མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཐོ་སྒང་གི་དབྱར་གཞུང་དུ། རི་ཆུའི་མཛེས་པས་ཡིད་དབང་འཕྲོག་ལ། དམག་དམངས་ཀྱི་སེམས་པ་གཅིག་ཏུ་འབྲེལ་ཡོད། ཀྲུང་གོ་མི་དམངས་བཅིངས་འགྲོལ་དམག་བཙུགས་ནས་ལོ་ངོ98འཁོར་ལ་ཉེ་བའི་སྐབས་སུ། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམག་ཁུལ་ཏང་ཨུའི་ཧྲུའུ་ཅི་ཝུའུ་ཞའོ་ཅུན་དང་། ཧྲིན་ཀྲང་། ཞིང་ཆེན་རྒྱལ་སྲུང་སྐུལ་སློང་ཨུ་ཡོན་ལྷན་ཁང་གི་ཀྲུའུ་རིན་ལུའོ་ཏུང་ཁྲོན། ལིའུ་ཆི་ཧྥན་བཅས་ཀྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་། ཞིང་ཆེན་ཡོངས་ཀྱི་རིགས་སོ་སོའི་མི་དམངས་བཅས་ཀྱི་ཚབ་བྱས་ནས་མཚོ་སྔོན་དུ་སྡོད་པའི་དམག་དཔུང་ལ་འཚམས་འདྲི་བྱས་ཏེ། མཚོ་སྔོན་དུ་སྡོད་པའི་མི་དམངས་བཅིངས་འགྲོལ་དམག་གི་བཀོད་འཐབ་པ་དང་། དྲག་ཆས་ཉེན་རྟོག་དམག་དཔུང་གི་དཔོན་དམག དམངས་དམག་གི་གྲ་སྒྲིག་མི་སྣ་བཅས་ལ་དུས་ཆེན་གྱི་ཁམས་འདྲི་བྱས་ཤིང་། དམག་དཔུང་གི་ལས་བྲལ་ལས་འཁྱུར་ངལ་གསོ་བྱས་པའི་ལས་བྱེད་མི་སྣ་དང་། ལས་བསྒྱུར་དམག་མི། གསར་བརྗེའི་དམག་མི་རྨས་མ་དང་དབང་བོ་སྐྱོན་ཅན་གྱི་དམག་མི། སྔོན་གཤེགས་དཔའ་བོའི་ཁྱིམ་མི་བཅས་ལ་ལྷག་བསམ་རྣམ་དག་གིས་འཚམས་འདྲི་ཞུས།
མཚོ་སྔོན་དུ་སྡོད་པའི་དམག་དཔུང་ག་གེ་མོ་རུ། ཝུའུ་ཞའོ་ཅུན་གྱིས་རིག་ཚན་སྦྱོང་བརྡར་བྱེད་སྟངས་ལ་བལྟས་པ་དང་། སློབ་སྦྱོང་བྱེད་ས་དང་ཉལ་ཁང་སོགས་སུ་སོང་ནས། དམག་དཔུང་འཛུགས་སྐྲུན་གྱི་གནས་ཚུལ་ལ་རྒྱུས་ལོན་བྱས་པ་དང་། ཚང་མའི་སློབ་སྦྱོང་དང་འཚོ་བའི་གནས་ཚུལ་དྲིས་པར་མ་ཟད། དམག་དཔུང་གི་དཔོན་དམག་གིས་དམར་པོའི་རྒྱུད་འཛིན་པའི་བརྒྱུད་རིམ་ཁྲོད་དམག་མིའི་བློ་སྦྱོང་ལ་ཤུགས་སྣོན་པ་དང་། དམག་སྦྱོང་དམག་གྲབས་ཁྲོད་དགེ་མཚན་འདོན་སྤེལ་བྱེད་པ། རྒྱུན་མཐུད་སློབ་སྦྱོང་ཁྲོད་ནུས་པ་ཇེ་ཆེར་བཏང་སྟེ། སྤྱོད་ཚུལ་ལེགས་པོ་དང་གྲུབ་འབྲས་བཟང་པོར་བརྟེན་ནས་དམག་དཔུང་གི་བྱ་བ་སྣ་ཚོགས་འཕེལ་རིམ་གསར་པ་དང་སྐས་རིམ་གསར་པར་སླེབས་པར་སྐུལ་འདེད་གཏོང་དགོས་པའི་སྐུལ་མ་བྱས། ཝུའུ་ཞའོ་ཅུན་གྱིས་མཚོ་སྔོན་དུ་སྡོད་པའི་དམག་དཔུང་གིས་བཅའ་སྡོད་བྱ་ཡུལ་དེ་རང་གི་ཕ་ཡུལ་ལ་བརྩི་བ་དང་ས་གནས་ཀྱི་མི་དམངས་རྣམས་རང་གི་གཉེན་ཉེར་བརྩིས་ནས། སྤུས་ཚད་མཐོ་བའི་སྒོ་ནས་དམག་དོན་ལས་འགན་ཡོངས་འགྲུབ་བྱས་པ་དང་མཉམ་དུ། མཐོ་ས་དང་གནས་བཞིའི་འཛུགས་སྐྲུན་ཁྲོད་ཧུར་ཐག་གིས་ཟབ་ཞུགས་བྱས་ཏེ། ས་གནས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ལ་རྒྱབ་སྐྱོར་བྱས་པ་དང་། ལྷག་པར་དུ་ཉེན་སྐྱོབ་རྒུད་སྐྱོབ་སོགས་ཀྱི་ཐད་ཚང་མའི་མདུན་གྲལ་དུ་བསྐྱོད་དེ། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་སྲུང་སྐྱོབ་བྱེད་པའི་འགོག་ར་བརྟན་པོ་བསྐྲུན་ཡོད། དམག་དཔུང་གི་དཔོན་དམག་གིས་ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་དགོངས་པ་མཛུབ་ཁྲིད་དུ་བྱས་ནས། དམར་པོའི་རྒྱུད་འཛིན་པ་དང་། སྤྱོད་ཚུལ་ལེགས་པོ་སྲུང་འཛིན་བྱེད་པ། དམག་སྦྱོང་དམག་གྲབས་ལ་ཤུགས་བསྣན་ཏེ། དམག་དཔུང་འཛུགས་པའི་ལོ་བརྒྱའི་འབད་འཐབ་དམིགས་འབེན་དུས་ལྟར་མངོན་འགྱུར་བྱེད་པར་དམིགས་ནས་མདུན་དུ་བསྐྱོད་པའི་རེ་བ་བཅངས་ཡོད། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་དམག་བཀུར་ཁྱིམ་སྐྱོང་གི་སྲོལ་རྒྱུན་བཟང་པོ་དར་སྤེལ་གཏོང་བ་དང་། མཚོ་སྔོན་དུ་སྡོད་པའི་དམག་དཔུང་གི་འཛུགས་སྐྲུན་འཕེལ་རྒྱས་གཏོང་བར་སྔར་བཞིན་རྒྱབ་སྐྱོར་བྱས་ཏེ། ནུས་ཤུགས་ཡོད་རྒུས་ཞབས་ཞུ་འགན་སྲུང་ལེགས་པོར་བསྒྲུབ་པ་དང་། རྒྱ་ཆེའི་དམག་དཔུང་དང་དམག་མིའི་ཁྱིམ་མིའི་སེམས་ཁྲལ་ཐག་གཅོད་བྱས་ཤིང་། སྤྱི་ཚོགས་ཡོངས་སུ་དམག་བཀུར་དང་དམག་སྲུང་། དམག་གཅེས་བཅས་ཀྱི་སྣང་ཚུལ་ལེགས་པོ་བསྐྲུན་ནས། དུས་རབས་གསར་པའི་དམག་སྲིད་དམག་དམངས་མཐུན་སྒྲིལ་གྱི་ལེའུ་གསར་པ་མཉམ་དུ་འབྲི་རྒྱུ་ཡིན་ཞེས་བསྟན།
ལུའོ་ཏུང་ཁྲོན་དྲག་ཆས་ཉེན་རྟོག་མཚོ་སྔོན་སྤྱི་ཁྱབ་རུ་ཁག་སྐབས་བསྟུན་ཡན་ལག་རུ་ཁག་དང་པོར་སོང་ནས། སྔ་རྗེས་སུ་ཡན་ལག་རུ་ཁག་གི་ལོ་རྒྱུས་ཁང་དང་བཟོ་དམག་རུ་འབྲིང་། དམག་གྲབས་ཕྱོགས་བསྡུས་མཛོད་ཁང་བཅས་སུ་སོང་བ་དང་། ཡན་ལག་རུ་ཁག་གི་ལོ་རྒྱུས་འཕེལ་རིམ་དང་འཐབ་རྩོད་བརྒྱུད་རིམ། འཛུགས་སྐྲུན་འཕེལ་རྒྱས་སོགས་ཀྱི་གནས་ཚུལ་ལ་རྒྱུས་ལོན་ཞིབ་མོ་བྱས་ཏེ། དམག་དཔུང་གི་དཔོན་དམག་ལ་དུས་ཆེན་གྱི་རྟེན་འབྲེལ་ཞུས། ཁོས་སྲོལ་རྒྱུན་བཟང་པོ་དང་ངོ་མཚར་ལོ་རྒྱུས་ལྡན་པའི་དཔའ་བོའི་དམག་དཔུང་ཞིག་ཡིན་པའི་ཆ་ནས། དྲག་ཆས་ཉེན་རྟོག་མཚོ་སྔོན་སྤྱི་ཁྱབ་དམག་དཔུང་གི་ཡན་ལག་རུ་ཁག་དང་པོ་འཕྲལ་བསྟུན་ཉེན་སྲུང་དང་ཉེན་སྐྱོབ་རྒུད་སྐྱོབ་སོགས་བྲེལ་དཀའ་ཉེན་ལྕིའི་ལས་འགན་ཁྲོད་ཞུགས་ཏེ། མཚོ་སྔོན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་བར་བྱས་རྗེས་གལ་ཆེན་བཞག་ཡོད། མིག་སྔར། མཚོ་སྔོན་ཞིང་ཆེན་གྱི་གོང་འོག་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་དུ་རྟོག་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་བཞིན་ཡོད་ལ། སྟོབས་ཤུགས་གཅིག་སྡུད་སྒོས་སྐྱེ་ཁམས་དཔལ་ཡོན་གྱི་མཐོ་ས་བསྐྲུན་པ་དང་། ཐོན་ལས་ཀྱི་གནས་བཞི་མགྱོགས་མྱུར་ངང་འཛུགས་སྐྲུན་བྱས་ཏེ། ནུས་ཤུགས་ཡོད་རྒུས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་ལག་ལེན་མུ་མཐུད་དུ་མདུན་དུ་འཕེལ་རྒྱས་བྱེད་པར་སྐུལ་འདེད་གཏོང་བཞིན་ཡོད། དམག་དཔུང་གི་དཔོན་དམག་གིས་ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་དགོངས་པ་ལག་བསྟར་གཏིང་ཟབ་བྱེད་པ་དང་། ཆབ་སྲིད་ཀྱི་ཁྲིད་སྟོན་རྒྱུན་འཁྱོངས་བྱེད་པ། དམར་པོའི་གཞི་རྒྱུ་རྒྱུན་འཛིན་བྱེད་པ། ལས་འགན་ཁག་ཁུར་ཇེ་དྲག་ཏུ་གཏོང་བ་དང་། ནུས་པ་ཆེན་པོ་སྦྱོང་བརྡར་བྱས་ནས། ཏང་དང་མི་དམངས་སེམས་བདེ་བའི་དེང་རབས་ཅན་གྱི་མཐོ་སྒང་གི་དམག་དཔུང་སྟོབས་ལྡན་ཞིག་བྱེད་པའི་རེ་བ་བཅངས་ཡོད། དམག་དཔུང་དང་ས་གནས་ཀྱི་མཐུན་སྦྱོར་ལ་སྔར་ལས་ཤུགས་སྣོན་པ་དང་། སེམས་ཤུགས་ཡོད་རྒུས་དམག་དཔུང་དཔོན་དམག་གི་དངོས་དོན་སྒྲུབ་པ་དང་དཀའ་གནད་ཐག་གཅོད་བྱས་ཏེ། ས་གནས་ཀྱི་འཛུགས་སྐྲུན་ལ་རྒྱབ་སྐྱོར་དང་དེའི་ཁྲོད་ཟབ་ཞུགས་བྱེད་པ། གཉིས་བཀུར་མཉམ་སྐྲུན་མུ་མཐུད་དུ་ཟབ་སྤེལ་བྱེད་པ། དམག་སྲིད་དམག་དམངས་ཀྱི་མཐུན་སྒྲིལ་ཇེ་དམ་དུ་གཏོང་བ་དང་། དེང་རབས་ཅན་གྱི་མཚོ་སྔོན་གསར་པའི་འཛུགས་སྐྲུན་ལ་སྐུལ་འདེད་གཏོང་བའི་བརྒྱུད་རིམ་ཁྲོད་བསྟུད་མར་བྱས་རྗེས་གསར་པ་འཇོག་པ་དང་མཚར་སྡུག་གི་ལེའུ་འབྲི་དགོས་ཞེས་བསྟན།
ཀྲུའུ་ཞང་ཧྥིན་དང་དབྱང་ཀྲི་ཝུན་འབྲེལ་ཡོད་བྱེད་སྒོར་ཞུགས།
