ལོ་སྟོད་ལ་མཚོ་སྔོན་ཟི་ལིང་གྲོང་ཁྱེར་གྱི་གྲོང་གསེབ་ཡུལ་མིའི་ཡོང་འབབ་ཁག་བཞི་ཁྱོན་ཡོངས་ནས་འཕར་བ།

མཚོ་སྔོན་གསར་འགྱུར་དྲ་བའི་འཕྲིན། ལོ་སྟོད་ལ་ཟི་ལིང་གྲོང་ཁྱེར་གྱིས་དམངས་ཚིས་སྤུས་ཚད་ཇེ་མཐོར་གཏོང་པའི་འཕེལ་རྒྱས་ལ་སྐུལ་འདེད་བཏང་བས། གྲོང་གསེབ་ཀྱི་ཡུལ་མིའི་ཡོང་འབབ་མངོན་འགྱུར་བརྟན་པོའི་ངང་འཕར་བ་རེད། རྒྱལ་ཁབ་བསྡོམས་རྩིས་ཅུའུ་ཟི་ལིང་བརྟག་དཔྱད་རུ་ཁག་གི་གཞི་གྲངས་ལས་མངོན་པ་ལྟར་ན། ལོ་སྟོད་དུ་ཟི་ལིང་གྲོང་ཁྱེར་གྱི་གྲོང་གསེབ་ཡུལ་མིའི་མི་རེའི་ཆ་སྙོམས་ཡོང་འབབ་སྒོར8853ཡིན་པ་དང་། ལོ་སྔོན་མའི་དུས་མཉམ་ལས་སྒོར526གིས་མང་བ་དང་། 6.3%འཕར་ཡོད། འཕར་ཚད་རྒྱལ་ཡོངས་ཀྱི་བརྒྱ་ཆའི0.4ལས་མཐོ་བ་དང་། གྲོང་ཁྱེར་དང་གྲོང་རྡལ་གྱི་གྲོང་མིའི་ཡོང་འབབ་བརྒྱ་ཆའི2.0ལས་མཐོ་བ་རེད།

གྲོང་གསེབ་ཀྱི་ཡུལ་མིའི་ཡོང་འབབ་རྒྱུན་མཐུད་ངང་འཕར་བ།ལོ་སྟོད་ལ། ཟི་ལིང་གྲོང་ཁྱེར་གྱི་གྲོང་གསེབ་ཡུལ་མིའི་ཡོང་འབབ་ཁག་བཞི་ཁྱོན་ཡོངས་ནས་འཕར་བའི་རྣམ་པ་མངོན་ཡོད།ཡོང་འབབ་ཀྱི་ཡོང་ཁུངས་ལས། རྒྱལ་ཁབ་བསྡོམས་རྩིས་ཅུའུ་ཟི་ལིང་བརྟག་དཔྱད་རུ་ཁག་གི་གཞི་གྲངས་ལས་མངོན་པ་ལྟར་ན། ལོ་སྟོད་ལ་ཟི་ལིང་གྲོང་ཁྱེར་གྲོང་གསེབ་ཀྱི་ཡུལ་མི་རེའི་ཆ་སྙོམས་གླ་ཕོགས་རང་བཞིན་གྱི་ཡོང་འབབ་སྒོར6193ཡིན་པ་དེ་ལོ་གོང་མ་ལས་སྒོར348དང6.0%འཕར་ཡོད། སྤྱོད་འཐུས་ཡོང་འབབ་ནང་བཟུང་བའི་བསྡུར་ཚད70.0%ཡིན་པ་དང་། གླ་ཕོགས་རང་བཞིན་གྱི་ཡོང་འབབ་རྒྱུན་མཐུད་ཀྱིས་འཕར་སྣོན་ལ་སྐུལ་འདེད་ནུས་པ་བཏོན་ཡོད།  མི་རེའི་ཆ་སྙོམས་སྤོ་སྒྱུར་ཡོང་འབབ་སྒོར1389ཟིན་པ་དང་བརྒྱ་ཆའི4.3འཕར་ཞིང་། གྲོང་གསེབ་གྲོང་མིའི་ཡོང་འབབ་འཕར་རྒྱུར་ལེགས་སྐྱེས་ཕུལ་ཚད66.2%ཟིན་པ་དང་། སྤྱོད་འཐུས་ཡོང་འབབ་ནང་བཟུང་བའི་བསྡུར་ཚད་ཀྱིས་བརྒྱ་ཆའི15.7ཟིན། གྲོང་གསེབ་གྲོང་མིའི་ཡོང་འབབ་འཕར་རྒྱུར་ལེགས་སྐྱེས་ཕུལ་ཚད10.8%ཟིན་པས། ཡོང་འབབ་ཁེ་གཙང་སྤོ་སྒྱུར་བྱེད་རྒྱུ་དེ་འབབ་འཕར་གྱི་འདེགས་སྐྱོར་ཆེ་གྲས་གཉིས་པར་གྱུར། མི་རེའི་གཉེར་སྐྱོང་ཡོང་འབབ་སྒོར1144ཡིན་ཞིང་། དེ་ལོ་སྔོན་མ་ལས་སྒོར100དང་། 9.6%འཕར། སྤྱོད་འཐུས་ཡོང་འབབ་ནང་བཟུང་བའི་བསྡུར་ཚད12.9%ཟིན་པ། གྲོང་གསེབ་གྲོང་མིའི་ཡོང་འབབ་འཕར་རྒྱུར་ལེགས་སྐྱེས་ཕུལ་ཚད19.0%ཟིན་པ་དང་། གཉེར་སྐྱོང་ཡོང་འབབ་ཁེར་གཙང་རྒྱུན་སྲུང་རྒྱུན་འཁྱོངས་བརྟན་པོའི་ངང་འཕར་ཡོད། མི་རེའི་ཆ་སྙོམས་རྒྱུ་ནོར་ཀྱི་ཡོང་འབབ་སྒོར127ཡིན་པ་དང19.2%འཕར། སྤྱོད་འཐུས་ཡོང་འབབ་ནང་བཟུང་བའི་བསྡུར་ཚད1.4%ཟིན་པ་དང་། གྲོང་གསེབ་གྲོང་མིའི་ཡོང་འབབ་འཕར་རྒྱུར་ལེགས་སྐྱེས་ཕུལ་ཚད4.0%ཟིན། རྒྱུ་ནོར་གྱི་ཡོང་འབབ་ཁེ་གཙང་འཕར་ཚད་མངོན་གསལ་རེད།

རྒྱུ་རྐྱེན་སྣ་ཚོགས་ཀྱིས་གྲོང་གསེབ་གྲོང་མིའི་ཡོང་འབབ་འཕར་བར་སྐུལ་འདེད་བཏང་བ།

ལོ་སྟོད་དུ་ཟི་ལིང་གི་གྲོང་གསེབ་གྲོང་མིའི་ཡོང་འབབ་ཁག་བཞི་བརྟན་པོའི་ངང་འཕར་བར་རྒྱུ་རྐྱེན་གང་དག་གིས་སྐུལ་འདེད་བཏང་ཡོད་དམ་ཞེ་ན། རྒྱལ་ཁབ་བསྡོམས་རྩིས་ཅུའུ་ཟི་ལིང་བརྟག་དཔྱད་རུ་ཁག་གི་བརྟག་དཔྱད་ལྟར་ན། ད་ལོའི་ཚུན་དུ། ཟི་ལིང་གྲོང་ཁྱེར་གྱིས་ལོ་འཁོར་གྱི་ཞིང་པའི་འབབ་འཕར་དམིགས་ཚད་དང་ལས་འགན་ལ་དམིགས་ཏེ་ལས་ཞུགས་ཀྱི་སྐུལ་འདེད་ལམ་སྲོལ་ལ་རྒྱུན་ཆད་མེད་པར་ཤུགས་སྣོན་བརྒྱབ། “ཤར་ནུབ་ངལ་ལས་མཉམ་ལས་གདན་ཞུའི་ཚོགས་འདུ”དང“eལས་ཞུགས་ཐད་གཏོང་ལས་གནས་ཁྲིད”སོགས་ལས་ཞུགས་ཞབས་ཞུ་མུ་མཐུད་གཏིང་ཟབ་ཏུ་ཕྱིན་པ་དང་བསྟུན་ནས། “ཞ་ཏུའུ་བུ་གཉོར་མ”དང་“ཅང་ཡོན་ལག་བདེ་མ”སོགས་ཁྱད་ཆོས་ལྡན་པའི་ངལ་ལས་སྤུས་རྟགས་ཀྱིས་རིམ་བཞིན་ལས་ཞུགས་ཁྱབ་འགྱེད་དང་སྐུལ་ཁྲིད་བྱེད་ཀྱིན་ཡོད་པ་རེད། གྲོང་ཁྱེར་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུའུ་ཀྱི་གཞི་གྲངས་ལས་མངོན་པར། ལོ་སྟོད་དུ། གྲོང་གསེབ་ཀྱི་མི་ཁྲི29.39ལས་ཞུགས་བྱེད་ཐུབ་པ་དང་། ལས་རིགས་སྣ་ཚོགས་ཀྱི་ལས་ཤོར་མི་ཁྲི་1.28ལས་ཞུགས་ཐུབ་ཅིང་།ལས་ཞུགས་ཁ་གསབ་དང་སྤྱི་ཚོགས་འགན་སྲུང་གྲོན་དངུལ་ཇེ་དམའ་རུ་གཏོང་བ་སོགས་སྲིད་ཇུས་ཀྱི་ཁེ་སྤོགས་གློད་གཏོང་བྱས་ནས་ལས་ཞུགས་ཁ་གསབ་མ་དངུལ་སྒོར་དུང་ཕྱུར2.22བཏང་བ་རེད། དམངས་ཕན་སྲིད་ཇུས་ཁག་གི་ཕན་འབྲས་མངོན་གསལ་ཡིན་པ་སྟེ། 2025ལོར། གྲོང་ཁྱེར་དང་གྲོང་གསེབ་ཀྱི་གྲོང་མིའི་རྨང་གཞིའི་རྒན་གསོ་འགན་བཅོལ་ཚད་གཞི་དུས་མཚུངས་ལས་སྒོར20ཇེ་མཐོར་ཕྱིན་པ་རེད། ཞིང་ལས་སྟོབས་ལྡན་དང་ཞིང་ཕན་སྲིད་ཇུས་དོན་འཁྱོལ་བྱས་ཏེ། བརྒྱུད་བགྲོད་ཀྱི་ཞིང་ཁའི་ས་ནུས་སྲུང་སྐྱོང་ཁ་གསབ་དང་། རྨོ་ཞིང་ས་གཤིས་སྲུང་སྐྱོང་ཁ་གསབ་དང་། ཞིང་ལས་འཕྲུལ་ཆས་ཉོ་སྒྲུབ་ཁ་གསབ་དང་རྩྭ་ཐང་སྐྱེ་ཁམས་བྱ་དགའི་ཁ་གསབ་སོགས་བརྒྱུད་དེ་ཞིང་པའི་ཡོང་འབབ་འཕར་སྣོན་ལ་་སྐུལ་འདེད་ནུས་ལྡན་བཏང་བ་རེད། 

དེ་དང་ཆབས་ཅིག འབྲོག་ལས་ཀྱི་བྱ་དགའི་ཁ་གསབ་སྲིད་ཇུས་ལ་ཤུགས་བསྣན་པ་དང་། སྐམས་ཤ་དང་ལུག་ཤའི་རིན་གོང་ཇེ་མཐོར་བཏང་ནས་གསོ་སྤེལ་དུད་ཚང་གི་ཁ་གསབ་དང་ཕྱིར་གཏོང་དགོས་མཁོ་ཆེ་རུ་འགྲོ་བར་སྐུལ་ཁྲིད་བྱས་ཤིང་། གྲང་ཚལ་སོགས་ཞིང་ལས་ཐོན་རྫས་གཙོ་བོའི་རིན་གོང་གཞི་རྩའི་ཆ་ནས་བརྟན་པོ་ཡིན་པ། ཡུལ་སྐོར་ལས་རིགས་སླར་གསོ་ཤུགས་ཆེན་བྱུང་ནས་ཐོན་ལས་གསུམ་པ་རྒྱུན་མཐུད་སྒོས་ཇེ་ལེགས་སུ་འགྲོ་བར་སྐུལ་འདེད་བཏང་བ་དང་། སྤྲོ་གསེང་འདུ་ར་དང་། དམངས་སྲོལ། སྟབས་བདེའི་ཚོང་ཁང་། སྤྲོ་སྐྱིད་ཁང་། སྦྲ་གུར་མགྲོན་ཁང་སོགས་ཞག་སྡོད་དང་བཟའ་བཏུང་། དེ་བཞིན་སྡེབ་ཚོང་དང་སིལ་ཚོང་སོགས་ཀྱི་ཡོང་འབབ་འཕར་བ་དང་། མཐའ་འཁོར་གྲོང་གསེབ་གྲོང་མིའི་གཉེར་སྐྱོང་ཡོང་འབབ་ལ་སྐུལ་འདེད་ནུས་ལྡན་བཏང་བ་རེད། གཞན་ཡང་། གྲོང་གསེབ་ཀྱི་ཡུལ་སྐོར་ལ་བརྟེན་ནས་གྲོང་མིའི་ཡོང་འབབ་འཕར་བར་སྐུལ་འདུད་ནུས་ལྡན་བཏང་བ་རེད།