མཚོ་སྔོན་གྱི་སྙི་བ་བསྟུད་མར་ལོ་གཉིས་ལ་རྒྱལ་ཕྱིར་འཚོང་བ།

མཚོ་སྔོན་གསར་འགྱུར་དྲ་བའི་འཕྲིན།  ང་ཚོའི་སྙི་བ་ནི川贝枇杷膏ཞེས་པའི་གློ་སྨན་གྱི་རྒྱུ་ཆ་ཡིན་པའི་ཆ་ནས་སྤུས་བཟང་ལ་སྨན་རྫས་ཀྱི་གྲུབ་ཆ་འདུས་ཚད་ཧ་ཅང་མཐོ་བས་ཁྲོམ་རའི་སྟེང་དགའ་བསུ་ཆེན་པོ་ཐོབ། མཚོ་འགག་གི་ལས་བཟོ་བ་ནམ་རྒྱུན་ང་ཚོའི་གམ་དུ་ཡོང་ནས་ང་ཚོར་སློབ་སྟོན་མཛད་ཅིང་། ང་ཚོར་གནད་དོན་ཐག་གཅོད་བྱེད་རོགས་སོགས་སྙི་བ་བདེ་བླག་ངང་ནས་མངའ་ཁོངས་ཕྱིར་བསྐྱོད་ཐུབ་པར་རམ་འདེགས་བྱེད་ཀྱི་ཡོད་ཅེས་མཚོ་སྔོན་ལུའི་ཁང་སྐྱེ་དངོས་གསར་སྤེལ་ཚད་ཡོད་ཀུང་སིའི་སྤྱི་གཉེར་བ་ཧྥུ་ཧྲའོ་པིན་གྱིས་དེ་སྐད་ཟེར།   ཟླ8ཚེས8ཉིན།  སྙི་བ་ཏུན1.5མཚོ་སྔོན་ཞིང་ཆེན་མཚོ་ཤར་གྲོང་ཁྱེར་ཧོར་གྲོང་ཧོར་རིགས་རང་སྐྱོང་རྫོང་གི་མཚོ་སྔོན་སྙི་བ་སྨན་རྩྭ་ཀུང་སི་ནས་ཐོན་སྐྱེད་བྱས་ཤིང་།  ད་ལྟ་ཀྲུང་གོའི་ཐའེ་ཝན་ས་ཁུལ་དུ་འབྱོར་ཡོད་པས།  མཚོ་སྔོན་སྙི་བ་བསྟུད་མར་ལོ་གཉིས་ལ“རྒྱ་མཚོ་ཆེན་པོ་བརྒལ”། 

མཚོ་སྔོན་ཧོར་གྲོང་རྫོང་ལིན་ཁྲུན་ཡུལ་ཚོའི་སྙི་བ་ནི་མཚོ་འཕགས་སྨི2600ཡན་གྱི་མཐོ་སྒང་དུ་སྐྱེས།  གནས་དེར་མཚོ་འཕགས་མཐོ་ཞིང་ཁ་དབུགས་བསིལ་བས་བསིལ་གྲང་ལ་དགའ་ཞིང་གྲང་ངག་བཟོད་ཐུབ་པ།  མི་མངོན་པའི་སར་སྐྱེས་ལ་དགའ་བའི་སྙི་བའི་གཤིས་དང་ཧ་ཅང་འཚམ།   མཚོ་སྔོན་གྱི་ཁྱད་ལྡན་ཐོན་རྫས་རྒྱལ་ཕྱིར་ཕྱིར་འཚོང་ལ་རྒྱབ་སྐྱོར་བྱ་ཆེད།   ཟི་ལིང་མཚོ་འགག་གིས“མཚོ་འགག་དཔོན་གྱིས་སྲིད་ཇུས་སྒོ་ཁར་བསྐྱལ”ཞེས་པ་ལ་སོགས་པའི་བྱེད་སྒོར་གཞི་བཅོལ་ཏེ།   ཁེ་ལས་ལ་ནད་ཡམས་ཞིབ་བཤེར་ལྟ་སྐུལ་དོ་དམ་དང་། འགག་སྒོ་འགྲོ་འོང་ལ་སོགས་ཀྱི་སྲིད་ཇུས་ཀྱི་གཏན་འབེབས་དག་སྒྲོག་འགྲེལ་བྱས་པ་མ་ཟད།  མཚོ་འགག་གིས་ཁེ་ལས་ལ་ཞབས་ཞུ་བསྒྲུབ་པའི་སྒྲིག་སྲོལ་ལམ་ལུགས་བཙུགས་ཏེ།  ཁེ་ལས་ཀྱི་ཐོན་རྫས་ཕྱིར་གཏོང་བྱེད་པའི་གོ་རིམ་ཧྲིལ་བོར་རྗེས་འདེད་བྱས་ནས་ཕྱིར་གཏོང་གི་གནད་དོན་དུས་ཐོག་ཏུ་ཐག་གཅོད་དང་།   ཁེ་ལས་ཀྱིས་མངག་ཉོ་བྱས་པའི་ཐོན་རྫས་དག་བདེ་བླག་ངང་ནས་ཕྱིར་གཏོང་བ་ལ་རམ་འདེགས་བྱས།    སླད་ཕྱིན་ཟི་ལིང་མཚོ་འགག་གིས་ཞབས་ཞུ་ལེགས་སྒྱུར་སྔར་ལས་ལྷག་པ་བྱས་ཏེ་འགག་སྒོ་ནས་ཤར་སྐྱོད་ཐུབ་པའི་ཕན་འབྲས་ཇེ་མཐོར་བཏང་ནས་མཚོ་སྔོན་གྱི་སྤུས་ལེགས་ཐོན་རྫས་སྔར་ལས་མང་པོ་ཞིག་རྒྱལ་ཁབ་ཕྱིར་བསྐྱོད་པར་རམ་འདེགས་བྱ་འཆར་ཡོད་དོ།།