།
རེབ་གོང་དྲུག་པའི་ཀླུ་རོལ་དེ2006ལོར་རྒྱལ་སྲིད་སྤྱི་ཁྱབ་ཁང་གིས་ཆོག་མཆན་གནང་སྟེ་སྐོར་ཐེངས་དང་པོའི་རྒྱལ་ཁབ་རིམ་པའི་གཟུགས་མེད་ཤུལ་བཞག་རིག་གནས་ཀྱི་མིང་ཐོར་ཚུད་པ་རེད།
