ད་ལོའི་སྟོན་ཀར་འཛིན་གྲྭ་ཆེ་གྲས་ཀྱི་བྱིས་གཉོར་ཁང་གི་སློབ་མ་བྱེ་བ་གཅིག་ས་ཡ་གཉིས་ཙམ་གྱི་བདག་སྐྱོང་སློབ་གསོའི་གྲོན་དངུལ་སྤྲོད་མི་དགོས་པར་བྱས།

རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་སྒྲུབ་ཁང་གིས་ཟླ8པའི་ཚེས7ཉིན་སྲིད་ཇུས་ཀྱི་འཆར་ཅན་བརྡ་གཏོང་ཚོགས་འདུ་བསྡུས་ཤིང་། ནོར་སྲིད་པུའུ་དང་སློབ་གསོ་པུའུ་ཡིས་སློབ་སྔོན་སློབ་གསོར་སློབ་རིན་སྤྲོད་མི་དགོས་པའི་སྲིད་ཇུས་ཀྱི་འབྲེལ་ཡོད་གནས་ཚུལ་ངོ་སྤྲོད་བྱས།

ནོར་སྲིད་པུའུ་ཡི་འབྲེལ་ཡོད་འགན་འཁུར་པས་ངོ་སྤྲོད་ལྟར་ན། 2025ལོའི་སྟོན་དུས་ཀྱི་སློབ་སྐབས་ནས་བཟུང་། གཞུང་བཙུགས་བྱིས་གཉོར་ཁང་གི་སློབ་སྔོན་སློབ་གསོའི་ལོ་གཅིག་རིང་གི་བྱིས་གཉོར་ཁང་གི་བྱིས་པའི་བདག་སྐྱོང་སློབ་གསོའི་གྲོན་དངུལ་མེད་པར་བཟོ་རྒྱུ་རེད། སློབ་གསོ་སྡེ་ཁག་གི་ཆོག་མཆན་ཐོབ་ནས་བཙུགས་པའི་དམངས་གཉེར་བྱིས་གཉོར་ཁང་དུ་སློབ་སྦྱོང་བྱེད་ཀྱིན་པའི་སློབ་ལོ་རན་པའི་བྱིས་པས། ས་དེའི་རིགས་གཅིག་པའི་གཞུང་གཉེར་བྱིས་སྐྱོང་ཁང་གི་སློབ་རིན་མི་དགོས་པའི་ཆུ་ཚད་ལ་དཔེ་བལྟས་ཏེ། བདག་སྐྱོང་སློབ་གསོའི་གྲོན་དངུལ་བབ་མཚུངས་ཀྱིས་ཇེ་ཡང་དང་མེད་པར་གཏོང་རྒྱུ་ཡིན་ལ། ད་ལོའི་སྟོན་དུས་སུ་སྲིད་ཇུས་འདིས་སྔོན་དཔག་བྱས་ན་མི་བྱེ་བ་གཅིག་ས་ཡ་གཉིས་ཡས་མས་ལ་ཕན་ཁེ་བསྐྲུན་རྒྱུ་རེད།